IND vs WI 2nd T20 Cricket Highlights: 255 ರನ್ ಗುರಿ ಬೆನ್ನಟ್ಟಿ ಗೆದ್ದ ವೆಸ್ಟ್ ಇಂಡೀಸ್
India vs West Indies 2nd T20 Cricket Match Highlights: ರಾಂಚಿಯಲ್ಲಿ ಮೂರುವರೆ ವರ್ಷಗಳ ನಂತರವೂ ಟೀಮ್ ಇಂಡಿಯಾದ ಅದೃಷ್ಟ ಬದಲಾಗಿಲ್ಲ. 2023 ರಲ್ಲಿ ಇದೇ ಮೈದಾನದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೋತಿದ್ದ ಟೀಂ ಇಂಡಿಯಾ ಈ ಬಾರಿ ವೆಸ್ಟ್ ಇಂಡೀಸ್ ವಿರುದ್ಧವೂ ಹೀನಾಯ ಸೋಲನ್ನು ಅನುಭವಿಸಿತು. ಈ ಗೆಲುವಿನೊಂದಿಗೆ ವಿಂಡೀಸ್ ಈ ಸರಣಿಯನ್ನು 1-1 ರಿಂದ ಸಮಬಲಗೊಳಿಸಿದೆ.
Updated on:Oct 09, 2026 | 11:02 PM
ರಾಂಚಿಯಲ್ಲಿ ಮೂರುವರೆ ವರ್ಷಗಳ ನಂತರವೂ ಟೀಮ್ ಇಂಡಿಯಾದ ಅದೃಷ್ಟ ಬದಲಾಗಿಲ್ಲ. 2023 ರಲ್ಲಿ ಇದೇ ಮೈದಾನದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೋತಿದ್ದ ಟೀಂ ಇಂಡಿಯಾ ಈ ಬಾರಿ ವೆಸ್ಟ್ ಇಂಡೀಸ್ ವಿರುದ್ಧವೂ ಹೀನಾಯ ಸೋಲನ್ನು ಅನುಭವಿಸಿತು. ಜೆಎಸ್‌ಸಿಎ ಕ್ರೀಡಾಂಗಣದಲ್ಲಿ ನಡೆದ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ 249 ರನ್ಗಳ ಅದ್ಭುತ ಮೊತ್ತವನ್ನು ಕಲೆಹಾಕಿತು. ಆದರೆ ನಾಯಕ ಶಾಯ್ ಹೋಪ್ ಅವರ ಅದ್ಭುತ ಶತಕ ಮತ್ತು ಶೆರ್ಫೇನ್ ರುದರ್ಫೋರ್ಡ್ ಅವರ ಸ್ಫೋಟಕ ಇನ್ನಿಂಗ್ಸ್ ವೆಸ್ಟ್ ಇಂಡೀಸ್ ತಂಡವನ್ನು ಸುಲಭವಾಗಿ ಗುರಿ ಬೆನ್ನಟಿಸಿತು. ಈ ಗೆಲುವಿನೊಂದಿಗೆ ವಿಂಡೀಸ್ ಈ ಸರಣಿಯನ್ನು 1-1 ರಿಂದ ಸಮಬಲಗೊಳಿಸಿದೆ.
LIVE NEWS & UPDATES
-
IND vs WI 2nd T20: ವೆಸ್ಟ್ ಇಂಡೀಸ್ಗೆ ಗೆಲುವು
ವೆಸ್ಟ್ ಇಂಡೀಸ್ ತಂಡವು ಭಾರತವನ್ನು 6 ವಿಕೆಟ್‌ಗಳಿಂದ ಸೋಲಿಸಿತು. ವಿಂಡೀಸ್ ತಂಡವು 250 ರನ್ಗಳ ಗುರಿಯನ್ನು ಇನ್ನೂ 9 ಎಸೆತಗಳು ಬಾಕಿ ಇರುವಾಗಲೇ ಬೆನ್ನಟ್ಟಿ ಅತಿದೊಡ್ಡ ಗುರಿ ಬೆನ್ನಟ್ಟಿ ಗೆದ್ದ ದಾಖಲೆ ಬರೆದಿದೆ. ನಾಯಕ ಶಾಯ್ ಹೋಪ್ 45 ಎಸೆತಗಳಲ್ಲಿ ಅಜೇಯ 102 ರನ್ ಗಳಿಸಿ ತಂಡದ ಗೆಲುವನ್ನು ಖಚಿತಪಡಿಸಿದರು.
