Health Tips: ಮೆಟ್ಟಿಲು ಹತ್ತಿ ಇಳಿಯುವುದರಿಂದ ಹೆಚ್ಚು ವರ್ಷ ಬದುಕಬಹುದಂತೆ!

ಮೆಟ್ಟಿಲುಗಳನ್ನು ಹತ್ತುವುದು ಹೃದಯಕ್ಕೆ (Heart Health) ಪ್ರಯೋಜನಕಾರಿ ಎಂದು ಸಂಶೋಧಕರು ತಿಳಿಸಿದ್ದಾರೆ. ಇದು ಹೃದಯರಕ್ತನಾಳದ ಆರೋಗ್ಯ ಕಾಪಾಡುತ್ತದೆ. ಮೆಟ್ಟಿಲು ಹತ್ತಿ ಇಳಿಯುವುದು ಹೃದಯದ ರೋಗದಿಂದ ಸಾಯುವ ಅಪಾಯವನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ. ಆದರೂ ಮೆಟ್ಟಿಲು ಹತ್ತುವುದರಿಂದ ಮತ್ತು ಇಳಿಯುವುದರಿಂದ ಆರೋಗ್ಯ ಪ್ರಯೋಜನಗಳು ಹೆಚ್ಚಾಗುತ್ತವೆಯೇ ಎಂಬುದನ್ನು ನಿರ್ಧರಿಸಲು ಹೆಚ್ಚಿನ ಅಧ್ಯಯನದ ಅಗತ್ಯವಿದೆ ಎಂದು ತಜ್ಞರು ಹೇಳುತ್ತಾರೆ.

ಮೆಟ್ಟಿಲಿನ ಬಳಕೆ ವಿಶೇಷವಾಗಿ ಹೃದಯರಕ್ತನಾಳದ ಕಾಯಿಲೆಯಿಂದ ಸಾಯುವ ಅಪಾಯವನ್ನು ಕಡಿಮೆ ಮಾಡುತ್ತದೆ ಎಂದು ಯುನೈಟೆಡ್ ಕಿಂಗ್‌ಡಮ್ ಸಂಶೋಧಕರು ತಿಳಿಸಿದ್ದಾರೆ. “ನೀವು ಮೆಟ್ಟಿಲುಗಳನ್ನು ಬಳಸುವ ಅಥವಾ ಲಿಫ್ಟ್ ಅನ್ನು ಬಳಸುವ ಆಯ್ಕೆಯನ್ನು ಹೊಂದಿದ್ದರೆ, ಮೆಟ್ಟಿಲುಗಳನ್ನೇ ಬಳಸುವುದು ಉತ್ತಮ. ಅದು ನಿಮ್ಮ ಹೃದಯದ ಆರೋಗ್ಯಕ್ಕೆ ಸಹಾಯ ಮಾಡುತ್ತದೆ ಎಂದು ಸಂಶೋಧಕರು ಹೇಳಿದ್ದಾರೆ.

ಇದನ್ನೂ ಓದಿ: ನಿಮ್ಮ ಹೃದಯದ ಆರೋಗ್ಯಕ್ಕೆ ಅಗತ್ಯವಿರುವ ಪೋಷಕಾಂಶಗಳಿವು

ಮೆಟ್ಟಿಲು ಹತ್ತುವುದರಿಂದಾಗುವ ಆರೋಗ್ಯ ಪ್ರಯೋಜನಗಳ ಕುರಿತು ಪ್ಯಾಡಾಕ್ ಮತ್ತು ಅವರ ಸಹೋದ್ಯೋಗಿಗಳು 9 ಅಧ್ಯಯನಗಳ ಮೆಟಾ-ವಿಶ್ಲೇಷಣೆ ನಡೆಸಿದರು. ಆ ಅಧ್ಯಯನಗಳು 35ರಿಂದ 84 ವಯಸ್ಸಿನ ಒಟ್ಟು 4,80,479 ಭಾಗವಹಿಸುವವರನ್ನು ಒಳಗೊಂಡಿತ್ತು. ಅಧ್ಯಯನದ ಜನಸಂಖ್ಯೆಯು ಆರೋಗ್ಯವಂತ ಭಾಗವಹಿಸುವವರು ಮತ್ತು ಹೃದಯಾಘಾತ ಅಥವಾ ಬಾಹ್ಯ ಅಪಧಮನಿಯ ಕಾಯಿಲೆಯ ಹಿಂದಿನ ಇತಿಹಾಸ ಹೊಂದಿರುವವರನ್ನು ಒಳಗೊಂಡಿತ್ತು.

