ಫೋಟೋ ತೆಗೆದುಕೊಳ್ಳುವಾಗ ಹುಡುಗಿಯರು ನನ್ನ ಹತ್ತಿರ ಬರಲ್ಲ; ಬಹಿರಂಗ ವೇದಿಕೆಯಲ್ಲಿ ಖ್ಯಾತ ನಟನ ಮಾತು

ಫೋಟೋ ತೆಗೆದುಕೊಳ್ಳುವಾಗ ಹುಡುಗಿಯರು ನನ್ನ ಹತ್ತಿರ ಬರಲ್ಲ; ಬಹಿರಂಗ ವೇದಿಕೆಯಲ್ಲಿ ಖ್ಯಾತ ನಟನ ಮಾತು
ಯಶ್​ಪಾಲ್​ ಶರ್ಮಾ, ಕಪಿಲ್​ ಶರ್ಮಾ

The Kapil Sharma Show: ಖ್ಯಾತ ನಟರಾದ ಆಶಿಷ್​ ವಿದ್ಯಾರ್ಥಿ, ಮುಖೇಶ್​ ರಿಷಿ, ಅಭಿಮನ್ಯು ಸಿಂಗ್​, ಯಶ್​ಪಾಲ್ ಶರ್ಮಾ ಅವರು ‘ದಿ ಕಪಿಲ್​ ಶರ್ಮಾ ಶೋ’ಗೆ ಬಂದಿದ್ದಾರೆ. ಅದರ ಒಂದು ಪ್ರೋಮೋ ವೈರಲ್​ ಆಗಿದೆ.

TV9kannada Web Team

| Edited By: Madan Kumar

Apr 02, 2022 | 9:14 AM

ಬಾಲಿವುಡ್​ ಮಂದಿಗೆ ನಟ, ನಿರೂಪಕ ಕಪಿಲ್​ ಶರ್ಮಾ (Kapil Sharma) ಜೊತೆ ಒಂದು ಉತ್ತಮವಾದ ನಂಟು ಬೆಳೆದಿದೆ. ಹಲವು ವರ್ಷಗಳಿಂದ ಕಿರುತೆರೆಯ ಕಾರ್ಯಕ್ರಮಗಳನ್ನು ನಡೆಸಿಕೊಡುತ್ತಿರುವ ಕಪಿಲ್​ ಶರ್ಮಾ ಅವರು ದೇಶಾದ್ಯಂತ ಮನೆ ಮಾತಾಗಿದ್ದಾರೆ. ಅವರ ಕಾರ್ಯಕ್ರಮಕ್ಕೆ ಹಿಂದಿ ಚಿತ್ರರಂಗದ ಬಹುತೇಕ ಎಲ್ಲ ಸೆಲೆಬ್ರಿಟಿಗಳು ಬಂದುಹೋಗಿದ್ದಾರೆ. ಯಾವುದೇ ಹೊಸ ಸಿನಿಮಾ ಬಿಡುಗಡೆ ಆಗುತ್ತಿದ್ದರೂ ಕೂಡ ಪ್ರಚಾರಕ್ಕಾಗಿ ‘ದಿ ಕಪಿಲ್​ ಶರ್ಮಾ ಶೋ’ಗೆ (The Kapil Sharma Show) ಬರುತ್ತಾರೆ ಚಿತ್ರತಂಡದವರು. ಅಷ್ಟರಮಟ್ಟಿಗೆ ಕಪಿಲ್​ ಶರ್ಮಾ ಫೇಮಸ್​. ಸಿನಿಮಾ ನಟನಾಗಿಯೂ ಅವರು ಅದೃಷ್ಟ ಪರೀಕ್ಷೆ ಮಾಡಿಕೊಂಡಿದ್ದುಂಟು. ವೈಯಕ್ತಿಕ ಕಾರಣಗಳಿಂದಲೂ ಕಪಿಲ್​ ಶರ್ಮಾ ಅವರು ಆಗಾಗ ಸುದ್ದಿ ಆಗುತ್ತಿರುತ್ತಾರೆ. ಸಾಮಾನ್ಯವಾಗಿ ಸಿನಿಮಾ ತಂಡಗಳನ್ನು ತಮ್ಮ ಶೋಗೆ ಆಹ್ವಾನಿಸುವ ಅವರು ಈ ಬಾರಿ ಒಂದು ಡಿಫರೆಂಟ್​ ಪ್ರಯತ್ನ ಮಾಡಿದ್ದಾರೆ. ಹಿಂದಿ ಚಿತ್ರರಂಗದ ಖ್ಯಾತ ಖಳ ನಟರನ್ನು ಒಂದೇ ವೇದಿಕೆಯಲ್ಲಿ ಸೇರಿಸಲಾಗಿದೆ. ಆಶಿಷ್​ ವಿದ್ಯಾರ್ಥಿ, ಮುಖೇಶ್​ ರಿಷಿ, ಅಭಿಮನ್ಯು ಸಿಂಗ್​, ಯಶ್​ಪಾಲ್ ಶರ್ಮಾ (Actor Yashpal Sharma) ಅವರನ್ನು ಆಹ್ವಾನಿಸಲಾಗಿದೆ. ಇವರೆಲ್ಲರೂ ಸೇರಿ ಒಂದಷ್ಟು ಮಾತುಗಳನ್ನು ಆಡಿದ್ದಾರೆ. ಅನೇಕ ವಿಚಾರಗಳನ್ನು ಪ್ರೇಕ್ಷಕರ ಎದುರು ಶೇರ್​​ ಮಾಡಿಕೊಂಡಿದ್ದಾರೆ. ಈ ವೇಳೆ ಯಶ್​ಪಾಲ್​ ಶರ್ಮಾ​ ಹೇಳಿದ ಒಂದು ಘಟನೆ ಸಖತ್​ ಫನ್ನಿ ಆಗಿದೆ.

