Bad Quality Medicines: ಗುಣಮಟ್ಟದ ಪರೀಕ್ಷೆಯಲ್ಲಿ 48 ಔಷಧಿಗಳು ಫೇಲ್, ಈ ಔಷಧಿಗಳನ್ನು ಬಳಸುವಾಗ ಎಚ್ಚರ

ದೇಶದಲ್ಲಿ ಪ್ರಮಾಣಿತ ಪರೀಕ್ಷೆಯಲ್ಲಿ 48 ಔಷಧಿಗಳ ಮಾದರಿಗಳು ವಿಫಲವಾಗಿವೆ . ಈ ಔಷಧಿಗಳಲ್ಲಿ, ಹೃದ್ರೋಗ, ಬಿಪಿಗೆ ಬಳಸುವ  ಬಳಸುವ ಔಷಧಿಯೂ ಇದೆ. ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಶನ್ (CDSCO) ದ ತನಿಖಾ ವರದಿಯು ಉತ್ತರಾಖಂಡದಲ್ಲಿ ತಯಾರಿಸಲಾದ 14 ಔಷಧಿಗಳನ್ನು ಒಳಗೊಂಡಿದೆ. ಕಳೆದ ತಿಂಗಳು ಸೆಂಟ್ರಲ್ ಡ್ರಗ್ಸ್ ಸ್ಟ್ಯಾಂಡರ್ಡ್ ಕಂಟ್ರೋಲ್ ಆರ್ಗನೈಸೇಷನ್ ನಿಂದ ಒಟ್ಟು 1497 ಔಷಧಗಳ ಮಾದರಿ ಪರೀಕ್ಷೆ ನಡೆಸಲಾಗಿತ್ತು. ಈ ಪೈಕಿ 48 ಔಷಧಿ ಗುಣಮಟ್ಟವನ್ನು ಸಾಬೀತುಪಡಿಸುವಲ್ಲಿ ವಿಫಲವಾಗಿವೆ.

ಇದಲ್ಲದೆ, ಹಿಮಾಚಲ ಪ್ರದೇಶದ 13, ಕರ್ನಾಟಕದ 4, ಹರಿಯಾಣ, ಮಹಾರಾಷ್ಟ್ರ ಮತ್ತು ದೆಹಲಿಯಲ 2-2 ಮತ್ತು ಗುಜರಾತ್, ಮಧ್ಯಪ್ರದೇಶ, ಸಿಕ್ಕಿಂ, ಜಮ್ಮು ಮತ್ತು ಪುದುಚೇರಿಯ 1-1 ಔಷಧಿಗಳಿವೆ. ಕಳೆದ ತಿಂಗಳು ಒಟ್ಟು 1497 ಔಷಧ ಮಾದರಿ ಪರೀಕ್ಷೆ ನಡೆಸಲಾಗಿತ್ತು. ಈ ಪೈಕಿ 48 ಔಷಧಿ ಗುಣಮಟ್ಟವನ್ನು ಪೂರೈಸಿಲ್ಲ.

CDSCO ವರದಿಯ ಪ್ರಕಾರ, ಈ ಔಷಧಿಗಳು ಜನರು ವ್ಯಾಪಕವಾಗಿ ಬಳಸುತ್ತಿರುವ Lycopene Mineral Syrup ನಂತಹ ಔಷಧಿಗಳನ್ನು ಸಹ ಒಳಗೊಂಡಿರುತ್ತವೆ. ಇದಲ್ಲದೆ ವಿಟಮಿನ್ ಸಿ ಇಂಜೆಕ್ಷನ್, ಫೋಲಿಕ್ ಆಸಿಡ್ ಇಂಜೆಕ್ಷನ್, ಅಲ್ಬೆಂಡಜೋಲ್, ಕೌಶಿಕ್ ಡಾಕ್-500, ನಿಕೋಟಿನಮೈಡ್ ಇಂಜೆಕ್ಷನ್, ಅಮೋಕ್ಸಾನಾಲ್ ಪ್ಲಸ್ ಮತ್ತು ಅಲ್ಸಿಫ್ಲೋಕ್ಸ್ ಮುಂತಾದ ಔಷಧಿಗಳಿವೆ. ವಿಟಮಿನ್ ಕೊರತೆಯನ್ನು ಪೂರೈಸಲು, ಅಧಿಕ ಬಿಪಿಯನ್ನು ನಿಯಂತ್ರಿಸಲು, ಅಲರ್ಜಿಯನ್ನು ತಡೆಗಟ್ಟಲು, ಆಮ್ಲ ನಿಯಂತ್ರಣ ಮತ್ತು ಶಿಲೀಂಧ್ರಗಳ ಸೋಂಕನ್ನು ತೊಡೆದುಹಾಕಲು ಈ ಔಷಧಿಗಳನ್ನು ಬಳಸಲಾಗುತ್ತದೆ. ಈ ಔಷಧಿಗಳಲ್ಲಿ ಹೆಸರಾಂತ ಕಂಪನಿಯ ಟೂತ್ ಪೇಸ್ಟ್ ಕೂಡ ವಿಫಲವಾಗಿದೆ. ಹೆಚ್ಚಿನ ಸಂಖ್ಯೆಯ ಜನರು ಈ ಟೂತ್ಪೇಸ್ಟ್ ಅನ್ನು ಬಳಸುತ್ತಾರೆ.

