ಆಗಸ್ಟ್​ ತಿಂಗಳ ಮಾಸ ಭವಿಷ್ಯ: ಮೇಷ ರಾಶಿಯವರಿಗೆ ಆರೋಗ್ಯದಲ್ಲಿ ಏರಿಳಿತ, ವೃಶ್ಚಿಕದವರಿಗೆ ಅತೀ ಮಧುರ ಕ್ಷಣಗಳು

ಈಗ ಶಾಲಿವಾಹನ ಶಕವರ್ಷ ೧೯೪೬ ನೇ ಶೋಭಕೃತ್ ಸಂವತ್ಸರದ ದಕ್ಷಿಣಾಯನ, ವರ್ಷ ಋತು, ಆಧಿಕ ಶ್ರಾವಣ ಮಾಸವು ನಡೆಯುತ್ತಿದ್ದು ನಿಜಶ್ರಾವಣ ಮಾಸವು ಆರಂಭವಾಗುವುದು. ಈ ತಿಂಗಳಲ್ಲಿ ಕೃಷ್ಣಪಕ್ಷವು ಇದೇ ತಿಂಗಳ ೧೬ ಕ್ಕೆ ಮುಕ್ತಾಯವಾಗಿ ನಿಜಶ್ರಾವಣದ ಶುಕ್ಲಪಕ್ಷವು ಆರಂಭವಾಗುವುದು. ತಿಂಗಳ ಮಧ್ಯದಿಂದ ಈ ವರ್ಷದ ಹಬ್ಬಗಳು ಸಾಲು ಸಾಲಾಗಿ ಬರಲಿದೆ. ಈ ತಿಂಗಳ ವಿಶೇಷವೆಂದರೆ ಹುಣ್ಣಿಮೆಯಿಂದ ಆರಂಭವಾಗಿ ಹುಣ್ಣಿಮೆಗೇ ಮುಕ್ತಾಯವಾಗುವುದು.

ಆಗಸ್ಟ್​ ತಿಂಗಳ ದ್ವಾದಶ ರಾಶಿಗಳ ಮಾಸ ಭವಿಷ್ಯವನ್ನು ಈಕೆಳಗಿನಂತಿದೆ

ಮೇಷ ರಾಶಿ ಅಗಷ್ಟ್ ತಿಂಗಳಲ್ಲಿ ಕೆಲವು ಗ್ರಹಗಳ ಬದಲಾವಣೆ ಆಗಲಿದೆ. ಆರೋಗ್ಯದಲ್ಲಿ ಏರಿಳಿತಗಳು ಇರುತ್ತವೆ. ಅನಂತರ ದೃಢವಾಗಲಿದೆ. ನಿಮ್ಮ ಬಗ್ಗೆ ಕಾಳಜಿ ವಹಿಸಿ.‌ ನಿಮ್ಮ ತಂದೆಯ ಆರೋಗ್ಯವೂ ಹದ ತಪ್ಪಬಹುದು. ದೇವತಾರಾಧನೆಯ ಜೊತೆ ಸೂಕ್ತ ಚಿಕಿತ್ಸೆಯನ್ನು ಮಾಡಿ. ನೀವು ಉದ್ಯೋಗದಲ್ಲಿ ಇದ್ದರೆ ಈ ತಿಂಗಳು ದೊಡ್ಡ ಬದಲಾವಣೆ ಆಗಲಿದೆ. ಸ್ವಂತ ಉದ್ಯಮವನ್ನು ಮಾಡುತ್ತಿದ್ದರೆ ಈ ತಿಂಗಳು ಉತ್ತಮ ಫಲಿತಾಂಶವು ಸಿಗುವುದು. ನೀವು ದೊಡ್ಡ ಹೂಡಿಕೆಯನ್ನು ಸಹ ಮಾಡಬಹುದು, ಅದು ನಿಮಗೆ ಹೆಚ್ಚಿನ ಲಾಭವನ್ನು ನೀಡುತ್ತದೆ. ನಿಮ್ಮ ವಾಸಸ್ಥಳದಲ್ಲಿನ ಬದಲಾವಣೆಯ ಸಾಧ್ಯವಿದೆ. ನೀವು ಮನೆಯಿಂದ ದೂರವಿರುವ ಮನಸ್ಸನ್ನು ಮಾಡುವಿರಿ. ಈ ತಿಂಗಳು ವಿದೇಶಕ್ಕೆ ಪ್ರವಾಸವನ್ನು ಮಾಡುವ ಯೋಜನೆ ಇದ್ದರೆ ಅದು ಆಗುವುದು. ಶುಕ್ರನು ಚತುರ್ಥದಲ್ಲಿ ಇರುವುದರಿಂದ ಮನೆಯನ್ನು ಸುಂದರವಾಗಿಸುವಿರಿ. ಕುಜನು ಷಷ್ಠಸ್ಥಾನವನ್ನು ಪ್ರವೇಶಿಸುವನು. ಶತ್ರುಗಳ ಬಾಧೆಯು ಕಡಿಮೆ ಆಗಲಿದೆ.

