Weekly Career Horoscope: ಜುಲೈ 26 ರಿಂದ ಆಗಸ್ಟ್​​​ 01 ರವರೆಗಿನ ವಾರದ ಉದ್ಯೋಗ ಭವಿಷ್ಯ ಇಲ್ಲಿದೆ

ಜುಲೈ 26 ರಿಂದ ಆಗಷ್ಟ್ 01 ರವರೆಗೆ ಐದನೇ ವಾರವಾಗಿದ್ದು ಸಹನೆಯನ್ನು ಕಾಯ್ದುಕೊಳ್ಳುವುದು, ಅತಿಯಾದ ನಿರೀಕ್ಷೆಯಿಂದ ಬೇಸರ, ಪಡೆಯ ಜವಾಬ್ದಾರಿಯನ್ನು ನಿರ್ವಹಿಸುವ ಆತಂಕ, ಲಾಭಕ್ಕಾಗಿ ಕೆಲವನ್ನು ಬಿಡುವುದು ಇದೆಲ್ಲ ಬರಲಿದ್ದು, ಹೊಸ ಹೊಸತನ್ನು ಕಲಿಯುವುದು ಅನಿವಾರ್ಯವೂ ಆಗಲಿದೆ. ಕಳೆದುಹೋದುದರ ಬಗ್ಗೆ ಲೆಕ್ಕಿಸದೇ ವರ್ತಮಾನದಲ್ಲಿ ನೆಮ್ಮದಿಯಿಂದ ಇರುವ ಬಗೆಯನ್ನು ಕಾಣಿರಿ.‌ ಶುಭವಾಗಲಿ.

ಮೇಷ ರಾಶಿ :

ಮೇಷ ರಾಶಿಯವರ ಉದ್ಯೋಗ ಸ್ಥಾನದ ಅಧಿಪತಿಯಾದ ಶನಿಯು ದ್ವಾದಶದಲ್ಲಿದ್ದು, ದ್ವಿತೀಯ ಸ್ಥಾನದಲ್ಲಿ ಮಂಗಳನಿರುವುದರಿಂದ ಕಾರ್ಯಕ್ಷೇತ್ರದಲ್ಲಿ ತೀವ್ರ ಪರಿಶ್ರಮದ ಅಗತ್ಯವಿದೆ. ಕಚೇರಿಯಲ್ಲಿ ಮೇಲಧಿಕಾರಿಗಳೊಂದಿಗೆ ಮಿತ ಭಾಷಣೆ ಒಳಿತು. ಸಣ್ಣ ಪ್ರಮಾಣದ ಹಿನ್ನಡೆ ಅಥವಾ ಕೆಲಸದ ಒತ್ತಡ ಕಂಡುಬಂದರೂ ಸಹ ಸಹನೆ ಕಾಯ್ದುಕೊಂಡರೆ ವಾರಾಂತ್ಯಕ್ಕೆ ಯಶಸ್ಸು ದೊರೆಯಲಿದೆ.

ವೃಷಭ ರಾಶಿ:

​ನಿಮ್ಮ ರಾಶಿಯಲ್ಲೇ ಮಂಗಳನ ಸ್ಥಿತಿ ಇರುವುದರಿಂದ ಕೆಲಸದ ಸ್ಥಳದಲ್ಲಿ ಆತುರದ ನಿರ್ಧಾರಗಳನ್ನು ಕೈಗೊಳ್ಳಬೇಡಿ. ದಶಮ ಸ್ಥಾನದಲ್ಲಿ ಚಂದ್ರ, ಲಗ್ನ ಹಾಗೂ ರಾಹು ಇರುವ ಕಾರಣ ಉದ್ಯೋಗ ಬದಲಾವಣೆಗೆ ಅಥವಾ ಹೊಸ ಅವಕಾಶಗಳಿಗೆ ಇದು ಸೂಕ್ತ ಸಮಯವಾಗಿದೆ. ಹೊಸ ಉದ್ಯೋಗದ ನಿರೀಕ್ಷೆಯಲ್ಲಿದ್ದವರಿಗೆ ಶುಭ ವರ್ತಮಾನ ಬರಲಿದೆ.

