AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

‘ಕೌನ್ ಬನೇಗಾ ಕರೋಡ್​​ಪತಿ’ಯಲ್ಲಿ ಹಣ ಗೆದ್ದು ದೊಡ್ಡ ಸಾಲ ತೀರಿಸಿದ ಉದ್ಯಮಿ

ಕೆಬಿಸಿ 18ರ ಸ್ಪರ್ಧಿ ಸಾಂಗ್ಲಿಯ ಸಲೀಂ ಮೇಸ್ತ್ರಿ 25 ಲಕ್ಷ ರೂಪಾಯಿ ಗೆದ್ದು ಗಮನ ಸೆಳೆದಿದ್ದಾರೆ. ಪತ್ನಿಯ ಅನಾರೋಗ್ಯ, 14 ಲಕ್ಷ ರೂಪಾಯಿ ಸಾಲದ ಕಷ್ಟಗಳ ನಡುವೆಯೂ ಅವರು ಕೆಬಿಸಿಯಲ್ಲಿ ಸಾಹಸ ಮೆರೆದಿದ್ದಾರೆ. ಬಾಬ್ ಡಿಲನ್ ಪ್ರಶ್ನೆಗೆ ಆಟ ತೊರೆದರೂ, ಈ ಗೆಲುವಿನ ಹಣವು ಅವರ ಕುಟುಂಬದ ಕಣ್ಣೀರು ಒರೆಸಲು ನೆರವಾಗಲಿದೆ.

'ಕೌನ್ ಬನೇಗಾ ಕರೋಡ್​​ಪತಿ’ಯಲ್ಲಿ ಹಣ ಗೆದ್ದು ದೊಡ್ಡ ಸಾಲ ತೀರಿಸಿದ ಉದ್ಯಮಿ
ಕೌನ್​ ಬನೇಗಾ ಕರೋಡ್ಪತಿ
 ಶ್ರೀಲಕ್ಷ್ಮೀ ಎಚ್
| Edited By: |

Updated on: Sep 17, 2026 | 7:56 AM

Share

ಮುಖ್ಯಾಂಶಗಳು

  • ಪತ್ನಿಯ ಚಿಕಿತ್ಸೆಗೆ ಮನೆ ಮಾರಿದ್ದ ಸಲೀಂ
  • ಕೆಬಿಸಿಯಲ್ಲಿ ಬದಲಾಯಿತು ಬದುಕು
  • ಬಾಬ್ ಡಿಲನ್ ಕುರಿತ 50 ಲಕ್ಷ ರೂಪಾಯಿ ಪ್ರಶ್ನೆ 

ಅಮಿತಾಭ್ ಬಚ್ಚನ್ ನಿರೂಪಣೆಯ ‘ಕೌನ್ ಬನೇಗಾ ಕರೋಡ್​​ಪತಿ 18’ ಶೋನಲ್ಲಿ ಮಹಾರಾಷ್ಟ್ರದ ಸಾಂಗ್ಲಿ ಮೂಲದ ಸಲೀಂ ಮೇಸ್ತ್ರಿ 25 ಲಕ್ಷ ರೂಪಾಯಿ ಗೆದ್ದಿದ್ದಾರೆ. ಚಿಪ್ಸ್ ಮತ್ತು ವೇಫರ್ಸ್ ಉದ್ಯಮ ನಡೆಸುವ ಸಲೀಂ ಅವರ ಬದುಕು ಅತ್ಯಂತ ನೋವಿನಿಂದ ಕೂಡಿದೆ. ಸಾಲದ ಸುಳಿಯಲ್ಲಿ ಸಿಲುಕಿದ್ದ ಸಲೀಂ, ತಮ್ಮ ಧೈರ್ಯ ಮತ್ತು ಜ್ಞಾನದಿಂದ ಕೆಬಿಸಿ ವೇದಿಕೆಯಲ್ಲಿ ಕೋಟಿ ಗೆಲ್ಲುವ ಕನಸಿನತ್ತ ಸಾಗಿದ್ದರು.