ವೃಷಭ ರಾಶಿ ಈ ತಿಂಗಳು ಪ್ರೇಮಕ್ಕೆ ಸಂಬಂಧಿಸಿದಂತೆ ನಿಮಗೆ ಅನೇಕ ಸವಾಲಿನ ಸಂದರ್ಭಗಳು ಬರಲಿವೆ. ಸಹೋದರಿಯ ಸಹಾಯವು ನಿಮಗೆ ಸಿಗುವುದು. ಸಂಗಾತಿಗಳ ನಡುವೆ ಉತ್ತಮ ಹೊಂದಾಣಿಕೆಯ ಅಗತ್ಯವಿದೆ. ನಿಮ್ಮ ಸಂಗಾತಿಯ ಸ್ವಭಾವವು ತೀವ್ರವಾಗಿ ಇರುವುದು. ನಿಮ್ಮನ್ನು ಇಷ್ಟಪಡುವವರ ಜೊತೆ ಇರಲು ಪ್ರಯತ್ನಿಸಿ. ಬರುವ ಪರಿಸ್ಥಿತಿಯನ್ನು ಚಿಂತನಾಶೀಲರಾಗಿ ಎದುರಿಸಿ. ಹೂಡಿಕೆಯಿಂದ ನಿಮಗೆ ಅಧಿಕ ಲಾಭವಾಗುವುದು. ಯಾವುದೇ ಕೆಲಸಕ್ಕೆ ಅಡಚಣೆಯಾದರೆ ಅದನ್ನು ಸರಿಯಾದ ಕ್ರಮದಿಂದ ನಿವಾರಿಸಿಕೊಳ್ಳಿ. ವಿದ್ಯಾರ್ಥಿಗಳಿಗೆ ಈ ಮಾಸವು ಉತ್ತಮವಾಗಿ ಇರುವುದು. ನಿಮ್ಮ ತಿಳಿವಳಿಕೆಯ ಆಧಾರದ ಮೇಲೆ ಉತ್ತಮ ಕಾರ್ಯಗಳನ್ನು ಮಾಡುವಿರಿ. ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ನಡೆಸುತ್ತಿದ್ದರೆ ನಿಮ್ಮ ಫಲವು ಸಿಹಿಯಾಗಿ ಇರುವುದು. ಚತುರ್ಥದಲ್ಲಿ ಬುಧ ಹಾಗೂ ಸೂರ್ಯರು ಇರುವುದರಿಂದ ಕುಟುಂಬದ ವಾತಾವರಣವು ಬಹಳ ಚೆನ್ನಾಗಿ ಇರುವುದು. ಪ್ರತಿ ಗುರುವಾರದಂದು ಗುರುಚರಿತ್ರೆಯನ್ನು ಪಠಿಸಿರಿ.

