Bangalore Traffic: ಬೆಂಗಳೂರಿನ ಓಕಳಿಪುರಂ ಜಂಕ್ಷನ್‌ನಲ್ಲಿ ಹೊಸ 8-ಲೇನ್ ಸಿಗ್ನಲ್ ಮುಕ್ತ ಕಾರಿಡಾರ್ ಸಿದ್ಧ; ಶೀಘ್ರದಲ್ಲೇ ಉದ್ಘಾಟನೆ

ಬೆಂಗಳೂರು, ಫೆ.20: ಬೃಹತ್ ಬೆಂಗಳೂರು ಮಹಾನಗರ ಪಾಲಿಕೆಯು (BBMP) ಓಕಳಿಪುರಂ ಜಂಕ್ಷನ್‌ನಲ್ಲಿ (Okalipuram Junction) 102 ಕೋಟಿ ರೂಪಾಯಿ ವೆಚ್ಚದ ಎಂಟು ಪಥಗಳ ಸಿಗ್ನಲ್ ಮುಕ್ತ ಕಾರಿಡಾರ್ ಅನ್ನು ಪೂರ್ಣಗೊಳಿಸಿದೆ. ಯೋಜನೆಯ ಕಾಮಗಾರಿ 2015ರಲ್ಲಿ ಆರಂಭವಾಗಿದ್ದು, ಕೆಲವೇ ದಿನಗಳಲ್ಲಿ ಉದ್ಘಾಟನೆಗೊಳ್ಳುವ ನಿರೀಕ್ಷೆ ಇದೆ.

ಭೂಸ್ವಾಧೀನಕ್ಕಾಗಿ ನಾಗರಿಕ ಮಂಡಳಿಯು ರೈಲ್ವೆ ಇಲಾಖೆಗೆ 156 ಕೋಟಿ ರೂಪಾಯಿಗಳನ್ನು ಪಾವತಿಸಿದ್ದು, ತುಮಕೂರು-ಬೆಂಗಳೂರು ರೈಲು ಮಾರ್ಗದ ಅಡಿಯಲ್ಲಿ ನಾಲ್ಕು ಕಾಂಕ್ರೀಟ್ ಬಾಕ್ಸ್‌ಗಳ ಅಳವಡಿಕೆ ಪೂರ್ಣಗೊಂಡಿದೆ. ಅದೇ ರೀತಿ ಚೆನ್ನೈ-ಬೆಂಗಳೂರು ರೈಲು ಮಾರ್ಗದ ನಾಲ್ಕು ಬಾಕ್ಸ್‌ಗಳಲ್ಲಿ ಬಿಬಿಎಂಪಿ ಒಂದು ಬಾಕ್ಸ್‌ ಅಳವಡಿಸಬೇಕಿದ್ದು, ಶೀಘ್ರದಲ್ಲೇ ಕಾಮಗಾರಿ ಪೂರ್ಣಗೊಳ್ಳಲಿದೆ.

ತುಮಕೂರು-ಬೆಂಗಳೂರು ರೈಲು ಮಾರ್ಗದ ಬದಿಯಲ್ಲಿರುವ ಅಂಡರ್‌ಪಾಸ್‌ಗಳಿಂದ ಸಂಚಾರವನ್ನು ಅನುಮತಿಸಲಾಗಿದೆ ಮತ್ತು ವಾಹನಗಳು ಕೆಎಸ್‌ಆರ್ ರೈಲ್ವೆ ನಿಲ್ದಾಣವನ್ನು ಮುಂಭಾಗ ಮತ್ತು ಹಿಂಭಾಗದ ಪ್ರವೇಶದಿಂದ ತಲುಪಬಹುದು.

