ಯಶವಂತಪುರ-ಶಿವಮೊಗ್ಗ ರೈಲು ತಾಳಗುಪ್ಪವರೆಗೂ ವಿಸ್ತರಣೆ: ಯಾವಾಗಿನಿಂದ? ಇಲ್ಲಿದೆ ಡಿಟೇಲ್ಸ್

ಶಿವಮೊಗ್ಗ, ಅ,17: ದಸರಾ ಮತ್ತು ದೀಪಾವಳಿ ಹಬ್ಬಗಳ ಸಂದರ್ಭದಲ್ಲಿ ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿಭಾಯಿಸಲು ನೈರುತ್ಯ ರೈಲ್ವೆಯು ಯಶವಂತಪುರ-ಶಿವಮೊಗ್ಗ ಟೌನ್-ಯಶವಂತಪುರ ನಡುವೆ ಸಂಚರಿಸುವ ರೈಲನ್ನು ತಾಳಗುಪ್ಪವರೆಗೆ ವಿಸ್ತರಣೆ ಮಾಡಿದೆ. ಈ ತಾತ್ಕಾಲಿಕ ವಿಸ್ತರಣಾ ಸೇವೆಯು ಅಕ್ಟೋಬರ್ 18ರಿಂದ ನವೆಂಬರ್ 12ರ ಜಾರಿಯಲ್ಲಿರಲಿದೆ. ಇದರೊಂದಿಗೆ ಕೆಲವು ರೈಲು ಮಾರ್ಗ ಬದಲಾವಣೆ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಇದರಿಂದ ಸಾಗರ, ಆನಂದಪುರಂ ಹಾಗೂ ತಾಳಗುಪ್ಪ ಭಾಗದ ಜನರಿಗೆ ಅನುಕೂಲವಾಗಲಿದೆ. ಇನ್ನು ಇದಕ್ಕೆ ​ಸಂಸದ ಬಿ.ವೈ. ರಾಘವೇಂದ್ರ ಅವರು ಪ್ರಧಾನಿ ನರೇಂದ್ರ ಮೋದಿ ಹಾಗೂ ರೈಲ್ವೆ ಸಚಿವರಿಗೆ ಧನ್ಯವಾದ ತಿಳಿಸಿದ್ದಾರೆ.

ಯಾವಾಗ ವಿಸ್ತರಣೆ?

ರಾಜಧಾನಿಯಿಂದ ಶಿವಮೊಗ್ಗಕ್ಕೆ ವಾರಕ್ಕೆ ಮೂರು ಬಾರಿ (Tri-Weekly) ಓಡುವ ಯಶವಂತಪುರ-ಶಿವಮೊಗ್ಗ ಟೌನ್-ಯಶವಂತಪುರ ಎಕ್ಸ್‌ಪ್ರೆಸ್ ರೈಲುಗಳನ್ನು (16581/16582) ತಾಳಗುಪ್ಪದವರೆಗೆ ತಾತ್ಕಾಲಿಕವಾಗಿ ವಿಸ್ತರಿಸಲು ನಿರ್ಧರಿಸಲಾಗಿದೆ. ಪ್ರತಿಯೊಂದು ದಿಕ್ಕಿನಲ್ಲಿಯೂ ಒಟ್ಟು 11 ಟ್ರಿಪ್‌ಗಳ ಸೇವೆ ಲಭ್ಯ ಇವೆ. ರೈಲಿನ ಸಂಯೋಜನೆ (ಬೋಗಿಗಳ ಸಂಖ್ಯೆ ಮತ್ತು ವಿಧ) ಹಾಗೂ ಸಂಚರಿಸುವ ದಿನಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ನೈರುತ್ಯ ರೈಲ್ವೆ ತಿಳಿಸಿದೆ. ಇನ್ನು ಅಕ್ಟೋಬರ್ 18, 20, 22, 25, 27, 29 ಹಾಗೂ ನವೆಂಬರ್ 3, 5, 8, 10, 12ರಂದು ಸೇವೆ ಲಭ್ಯ.

ಇದನ್ನೂ ಓದಿ: ಹಾಸನಾಂಬೆ ದರ್ಶನೋತ್ಸವ 2026: ಬೆಂಗಳೂರು, ಅರಸೀಕೆರೆಯಿಂದ ಹಾಸನಕ್ಕೆ ವಿಶೇಷ ರೈಲು ಸೇವೆ! ವೇಳಾಪಟ್ಟಿ ಇಲ್ಲಿದೆ

ವೇಳಾಪಟ್ಟಿ

ದಸರಾ ಮತ್ತು ದೀಪಾವಳಿ ಹಬ್ಬಗಳ ಅಂಗವಾಗಿ ಶಿವಮೊಗ್ಗ ಹಾಗೂ ಮಲೆನಾಡಿನ ಜನತೆಗೆ ಶುಭ ಸುದ್ದಿ!

​ಶಿವಮೊಗ್ಗ – ಯಶವಂತಪುರ ಟ್ರೈ-ವೀಕ್ಲಿ ಎಕ್ಸ್‌ಪ್ರೆಸ್ (ರೈಲು ಸಂಖ್ಯೆ: 16581/16582) ಸೇವೆಗಳನ್ನು ತಾಳಗುಪ್ಪದವರೆಗೆ ತಾತ್ಕಾಲಿಕವಾಗಿ ವಿಸ್ತರಿಸಲಾಗಿದೆ. ದಸರಾ ಮತ್ತು ದೀಪಾವಳಿ ಹಬ್ಬಗಳ ಸಂದರ್ಭದಲ್ಲಿ ಪ್ರಯಾಣಿಕರ ಹೆಚ್ಚುವರಿ ದಟ್ಟಣೆಯನ್ನು ನಿಯಂತ್ರಿಸಲು ಹಾಗೂ ಮಲೆನಾಡಿನ ಭಾಗದ ಪ್ರಯಾಣಿಕರಿಗೆ ಸುಲಭ ಸಂಚಾರ ಕಲ್ಪಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ.

