‘ನಾನು ರಿಷಭ್ ಪಂತ್ಗೆ ಕ್ಷಮೆ ಕೇಳಿದ್ದಲ್ಲ..’; ಮತ್ತೆ ಪ್ಲೇಟ್ ಬದಲಿಸಿದ ನಟಿ ಊರ್ವಶಿ ರೌಟೇಲಾ
ಊರ್ವಶಿ ಕ್ಷಮೆ ಕೇಳಿದ ನಂತರದಲ್ಲಿ ಸಾಕಷ್ಟು ಸೋಶಿಯಲ್ ಮೀಡಿಯಾ ಪೇಜ್ಗಳು ಈ ವಿಚಾರವನ್ನು ಟ್ರೋಲ್ ಮಾಡಿದ್ದವು. ನಾನಾ ರೀತಿಯ ಮೀಮ್ಗಳು ಹರಿದಾಡಿದ್ದವು.
Updated on: Sep 14, 2022 | 10:04 PM
ನಟಿ ಊರ್ವಶಿ ರೌಟೇಲಾ (Urvashi Rautela) ಅವರು ಇತ್ತೀಚೆಗೆ ಸಾಕಷ್ಟು ಸುದ್ದಿಯಲ್ಲಿದ್ದಾರೆ. ಟೀಂ ಇಂಡಿಯಾ ಆಟಗಾರ ‘ರಿಷಭ್ ಪಂತ್ (Rishab Pant) ನನ್ನನ್ನು ಭೇಟಿ ಮಾಡಲು 10 ಗಂಟೆ ಕಾದಿದ್ದರು’ ಎಂದು ಹೇಳುವ ಮೂಲಕ ಸೆನ್ಸೇಷನ್ ಸೃಷ್ಟಿ ಮಾಡಿದ್ದರು. ಈ ಹೇಳಿಕೆಗೆ ರಿಷಭ್ ಪಂತ್ ತಿರುಗೇಟು ನೀಡಿದ್ದರು. ಇಬ್ಬರ ಮಧ್ಯೆ ವಾಕ್ಸಮರ ನಡೆದೇ ಇತ್ತು. ಇತ್ತೀಚೆಗೆ ಊರ್ವಶಿ ಅವರು ಕ್ಷಮೆ ಕೇಳಿದ್ದರು. ಆದರೆ, ಇದು ರಿಷಭ್ ಪಂತ್ಗೆ ಕೇಳಿದ ಕ್ಷಮೆ ಅಲ್ಲವಂತೆ! ಅವರು ಕ್ಷಮೆ ಕೇಳಿದ್ದು ಫ್ಯಾನ್ಸ್ಗಂತೆ. ಸದ್ಯ ಹೊಸ ಹೇಳಿಕೆ ನೀಡುವ ಮೂಲಕ ಊರ್ವಶಿ ಚರ್ಚೆಯಲ್ಲಿದ್ದಾರೆ.
ಇತ್ತೀಚೆಗೆ ಊರ್ವಶಿ ಅವರು ಸಂದರ್ಶನ ಒಂದನ್ನು ನೀಡಿದ್ದರು. ‘ರಿಷಭ್ ಪಂತ್ಗೆ ಏನಾದರೂ ಸಂದೇಶ ನೀಡುವುದು ಇದೆಯೇ’ ಎಂದು ಊರ್ವಶಿಗೆ ಪ್ರಶ್ನೆ ಮಾಡಲಾಯಿತು. ಇದಕ್ಕೆ ಉತ್ತರಿಸಿದ್ದ ಅವರು, ‘ನೇರವಾಗಿ ವಿಚಾರಕ್ಕೆ ಬರುತ್ತೇನೆ. ಯಾವುದೇ ನಾನ್ಸೆಸ್ ಮಾತನಾಡುವುದಿಲ್ಲ’ ಎಂದಿದ್ದರು. ಆ ಬಳಿಕ ಅವರಿಗೆ ಮತ್ತೆ ರಿಷಭ್ಗೆ ಏನಾದರೂ ಸಂದೇಶವಿದ್ದರೆ ತಿಳಿಸಿ, ಎಂದು ಕೇಳಲಾಯಿತು. ‘ಮತ್ತೇನು ಇಲ್ಲ. ಸಾರಿ’ ಎಂದಿದ್ದರು.
