2 ಗುಂಪುಗಳ ನಡುವೆ ಮಾರಾಮಾರಿ, ನಗರಸಭೆ ಸದಸ್ಯೆ ಮನೆಗೆ ನುಗ್ಗಿ ದಾಂಧಲೆ

ರಾಮನಗರ: ಕೆಲ ದುಷ್ಕರ್ಮಿಗಳು ಗುಂಪೊಂದು ಜಿಲ್ಲೆಯ ಚನ್ನಪಟ್ಟಣ ನಗರಸಭೆಯ ಸದಸ್ಯೆ ಮನೆಗೆ ನುಗ್ಗಿ ಲಾಂಗು, ಮಚ್ಚಿನಿಂದ ದಾಳಿ ಮಾಡಿ ದಾಂಧಲೆ ನಡೆಸಿರುವ ಘಟನೆ ನಡೆದಿದೆ. ನಗರಸಭೆಯ ವಾರ್ಡ್ ನಂಬರ್ 31ರ ಸದಸ್ಯೆ ಮಂಗಳಮ್ಮ ಮನೆಗೆ ನುಗ್ಗಿ ದುಷ್ಕರ್ಮಿಗಳು ದಾಂಧಲೆ ಮಾಡಿದ್ದಾರೆ.

ಏಕಾಏಕಿ 20 ಪುಂಡರ ಗುಂಪು ಚನ್ನಪಟ್ಟಣ ನಗರದ ಮಹದೇಶ್ವರ ದೇವಸ್ಥಾನದ ಬಳಿಯ ಮಂಗಳಮ್ಮನ ಮನೆಗೆ ನುಗ್ಗಿ ಮನೆ ಬಳಿ ಇಲ್ಲಿಸಿದ್ದ ಬೈಕ್, ಕಿಟಕಿ, ಕುರ್ಚಿಗಳು ಧ್ವಂಸ ಮಾಡಿದ್ದಾರೆ. ಮಂಗಳಮ್ಮನ ಕಣ್ಣೆದುರೇ ಕಿಡಿಗೇಡಿಗಳು ಇಂತಹ ಕೃತ್ಯ ಎಸಗಿದ್ದಾರೆ.

ಚನ್ನಪಟ್ಟಣದಲ್ಲಿ 2 ಗುಂಪುಗಳ ನಡುವೆ ಗಲಾಟೆ ನಡೆಯುತ್ತಿತ್ತು. ಗಲಾಟೆ ವೇಳೆ ಇಬ್ಬರು ಮಂಗಳಮ್ಮನವರ ಮನೆಗೆ ನುಗ್ಗಿದ್ದರು. ಮನೆಗೆ ನುಗ್ಗಿದವರ ಮೇಲೆ ಹಲ್ಲೆ ನಡೆಸಲು ಮುಂದಾದ 2 ಗುಂಪುಗಳು ಮನೆಯಲ್ಲೇ ಮಾರಾಮಾರಿ ಮಾಡಿಕೊಂಡಿದ್ದಾರೆ. ಒಂದು ಗುಂಪಿನಿಂದ ಮನೆಯಲ್ಲಿ ಪೀಠೋಪಕರಣ ಧ್ವಂಸ ಮಾಡಲಾಗಿದೆ. ಸ್ಥಳಕ್ಕೆ ಚನ್ನಪಟ್ಟಣ ಗ್ರಾಮಾಂತರ ಠಾಣೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ. 2 ಗುಂಪುಗಳ ನಡುವಿನ ಜಗಳದಲ್ಲಿ ನಗರಸಭೆ ಸದಸ್ಯೆ ಮಂಗಳಮ್ಮನ ಮನೆಯ ಪೀಠೋಪಕರಣಗಳು ನಾಶವಾಗಿದೆ.

ಇದನ್ನೂ ಓದಿ: ಗ್ರಾಮ ಪಂಚಾಯತಿ ಸದಸ್ಯೆ ಮನೆ ಮೇಲೆ ದಾಳಿ; ಮಣ್ಣು ತೆಗೆಯುವ ವಿಚಾರಕ್ಕೆ ಕಿಡಿಗೇಡಿಗಳಿಂದ ದಾಂದಲೆ

Published On - 8:34 am, Tue, 10 August 21