ದಿನಾಂಕಗಳು (11 ಸಂಚಾರಗಳು): ಅಕ್ಟೋಬರ್ 18, 20, 22, 25, 27, 29 ಹಾಗೂ ನವೆಂಬರ್ 03, 05, 08, 10, 12.

​ಪ್ರಮುಖ ಸಮಯ:

​ರೈಲು ಸಂಖ್ಯೆ 16581 (ಯಶವಂತಪುರ – ತಾಳಗುಪ್ಪ): ಶಿವಮೊಗ್ಗ ಟೌನ್ ನಿರ್ಗಮನ: 06:05 AM ➔ ತಾಳಗುಪ್ಪ ಆಗಮ: 09:00 AM.

​ರೈಲು ಸಂಖ್ಯೆ 16582 (ತಾಳಗುಪ್ಪ – ಯಶವಂತಪುರ): ತಾಳಗುಪ್ಪ ನಿರ್ಗಮನ: 22:00 PM (ರಾತ್ರಿ 10:00) ➔ ಶಿವಮೊಗ್ಗ ಟೌನ್ ಆಗಮ: 23:50 PM.

ಶಿವಮೊಗ್ಗ ಹಾಗೂ ಮಲೆನಾಡಿನ ಜನತೆಯ ಸುಲಭ ಪ್ರಯಾಣಕ್ಕಾಗಿ ಸ್ಪಂದಿಸಿ ಈ ತಾತ್ಕಾಲಿಕ ವಿಸ್ತರಣೆ ನೀಡಿದ ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಜಿ, ಕೇಂದ್ರ ರೈಲ್ವೇ ಸಚಿವ ಶ್ರೀ ಅಶ್ವಿನಿ ವೈಷ್ಣವ್ ಜಿ, ಕೇಂದ್ರ ರೈಲ್ವೇ ರಾಜ್ಯ ಸಚಿವ ಶ್ರೀ ವಿ. ಸೋಮಣ್ಣ ಅವರಿಗೆ ಹಾಗೂ ನೈಋತ್ಯ ರೈಲ್ವೇ ಅಧಿಕಾರಿಗಳಿಗೆ ಹೃತ್ಪೂರ್ವಕ ಧನ್ಯವಾದಗಳು.

@narendramodi | @AshwiniVaishnaw | @VSOMANNA_BJP | @RailMinIndia | @SWRRLY

— B Y Raghavendra (@BYRBJP) October 16, 2026

• ಯಶವಂತಪುರ-ಶಿವಮೊಗ್ಗ ಟೌನ್ ರೈಲು (16581) ಯಶವಂತಪುರದಿಂದ ರಾತ್ರಿ 00:15 ಗಂಟೆಗೆ ಹೊರಡುತ್ತದೆ. ಅದೇ ದಿನ ಬೆಳಗ್ಗೆ 09 ಗಂಟೆಗೆ ತಾಳಗುಪ್ಪ ನಿಲ್ದಾಣವನ್ನು ತಲುಪುತ್ತದೆ.
•  ಶಿವಮೊಗ್ಗ ಟೌನ್-ಯಶವಂತಪುರ ರೈಲು (16582) ತಾಳಗುಪ್ಪದಿಂದ ರಾತ್ರಿ 10 ಗಂಟೆಗೆ ಹೊರಟು, ಮಾರನೇ ದಿನ ಯಶವಂತಪುರವನ್ನು ತಲುಪುತ್ತದೆ.

ಇನ್ನು  ಪ್ರಾದೇಶಿಕ ರೈಲ್ವೆ ಮೂಲಸೌಕರ್ಯಕ್ಕೆ ದೊಡ್ಡ ಉತ್ತೇಜನ ನೀಡುವ ನಿಟ್ಟಿನಲ್ಲಿ, ನೈಋತ್ಯ ರೈಲ್ವೆಯು ಮೈಸೂರು-ತಳಗುಪ್ಪ-ಮೈಸೂರು ಎಕ್ಸ್‌ಪ್ರೆಸ್ (16227/16228) ಹಾಗೂ ತಳಗುಪ್ಪ-ಶಿವಮೊಗ್ಗ ಟೌನ್-ತಳಗುಪ್ಪ (56217/56218) ರೈಲುಗಳಲ್ಲಿನ ಸಾಂಪ್ರದಾಯಿಕ ಐಸಿಎಫ್ (ICF) ಬೋಗಿಗಳನ್ನು ಬದಲಾಯಿಸಿ, ಅವುಗಳ ಜಾಗದಲ್ಲಿ ಅತ್ಯಾಧುನಿಕ ಮತ್ತು ಅತ್ಯಂತ ಸುರಕ್ಷಿತವಾದ ‘ಲಿಂಕೆ ಹಾಫ್‌ಮನ್ ಬುಷ್’ (LHB) ಬೋಗಿಗಳನ್ನು ಅಳವಡಿಸುತ್ತಿದೆ ಎಂದು ಸಂಸದ ರಾಘವೇಂದ್ರ ತಿಳಿಸಿದ್ದಾರೆ.

ಕರ್ನಾಟಕದ ಮತ್ತಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:31 pm, Fri, 16 October 26