ತಮ್ಮ ಪತ್ನಿಯ ಗಂಭೀರ ಅನಾರೋಗ್ಯದ ಕಾರಣ ಸಲೀಂ ತೀವ್ರ ಹಣಕಾಸಿನ ಸಂಕಷ್ಟ ಎದುರಿಸುತ್ತಿದ್ದರು. ಪತ್ನಿಯ ವೈದ್ಯಕೀಯ ವೆಚ್ಚಕ್ಕಾಗಿ ಅವರು ತಮ್ಮ ಸ್ವಂತ ಮನೆಯನ್ನೇ ಮಾರಾಟ ಮಾಡಬೇಕಾಯಿತು. ಕ್ಯಾಂಟೀನ್ ಉದ್ಯಮವೂ ಕೈತಪ್ಪಿ ಹೋಯಿತು. ಸಾಲದ ಹೊರೆ ಹೆಗಲೇರಿದಾಗ, ಅವರು ಮನೆಯಿಂದಲೇ ಸಣ್ಣ ಆಹಾರ ಪದಾರ್ಥಗಳ ವ್ಯಾಪಾರ ಆರಂಭಿಸಿದರು. ಪ್ರೀತಿಯ ಪತ್ನಿಯ ಆರೈಕೆ ಮಾಡುತ್ತಲೇ ಜೀವನ ಸಾಗಿಸುತ್ತಿದ್ದರು.

ಸಲೀಂ ಪ್ರಸ್ತುತ 14 ಲಕ್ಷ ರೂಪಾಯಿ ಸಾಲದ ಸುಳಿಯಲ್ಲಿದ್ದಾರೆ. ತಿಂಗಳಿಗೆ ಕೇವಲ 25,000 ರೂಪಾಯಿ ಆದಾಯ ಗಳಿಸುತ್ತಿದ್ದರು. ಅದರಲ್ಲಿ 13,000 ರೂಪಾಯಿ ಪತ್ನಿಯ ಚಿಕಿತ್ಸೆಗೆ ಖರ್ಚಾಗುತ್ತಿತ್ತು. ಇದರಿಂದಾಗಿ ಕಳೆದ 10 ವರ್ಷಗಳಿಂದ ಅವರ ಕುಟುಂಬ ಈದ್ ಹಬ್ಬವನ್ನೂ ಆಚರಿಸಿರಲಿಲ್ಲ. ಆದರೆ ಕೆಬಿಸಿಯಲ್ಲಿ ಗೆದ್ದ 25 ಲಕ್ಷ ರೂಪಾಯಿ ಹಣವು, ಅವರ ದೊಡ್ಡ ಸಾಲವನ್ನು ತೀರಿಸಲು ಸಹಕಾರಿಯಾಗಲಿದೆ.

ಆಟದ ವೇಳೆ ಸಲೀಂ 50 ಲಕ್ಷ ರೂಪಾಯಿಯ 14ನೇ ಪ್ರಶ್ನೆಯ ಹಂತ ತಲುಪಿದರು. ಅಮೆರಿಕದ ಪ್ರಸಿದ್ಧ ಗಾಯಕ ಬಾಬ್ ಡಿಲನ್ ಅವರ ಆಲ್ಬಂ ಮುಖಪುಟದಲ್ಲಿದ್ದ ಭಾರತೀಯ ಗಾಯಕ ಯಾರು ಎಂಬ ಪ್ರಶ್ನೆ ಎದುರಾಯಿತು. ಈ ಪ್ರಶ್ನೆಗೆ ಸರಿಯಾದ ಉತ್ತರ ‘ಪೂರ್ಣದಾಸ್ ಬೌಲ್’. ಆದರೆ ಸಲೀಂ ಅವರಿಗೆ ಉತ್ತರ ಖಚಿತವಿಲ್ಲದ ಕಾರಣ, ಆಟದಿಂದ ಹೊರನಡೆಯಲು ತೀರ್ಮಾನಿಸಿದರು.