ಮೆಟ್ಟಿಲುಗಳನ್ನು ಹತ್ತದವರಿಗೆ ಹೋಲಿಸಿದರೆ ಮೆಟ್ಟಿಲುಗಳನ್ನು ಹತ್ತಿದ ಭಾಗವಹಿಸುವವರು ಅಧ್ಯಯನದ ಅವಧಿಯಲ್ಲಿ ಸಾಯುವ ಅಪಾಯವನ್ನು ಶೇ. 24ರಷ್ಟು ಕಡಿಮೆ ಹೊಂದಿದ್ದರು. ಮೆಟ್ಟಿಲು ಹತ್ತುವವರು ಹೃದಯರಕ್ತನಾಳದ ಕಾಯಿಲೆಯಿಂದ ಸಾಯುವ ಶೇ. 39ರಷ್ಟು ಕಡಿಮೆ ಅಪಾಯವನ್ನು ಹೊಂದಿದ್ದರು. ಹೃದಯರಕ್ತನಾಳದ ಕಾಯಿಲೆಯನ್ನು ಅಭಿವೃದ್ಧಿಪಡಿಸುವ ಅಥವಾ ಹೃದಯಾಘಾತ, ಪಾರ್ಶ್ವವಾಯು ಅನುಭವಿಸುವ ಒಟ್ಟಾರೆ ಅಪಾಯವನ್ನು ಕಡಿಮೆ ಹೊಂದಿದ್ದರು.

ಇದನ್ನೂ ಓದಿ: Cardiac Arrest: ಟಾಯ್ಲೆಟ್​​ನಲ್ಲೇ ಹೆಚ್ಚು ಹೃದಯ ಸ್ತಂಭನ ಉಂಟಾಗಲು ಕಾರಣವೇನು?

“ನಿಯಮಿತವಾದ ಮೆಟ್ಟಿಲು ಹತ್ತುವಿಕೆಗೆ ಸಂಬಂಧಿಸಿದ ಎಲ್ಲಾ ಕಾರಣಗಳು ಮತ್ತು ಹೃದಯರಕ್ತನಾಳದ ಮರಣದಲ್ಲಿನ ಗಣನೀಯ ಇಳಿಕೆಯು ನಮ್ಮ ಆರೋಗ್ಯದ ಮೇಲೆ ಅಲ್ಪಾವಧಿಯ ದೈಹಿಕ ಚಟುವಟಿಕೆಯನ್ನು ಉಂಟುಮಾಡುವ ಗಾಢ ಪ್ರಭಾವವನ್ನು ಒತ್ತಿಹೇಳುತ್ತದೆ” ಎಂದು ಹೃದ್ರೋಗ ತಜ್ಞ ಡಾ. ಫ್ಲೋರಿಡಾ ಹೇಳಿದ್ದಾರೆ.

ಮೆಟ್ಟಿಲು ಹತ್ತುವುದು ನಾವು ದೈನಂದಿನ ಜೀವನದಲ್ಲಿ ಸುಲಭವಾಗಿ ಅಳವಡಿಸಿಕೊಳ್ಳಬಹುದಾದ ಅದ್ಭುತವಾದ ವ್ಯಾಯಾಮವಾಗಿದೆ. ಇದು ಪ್ರತಿರೋಧ ಮತ್ತು ಹೃದಯರಕ್ತನಾಳದ ವ್ಯಾಯಾಮದ ಒಂದು ರೂಪವಾಗಿದೆ. ಈ ವೇಳೆ ನಿಮ್ಮ ಹೃದಯ, ಶ್ವಾಸಕೋಶಗಳು ಮತ್ತು ಸ್ನಾಯುಗಳು ಏಕಕಾಲದಲ್ಲಿ ಕೆಲಸ ಮಾಡುತ್ತದೆ.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