ಕರ್ನಾಟಕದ ವಾಯು ಗುಣಮಟ್ಟ: ಚಳಿಗಾಲ ಶುರುವಾಗುತ್ತಿದ್ದಂತೆ ಗಾಳಿಯ ಗುಣಮಟ್ಟದಲ್ಲಿ ಕೊಂಚ ಇಳಿಕೆ!

ಬೆಂಗಳೂರು, ಅಕ್ಟೋಬರ್ 30: ಇಂದು ರಾಜ್ಯದ ಪ್ರಮುಖ ನಗರಗಳಲ್ಲಿ ಮತ್ತು ಬೆಂಗಳೂರಿನಲ್ಲಿ ವಾಯು ಗುಣಮಟ್ಟವು ಒಟ್ಟಾರೆಯಾಗಿ ಸಾಧಾರಣ ಮಟ್ಟದಲ್ಲಿದ್ದು, ಕೆಲವು ಪ್ರದೇಶಗಳಲ್ಲಿ ಸೂಕ್ಷ್ಮ ಆರೋಗ್ಯ ಸಮಸ್ಯೆ ಇರುವವರಿಗೆ ತುಸು ಕಾಳಜಿಯ ಅಗತ್ಯವಿದೆ. ದೀಪಾವಳಿ ಹಬ್ಬದ ಸನ್ನಿಹಿತ ಹಾಗೂ ಚಳಿಗಾಲದ ಆರಂಭದಿಂದಾಗಿ ವಾಹನಗಳ ಹೊಗೆ ಮತ್ತು ಧೂಳಿನ ಪ್ರಮಾಣ ನಗರ ಪ್ರದೇಶಗಳಲ್ಲಿ ಸಲ್ಪ ಏರಿಕೆಯಾಗಿದೆ.

ಬೆಂಗಳೂರಿನ ವಾಯು ಗುಣಮಟ್ಟ ಮತ್ತು ವಿವಿಧ ಪ್ರದೇಶಗಳ ಸ್ಥಿತಿ

ಇಂದು ಬೆಂಗಳೂರಿನ ಸರಾಸರಿ ವಾಯು ಗುಣಮಟ್ಟ ಸೂಚ್ಯಂಕವು 110 ರಿಂದ 130 ರ ಆಜುಬಾಜಿನಲ್ಲಿದೆ.

• ಹೆಬ್ಬಾಳ ಮತ್ತು ಪೀಣ್ಯ: ಕೈಗಾರಿಕಾ ಚಟುವಟಿಕೆ ಹಾಗೂ ವಾಹನ ದಟ್ಟಣೆಯಿಂದಾಗಿ ಇಲ್ಲಿ ಎಕ್ಯೂಐ ಪ್ರಮಾಣ 135 – 150 ರಷ್ಟಿದ್ದು, ನಗರದಲ್ಲೇ ಹೆಚ್ಚಿನ ವಾಯು ಮಾಲಿನ್ಯ ದಾಖಲಾಗಿದೆ.
• ಜಯನಗರ ಮತ್ತು ಬಿಟಿಎಂ ಲೇಔಟ್: ವಸತಿ ಪ್ರದೇಶಗಳಲ್ಲಿ ವಾಯು ಗುಣಮಟ್ಟ ತುಸು ಉತ್ತಮವಾಗಿದ್ದು, ಎಕ್ಯೂಐ 80 – 95 ರಷ್ಟಿದೆ (ಸಾಧಾರಣ ಮಟ್ಟ)
• ಸಿಲ್ಕ್ ಬೋರ್ಡ್ ಮತ್ತು ವೈಟ್‌ಫೀಲ್ಡ್: ಬೆಳಗಿನ ಜಾವದ ದಟ್ಟಣೆಯಿಂದಾಗಿ ಎಕ್ಯೂಐ 120ರ ಸನಿಹದಲ್ಲಿದೆ.

ಮುಖ್ಯವಾಗಿ PM2.5 ಮತ್ತು PM10 ಸೂಕ್ಷ್ಮ ಕಣಗಳ ಪ್ರಮಾಣ ಹೆಚ್ಚಿರುವುದು ಈ ಮಾಲಿನ್ಯಕ್ಕೆ ಪ್ರಮುಖ ಕಾರಣವಾಗಿದೆ.

ರಾಜ್ಯದ ಇತರ ಪ್ರಮುಖ ನಗರಗಳ ವಾಯು ಮಾಲಿನ್ಯ ಪ್ರಮಾಣ

ಕರ್ನಾಟಕದ ಇತರ ಪ್ರಮುಖ ನಗರಗಳಿಗೆ ಹೋಲಿಸಿದರೆ ಬೆಂಗಳೂರಿನಲ್ಲಿ ಮಾಲಿನ್ಯ ಪ್ರಮಾಣ ಕೊಂಚ ಹೆಚ್ಚಾಗಿದೆ.

• ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ಇಂದು ಎಕ್ಯೂಐ 105 – 117ರಷ್ಟಿದ್ದು, ‘ಸಾಧಾರಣ’ ವಿಭಾಗದಲ್ಲಿದೆ.
• ಮಂಗಳೂರು: ಕರಾವಳಿ ನಗರ ಮಂಗಳೂರಿನಲ್ಲಿ ಸಮುದ್ರದ ಗಾಳಿಯ ಪ್ರಭಾವದಿಂದ ವಾಯು ಗುಣಮಟ್ಟ ಉತ್ತಮವಾಗಿದ್ದು, ಎಕ್ಯೂಐ 50 – 65 ದಾಖಲಾಗಿದೆ.
• ಹುಬ್ಬಳ್ಳಿ – ಧಾರವಾಡ: ವಾಣಿಜ್ಯ ನಗರಿ ಹುಬ್ಬಳ್ಳಿಯಲ್ಲಿ ಎಕ್ಯೂಐ 85 – 100 ರಷ್ಟಿದೆ.
• ಬೆಳಗಾವಿ ಮತ್ತು ಕಲ್ಬುರ್ಗಿ: ಇಲ್ಲಿ ವಾಯು ಗುಣಮಟ್ಟ 70 – 90 ರಷ್ಟಿದ್ದು, ‘ಉತ್ತಮದಿಂದ ಸಾಧಾರಣ’ ಮಟ್ಟದಲ್ಲಿದೆ.

ಅಸ್ತಮಾ ಹಾಗೂ ಉಸಿರಾಟದ ತೊಂದರೆ ಇರುವವರು ಮತ್ತು ಹಿರಿಯ ನಾಗರಿಕರು ಬೆಳಗಿನ ಜಾವ ಸಾರ್ವಜನಿಕವಾಗಿ ಸಂಚರಿಸುವಾಗ ಮಾಸ್ಕ್ ಧರಿಸುವುದು ಸೂಕ್ತ.

ಕರ್ನಾಟಕದ ಇನ್ನಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