ಸಂಕ್ರಾಂತಿ ಫಲಾಫಲ ದ್ವಾದಶ ರಾಶಿ ಭವಿಷ್ಯ: ಎಸ್.ಕೆ.ಜೈನ್

ಮಕರ ಸಂಕ್ರಮಣದಂದು ಸೂರ್ಯನ ಪಥ ದಕ್ಷಿಣಾಯಣ ಮುಗಿಸಿ, ಉತ್ತರಾಯಣ ಪ್ರವೇಶಿಸಲಿದೆ. ಸೂರ್ಯ ಮಕರ ರಾಶಿಗೆ ಪ್ರವೇಶಿಸುವ ಶುಭ ಸಮಯ, ಬೆಳಗ್ಗೆ 8.15 ನಿಮಿಷ. ಸಂಕ್ರಾಂತಿ, ಅಯ್ಯಪ್ಪ ಸ್ವಾಮಿ ಭಕ್ತರಿಗೂ ಪುಣ್ಯಕಾಲ. ಚಳಿಗಾಲ ಮುಗಿಸಿ, ಉಷ್ಣಕಾಲ ಆರಂಭವಾಗುವ ದಿನ. ಆ ದಿನದಿಂದ ಸೂರ್ಯನಾರಾಯಣ ಪಥ ಬದಲಿಸಿ ಉತ್ತರಾಯಣ ಪ್ರವೇಶಿಸುತ್ತಾನೆ. ಸಂಕ್ರಾಂತಿಯ ಕಾಲದಲ್ಲಿ ಎಲ್ಲರಿಗೂ ಒಳಿತನ್ನು ಹಾರೈಸೋಣ.

ಮೇಷ: ರಾಜಕಾರಣದಲ್ಲಿ ಉಜ್ವಲ ಭವಿಷ್ಯ ಸಿಗಲಿದೆ. ಸರ್ಕಾರಿ ನೌಕರಿ ಸಿಗುವ ಸಾಧ್ಯತೆ ಇದೆ. ದೂರದೇಶ ಪ್ರಯಾಣ ಅವಕಾಶ ಲಭ್ಯವಾಗಲಿದೆ. ಆರ್ಥಿಕ ವೃದ್ಧಿ ಆಗುತ್ತದೆ. ಸಾಲ ತೀರಿಸಲು ಸಕಾಲವಾಗಲಿದೆ. ಈವರೆಗೆ ಪಟ್ಟ ಕಷ್ಟಕ್ಕೆ ಸುಖ ಸಿಗುತ್ತದೆ. ಕೆಂಪು ಹವಳ ಬಳಸುವುದರಿಂದ ಶುಭವಾಗಲಿದೆ.

ವೃಷಭ: ನಷ್ಟ ಸಾಧ್ಯತೆ ಇದೆ. ಇತರರನ್ನು ನಂಬಿ ಕೆಡಬೇಡಿ. ಜಾಗ್ರತರಾಗಿರಿ. ನಂಬಿಕೆ ಇಲ್ಲದವರಿಗೆ ಹಣ ಕೊಡಬೇಡಿ. ದೆಶೆ ಚೆನ್ನಾಗಿದ್ದರೆ ಎಲ್ಲವೂ ಚೆನ್ನಾಗಿ ಸಾಗಲಿದೆ. ದೇವರನಾಮ ಜಪಿಸಿ. ಸಂಕಟಗಳು ದೂರವಾಗಲಿವೆ. ವಜ್ರ ಧಾರಣೆಯಿಂದ ಒಳಿತಾಗಲಿದೆ.