ಊರ್ವಶಿ ಕ್ಷಮೆ ಕೇಳಿದ ನಂತರದಲ್ಲಿ ಸಾಕಷ್ಟು ಸೋಶಿಯಲ್ ಮೀಡಿಯಾ ಪೇಜ್ಗಳು ಈ ವಿಚಾರವನ್ನು ಟ್ರೋಲ್ ಮಾಡಿದ್ದವು. ನಾನಾ ರೀತಿಯ ಮೀಮ್ಗಳು ಹರಿದಾಡಿದ್ದವು. ಕೊನೆಗೂ ಈ ಸಮರಕ್ಕೆ ಬ್ರೇಕ್ ಬಿದ್ದಿತು ಎಂದು ಫ್ಯಾನ್ಸ್ ಭಾವಿಸಿದ್ದರು. ಆದರೆ, ಅದು ಉಲ್ಟಾ ಆಗಿದೆ! ಈಗ ಊರ್ವಶಿ ಅವರು ಹೊಸ ರಾಗ ತೆಗೆದಿದ್ದಾರೆ.
ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಊರ್ವಶಿ ಈ ಬಗ್ಗೆ ಬರೆದುಕೊಂಡಿದ್ದಾರೆ. ‘ಸುದ್ದಿ ವಾಹಿನಿಗಳು ಹಾಗೂ ಮೀಮ್ ಪೇಜ್ಗಳು ಟಿವಿ ಶೋ ಹಾಗೂ ಸಿನಿಮಾಗಿಂತ ಒಳ್ಳೆಯ ಸ್ಕ್ರಿಪ್ಟ್ ಬರೆಯುತ್ತಿವೆ. ನಾನು ಕ್ಷಮೆ ಕೇಳಿದ್ದು ನನ್ನ ಫ್ಯಾನ್ಸ್ಗೆ ಹಾಗೂ ಪ್ರೀತಿಪಾತ್ರರಿಗೆ’ ಎಂದು ಹೇಳಿದ್ದಾರೆ ಅವರು. ಊರ್ವಶಿ ಹೊಸ ಹೇಳಿಕೆ ಮತ್ತೆ ಸೆನ್ಸೇಶನ್ ಸೃಷ್ಟಿ ಮಾಡಿದೆ.
ಇದನ್ನೂ ಓದಿ: ಯಾರೀ ಊರ್ವಶಿ ಎಂದ ಪಾಕ್ ಬೌಲರ್; ಕೋಪಗೊಂಡ ಬಾಲಿವುಡ್ ನಟಿ ಮಾಡಿದ್ದೇನು ಗೊತ್ತಾ?
ಊರ್ವಶಿ ಹಾಗೂ ರಿಷಬ್ 2018ರಲ್ಲಿ ಡೇಟಿಂಗ್ ಮಾಡುತ್ತಿದ್ದರು ಎನ್ನಲಾಗಿದೆ. ಇಬ್ಬರೂ ಕೆಲವು ಕಡೆಗಳಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದರು. ನಂತರ ಇಬ್ಬರೂ ಬೇರೆ ಆದರು ಎನ್ನಲಾಗಿದೆ. ಆದರೆ, ಈ ವಿಚಾರವನ್ನು ರಿಷಭ್ ಪಂತ್ ಅಲ್ಲ ಗಳೆದಿದ್ದರು. ಜತೆಗೆ ಇಶಾ ನೇಗಿ ಜತೆ ರಿಲೇಶನ್ಶಿಪ್ನಲ್ಲಿರುವ ಬಗ್ಗೆ ಘೋಷಣೆ ಮಾಡಿದ್ದರು.