ಕಂಪನಿಗಳಿಗೆ ನೋಟಿಸ್ ಜಾರಿ ಮಾಡಿದೆ ಪರೀಕ್ಷೆಯಲ್ಲಿ ವಿಫಲವಾದ ಔಷಧಗಳಿಗೆ ಉತ್ತರ ಕೋರಿ ಫಾರ್ಮಾ ಕಂಪನಿಗಳಿಗೆ ನೋಟಿಸ್ ನೀಡಲಾಗಿದೆ. ಫಾರ್ಮಾ ಕಂಪನಿಗಳ ತನಿಖೆಗೆ ಎಲ್ಲಾ ಡ್ರಗ್ ಇನ್ಸ್‌ಪೆಕ್ಟರ್‌ಗಳಿಗೆ ಆದೇಶಿಸಲಾಗಿದೆ. ಪರೀಕ್ಷೆಯಲ್ಲಿ ವಿಫಲವಾದ ಔಷಧಗಳನ್ನು ಮಾರುಕಟ್ಟೆಯಿಂದ ಹಿಂತೆಗೆದುಕೊಳ್ಳುವಂತೆಯೂ ಕೇಳಲಾಗಿದೆ. ಪ್ರತಿ ಕೆಲವು ತಿಂಗಳಿಗೊಮ್ಮೆ CDSCO ನಿಂದ ವಿವಿಧ ಫಾರ್ಮಾ ಕಂಪನಿಗಳ ಔಷಧಿಗಳ ಮಾದರಿ ಪರೀಕ್ಷೆಗಳನ್ನು ಮಾಡಲಾಗುತ್ತದೆ.

ಕಳೆದ ವರ್ಷ ನವೆಂಬರ್‌ನಲ್ಲೂ ಪರೀಕ್ಷೆ ನಡೆಸಲಾಗಿದ್ದು, ಸುಮಾರು 50 ಔಷಧಗಳು ವಿಫಲವಾಗಿತ್ತು. ಆ ಔಷಧಿಗಳಲ್ಲಿ ಆ್ಯಂಟಿಬಯೋಟಿಕ್ ಔಷಧವೂ ಸೇರಿತ್ತು.

4 ರಿಂದ 6 ರಷ್ಟು ಔಷಧಗಳು ಕಳಪೆ ಗುಣಮಟ್ಟದ್ದಾಗಿರುವುದು ಕಂಡುಬಂದಿದೆ ತಜ್ಞರ ಪ್ರಕಾರ, ಸರಾಸರಿಯಾಗಿ, ವಿಶ್ವದಾದ್ಯಂತ ಔಷಧಿಗಳ ಒಟ್ಟು ಮಾದರಿಗಳಲ್ಲಿ 4 ರಿಂದ 6 ಪ್ರತಿಶತವು ಕಳಪೆ ಗುಣಮಟ್ಟದ್ದಾಗಿದೆ ಎಂಬುದು ಕಂಡುಬಂದಿದೆ. ಆದರೆ ಅದು 6 ಪ್ರತಿಶತವನ್ನು ಮೀರಿದರೆ, ಆತಂಕವು ಹೆಚ್ಚಾಗಬಹುದು. ಔಷಧಿ ತಜ್ಞ ಡಾ. ಅಜಯ್ ಕುಮಾರ್ ಅವರ ಪ್ರಕಾರ, ಹವಾಮಾನದಲ್ಲಿನ ಬದಲಾವಣೆ ಮತ್ತು ಯಾವುದೇ ಹಾನಿಕಾರಕ ಬ್ಯಾಕ್ಟೀರಿಯಾಗಳು ಔಷಧಿಗಳ ದಾಸ್ತಾನು ಅಥವಾ ಮಾದರಿ ದೋಷದಿಂದ ಇದು ಸಂಭವಿಸಬಹುದು.