ಇದನ್ನೂ ಓದಿ: ಅಭಿಷೇಕ್ ಅಭ್ಯಾಸ ವಿಚಿತ್ರ; ಮಗನ ರಹಸ್ಯ ಬಿಚ್ಚಿಟ್ಟ ಅಮಿತಾಭ್ ಬಚ್ಚನ್

ಅಮಿತಾಭ್ ಬಚ್ಚನ್ ಅವರು ಸಲೀಂ ಅವರ ಸಾಹಸಮಯ ಬದುಕಿಗೆ ಶುಭ ಹಾರೈಸಿದರು. 25 ಲಕ್ಷ ರೂಪಾಯಿ ಚೆಕ್‌ನೊಂದಿಗೆ ಸಲೀಂ ಸಂತಸದಿಂದ ಮನೆಗೆ ಮರಳಿದರು. ಸಂಕಷ್ಟದ ನಡುವೆಯೂ ಸಲೀಂ ಪತ್ನಿಗೆ ನೀಡಿದ ಪ್ರೀತಿ ಮತ್ತು ಕಾಳಜಿ ಪ್ರೇಕ್ಷಕರ ಮನ ಗೆದ್ದಿದೆ. ಈ ಗೆಲುವು ಅವರ ಕುಟುಂಬದ ಕಷ್ಟದ ದಿನಗಳನ್ನು ಕೊನೆಗಾಣಿಸಲಿದೆ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Follow Us
 ಶ್ರೀಲಕ್ಷ್ಮೀ ಎಚ್
ಶ್ರೀಲಕ್ಷ್ಮೀ ಎಚ್

ಪತ್ರಕರ್ತೆ ಆಗಬೇಕು ಅಂದುಕೊಂಡವಳು. ಮನೆಯವರ ಒತ್ತಾಯಕ್ಕೆ ಕಾಮರ್ಸ್ ತೆಗೆದುಕೊಂಡೆ. ಈಗ ಬ್ಯಾಂಕ್ ಎಕ್ಸಾಂಗಳನ್ನು ಬರೆಯುತ್ತಿದ್ದೇನೆ. ಸಮಯ ಸಿಕ್ಕಾಗ ಸುತ್ತಾಡುತ್ತೇನೆ. ಓದಿನ ಬಗ್ಗೆ ಅತೀವ ಆಸಕ್ತಿ. ರವಿ ಬೆಳಗೆರೆ, ತೇಜಸ್ವಿ ನೆಚ್ಚಿನವರು. ಅವರ ಪುಸ್ತಕಗಳನ್ನು ಮತ್ತೆ ಮತ್ತೆ ಓದುತ್ತೇನೆ. ಸಮಯ ಸಿಕ್ಕಾಗ ಪತ್ರಿಕೆಗಳಿಗೆ ಕಥೆಗಳನ್ನು ಬರೆಯುತ್ತೇನೆ. ಸಿನಿಮಾ ಬಗ್ಗೆ ಅತೀವ ಆಸಕ್ತಿ. ಈಗ ಫ್ರೀಲ್ಯಾನ್ಸಿಂಗ್ ಮಾಡುತ್ತಿದ್ದು, ಟಿವಿ9 ಕನ್ನಡದಲ್ಲಿಯೂ ಬರೆಯುತ್ತಿದ್ದೇನೆ.