ಮಿಥುನ ರಾಶಿ ಈ ತಿಂಗಳು ಹೆಚ್ಚು ಅನುಕೂಲಗಳಿಂದ ಕೂಡಿರುತ್ತದೆ. ವೃತ್ತಿಕ್ಷೇತ್ರದಲ್ಲಿ ಉತ್ತಮ ಫಲಿತಾಂಶಗಳನ್ನು ನೀವು ನಿರೀಕ್ಷಿಸಬಹುದು. ಈ ತಿಂಗಳು ವೃತ್ತಿ ಹಾಗೂ ವೈಯಕ್ತಿಕ ಜೀವನವನ್ನು ಸಮತೋಲನದಿಂದ ನಿರ್ವಹಿಸುವಿರಿ. ಇದರಿಂದ ನಿಮಗೆ ಯಶಸ್ಸು ಲಭ್ಯವಾಗುವುದು. ಸರ್ಕಾರಿ ಕೆಲಸ ಪಡೆಯಲು ನೀವು ಶ್ರಮಿಸುತ್ತಿದ್ದರೆ ಹೆಚ್ಚು ಸಮಯ ಕಾಯಬೇಕಾಗುತ್ತದೆ. ಕುಜನು ಚತುರ್ಥಕ್ಕೆ ಬರುವ ಕಾರಣ ಕುಟುಂಬದಲ್ಲಿ ಅಸಮಾಧಾನ ಸ್ಥಿತಿಯು ಬರಬಹುದು. ಮಕ್ಕಳ ವಿಚಾರಲ್ಲಿ ಹೆಚ್ಚು ಕಷ್ಟಪಡಬೇಕಾದೀತು. ಏಕಾದಶದ ಗುರುವು ನಿಮ್ಮ ತೊಂದರೆಗಳನ್ನು ನೀಗಿಸುವನು. ಮನೆಯಲ್ಲಿ ನೆಮ್ಮದಿಯ ವಾತಾವರಣವನ್ನು ಬಯಸಿದರೆ, ಮಾತಿನಲ್ಲಿ ಮಾಧುರ್ಯವಿರಲಿ.

ಇದನ್ನೂ ಓದಿ: ಸಂಖ್ಯಾಶಾಸ್ತ್ರ ಪ್ರಕಾರ ಜನ್ಮಸಂಖ್ಯೆಗೆ ಅನುಗುಣವಾಗಿ ಆಗಸ್ಟ್ ಮಾಸಭವಿಷ್ಯ

ಕರ್ಕ ರಾಶಿ ಈ ತಿಂಗಳು ನಿಮಗೆ ಆಶ್ಚರ್ಯಗಳಿಂದ ಕೂಡಿದೆ. ಗ್ರಹಗಳ ಪರಿವರ್ತನೆಯಿಂದ ನಿಮಗೆ ಯಶಸ್ಸು ಸಿಗಲಿದೆ. ಆರ್ಥಿಕವಾಗಿ ಉತ್ತಮ ಫಲಿತಾಂಶವಿದೆ. ಹಣಕಾಸಿನ ಪ್ರಯೋಜನಗಳನ್ನು ಪಡೆಯಬಹುದು. ಬುದ್ಧಿವತಿಕೆಯಿಂದ ಕೆಲಸ ಮಾಡಿ ಅವಕಾಶಗಳನ್ನು ನಿಮ್ಮದಾಗಿಸಿಕೊಳ್ಳಿ. ಭೂಮಿಗೆ ಸಂಬಂಧಿಸಿದ ತೀರ್ಮಾನವು ನಿಮ್ಮ ಪರವಾಗುವುದು. ವೃತ್ತಿಯಲ್ಲಿ ಕೆಲಸವನ್ನು ಮುಗಿಸಲು ನಿಮಗೆ ಸಹೋದ್ಯೋಗಿಗಳ ಬೆಂಬಲ ಸಿಗಲಿದೆ. ಹೊಸ ವ್ಯವಹಾರವನ್ನು ಪ್ರಾರಂಭಿಸಲು ಬಯಸಿದರೆ ಸರಿಯಾದ ಸಮಯವಲ್ಲ. ನೀವು ನಿರೀಕ್ಷಿತ ಫಲವನ್ನು ಪಡೆಯುವುದಿಲ್ಲ. ನಿಮ್ಮ ಕುಟುಂಬ ಜೀವನದಲ್ಲಿ ಹೊಂದಾಣಿಕೆ ಇರಲಿದೆ. ಆದಿತ್ಯನಿಗೆ ಪ್ರತಿ ಭಾನುವಾರ ನಮಸ್ಕಾರ ಮಾಡಿ.