ಆದಾಗ್ಯೂ, ಇನ್ನೂ ಔಷಧಿಗಳ ಗುಣಮಟ್ಟವು ಕೆಟ್ಟದಾಗಿರಬಾರದು. ಹೆಚ್ಚಿನ ಸಂಖ್ಯೆಯ ಜನರು ಈ ಔಷಧಿಗಳನ್ನು ಬಳಸುತ್ತಾರೆ. ಹೆಚ್ಚಿನ ಬಿಪಿ ಮತ್ತು ಹೃದಯ ಚಿಕಿತ್ಸೆಗಾಗಿ ಔಷಧಿಗಳೂ ವಿಫಲವಾದ ಔಷಧಿಗಳಲ್ಲಿ ಸೇರಿವೆ. ಇಂತಹ ಪರಿಸ್ಥಿತಿಯಲ್ಲಿ ಕಂಪನಿಗಳು ಔಷಧಿಗಳ ದಾಸ್ತಾನು ಸರಿಯಾಗಿ ಪರಿಶೀಲಿಸಬೇಕು. ಇದರ ನಂತರವೇ ಅವುಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ.

ಮತ್ತಷ್ಟು ಓದಿ: ನವಲಹಳ್ಳಿಯ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಅವಧಿ ಮುಗಿದ ಔಷಧಿ ಪತ್ತೆ; ಅಧಿಕಾರಿಗಳ ವಿರುದ್ಧ ಆಕ್ರೋಶ

ಈ ಕಂಪನಿಗಳ ಬಗ್ಗೆ ಎಚ್ಚರವಿರಲಿ

ಈ ಔಷಧಿಗಳನ್ನು ಪಿಎಸ್​ಯು ಕರ್ನಾಟಕ ಆಂಟಿಬಯೋಟಿಕ್ಸ್ ಮತ್ತು ಫಾರ್ಮಾಸ್ಯುಟಿಕಲ್ಸ್, ಉತ್ತರಾಖಂಡ ಮೂಲದ ಸಿನೋಕೆಮ್ ಫಾರ್ಮಾಸ್ಯುಟಿಕಲ್ಸ್, ಹರಿಯಾಣ ಮೂಲದ ನೆಸ್ಟರ್ ಫಾರ್ಮಾಸ್ಯುಟಿಕಲ್ಸ್, ಉತ್ತರ ಪ್ರದೇಶ ಮೂಲದ ಜೆಬಿಜೆಎಂ ಪ್ಯಾರೆಂಟರಲ್ಸ್, ಸೋಲನ್ ಮೂಲದ ರೋನಮ್ ಹೆಲ್ತ್‌ಕೇರ್ ಮತ್ತು ಮುಂಬೈ ಮೂಲದ ಗ್ಲೆನ್‌ಮಾರ್ಕ್ ಫರ್ಮಾಸ್ ಸೇರಿದಂತೆ ಖಾಸಗಿ ಮತ್ತು ಸಾರ್ವಜನಿಕ ಔಷಧ ತಯಾರಕರು ತಯಾರಿಸುತ್ತಾರೆ.

ಕಬ್ಬಿಣ ಮತ್ತು ಫೋಲಿಕ್ ಆಮ್ಲದ ಮಾತ್ರೆಗಳು, ಪ್ರೋಬಯಾಟಿಕ್ಗಳು ​​ಮತ್ತು ಹಲವಾರು ಮಲ್ಟಿವಿಟಮಿನ್ ಮಾತ್ರೆಗಳು ಸೇರಿವೆ. ಇದು ವಿಟಮಿನ್ ಸಿ, ವಿಟಮಿನ್ ಬಿ 12, ಫೋಲಿಕ್ ಆಮ್ಲ ಮತ್ತು ನಿಯಾಸಿನಾಮೈಡ್ ಚುಚ್ಚುಮದ್ದನ್ನು ಒಳಗೊಂಡಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 10:51 am, Wed, 26 April 23