Read More
ಯಲ್ಲಮ್ಮ ದೇಗುಲದ ಗೋಡೆ ಮೇಲೆ ಅಶ್ಲೀಲ ಚಿಹ್ನೆ ಬಿಡಿಸಿ ವಿಕೃತಿ
ಯಲ್ಲಮ್ಮ ದೇಗುಲದ ಗೋಡೆ ಮೇಲೆ ಅಶ್ಲೀಲ ಚಿಹ್ನೆ ಬಿಡಿಸಿ ವಿಕೃತಿ
ಶಿವಣ್ಣನ ಜೊತೆ ಶಬರಿಮಲೆಗೆ ಹೋದ ಘಟನೆ ನೆನಪಿಸಿಕೊಂಡ ಪ್ರೇಮ್ ಪುತ್ರಿ ಅಮೃತಾ
ಶಿವಣ್ಣನ ಜೊತೆ ಶಬರಿಮಲೆಗೆ ಹೋದ ಘಟನೆ ನೆನಪಿಸಿಕೊಂಡ ಪ್ರೇಮ್ ಪುತ್ರಿ ಅಮೃತಾ
ಚಿಕಿತ್ಸೆಗೆ 5 ಸಾವಿರ ರೂ. ಕಡಿಮೆ ಇದ್ದಿದ್ದಕ್ಕೆ ಮೊಬೈಲ್ ನೀಡುವಂತೆ ಒತ್ತಾಯ
ಚಿಕಿತ್ಸೆಗೆ 5 ಸಾವಿರ ರೂ. ಕಡಿಮೆ ಇದ್ದಿದ್ದಕ್ಕೆ ಮೊಬೈಲ್ ನೀಡುವಂತೆ ಒತ್ತಾಯ
ದೇವಸ್ಥಾನದೊಳಗೆ ಹೋಗದಂತೆ ನಿಖಿಲ್​​ಗೆ​​ ಅಡ್ಡಿ: ಕ್ಷಮೆಯಾಚಿಸಿದ ಕೈ ಮುಖಂಡ!
ದೇವಸ್ಥಾನದೊಳಗೆ ಹೋಗದಂತೆ ನಿಖಿಲ್​​ಗೆ​​ ಅಡ್ಡಿ: ಕ್ಷಮೆಯಾಚಿಸಿದ ಕೈ ಮುಖಂಡ!
‘ಪ್ರೇಮದ ಊರಲಿ’ ಸಿನಿಮಾದ ಯಶಸ್ಸಿನ ಬಗ್ಗೆ ರಂಗಾಯಣ ರಘು ಪತ್ನಿ ಮನದ ಮಾತು
‘ಪ್ರೇಮದ ಊರಲಿ’ ಸಿನಿಮಾದ ಯಶಸ್ಸಿನ ಬಗ್ಗೆ ರಂಗಾಯಣ ರಘು ಪತ್ನಿ ಮನದ ಮಾತು
ಮಂಜನನ್ನೇ ನಾಮಿನೇಟ್ ಮಾಡಿ ಸಗಣಿ ಸುರಿದ ‘ಮಂಜಿ’: ವಿಡಿಯೋ
ಮಂಜನನ್ನೇ ನಾಮಿನೇಟ್ ಮಾಡಿ ಸಗಣಿ ಸುರಿದ ‘ಮಂಜಿ’: ವಿಡಿಯೋ
RDPR ಪರೀಕ್ಷೆಯಲ್ಲಿ ಅಕ್ರಮ: ಪ್ರಿಯಾಂಕ್ ಖರ್ಗೆ ಮೇಲಿನ ಆರೋಪ ಕೆದಕಿದ ಇಡಿ
RDPR ಪರೀಕ್ಷೆಯಲ್ಲಿ ಅಕ್ರಮ: ಪ್ರಿಯಾಂಕ್ ಖರ್ಗೆ ಮೇಲಿನ ಆರೋಪ ಕೆದಕಿದ ಇಡಿ
ಬಿಎಂಟಿಸಿ ಬಸ್‌ಗಳಲ್ಲಿ ತಂಬಾಕು ಜಾಹೀರಾತು ನಿಷೇಧಕ್ಕೆ ಕ್ರಮ: ಖಾದರ್
ಬಿಎಂಟಿಸಿ ಬಸ್‌ಗಳಲ್ಲಿ ತಂಬಾಕು ಜಾಹೀರಾತು ನಿಷೇಧಕ್ಕೆ ಕ್ರಮ: ಖಾದರ್
ಮೀನು ರಪ್ತು ವಾಹನದಲ್ಲಿ ಸಾಗಿಸುತ್ತಿದ್ದ 35 ಲಕ್ಷ ಮೌಲ್ಯದ ಲಿಕ್ಕರ್​ ಜಪ್ತಿ
ಮೀನು ರಪ್ತು ವಾಹನದಲ್ಲಿ ಸಾಗಿಸುತ್ತಿದ್ದ 35 ಲಕ್ಷ ಮೌಲ್ಯದ ಲಿಕ್ಕರ್​ ಜಪ್ತಿ
ಕಾಂಗ್ರೆಸ್ ನಾಯಕರ ವೈಯಕ್ತಿಕ ಟೀಕೆಗೆ ಯದುವೀರ್ ಒಡೆಯರ್ ಖಡಕ್ ತಿರುಗೇಟು
ಕಾಂಗ್ರೆಸ್ ನಾಯಕರ ವೈಯಕ್ತಿಕ ಟೀಕೆಗೆ ಯದುವೀರ್ ಒಡೆಯರ್ ಖಡಕ್ ತಿರುಗೇಟು