Urfi Javed: ಚೂಯಿಂಗ್​ ಗಮ್​ನಿಂದ ಸಿದ್ಧವಾಯ್ತು ಉರ್ಫಿ ಜಾವೇದ್​ ಬಟ್ಟೆ; ಅಸಹ್ಯ ಎಂದು ಕಮೆಂಟ್​ ಮಾಡಿದ ನೆಟ್ಟಿಗರು

ನಟಿ ಉರ್ಫಿ ಜಾವೇದ್​ (Urfi Javed) ಅವರ ಸಿನಿಮಾ, ಸೀರಿಯಲ್​ಗಿಂತಲೂ ಹೆಚ್ಚಾಗಿ ಸುದ್ದಿ ಆಗೋದು ಬಟ್ಟೆ ಕಾರಣಕ್ಕೆ. ಬೇರೆ ಯಾರೂ ಊಹಿಸದ ರೀತಿಯಲ್ಲಿ ಅವರು ಬಟ್ಟೆ ಧರಿಸುತ್ತಾರೆ. ಯಾವಾಗ ಸಾರ್ವಜನಿಕವಾಗಿ ಕಾಣಿಸಿಕೊಂಡರೂ ಅವರಿಗಿಂತ ಅವರ ಉಡುಗೆ ತೊಡುಗೆಯೇ (Urfi Javed Dress) ಹೆಚ್ಚು ಹೈಲೈಟ್​ ಆಗುತ್ತದೆ. ಪ್ರತಿ ದಿನವೂ ಸೋಶಿಯಲ್​ ಮೀಡಿಯಾದಲ್ಲಿ ಅವರ ಫೋಟೋ ಮತ್ತು ವಿಡಿಯೋಗಳು ವೈರಲ್​ ಆಗುತ್ತವೆ. ಎಷ್ಟೇ ಟ್ರೋಲ್​ ಮಾಡಿದರೂ ಉರ್ಫಿ ಜಾವೇದ್​ ಅವರು ತಲೆ ಕೆಡಿಸಿಕೊಳ್ಳುವವರಲ್ಲ. ದಿನದಿಂದ ದಿನಕ್ಕೆ ಅವರ ಪ್ರಯೋಗಗಳು ಮಿತಿ ಮೀರುತ್ತಿವೆ. ಈಗ ಅವರು ಚೂಯಿಂಗ್​ ಗಮ್​ (Chewing Gum) ಬಳಸಿ ಡ್ರೆಸ್​ ಮಾಡಿಕೊಂಡಿದ್ದಾರೆ. ಇದನ್ನು ಕಂಡು ನೆಟ್ಟಿಗರು ಹೌಹಾರಿದ್ದಾರೆ. ‘ಚೀ ಅಹಸ್ಯ’ ಎಂದು ಅನೇಕರು ಕಮೆಂಟ್​ ಮಾಡಿದ್ದಾರೆ.

ವಸ್ತ್ರ ವಿನ್ಯಾಸದಲ್ಲಿ ಉರ್ಫಿ ಜಾವೇದ್​ ಮಾಡಿದ ಪ್ರಯೋಗಗಳು ಒಂದೆರಡಲ್ಲ. ಕಸದ ಚೀಲ, ಗೋಣಿ ಚೀಲ, ಹಣ್ಣು, ತರಕಾರಿ, ಮೊಬೈಲ್​ ಫೋನ್​, ಗಾಜಿನ ಚೂರು, ಎಕ್ಸ್​ ರೇ ಶೀಟ್​, ಮಲ್ಲಿಗೆ ಹೂವು, ತಟ್ಟೆ-ಲೋಟ.. ಹೀಗೆ ಹಲವಾರು ವಸ್ತುಗಳನ್ನು ಬಳಸಿ ತಯಾರಿಸಿದ ಬಗೆಬಗೆಯ ಬಟ್ಟೆಗಳನ್ನು ಅವರು ಧರಿಸಿದ್ದುಂಟು. ಆದರೆ ಚೂಯಿಂಗ್​ ಗಮ್​ನಿಂದ ಬಟ್ಟೆ ಮಾಡಿಕೊಂಡಿರುವುದು ಇದೇ ಮೊದಲು.

ಇದನ್ನೂ ಓದಿ

ಅಶ್ಲೀಲ​ ವೆಬ್​ಸೈಟ್​ನಲ್ಲಿ ಉರ್ಫಿ ಜಾವೇದ್​ ಫೋಟೋ; ಪ್ರತಿ ದಿನ ರೇಪ್​ ಬೆದರಿಕೆ: ಶಾಕಿಂಗ್​ ವಿಚಾರ ತೆರೆದಿಟ್ಟ ನಟಿ

ಪ್ಯಾಂಟ್​ ಮೇಲೆ ಪ್ಯಾಂಟ್​ ಅಂಟಿಸಿಕೊಂಡು ಬಂದ ಉರ್ಫಿ ಜಾವೇದ್​; ಇಲ್ಲಿದೆ ವಿಚಿತ್ರ ಅವತಾರದ ವಿಡಿಯೋ

‘ನಂಗೆ ಮರ್ಯಾದೆ ಕೊಡಲ್ಲ, ಸೆಲೆಬ್ರಿಟಿಗಳೇ ಕೆಟ್ಟ ಕಮೆಂಟ್​​ ಮಾಡ್ತಾರೆ’: ಎಲ್ಲವನ್ನೂ ಹೇಳಿಕೊಂಡ ಉರ್ಫಿ ಜಾವೇದ್​