ಸಿನಿಮಾದಲ್ಲಿ ವಿಲನ್​ ಆಗಿದ್ದರೂ ಕೂಡ ನಿಜ ಜೀವನದಲ್ಲಿ ತುಂಬ ಸೌಮ್ಯ ಸ್ವಭಾವ ಹೊಂದಿರುವ ಅನೇಕರು ಇದ್ದಾರೆ. ಆದರೆ ಜನರು ಅವರನ್ನು ನೋಡುವ ರೀತಿ ಬೇರೆ ಆಗಿರುತ್ತದೆ. ಸಾಮಾನ್ಯವಾಗಿ ತೆರೆಮೇಲಿನ ಪಾತ್ರದ ಜೊತೆಗೆ ನಟರನ್ನು ಹೋಲಿಕೆ ಮಾಡಲಾಗುತ್ತದೆ. ಅನೇಕ ಸಂದರ್ಭಗಳಲ್ಲಿ ಈ ಮಾತು ಸಾಬೀತಾಗಿದೆ. ನಟ ಯಶ್​ಪಾಲ್​ ಯಾಧವ್​ ಅವರಿಗೂ ಇದು ಅನುಭವಕ್ಕೆ ಬಂದಿದೆ. ಅದಕ್ಕೆ ಸಂಬಂಧಿಸಿದಂತೆ ಒಂದು ವಿಚಾರವನ್ನು ಅವರು ಹೇಳಿಕೊಂಡಿದ್ದಾರೆ.

‘ವಿಲನ್​ ಆಗಿ ನಟಿಸಿದ್ದಕ್ಕೆ ನಿಮಗೆ ಜೀವನದಲ್ಲಿ ಏನಾದರೂ ನಷ್ಟ ಆಗಿದೆಯೇ’ ಎಂದು ಕಪಿಲ್​ ಶರ್ಮಾ ಪ್ರಶ್ನೆ ಕೇಳಿದರು. ‘ಹೌದು, ದೊಡ್ಡ ನಷ್ಟ ಆಗಿದೆ. ಫೋಟೋ ತೆಗೆದುಕೊಳ್ಳುವಾಗ ಹುಡುಗಿಯರು ನನ್ನ ಹತ್ತಿರ ಬರಲ್ಲ. ತುಂಬ ದೂರ ನಿಂತುಕೊಳ್ಳುತ್ತಾರೆ’ ಎಂದು ಯಶ್​ಪಾಲ್​ ಶರ್ಮಾ ತಮಾಷೆ ಮಾಡಿದ್ದಾರೆ. ಅವರ ಮಾತು ಕೇಳಿ ಎಲ್ಲರೂ ಜೋರಾಗಿ ನಕ್ಕಿದ್ದಾರೆ.