ಇದನ್ನೂ ಓದಿ: BBMP Budget 2024: ಮಾರ್ಚ್ ಮೊದಲ ವಾರ ಬಿಬಿಎಂಪಿ ಬಜೆಟ್: ನಿರೀಕ್ಷೆಗಳು ಏನೆಲ್ಲ? ಇಲ್ಲಿದೆ ವಿವರ

ಓಕಲಿಪುರಂನಲ್ಲಿ ಚೆನ್ನೈ-ಬೆಂಗಳೂರು ರೈಲ್ವೆ ಮಾರ್ಗದಲ್ಲಿ ಕೆಳಸೇತುವೆಯ ಕೆಲಸವು ಸವಾಲಿನದಾಗಿದೆ, ಏಕೆಂದರೆ ಚೆನ್ನೈ / ಬೆಂಗಳೂರಿಗೆ ರೈಲುಗಳು ಇತರ ಹಳಿಗಳಿಗೆ ಹೋಲಿಸಿದರೆ ಮಾರ್ಗವು ಹೆಚ್ಚು ಕಾರ್ಯನಿರತವಾಗಿದೆ. ಬಾಕ್ಸ್ ಅಳವಡಿಕೆ ಹಾಗೂ ಇತರೆ ಕಾಮಗಾರಿಗಳು ಮಧ್ಯರಾತ್ರಿ 12.30 ರಿಂದ 4 ಗಂಟೆಯೊಳಗೆ ಮಾತ್ರ ನಡೆಯುತ್ತವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದರು.

ರೈಲ್ವೆ ಇಲಾಖೆ ಕೂಡ ಚೆನ್ನೈ-ಬೆಂಗಳೂರು ಮತ್ತು ತುಮಕೂರು-ಬೆಂಗಳೂರು ಕೆಳಸೇತುವೆಗಳಿಗೆ ಸುಮಾರು 80 ಕೋಟಿ ವೆಚ್ಚ ಮಾಡಿದೆ. ಮೆಜೆಸ್ಟಿಕ್ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ವಿಶೇಷವಾಗಿ ಮಲ್ಲೇಶ್ವರಂ ಮತ್ತು ರಾಜಾಜಿನಗರ ಕಡೆಯಿಂದ ಮೆಜೆಸ್ಟಿಕ್ ರೈಲು ನಿಲ್ದಾಣದ ಕಡೆಗೆ ಸಂಚಾರ ದಟ್ಟಣೆಯ ಬಗ್ಗೆ ಬಿಬಿಎಂಪಿಗೆ ದೂರುಗಳು ಬರುತ್ತಲೇ ಇವೆ. ಹೀಗಾಗಿ 2013 ರಲ್ಲಿ ಈ ಕಾಮಗಾರಿಗಳಿಗೆ ಆದೇಶ ನೀಡಲಾಗಿತ್ತಾದರೂ 2015 ರ ಜುಲೈನಲ್ಲಿ ಕೆಲಸ ಪ್ರಾರಂಭವಾಗಿತ್ತು.

ಹಳೆಯ ರೈಲು ನಿಲ್ದಾಣಕ್ಕೆ ಪ್ರವೇಶ ಮತ್ತು ನಿರ್ಗಮನವನ್ನು ಸಂಪರ್ಕಿಸಲು ಪಾಲಿಕೆಯು ಮೇಲ್ಸೇತುವೆಯನ್ನು ನಿರ್ಮಿಸಿದೆ ಮತ್ತು ಸಿಗ್ನಲ್ ಮುಕ್ತ ಮಾರ್ಗವು ಪ್ರಯಾಣಿಕರು ಪೀಕ್ ಅವರ್‌ನಲ್ಲಿಯೂ ಸಮಯಕ್ಕೆ ಸರಿಯಾಗಿ ನಿಲ್ದಾಣವನ್ನು ತಲುಪಲು ಸಹಾಯ ಮಾಡುತ್ತಿದೆ ಎಂದು ಹಿರಿಯ ಬಿಬಿಎಂಪಿ ಎಂಜಿನಿಯರ್ ಹೇಳಿದ್ದಾಗಿ ಸುದ್ದಿ ಸಂಸ್ಥೆ ದಿ ನ್ಯೂ ಇಂಡಿಯನ್ ಎಕ್ಸ್​ಪ್ರೆಸ್ ವರದಿ ಮಾಡಿದೆ.

ರಾಜ್ಯದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