‘ಮುಸ್ಲಿಂ ಹುಡುಗನನ್ನು ಮದುವೆ ಆಗಲ್ಲ’: ಬಲವಾದ ಕಾರಣ ನೀಡಿದ ಮುಸ್ಲಿಂ ನಟಿ ಉರ್ಫಿ ಜಾವೇದ್​

View this post on Instagram

A post shared by Uorfi (@urf7i)

ಇದನ್ನು ಸರಿಯಾಗಿ ಬಟ್ಟೆ ಎಂದು ಹೇಳಲು ಕೂಡ ಸಾಧ್ಯವಿಲ್ಲ. ಯಾರೋ ಜಗಿದು ಬಿಟ್ಟ ಕೆಜಿಗಟ್ಟಲೆ ಚೂಯಿಂಗ್​ ಗಮ್​ಗಳನ್ನು ದೇಹಕ್ಕೆ ಅಂಟಿಸಿಕೊಂಡು ಬಂದಂತಿದೆ ಉರ್ಫಿ ಜಾವೇದ್​ ವೇಷ. ಇದನ್ನು ನೋಡಿದ ಬಹುತೇಕರಿಗೆ ವಾಕರಿಕೆ ಬಂದಿದೆ. ಕಮೆಂಟ್​ಗಳ ಮೂಲಕ ನೆಟ್ಟಿಗರು ಛೀಮಾರಿ ಹಾಕಿದ್ದಾರೆ. ‘ಇನ್ನೂ ಈ ಕಣ್ಣಲ್ಲಿ ಏನೇನು ನೋಡಬೇಕೋ..’ ಎಂದು ಅನೇಕರು ಗೊಣಗಿಕೊಂಡಿದ್ದಾರೆ.

ಇದನ್ನೂ ಓದಿ: Urfi Javed: ಉರ್ಫಿ ಜಾವೇದ್​ ಬಟ್ಟೆ ನೋಡಿ ಹೌಹಾರಿದ ಹೋಟೆಲ್​ ಸಿಬ್ಬಂದಿ; ‘ನೋ ಎಂಟ್ರಿ’ ಎಂದಿದ್ದಕ್ಕೆ ನಟಿ ಗರಂ

ಯಾರು ಎಷ್ಟೇ ಟೀಕೆ ಮಾಡಿದರೂ ಉರ್ಫಿ ಜಾವೇದ್​ ಅವರ ಹುಚ್ಚಾಟಕ್ಕೆ ಬ್ರೇಕ್​ ಬಿದ್ದಿಲ್ಲ. ದಿನದಿಂದ ದಿನಕ್ಕೆ ಅವರ ಜನಪ್ರಿಯತೆ ಕೂಡ ಹೆಚ್ಚುತ್ತಿದೆ. ಇನ್​ಸ್ಟಾಗ್ರಾಮ್​ನಲ್ಲಿ ಅವರನ್ನು ಬರೋಬ್ಬರಿ 41 ಲಕ್ಷ ಜನರು ಫಾಲೋ ಮಾಡುತ್ತಿದ್ದಾರೆ. ಅವರು ಹಂಚಿಕೊಳ್ಳುವ ಫೋಟೋ ಮತ್ತು ವಿಡಿಯೋಗಳಿಗೆ ಲಕ್ಷಾಂತರ ಲೈಕ್ಸ್​ ಬರುತ್ತವೆ. ದೊಡ್ಡ ದೊಡ್ಡ ಸೆಲೆಬ್ರಿಟಿಗಳ ವಲಯದಲ್ಲೂ ಉರ್ಫಿ ಜಾವೇದ್​ ಬಗ್ಗೆ ಚರ್ಚೆ ಆಗುತ್ತದೆ. ಅಷ್ಟರಮಟ್ಟಿಗೆ ಅವರು ಖ್ಯಾತಿ ಪಡೆದಿದ್ದಾರೆ.

ಇದನ್ನೂ ಓದಿ: 15ರ ಬಾಲಕಿ ಆಗಿದ್ದಾಗಲೇ ಅಶ್ಲೀಲ ಜಾಲತಾಣದಲ್ಲಿ ಬಂದಿತ್ತು ಉರ್ಫಿ ಜಾವೇದ್​ ಫೋಟೋ; ಎದುರಿಸಿದ ಕಷ್ಟ ಒಂದೆರಡಲ್ಲ

ಕಿರುತೆರೆಯಲ್ಲಿ ನಟಿಯಾಗಿ ಮಿಂಚಬೇಕು ಎಂಬುದು ಉರ್ಫಿ ಜಾವೇದ್​ ಅವರ ಆಸೆ ಆಗಿತ್ತು. ಆದರೆ ಅಲ್ಲಿ ಅವರಿಗೆ ಸೂಕ್ತ ಅವಕಾಶ ಸಿಗಲಿಲ್ಲ. ಬಳಿಕ ಅವರು ‘ಬಿಗ್​ ಬಾಸ್​ ಒಟಿಟಿ’ ಶೋನಲ್ಲಿ ಸ್ಪರ್ಧಿಸಿ ಜನರಿಗೆ ಪರಿಚಯಗೊಂಡರು. ಈಗ ಬಟ್ಟೆ ವಿಚಾರದಲ್ಲೇ ಹೆಚ್ಚು ಸುದ್ದಿ ಆಗುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.