ಕ್ಷುಲ್ಲಕ ಕಾರಣಕ್ಕೆ ಮಚ್ಚಿನಿಂದ ಮಾಜಿ ಉಪಮೇಯರ್ ಮೇಲೆ ಹಲ್ಲೆ.. ಎಲ್ಲಿ?

ತುಮಕೂರು: ಕ್ಷುಲ್ಲಕ ಕಾರಣಕ್ಕೆ ಮಾಜಿ ಉಪಮೇಯರ್ ಮೇಲೆ ಮಚ್ಚಿನಿಂದ ಹಲ್ಲೆ ನಡೆಸಿರುವ ಘಟನೆ ಮೆಳೆಕೋಟೆಯಲ್ಲಿ ನಡೆದಿದೆ.

ತಡರಾತ್ರಿಯಾದರೂ ಅನಗತ್ಯವಾಗಿ ಓಡಾಡುತ್ತ ಜನರಿಗೆ ಕಿರಿಕಿರಿ ಮಾಡುತಿದ್ದ ಯುವಕರ ಗುಂಪನ್ನು ತಡೆದು ಮಾಜಿ ಉಪಮೇಯರ್ ವೆಂಕಟೇಶ್ ಪ್ರಶ್ನಿಸಿದ್ದರು. ಈ ವೇಳೆ ಕೋಪಗೊಂಡ ಯುವಕರ ಗುಂಪು ಆ ಕ್ಷಣ ಸುಮ್ಮನಾಗಿ ಮನೆಗೆ ಹೋದಂತೆ ನಟಿಸಿ ಮಚ್ಚು ತಂದು ವೆಂಕಟೇಶ್ ಮೇಲೆ ಹಲ್ಲೆ ನಡೆಸಿದ್ದಾರೆ.

ಹಲ್ಲೆ ವೇಳೆ ವೆಂಕಟೇಶ್ ತಲೆಗೆ ಗಾಯಗಳಾಗಿವೆ. ಗಾಯಗೊಂಡ ವೆಂಕಟೇಶ್​ನ ಖಾಸಗಿ ಆಸ್ಪತ್ರೆಯಲ್ಲಿ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಸ್ಥಳಕ್ಕೆ ತಿಲಕ್ ಪಾಕ್೯ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸುತ್ತಿದ್ದಾರೆ.