ಸಿಂಹ ರಾಶಿ ಈ ತಿಂಗಳು ನೀವು ಕೆಲವು ಕಾರ್ಯಗಳಲ್ಲಿ ಉತ್ತಮ ಯಶಸ್ಸು ಸಿಗಲಿದೆ. ಈ ತಿಂಗಳು ನಿಮಗೆ ಆತ್ಮವಿಶ್ವಾಸದ ಕೊರತೆಯು ಆಗಾಗ ಕಾಣಿಸುವುದು. ಅದನ್ನು ಕಾಪಾಡಿಕೊಂಡಲ್ಲಿ ಕೆಲಸವನ್ನು ಸಾಧಿಸುವಿರಿ. ನಿಮ್ಮ ಆರೋಗ್ಯದ ಬಗ್ಗೆ ಚಿಂತೆ ಮಾಡುತ್ತದೆ. ಆಹಾರದ ಬಗ್ಗೆ ಕಾಳಜಿ ವಹಿಸಿ. ಕೆಟ್ಟ ಆಹಾರವನ್ನು ನೀವು ಸೇವಿಸಲಿದ್ದೀರಿ. ಈ ತಿಂಗಳು ನಿಮ್ಮ ತಪ್ಪುಗಳಿಂದ ನೀವುನೇಕ ವಿಚಾರಗಳನ್ನು ಕಲಿಯುವಿರಿ. ಹೆಚ್ಚು ಯೋಚಿಸಲು ಹೋಗದೇ ಕಾರ್ಯದಲ್ಲಿ ಪ್ರವೃತ್ತರಾಗಿ. ಉದ್ಯೋಗಸ್ಥರಿಗೆ ಈ ತಿಂಗಳು ಸಾಮಾನ್ಯವಾಗಿರುವುದು. ವೇತನವನ್ನು ಹೆಚ್ಚಿಸಿಕೊಳ್ಳಲು ಪ್ರಯಾಸ ಪಡಬೇಕಾದೀತು. ಉದ್ಯೋಗದ ನಿಮಿತ್ತ ಓಡಾಟವು ಅಧಿಕವಾಗಲಿದೆ. ವೈವಾಹಿಕ ಜೀವನದಲ್ಲಿ ಸಂತೋಷವನ್ನು ಅನುಭವಿಸುವಿರಿ. ಸಮಸ್ಯೆಗಳನ್ನು ಬುದ್ಧಿವಂತಿಕೆಯಿಂದ ನಿರ್ವಹಿಸಿ. ಹಣದ ವಿಷಯದಲ್ಲಿ, ಪರಿಸ್ಥಿತಿಯು ಆದಾಯವು ನಿಮ್ಮ ನಿರೀಕ್ಷೆಗೆ ಅನುಗುಣವಾಗಿದ್ದರೂ ಹಠಾತ್ ವೆಚ್ಚವು ನಿಮಗೆ ಕಷ್ಟವಾದೀತು.

ಕನ್ಯಾ ರಾಶಿ ಅಗಷ್ಟ್ ತಿಂಗಳಲ್ಲಿ ವಿದ್ಯಾರ್ಥಿಗಳು ಪರೀಕ್ಷೆಯ ತಯಾರಿಯಲ್ಲಿ ನಿರತರಾಗಿರುವರು. ನಿಮ್ಮ ಗುರಿಯ ಬಗ್ಗೆ ನೀವು ಪುನರವಲೋಕನ ಮಾಡಿಕೊಳ್ಳುವುದು ಅಗತ್ಯ. ಉನ್ನತ ಶಿಕ್ಷಣವನ್ನು ಪಡೆಯಲು ನಿಮಗೆ ಉತ್ತಮ ವಿದ್ಯಾಸಂಸ್ಥೆಯು ಸಿಗುವುದು. ನಿರುತ್ಸಾಹಿಗಳಾಗದೇ ನಿಮ್ಮ ಗುರಿಯನ್ನು ತಲುಪಲು ಸದಾ ಪ್ರಯತ್ನಿಸಿ. ಹಣದ ವಿಚಾರದಲ್ಲಿ ಈ ತಿಂಗಳು ಮಿಶ್ರ ಫಲವು ಸಿಗಲಿದೆ. ಈ ತಿಂಗಳ ಆರಂಭದಲ್ಲಿ ಹೆಚ್ಚು ಶುಭಕರವಾಗಿದೆ. ಹಣ ಸಂಪಾದಿಸುವಲ್ಲಿ ತೊಂದರೆಗಳು ಬರಲಿವೆ. ನಿಮ್ಮ ಹಣಕಾಸಿಗೆ ಸಂಬಂಧಿಸಿದ ನಿರ್ಧಾರಗಳನ್ನು ಎಚ್ಚರಿಕೆಯಿಂದ ತೆಗೆದುಕೊಂಳ್ಳಿ. ವೈಯಕ್ತಿಕ ಸಂಬಂಧಗಳು ಸುಂದರವಾಗಿರುತ್ತದೆ. ಮನೆಯ ವಾತಾವರಣವು ಖುಷಿಯನ್ನು ನೀಡುವುದು. ಮಾನಸಿಕ ಶಾಂತಿಯನ್ನು ಕಾಪಾಡಿಕೊಳ್ಳಲು ಬಯಸಿದರೆ ಎಲ್ಲಿಯಾದರೂ ದೂರ ಹೋಗಬೇಕಾಗುವುದು. ಶುಕ್ರನು ಹಿಮ್ಮುಖವಾಗಿ ಚಲಿಸುವ ಕಾರಣ ನಿಮಗೆ ತಿಂಗಳ ಮಧ್ಯದ ಅವಧಿಯಲ್ಲಿ ಹಣಕಾಸಿನ ಹರಿವುದು ಹೆಚ್ಚಾಗುವುದು.