ಈ ಪ್ರೋವೋವನ್ನು ಸೋನಿ ಟಿವಿ ತನ್ನ ಸೋಶಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದೆ. ಶನಿವಾರ (ಏ.2) ಮತ್ತು ಭಾನುವಾರ (ಏ.3) ಈ ಎಪಿಸೋಡ್​ ಪ್ರಸಾರ ಆಗಲಿದೆ. ನಟ ಆಶಿಷ್​ ವಿದ್ಯಾರ್ಥಿ ಅವರು ಸೋಶಿಯಲ್​ ಮೀಡಿಯಾದಲ್ಲಿ ಹೆಚ್ಚು ಆ್ಯಕ್ಟೀವ್​ ಆಗಿರುತ್ತಾರೆ. ದೇಶದ ಹಲವು ಕಡೆಗಳಲ್ಲಿ ಪ್ರವಾಸ ಮಾಡುವ ಅವರು ವಿವಿಧ ವಿಡಿಯೋಗಳನ್ನು ಹಂಚಿಕೊಳ್ಳುತ್ತಾರೆ. ತಾವು ಆಹಾರ ಸೇವಿಸುವ ಚಿಕ್ಕ-ಚಿಕ್ಕ ಹೋಟೆಲ್​ಗಳ ಬಗ್ಗೆಯೂ ಅವರು ಪ್ರಚಾರ ಮಾಡುತ್ತಾರೆ. ಆ ಕುರಿತಾಗಿಯೂ ಕಪಿಲ್​ ಶರ್ಮಾ ಕಾಲೆಳೆದಿದ್ದಾರೆ.

ಇಂದು (ಏ.2) ಕಪಿಲ್ ಶರ್ಮಾ ಜನ್ಮದಿನ. ಆ ಪ್ರಯುಕ್ತ ‘ದಿ ಕಪಿಲ್​ ಶರ್ಮಾ ಶೋ’ ವೇದಿಕೆಯಲ್ಲಿ ಬಾಲಿವುಡ್​ ಖಳನಟರ ಸಮ್ಮುಖದಲ್ಲಿ ಕೇಕ್​ ಕಟ್​ ಮಾಡಿ ಹುಟ್ಟುಹಬ್ಬ ಆಚರಣೆ ಮಾಡಲಾಗಿದೆ. ಆ ಪ್ರೋಮೋ ಕೂಡ ವೈರಲ್​ ಆಗಿದೆ.

ಹಲವು ಕಾರಣಗಳಿಂದ ಈ ಶೋ ಫೇಮಸ್​ ಆಗಿದೆ. ಕೆಲವೊಮ್ಮೆ ಇದರಿಂದ ವಿವಾದಗಳು ಕೂಡ ಹುಟ್ಟಿಕೊಂಡಿದ್ದುಂಟು. ‘ದಿ ಕಪಿಲ್​ ಶರ್ಮಾ ಶೋ’ ಕಾರ್ಯಕ್ರಮಕ್ಕೆ ವಿವೇಕ್​ ಅಗ್ನಿಹೋತ್ರಿ ನಿರ್ದೇಶನದ ‘ದಿ ಕಾಶ್ಮೀರ್​ ಫೈಲ್ಸ್​’ ಸಿನಿಮಾ ತಂಡವನ್ನು ಆಹ್ವಾನಿಸಿಲ್ಲ ಎಂಬ ಆರೋಪ ಇತ್ತೀಚೆಗೆ ಕೇಳಿಬಂದಿತ್ತು. ಈ ಸಿನಿಮಾ ಸೂಪರ್​ ಹಿಟ್​ ಆದ ಬಳಿಕ, ‘ಯಾವುದೇ ಸಿನಿಮಾದ ಪ್ರಚಾರಕ್ಕೆ ಈ ಶೋ ಅಗತ್ಯವೇನಿಲ್ಲ’ ಎನ್ನುವ ಮಾತು ಕೂಡ ಕೇಳಿಬಂತು.

ಇದನ್ನೂ ಓದಿ:

ಅಕ್ಕಿಗೆ ಕಪಿಲ್​ ಶರ್ಮಾ ನಂಬಿಕೆ ದ್ರೋಹ​; ‘ದಿ ಕಪಿಲ್​ ಶರ್ಮಾ ಶೋ’ ಬೈಕಾಟ್​ ಮಾಡಿದ ಅಕ್ಷಯ್​ ಕುಮಾರ್

ಕಪಿಲ್​ ಶರ್ಮಾ ಕುರಿತು ಬಯೋಪಿಕ್​; ಅಧಿಕೃತ ಘೋಷಣೆ ಮಾಡಿದ ಚಿತ್ರತಂಡ

Follow us on

Related Stories

Most Read Stories

Click on your DTH Provider to Add TV9 Kannada