ಮಿಥುನ: ಆರೋಗ್ಯದ ಕಡೆಗೆ ಗಮನ ಕೊಡಿ. ಮಧುಮೇಹ, ರಕ್ತದೊತ್ತಡ ಇರುವವರು ಜೋಪಾನವಾಗಿರಿ. ಗುರು ಬಲ ಇದೆ. ಎಂಬಿಎ, ಎಂಸಿಎ, ಕಂಪ್ಯೂಟರ್ ಕೆಲಸಗಾರರಿಗೆ ಒಳಿತಾಗಲಿದೆ. ಅವಳಿ ಮಕ್ಕಳು ಇರುವವರಿಗೆ ಶುಭವಾಗಲಿದೆ. ಶಾಂತಿ ಜಪದಿಂದ ನೆಮ್ಮದಿ ಸಿಗಲಿದೆ.

ಕರ್ಕ: ವಿವಾಹ, ಶುಭಕಾರ್ಯ ಸಾಧ್ಯವಾಗಲಿದೆ. ಗುರುಬಲವಿದೆ. ಹನುಮಾನ್ ಚಾಲೀಸ ಓದಿರಿ. ಆಂಜನೇಯನನ್ನು ತಾಯಿ ಅಂಜನಾದೇವಿ ಜೊತೆ ಜಪಿಸಿ. ಒಳ್ಳೆಯದಾಗಲಿದೆ. ಈಶಾನ್ಯ ದಿಕ್ಕಿಗೆ ಪ್ರಯಾಣದಿಂದ ಒಳಿತಾಗಲಿದೆ.

ಸಿಂಹ: ಈ ರಾಶಿಗೆ ಉತ್ತರಾಯಣದಲ್ಲಿ ಶುಭವಾಗಲಿದೆ. ಏಪ್ರಿಲ್ 6ರ ನಂತರ ಗುರುಬಲವಿದೆ. ಆದರೆ, ಸಿಂಹ ರಾಶಿಯ ರಾಜಕಾರಣಿಗಳು ಜಾಗ್ರತರಾಗಿರಬೇಕು. ಏಪ್ರಿಲ್ 14 ನಂತರ ಭಾಗ್ಯೋದಯವಾಗಲಿದೆ. ಸರ್ಕಾರಿ ನೌಕರಿಗೆ ಒಳ್ಳೆಯದಾಗಲಿದೆ. ಉತ್ತರಕ್ಕೆ ಪ್ರಯಾಣ ಆಗಬಹುದು. ಮಾಣಿಕ್ಯ ಧಾರಣೆ ಒಳ್ಳೆಯದು.

ಕನ್ಯಾ: ಗುರುಬಲ ಇದೆ. ಧ್ಯಾನ ಮಾಡಿರಿ. ದೇವರನಾಮ ಸ್ಮರಣೆ ಒಳ್ಳೆಯದು. ವಿವಾಹ, ಸಂತಾನ ಭಾಗ್ಯ ಸಿಗಲಿದೆ. ಫೆಬ್ರವರಿ ಬಳಿಕ ಹಾಗೂ ಏಪ್ರಿಲ್ ಬಳಿಕ ಇನ್ನೂ ಸಂತೃಪ್ತಿ ದೊರಕಬಹುದು. ಸೂರ್ಯನಾರಾಯಣನ ಕೃಪೆ ನಿಮಗೆ ಇರಲಿದೆ. ಸೂರ್ಯನಮಸ್ಕಾರ ಮಾಡಿ.

ತುಲಾ: 6 ಏಪ್ರಿಲ್ ಬಳಿಕ ಗುರುಬಲ ಬರುವುದು. ಸಂಕಟಗಳು ದೂರವಾಗಲಿವೆ. ಭೂಮಿ ವ್ಯವಹಾರ ಸುಲಭವಾಗುತ್ತದೆ. ಸಂಕಟಗಳ ಬಳಿಕ ಶುಭಫಲ ಸಿಗುತ್ತದೆ. ಸಿನಿಮಾ ಕೆಲಸಗಾರರಿಗೆ ಒಳ್ಳೆಯದಾಗಲಿದೆ. ಒಳ್ಳೆಯವರ ಸಂಘ ಮಾಡಿದಷ್ಟು ಒಳಿತಾಗಲಿದೆ.