ತುಲಾ ರಾಶಿ ಈ ತಿಂಗಳು ನೀವು ಸಂಪೂರ್ಣವಾಗಿ ಕಾರ್ಯದಲ್ಲಿ ತೊಡಗಿಸಿಕೊಳ್ಳುವಿರಿ. ನಿಮ್ಮ ಕಾರ್ಯವನ್ನು ಪ್ರಶಂಸಿಸಲಾಗುತ್ತದೆ. ಹಿರಿಯರು ಸಹ ನಿಮ್ಮ ಕೆಲಸದ ಬಗ್ಗೆ ತೃಪ್ತರಾಗುತ್ತಾರೆ. ಈ ತಿಂಗಳು ನಿಮ್ಮ ವರ್ಗಾವಣೆಯು ಆಗಬಹುದು. ನಿಮ್ಮ ಕಠಿಣ ಶ್ರಮವು ನಿಮಗೆ ಹೊಸ ಮಾರ್ಗಗಳನ್ನು ತೋರಿಸುವುದು. ಉದ್ಯೋಗಗಳನ್ನು ಬದಲಾಯಿಸುವ ಬಗ್ಗೆ ಯೋಚಿಸುತ್ತಿದ್ದರೆ ಉತ್ತಮ ಉದ್ಯೋಗವನ್ನು ಪಡೆಯುವಿರಿ. ನಿಮ್ಮ ಮೇಲೆ ಕೆಲಸದ ಹೊರೆ ಹೆಚ್ಚಾಗುವುದು. ನೀವು ಹೊಸ ಉದ್ಯಮವನ್ನು ಪ್ರಾರಂಭಿಸಲು ಬಯಸಿದರೆ ಈ ತಿಂಗಳು ಉತ್ತಮ. ಆರ್ಥಿಕ ವಿಚಾರದಲ್ಲಿ ನಿಮಗೆ ಹೆಚ್ಚು ಅನುಕೂಲವಿರಲಿದೆ. ಯಂತ್ರೋಪಕರಣಗಳನ್ನು ನೀವು ನಷ್ಟ ಮಾಡಿಕೊಳ್ಳುವಿರಿ. ನೀವು ಪ್ರಣಯದಲ್ಲಿ ತೃಪ್ತರಾಗುವುದಿಲ್ಲ. ಆದರೂ ನೀವು ನಿಮ್ಮ ಸಂಗಾತಿಯೊಂದಿಗೆ ಸಾಕಷ್ಟು ಸಮಯವನ್ನು ಕಳೆಯುತ್ತೀರಿ. ವಿವಾಹಿತರಿಗೆ ಈ ತಿಂಗಳು ತುಂಬಾ ಒಳ್ಳೆಯದು. ಸಂಗಾತಿಯ ಬೆಂಬಲವು ನಿಮಗೆ ಉತ್ಸಾಹವನ್ನು ಕೊಡುವುದು.

