ರಾಯಲ್ ಎನ್‌ಫೀಲ್ಡ್ ಏರಿದ ತೇಜಸ್ವಿ ಸೂರ್ಯ ಪತ್ನಿ ಶಿವಶ್ರೀ ಸ್ಕಂದಪ್ರಸಾದ್: ಸಂಸದರ ಪತ್ನಿಗೆ ನೆಟ್ಟಿಗರಿಂದ ಬಹುಪರಾಕ್​​

ಬೆಂಗಳೂರು, ಸೆಪ್ಟೆಂಬರ್​​ 20: ಸಂಗೀತ ಕಲಾವಿದೆ ಮತ್ತು ಬೆಂಗಳೂರು ದಕ್ಷಿಣ ಕ್ಷೇತ್ರದ ಸಂಸದ ತೇಜಸ್ವಿ ಸೂರ್ಯ ಅವರ ಪತ್ನಿ ಶಿವಶ್ರೀ ಸ್ಕಂದಪ್ರಸಾದ್ ಅವರು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ವಿಡಿಯೋವೊಂದು ಭಾರಿ ವೈರಲ್​​ ಆಗಿದೆ. ಬೆಂಗಳೂರಿನ ರಸ್ತೆಯಲ್ಲಿ ಶಿವಶ್ರೀ ಅವರು ರಾಯಲ್ ಎನ್‌ಫೀಲ್ಡ್ ಎಲೆಕ್ಟ್ರಿಕ್​​ ಬೈಕ್ ಸವಾರಿ ಮಾಡಿರುವ ದೃಶ್ಯಗಳು ಅದರಲ್ಲಿದ್ದು, ಸಂಸದರ ಪತ್ನಿಯ ಈ ಪೋಸ್ಟ್​​ಗೆ ನೆಟ್ಟಿಗರಿಂದ ನಾನಾ ರೀತಿಯ ಅಭಿಪ್ರಾಯಗಳು ವ್ಯಕ್ತವಾಗಿವೆ.

ಪತಿ ಬಗ್ಗೆ ಉಲ್ಲೇಖಿಸಿ ಶಿವಶ್ರೀ ಸ್ಕಂದಪ್ರಸಾದ್ ಪೋಸ್ಟ್​​

Tejasvi Surya’s wife Shivashree Skandaprasad rode a Royal Enfield e-bike through Bengaluru roads. Video is going viral!

Caption : “Things my husband makes me do…”⁰#RoyalEnfield #EBikeRide #Bengaluru pic.twitter.com/eKhX02s6Iv

— ಸನಾತನ (सनातन) (@sanatan_kannada) September 20, 2026

ನನ್ನ ಪತಿ ನನ್ನಿಂದ ಮಾಡಿಸುವ ಕೆಲಸಗಳು… ಮತ್ತು ಕೊನೆಗೆ ನಾನೂ ಅದನ್ನೇ ಮಾಡಿಬಿಡುತ್ತೇನೆ ಎಂಬ ಬರಹದ ಜೊತೆ ತಾವು ಬೈಕ್​​ ಸವಾರಿ ಮಾಡುತ್ತಿರುವ ವಿಡಿಯೋವನ್ನು ಶಿವಶ್ರೀ ಸ್ಕಂದಪ್ರಸಾದ್ ಹಂಚಿಕೊಂಡಿದ್ದಾರೆ. ಈ ವಿಡಿಯೋಗೆ ನೆಟ್ಟಿಗರಿಂದ ನೂರಾರು ಕಾಮೆಂಟ್​​ಗಳು ಬಂದಿದ್ದು, ನೀವು ಹಲವು ಮಹಿಳೆಯರಿಗೆ ಸ್ಫೂರ್ತಿ ಎಂದು ಸಂಸದರ ಪತ್ನಿಯನ್ನು ಹಾಡಿ ಹೊಗಳಿದ್ದಾರೆ. ನೀವು ಬಹುಮುಖ ಪ್ರತಿಭೆ ಎಂದು ಇನ್ನೊಬ್ಬರು ಹೇಳಿದ್ದರೆ, ಹಾಡು ಹೇಳುವ ಜೊತೆಗೆ ನಿಮಗೆ ಬೈಕ್​​ ಚಲಾಯಿಸಲೂ ಬರುತ್ತಾ ಎಂದು ಮತ್ತೊಬ್ಬರು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: ‘ಮ್ಯಾನ್ ಆಫ್ ಸ್ಟೀಲ್’: ಪತಿ, ಸಂಸದ ತೇಜಸ್ವಿ ಸೂರ್ಯ ಸಾಧನೆಗೆ ಪತ್ನಿ ಶಿವಶ್ರೀ ಹೇಳಿದ್ದೇನು?

ಗೋವಾದಲ್ಲಿ ನಡೆದಿದ್ದ ಐರನ್‌ಮ್ಯಾನ್ 70.3 ಓಟವನ್ನು ಸಂಸದ, ಪತಿ ತೇಜಸ್ವಿ ಸೂರ್ಯ ಜೊತೆ ಯಶಸ್ವಿಯಾಗಿ ಪೂರ್ಣಗೊಳಿಸುವ ಮೂಲಕವೂ ಈ ಹಿಂದೆ ಶಿವಶ್ರೀ ಸ್ಕಂದಪ್ರಸಾದ್ ನೆಟ್ಟಿಗರಿಂದ ಭಾರಿ ಪ್ರಶಂಸೆ ಪಡೆದಿದ್ದರು. ಈ ವೇಳೆ 90 ಕಿ.ಮೀ. ಸೈಕ್ಲಿಂಗ್​ ಕೂಡ ಮಾಡಿ ಅವರು ಗಮನ ಸೆಳೆದಿದ್ದರು. ತೇಜಸ್ವಿ ಸೂರ್ಯ ಜೊತೆ ಇವರ ವಿವಾಹವು 2025ರ ಮಾರ್ಚ್ 6ರಂದು ಬೆಂಗಳೂರಿನಲ್ಲಿ ನಡೆದಿತ್ತು.

ಮತ್ತಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್​​ ಮಾಡಿ.

Published On - 4:12 pm, Sun, 20 September 26