ಮಿಥುನ ರಾಶಿ :

ನಿಮ್ಮ ರಾಶಿಯಲ್ಲಿ ಬುಧನಿದ್ದು, ದಶಮದ ಶನಿಯ ಶುಭ ದೃಷ್ಟಿಯಿಂದಾಗಿ ವೃತ್ತಿ ಕ್ಷೇತ್ರದಲ್ಲಿ ಪ್ರಗತಿ ಹಾಗೂ ಬುದ್ಧಿವಂತಿಕೆಗೆ ತಕ್ಕ ಮನ್ನಣೆ ಸಿಗಲಿದೆ. ವ್ಯಾಪಾರ ಮತ್ತು ಸೇವಾವಲಯದಲ್ಲಿದ್ದವರಿಗೆ ಹೆಚ್ಚಿನ ಲಾಭ. ಸಹೋದ್ಯೋಗಿಗಳ ಬೆಂಬಲದಿಂದ ಬಾಕಿ ಉಳಿದಿದ್ದ ಕ್ಲಿಷ್ಟಕರ ಕೆಲಸಗಳು ಪೂರ್ಣಗೊಳ್ಳಲಿವೆ.

ಕರ್ಕಾಟಕ ರಾಶಿ :

ನಿಮ್ಮ ರಾಶಿಯಲ್ಲಿ ರವಿ ಮತ್ತು ಗುರು ಆಸೀನರಾಗಿದ್ದಾರೆ. ಉದ್ಯೋಗದಲ್ಲಿ ಜವಾಬ್ದಾರಿಗಳು ಹೆಚ್ಚಾಗಲಿವೆ. ಸಪ್ತಮ ಸ್ಥಾನದ ದೃಷ್ಟಿಯಿಂದ ನಿರೀಕ್ಷಿತ ಬಡ್ತಿ ಅಥವಾ ಅಧಿಕಾರದ ಅನುಕೂಲತೆಗಳು ಸೃಷ್ಟಿಯಾಗಬಹುದು. ಮೇಲಧಿಕಾರಿಗಳ ಬೆಂಬಲ ದೊರೆತು ಸಮಾಜದಲ್ಲಿ ವೃತ್ತಿಪರ ಗೌರವ ಹೆಚ್ಚಲಿದೆ.

ಸಿಂಹ ರಾಶಿ :

​ನಿಮ್ಮ ರಾಶಿಯಲ್ಲಿ ಕೇತುವಿನ ಉಪಸ್ಥಿತಿ ಹಾಗೂ ದ್ವಾದಶದಲ್ಲಿ ರವಿ, ಗುರು ಇರುವ ಕಾರಣ ವೃತ್ತಿಪರ ಕೆಲಸಗಳಲ್ಲಿ ಸ್ವಲ್ಪ ಎಚ್ಚರಿಕೆ ಅಗತ್ಯ. ದೂರದ ಪ್ರಯಾಣ ಅಥವಾ ವೃತ್ತಿ ಸಂಬಂಧಿತ ಅಡೆತಡೆಗಳು ಎದುರಾಗಬಹುದು. ಕೆಲಸದಲ್ಲಿ ಸಣ್ಣಪುಟ್ಟ ತಪ್ಪುಗಳಾಗದಂತೆ ಜಾಗ್ರತೆ ವಹಿಸಿ, ಆತುರದಲ್ಲಿ ರಾಜೀನಾಮೆಯ ತೀರ್ಮಾನ ಬೇಡ.