ವೃಶ್ಚಿಕ ರಾಶಿ ಈ ತಿಂಗಳು ಆರ್ಥಿಕ ದೃಷ್ಟಿಕೋನದಿಂದ ಶುಭವಾಗಿರುತ್ತದೆ. ಈ ಸಮಯದಲ್ಲಿ ನೀವು ಉತ್ತಮ ಹಣವನ್ನು ಸಂಪಾದಿಸಲು ಸಾಧ್ಯವಾಗುವುದು. ಸಣ್ಣ ಕೆಲಸವಾದರೂ ಅಧಿಕ ಲಾಭವು ಇರುವುದು. ನಿಮ್ಮ ಬಯಕೆಗಳನ್ನು ನೀವು ಈ ತಿಂಗಳಲ್ಲಿ ಪೂರೈಸಿಕೊಳ್ಳುವಿರಿ. ಹೊಸ ವಾಹನವನ್ನು ಖರೀದಿಸುವ ಮನಸ್ಸು ಇರಲಿದೆ. ಅಲಂಕಾರಕ್ಕಾಗಿ ಸಾಕಷ್ಟು ಈ ತಿಂಗಳು ಸಾಕಷ್ಟು ಖರ್ಚು ಮಾಡುವಿರಿ. ತಂದೆಯ ಸಹಾಯದಿಂದ ನಿಮ್ಮ ಆದಾಯವು ಹೆಚ್ಚಾಗುವುದು. ವೈವಾಹಿಕ ಜೀವನವು ಮಧುರವಾದ ಕ್ಷಣಗಳಿಂದ ಕೂಡಿರುತ್ತದೆ. ಉದ್ಯೋಗದ ಕಾರಣ ಮನೆಯಲ್ಲಿ ಹೆಚ್ಚು ಕಾಲ ಇರಲು ಆಗದು. ಈ ತಿಂಗಳಲ್ಲಿ ನೀವು ಅಧಿಕ ಬದಲಾವಣೆಗಳನ್ನು ನಿಮ್ಮ ಜೀವನದಲ್ಲಿ ಮಾಡಿಕೊಳ್ಳುವಿರಿ. ಎಲ್ಲ ಕಾರ್ಯಗಳನ್ನೂ ವೇಗವಾಗಿ ಮುಗಿಸಲು ಇಷ್ಟಪಡುವಿರಿ.

ಧನು ರಾಶಿ ಈ ತಿಂಗಳು ನಿಮ್ಮ ಕಠಿಣ ಪರಿಶ್ರಮಕ್ಕೆ ಅನುಗುಣವಾಗಿ ಪ್ರತಿಫಲ ಪಡೆಯುತ್ತಿಲ್ಲ ಎಂದು ಅನ್ನಿಸುತ್ತದೆ. ನಿಮ್ಮ ಬಗ್ಗೆಯೇ ನಿಮಗೆ ನಂಬಿಕೆ ಕಡಿಮೆಯಾಗಲಿದೆ. ವ್ಯಾಪಾರದಲ್ಲಿ ನಿಮಗೆ ನಾನಾ ತೊಡಕುಗಳು ಬರಬಹುದು. ಹಣ ಸಂಪಾದಿಸುವ ನಿಮ್ಮ ಉದ್ದೇಶವು ಪೂರ್ಣವಾಗುವುದು. ಹಾಗಿದ್ದರೂ, ಹಣಕಾಸಿನ ವಹಿವಾಟು ನಡೆಸುವಾಗ ಜಾಗರೂಕತೆ ಅವಶ್ಯಕ. ಇಲ್ಲದಿದ್ದರೆ ನಷ್ಟವಾಗುವುದು. ಉದ್ಯೋಗದ ಅಭಿವೃದ್ಧಿಗೆ ಅನುಭವಿ ಜನರಿಂದ ಸರಿಯಾದ ಸಲಹೆಯನ್ನು ಪಡೆಯಿರಿ. ಶುಕ್ರನು ವಕ್ರನಾಗಿ ಅಷ್ಟಮಕ್ಕೆ ಬರುವ ಕಾರಣ ಈ ತಿಂಗಳ ಮಧ್ಯಾವಧಿಯಲ್ಲಿ ಸ್ತ್ರೀಯರಿಂದ ಅಪಮಾನ ಅಥವಾ ವ್ಯಾಪಾರದಲ್ಲಿ ನಷ್ಟವೂ ಆಗವುದು. ತಂತ್ರಜ್ಞರಿಗೆ ಹೆಚ್ಚು ಅವಕಾಶ ಮತ್ತು ಲಾಭಗಳು ಆಗಲಿವೆ.

