ಬಿಗ್​ಬಾಸ್ ಮನೆಯಲ್ಲಿ ಹರ ಹರ ಮಹಾದೇವ: ಹೃದಯ ಗೆಲ್ಲಬಲ್ಲರೇ ವಿನಯ್?

ಬಿಗ್​ಬಾಸ್ (Bigg Boss) ಮನೆಗೆ ನಾಲ್ಕನೇ ಸ್ಪರ್ಧಿಯಾಗಿ ‘ಹರ ಹರ ಮಹಾದೇವ’ ಧಾರಾವಾಹಿ ನಟ ವಿನಯ್ ಗೌಡ ಮನೆ ಪ್ರವೇಶಿಸಿದ್ದಾರೆ. ‘ಹರ ಹರ ಮಹಾದೇವ’ ಧಾರಾವಾಹಿಯಲ್ಲಿ ಶಿವ ಪಾತ್ರಧಾರಿಯಾಗಿ ನಟಿಸಿರುವ ವಿನಯ್ ಅದ್ಧೂರಿಯಾಗಿ ಬಿಗ್​ಬಾಸ್ ಮನೆ ಪ್ರವೇಶಿಸಿದ್ದಾರೆ. ವಿಶೇಷವೆಂದರೆ ಸುರಸುಂದರ ಅವಿನಾಶ್ ಅವರು ನಾಲ್ಕನೇ ಸ್ಪರ್ಧಿ ಆಗಿದ್ದರು, ಆದರೆ ಅವರು ಕಡಿಮೆ ಮತ ಪಡೆದ ಕಾರಣ ಅವರನ್ನು ಮನೆಯ ಒಳಗೆ ಕಳಿಸಲಿಲ್ಲ. ಹಾಗಾಗಿ ನಾಲ್ಕನೇ ಸ್ಪರ್ಧಿಯಾಗಿ ವಿನಯ್ ಮನೆಗೆ ಎಂಟ್ರಿ ಪಡೆದರು. ಈ ರಿಯಾಲಿಟಿ ಶೋ ‘ಜಿಯೋ ಸಿನಿಮಾ’ ಒಟಿಟಿಯಲ್ಲಿ 24 ಗಂಟೆಯೂ ಉಚಿತವಾಗಿ ಪ್ರಸಾರ ಆಗಲಿದೆ.

ತಂದೆ-ತಾಯಿ ವಿಚ್ಛೇದನದಿಂದಾಗಿ ಮಾನಸಿಕ ಏರಿಳಿತಗಳ ಬಾಲ್ಯ ಕಳೆದ ವಿನಯ್, ತಂದೆ-ತಾಯಿಯ ಸಮಸ್ಯೆಯಿಂದಲೇ ಮನೆ ಬಿಟ್ಟು ಹೊರಬಂದು ಸ್ವತಂತ್ರ್ಯವಾಗಿ ಬದುಕಲು ಆರಂಭಿಸಿದರು. ಎಳವೆಯಿಂದಲೇ ಸವಾಲುಗಳನ್ನು ಎದುರಿಸುತ್ತಾ, ಭಿನ್ನ ಹಾದಿಯನ್ನು ತುಳಿಯುತ್ತಾ ಬಂದಿರುವ ವಿನಯ್ ಅವರಿಗೆ ಬಾಡಿಬಿಲ್ಡಿಂಗ್ ಬಹಳ ಮೆಚ್ಚಿನ ಹವ್ಯಾಸ.

ಇದನ್ನೂ ಓದಿ:ಹಿಂದಿ ಬಿಗ್​ಬಾಸ್ ಹೊಸ ಸೀಸನ್ ಘೋಷಣೆ: ಸಲ್ಮಾನ್ ಖಾನ್​ಗೆ ಬಿಡುವೇ ಇಲ್ಲ

‘ಹರ ಹರ ಮಹದೇವ್’ ಧಾರಾವಾಹಿಯಲ್ಲಿ ಶಿವನ ಪಾತ್ರಧಾರಿಯಾಗಿ ಕರ್ನಾಟಕದಲ್ಲಿ ಲಕ್ಷಾಂತರ ಮನ ಗೆದ್ದಿರುವ ವಿನಯ್​ಗೆ ಪ್ರಪಂಚವೆಂದರೆ ಅವರ 14 ವರ್ಷದ ಮಗ ಹಾಗೂ ಪತ್ನಿ ಇಬ್ಬರೇ. ತನ್ನ ಬಾಲ್ಯದಂತೆ ಮಗನ ಬಾಲ್ಯ ಆಗಬಾರದೆಂಬ ಕಾಳಜಿಯಿಂದ ಮಗನೊಟ್ಟಿಗೆ ಹೆಚ್ಚು ಸಮಯ ಕಳೆಯುತ್ತಾ, ಆರೋಗ್ಯಕರ ವಾತಾವರಣದಲ್ಲಿ ಮಗನನ್ನು ಬೆಳೆಸುತ್ತಿದ್ದಾರೆ.

View this post on Instagram

A post shared by Colors Kannada Official (@colorskannadaofficial)

ಅಂದಹಾಗೆ ವಿನಯ್​ಗೆ ಒಸಿಡಿ ಸಮಸ್ಯೆ ಇದೆ. ಅಂದರೆ ವಿನಯ್​ಗೆ ಎಲ್ಲವೂ ಶುಚಿಯಾಗಿರಬೇಕು. ಅದರಲ್ಲಿಯೂ ಬಾತ್​ರೂಂಗಳು ಕೊಳಕಾಗಿದ್ದರೆ, ವಾಸನೆ ಬರುವಂತಿದ್ದರೆ ವಿನಯ್​ ಸಹಿಸಲಾರರು. ಆದರೆ ಬಿಗ್​ಬಾಸ್​ನಲ್ಲಿ ಅದಕ್ಕೆ ವಿರುದ್ಧವಾಗಿ ನಡೆಯುತ್ತದೆ. ಅದರಲ್ಲಿಯೂ ಪುರುಷರ ಬಾತ್​ರೂಂ ಬಹಳ ಕೊಳಕಾಗಿರುತ್ತದೆ. ಬಾತ್​ರೂಂ ಏರಿಯಾ ಅಂತೂ ಕೊಳಕು ಬಟ್ಟೆಗಳಿಂದಲೇ ತುಂಬಿರುತ್ತದೆ. ಇದನ್ನು ವಿನಯ್ ಹೇಗೆ ಸಹಿಸಿಕೊಳ್ಳುತ್ತಾರೋ ನೋಡಬೇಕು. ಈವರೆಗೆ ನಮ್ರತಾ, ಸ್ನೇಹಿತ್ ಗೌಡ, ಈಶಾನಿ ಹಾಗೂ ನಾಲ್ಕನೇ ಸ್ಪರ್ಧಿಯಾಗಿ ವಿನಯ್ ಕಾಲಿಟ್ಟಿದ್ದಾರೆ.

ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 8:01 pm, Sun, 8 October 23