ಕನ್ಯಾ ರಾಶಿ :

​ನಿಮ್ಮ ರಾಶಿಯಲ್ಲಿ ಶುಕ್ರನ ಪ್ರವೇಶವಾಗಿರುವುದು ವೃತ್ತಿರಂಗದಲ್ಲಿ ಹೊಸ ಉತ್ಸಾಹ ಹಾಗೂ ಸೌಕರ್ಯಗಳನ್ನು ನೀಡಲಿದೆ. ದಶಮಾಧಿಪತಿ ಬುಧನ ಶುಭ ಬಲದಿಂದಾಗಿ ಸಾಫ್ಟ್‌ವೇರ್, ಕಲೆ, ಹಾಗೂ ವಾಣಿಜ್ಯ ರಂಗದಲ್ಲಿರುವವರಿಗೆ ಅತ್ಯುತ್ತಮ ಅವಕಾಶಗಳು ಎದುರಾಗಲಿವೆ. ಆದಾಯ ಹೆಚ್ಚಾಗುವ ಸೂಚನೆ ಇದೆ.

ತುಲಾ ರಾಶಿ:

​ದಶಮ ಸ್ಥಾನದಲ್ಲಿ ಗುರು ಮತ್ತು ಸೂರ್ಯರ ಬಲವಿರುವುದರಿಂದ ಉದ್ಯೋಗ ಅನ್ವೇಷಕರಿಗೆ ಶ್ರೇಷ್ಠ ಸಮಯ. ಸರ್ಕಾರಿ ಅಥವಾ ಪ್ರತಿಷ್ಠಿತ ಸಂಸ್ಥೆಗಳಲ್ಲಿ ಕೆಲಸ ಸಿಗುವ ಯೋಗವಿದೆ. ಪ್ರಸ್ತುತ ಉದ್ಯೋಗದಲ್ಲಿರುವವರಿಗೆ ಬಡ್ತಿ ಅಥವಾ ವೃತ್ತಿಪರ ಪ್ರಶಂಸೆ ಲಭಿಸಿ ಆರ್ಥಿಕ ಲಾಭವಾಗಲಿದೆ.

ವೃಶ್ಚಿಕ ರಾಶಿ:

​ಭಾಗ್ಯ ಸ್ಥಾನದಲ್ಲಿ ಸೂರ್ಯ, ಗುರುಗಳಿರುವುದರಿಂದ ವೃತ್ತಿಜೀವನದಲ್ಲಿ ಹಿರಿಯರ ಹಾಗೂ ಮಾರ್ಗದರ್ಶಕರ ಸಂಪೂರ್ಣ ಬೆಂಬಲ ಸಿಗಲಿದೆ. ವೃತ್ತಿ ಸಂಬಂಧಿತ ಪ್ರಯಾಣಗಳು ಯಶಸ್ವಿಯಾಗಲಿವೆ. ಉದ್ಯೋಗದಲ್ಲಿ ಹೊಸ ಜವಾಬ್ದಾರಿಗಳನ್ನು ವಹಿಸಿಕೊಳ್ಳಲು ಇದು ಸೂಕ್ತ ಸಮಯ.

ಇದನ್ನೂ ಓದಿ: ವಾರದ ಪ್ರೇಮ – ಪ್ರೀತಿ ಭವಿಷ್ಯ: ಜುಲೈ 19 ರಿಂದ 25 ರವರೆಗೆ ಪ್ರಮುಖ ಗ್ರಹಗಳ ಸಂಚಾರ; ನಿಮ್ಮ ಪ್ರೇಮ ಜೀವನದ ಮೇಲಾಗುವ ಪ್ರಭಾವ ಇಲ್ಲಿದೆ

ಧನು ರಾಶಿ :