ಇದನ್ನೂ ಓದಿ: ವಾರಭವಿಷ್ಯ, ಆಗಸ್ಟ್ ತಿಂಗಳ ಮೊದಲ ವಾರ ಈ ರಾಶಿಯವರಿಗೆ ಶುಭವಾಗಿದೆ

ಮಕರ ರಾಶಿ ಉದ್ಯೋಗಿಗಳಿಗೆ ಈ ತಿಂಗಳು ಕೆಲಸದ ಹೊರೆಯು ಹೆಚ್ಚಾಗುವುದು. ನಿಮ್ಮ ಕಡೆಯಿಂದ ನೀವು ಅಧಿಕ ಶ್ರಮವನ್ನು ಹಾಕುವಿರಿ. ಈ ಸಮಯದಲ್ಲಿ ಉದ್ಯೋಗಿಗಳನ್ನು ಬದಲಾಯಿಸುವಾಗ ನಿಮ್ಮ ನಿರ್ಧಾರವು ಸರಿಯಾಗಿ ಇರಲಿ. ನಿರ್ಧಾರ ತೆಗೆದುಕೊಳ್ಳುವ ಮೊದಲು ಆತುರಪಡುವುದು ಬೇಡ. ಈ ತಿಂಗಳು ಆಸ್ತಿಯಲ್ಲಿ ಹೂಡಿಕೆ ಮಾಡಲು ಬಯಸಿದರೆ, ಸಮಯವು ತುಂಬಾ ಅನುಕೂಲವಿದೆ. ವೈಯಕ್ತಿಕ ಸಂಬಂಧದ ಬಗ್ಗೆ ಮಾತನಾಡುತ್ತಾ, ಈ ತಿಂಗಳು ಏರಿಳಿತ ಇರುತ್ತದೆ. ಈ ತಿಂಗಳ ಆರಂಭದಲ್ಲಿ ಶಾಂತಿಯಿಂದ ಕಳೆದರೂ ಒತ್ತಡವು ಅಧಿಕವಾಗಿರುವುದು. ಮಾನಸಿಕ ಸಮತೋಲನವನ್ನು ಉಳಿಸಿಕೊಳ್ಳಿ. ಗಂಭೀರ ಕೌಟುಂಬಿಕ ಸಮಸ್ಯೆಗಳ ಬಗ್ಗೆ ಗಮನ ಹರಿಸುವಿರಿ. ಆರೋಗ್ಯದ ದೃಷ್ಟಿಯಿಂದ ಈ ಸಮಯ ನಿಮಗೆ ಸೂಕ್ತವಾಗಿದೆ. ಹಾಗಾಗಿ ಏನಾದರೂ ಮಾಡಲು ಹೋಗುವುದು ಬೇಡ.

ಇದನ್ನೂ ಓದಿ: ಸಂಖ್ಯಾಶಾಸ್ತ್ರ ಪ್ರಕಾರ ಜನ್ಮಸಂಖ್ಯೆಗೆ ಅನುಗುಣವಾಗಿ ಜುಲೈ 30 ರಿಂದ ಆಗಸ್ಟ್ 5 ರ ತನಕದ ವಾರಭವಿಷ್ಯ 