ವೃಶ್ಚಿಕ: ಖಾಯಿಲೆಗಳು ಮಾಯವಾಗುತ್ತದೆ. ದೇವರ ಪೂಜೆ ಮಾಡಿದರೆ, ಸರ್ಪಶಾಂತಿ ಮಾಡಿದರೆ ಒಳ್ಳೆಯದು. ಆರೋಗ್ಯ ವೃದ್ಧಿಯಾಗಲಿದೆ.

ಧನು: ಗುರುಬಲ ಇದೆ. ವಿವಾಹ ಇತ್ಯಾದಿ ಶುಭಕಾರ್ಯ ಆಗುತ್ತದೆ. ಶನಿಶಾಂತಿ ಮಾಡಿ, ಎಳ್ಳೆಣ್ಣೆ ಸ್ನಾನ ಮಾಡಿದರೆ ಒಳ್ಳೆಯದು. ಆರೋಗ್ಯ, ಆರ್ಥಿಕ ವೃದ್ಧಿ ಆಗಲಿದೆ. ಪೊಲೀಸ್, ಸೈನಿಕರಿಗೆ ತುಂಬಾ ಒಳ್ಳೆಯದು. ಸಾಲ ತೀರಿಸಲು ಸಕಾಲ. ಜಪತಪ ಮಾಡಿದರೆ ಶಾಂತಿ ಲಭಿಸಲಿದೆ.

ಮಕರ: ಶನಿಶಾಂತಿ ಮಾಡಿದರೆ ಒಳ್ಳೆಯದು. ಎಳ್ಳೆಣ್ಣೆ ಸ್ನಾನ ಮಾಡಿದರೆ ಒಳಿತಾಗಲಿದೆ. ಅಲ್ಪಸ್ವಲ್ಪ ಕಷ್ಟಗಳು ಎದುರಾದರೂ ದೃಢಮನಸಿನಿಂದ ಎದುರಿಸುವಿರಿ. ಮೊದಲಿಗೆ ಆರೋಗ್ಯ ಸಮಸ್ಯೆಗಳು ಬಂದರೂ ನಂತರ ಒಳ್ಳೆಯದಾಗಲಿದೆ.

ಕುಂಭ: ಏಳರಾಟ ಶನಿ ಇದೆ. ಆದರೆ, ದೆಶೆ ಚೆನ್ನಾಗಿದೆ. ಆತುರಪಟ್ಟು ನಿರ್ಧಾರ ಕೈಗೊಳ್ಳಬೇಡಿ. ರೈತರಿಗೂ ನಷ್ಟ ಆಗಬಹುದು. ಜಾಗೃತರಾಗಿ ಕೆಲಸ ಮಾಡಿ. ಹೆದರಿಕೊಂಡು ಇರಬೇಡಿ. ನಷ್ಟ ಆಗದಂತೆ ಜಾಗೃತರಾಗಿರಿ.

ಮೀನ: ಚಿನ್ನ ಕೊಳ್ಳಲು ಒಳ್ಳೆಯ ಕಾಲ. ಆಕಾಂಕ್ಷೆ ಪೂರ್ಣವಾಗುತ್ತದೆ. ಆರ್ಥಿಕ ವೃದ್ಧಿ ಆಗುತ್ತದೆ. ಲಾಟರಿ ಕೂಡ ಸಿಗಬಹುದು. ಹಳದಿ ಬಣ್ಣ, ಹಳದಿ ರತ್ನ ಬಳಸಿ.

(ಎಸ್​.ಕೆ.ಜೈನ್ ಸಂಪರ್ಕ ಸಂಖ್ಯೆ 9880 459923)

ಸಂಕ್ರಾಂತಿ ಫಲಾಫಲ ದ್ವಾದಶ ರಾಶಿ ಭವಿಷ್ಯ: ಡಾ.ಬಸವರಾಜ್ ಗುರೂಜಿ

Published On - 11:05 am, Wed, 13 January 21