​ಅಷ್ಟಮದಲ್ಲಿ ಗುರು, ರವಿ ಹಾಗೂ ತೃತೀಯದಲ್ಲಿ ಚಂದ್ರ, ರಾಹು ಇರುವುದರಿಂದ ಉದ್ಯೋಗಸ್ಥರು ಕೆಲಸದ ಸ್ಥಳದಲ್ಲಿ ತಾಳ್ಮೆಯಿಂದಿರಬೇಕು. ರಾಜಕೀಯ ಅಥವಾ ಗುಂಪುಗಾರಿಕೆಯಿಂದ ದೂರವಿರಿ. ಸಹೋದ್ಯೋಗಿಗಳ ಜೊತೆ ಅನಗತ್ಯ ವಾಗ್ವಾದ ಬೇಡ. ಶ್ರಮಕ್ಕೆ ತಕ್ಕ ಫಲ ಕೊಂಚ ತಡವಾಗಿ ಸಿಗಲಿದೆ.

ಮಕರ ರಾಶಿ:

​ಸಪ್ತಮದ ಗುರು, ರವಿ ಹಾಗೂ ದ್ವಿತೀಯದ ಕುಂಭ ರಾಶಿಯ ಕೃಪೆಯಿಂದ ವೃತ್ತಿಯಲ್ಲಿ ಭಾಗಿದಾರಿಕೆ ಮತ್ತು ಒಪ್ಪಂದಗಳು ಯಶಸ್ವಿಯಾಗಲಿವೆ. ಕಚೇರಿಯಲ್ಲಿ ನಿಮ್ಮ ಪ್ರಭಾವ ಹೆಚ್ಚಲಿದೆ. ವ್ಯಾಪಾರ ಮತ್ತು ಸೇವಾ ವಲಯದಲ್ಲಿ ಸಕ್ರಿಯವಾಗಿರುವವರಿಗೆ ಉತ್ತಮ ಪ್ರಗತಿ ಹಾಗೂ ಗೌರವ ಪ್ರಾಪ್ತಿಯಾಗಲಿದೆ.

​ಕುಂಭ ರಾಶಿ :

ನಿಮ್ಮ ರಾಶಿಯಲ್ಲೇ ಲಗ್ನ, ಚಂದ್ರ ಹಾಗೂ ರಾಹು ಇರುವುದರಿಂದ ಕೆಲಸದ ಸ್ಥಳದಲ್ಲಿ ತೀವ್ರ ಮಾನಸಿಕ ಒತ್ತಡ ಅಥವಾ ಗೊಂದಲಗಳು ಉಂಟಾಗಬಹುದು. ಷಷ್ಟದಲ್ಲಿ ರವಿ ಇರುವುದರಿಂದ ಶತ್ರುಗಳ ಮೇಲೆ ಜಯ ಸಿಗಲಿದೆ. ಆತುರ ಪಡದೆ ಸಮಾಧಾನದಿಂದ ಕೆಲಸ ನಿರ್ವಹಿಸಿದರೆ ಜಯ ನಿಮ್ಮದೇ.

ಮೀನ ರಾಶಿ :

ನಿಮ್ಮ ರಾಶಿಯಲ್ಲೇ ಸಾಡೇಸಾತಿ ಪ್ರಭಾವದ ಶನಿ ಇರುವುದರಿಂದ ಉದ್ಯೋಗದಲ್ಲಿ ಪರಿಶ್ರಮ ಹೆಚ್ಚಿರಲಿದೆ. ಆದರೆ ಪಂಚಮದ ಸೂರ್ಯ, ಗುರುಗಳ ದೃಷ್ಟಿಯಿಂದ ನಿಮ್ಮ ಕೌಶಲ್ಯ ಮತ್ತು ಜ್ಞಾನಕ್ಕೆ ಸೂಕ್ತ ಗೌರವ ಸಿಗಲಿದೆ. ಸೃಜನಶೀಲ ರಂಗದಲ್ಲಿದ್ದವರಿಗೆ ಹೊಸ ಕಾರ್ಯಯೋಜನೆಗಳು ಕೈಗೂಡಲಿವೆ.

– ಲೋಹಿತ್ ಹೆಬ್ಬಾರ್

ಜ್ಯೋತಿಷ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 1:06 pm, Sat, 25 July 26