ಕುಂಭ ರಾಶಿ ಈ ತಿಂಗಳು ವಿದ್ಯಾರ್ಥಿಗಳು ಸಕಾರಾಟ್ಮಕವಾದ ನಿರೀಕ್ಷೆಯಲ್ಲಿ ಇರುವರು. ಶಿಕ್ಷಣ ಕ್ಷೇತ್ರದಲ್ಲಿ ನೀವು ಪ್ರಮುಖ ಯಶಸ್ಸನ್ನು ಪಡೆಯಬಹುದು. ನಿಮ್ಮ ಅಧ್ಯಯನವನ್ನು ಪೂರ್ಣಗೊಳಿಸಿ ಉದ್ಯೋಗಕ್ಕಾಗಿ ಕಾಯುವಿರಿ. ಸಹೋದರ ಹಾಗೂ ತಂದೆಯ ಆರೋಗ್ಯದ ಬಗ್ಗೆ ಹೆಚ್ಚು ಗಮನವಿರಲಿ. ಉತ್ತಮ ಕುಲ್ದ ಸ್ತ್ರೀಯ ಜೊತೆ ನಿಮ್ಮ ವಿವಾಹವು ಆಗಲಿದೆ. ಧಾರ್ಮಿಕ ಕಾರ್ಯಗಳಲ್ಲಿ ನೀವು ಹೆಚ್ಚು ತೊಡಗಿಕೊಳ್ಳುವಿರಿ. ನಿಮ್ಮ ವಿರೋಧಿಗಳ ಮೇಲೆ ಕಾನೂನಿನ ಆಧಾರದ ಮೇಲೆ ನೀವು ಪ್ರಾಬಲ್ಯ ಸಾಧಿಸುವಿರಿ. ನಿಮ್ಮ ಯಶಸ್ಸನ್ನು ತಡೆಯುವ ಅವರ ಪ್ರತಿಯೊಂದು ಪ್ರಯತ್ನವೂ ವಿಫಲಗೊಳ್ಳುತ್ತದೆ. ಹಣಕ್ಕೆ ಸಂಬಂಧಿಸಿದ ವಿಷಯಗಳ ಬಗ್ಗೆ ಮಾತನಾಡುತ್ತಾ, ಹೆಚ್ಚು ಕೆಲಸ ಮಾಡುತ್ತೀರಿ, ಹೆಚ್ಚು ಲಾಭ ಪಡೆಯುತ್ತೀರಿ. ಈ ಸಮಯದಲ್ಲಿ ನಿಮ್ಮ ವೆಚ್ಚಗಳು ಸಹ ಗಮನವಿರಲಿ. ಕುಟುಂಬದ ಜವಾಬ್ದಾರಿಯನ್ನು ನಿರ್ವಹಿಸುವಿರಿ.

ಮೀನ ರಾಶಿ ಈ ತಿಂಗಳು ನಿಮ್ಮ ಸಂಬಂಧಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತದೆ. ವಿವಾಹದ ಮಾತುಕತೆಯು ಅರ್ಧಕ್ಕೆ ನಿಲ್ಲಬಹುದು. ಮನೆಯಲ್ಲಿ ಶಾಂತಿಯನ್ನು ಕಾಪಾಡಲು ಬಯಸಿದರೆ, ಕುಟುಂಬಕ್ಕೂ ನೀವು ಸಾಕಷ್ಟು ಸಮಯವನ್ನು ನೀಡಬೇಕು. ಪ್ರಣಯ ಜೀವನವು ಗೊಂದಲದಿಂದ ಇರುವುದು. ಶತ್ರುಗಳ ಕಾಟವು ಅಧಿಕವಾಗುವುದು. ಯಾವುದೇ ತೀರ್ಮಾನಕ್ಕೆ ಬರುವ ಮೊದಲು ಎಚ್ಚರವಹಿಸಿ. ನಿರುದ್ಯೋಗಿಗಳಾಗಿದ್ದರೆ ಈ ತಿಂಗಳು ಉತ್ತಮ ಉದ್ಯೋಗವನ್ನು ಪಡೆಯುವಿರಿ. ವ್ಯಾಪಾರಿಗಳು ತಮ್ಮ ಕೆಲಸವನ್ನು ಹೆಚ್ಚಿಸಲು ಮತ್ತು ಸುಧಾರಿಸಲು ಹೆಚ್ಚು ಶ್ರಮಿಸಬೇಕಾಗುತ್ತದೆ. ಯಾವುದೇ ಹೊಸ ಕೆಲಸವನ್ನು ಪ್ರಾರಂಭಿಸಲು ಈ ಸಮಯ ಅನುಕೂಲಕರವಾಗಿಲ್ಲ. ಅಪಾಯಕರ ಸನ್ನಿವೇಶಗಳನ್ನು ಎದುರಿಸಬೇಕಾಗಬಹುದು. ಏನನ್ನಾದರೂ ಮಾಡಲು ಹೋಗಬಹುದು. ನಿಮಗೆ ನಕಾರಾತ್ಮಕ ಸೂಚನೆಗಳು ಬರಬಹುದು. ಅದನ್ನು ತಿಳಿದುಕೊಳ್ಳಿ.

ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ

-ಲೋಹಿತ ಶರ್ಮಾ, ಇಡುವಾಣಿ 8762924271

Published On - 1:10 pm, Wed, 2 August 23