-
IND vs WI 2nd T20: 18 ಎಸೆತಗಳಲ್ಲಿ 27 ರನ್ ಗಳ ಅವಶ್ಯಕತೆ
ವೆಸ್ಟ್ ಇಂಡೀಸ್ ಗೆಲ್ಲಲು ಈಗ 18 ಎಸೆತಗಳಲ್ಲಿ 27 ರನ್ಗಳ ಅವಶ್ಯಕತೆ ಇದೆ. ಕುಲ್ದೀಪ್ ಯಾದವ್ 17 ನೇ ಓವರ್ನಲ್ಲಿ ಅತ್ಯಂತ ದುಬಾರಿ ಬೌಲಿಂಗ್ ಮಾಡಿ 24 ರನ್ಗಳನ್ನು ನೀಡಿದರು. ಕುಲ್ದೀಪ್ ಯಾದವ್ ತಮ್ಮ 4 ಓವರ್ಗಳಲ್ಲಿ 53 ರನ್ ಗಳಿಗೆ 1 ವಿಕೆಟ್ ಪಡೆದರು. ವೆಸ್ಟ್ ಇಂಡೀಸ್ 17 ಓವರ್ಗಳಲ್ಲಿ 4 ವಿಕೆಟ್ಗೆ 223 ರನ್ ಗಳಿಸಿದೆ.
-
-
IND vs WI 2nd T20: ಮತ್ತೊಂದು ಅತ್ಯುತ್ತಮ ಓವರ್
ಮನ್ ಧೀರ್ ಅವರ ಎರಡನೇ ಓವರ್ನಲ್ಲಿ ರುದರ್ಫೋರ್ಡ್ ಮತ್ತು ಹೋಪ್ 18 ರನ್ ಗಳಿಸಿದರು. ಹೋಪ್ ಒಂದು ಸಿಕ್ಸರ್ ಮತ್ತು ರುದರ್ಫೋರ್ಡ್ ಒಂದು ಸಿಕ್ಸರ್ ಬಾರಿಸಿದರು.
-
IND vs WI 2nd T20: ರುದರ್ಫೋರ್ಡ್ರ ಅರ್ಧಶತಕ
ರುದರ್ಫೋರ್ಡ್ 24 ಎಸೆತಗಳಲ್ಲಿ ಅರ್ಧಶತಕ ಗಳಿಸಿ, ಶೈ ಹೋಪ್ ಅವರೊಂದಿಗೆ ಅದ್ಭುತ ಬ್ಯಾಟಿಂಗ್ ಮಾಡುತ್ತಿದ್ದಾರೆ. ಭಾರತ ವಿಕೆಟ್‌ಗಾಗಿ ಹುಡುಕುತ್ತಿದೆ. ಇಬ್ಬರೂ ಈಗಾಗಲೇ 40 ಎಸೆತಗಳಲ್ಲಿ 92 ರನ್ಗಳನ್ನು ಸೇರಿಸಿದ್ದಾರೆ. ವೆಸ್ಟ್ ಇಂಡೀಸ್ ಗೆಲ್ಲಲು 48 ಎಸೆತಗಳಲ್ಲಿ 98 ರನ್ಗಳ ಅಗತ್ಯವಿದೆ. ತಂಡವು 12 ಓವರ್ಗಳಲ್ಲಿ 3 ವಿಕೆಟ್‌ಗಳಿಗೆ 152 ರನ್ ಗಳಿಸಿದೆ.
-
IND vs WI 2nd T20: ಮೂರನೇ ವಿಕೆಟ್
ಮಯಾಂಕ್ ಯಾದವ್ ಅವರ ವೇಗದ ಬೌಲಿಂಗ್ ವೆಸ್ಟ್ ಇಂಡೀಸ್ ತಂಡವನ್ನು ಕಂಗೆಡಿಸಿದೆ. ಆರನೇ ಓವರ್ನಲ್ಲಿ ಮತ್ತೆ ಬಂದ ಮಯಾಂಕ್, ಮೊದಲ ಎಸೆತದಲ್ಲೇ ರೋವ್‌ಮನ್ ಪೊವೆಲ್ ಅವರನ್ನು ಬೌಲ್ಡ್ ಮಾಡಿದರು.
-
-
IND vs WI 2nd T20: 50 ರನ್ ಪೂರ್ಣ
ಮೊದಲ ಓವರ್ನಲ್ಲಿ ಎರಡು ವಿಕೆಟ್‌ಗಳನ್ನು ಕಳೆದುಕೊಂಡರೂ, ವೆಸ್ಟ್ ಇಂಡೀಸ್ ಐದನೇ ಓವರ್ನಲ್ಲಿ 50 ರನ್ಗಳನ್ನು ತಲುಪಿತು. ಆರಂಭಿಕ ಹೋರಾಟದ ನಂತರ ನಾಯಕ ಶೈ ಹೋಪ್ ಮತ್ತು ರೋವ್‌ಮನ್ ಪೊವೆಲ್ ಉತ್ತಮ ಜೊತೆಯಾಟ ಕಟ್ಟಿದರು.
-
IND vs WI 2nd T20: 2 ಎಸೆತಗಳಲ್ಲಿ 2 ವಿಕೆಟ್‌ಗಳು
ಮಯಾಂಕ್ ಯಾದವ್ ಎರಡು ಎಸೆತಗಳಲ್ಲಿ ಎರಡು ವಿಕೆಟ್ ಕಬಳಿಸಿದರು. ಪೂರನ್ ಅವರನ್ನು ಔಟ್ ಮಾಡಿದ ನಂತರ, ಅವರು ಮೊದಲ ಎಸೆತದಲ್ಲೇ ಹೊಸ ಬ್ಯಾಟ್ಸ್‌ಮನ್ ಶಿಮ್ರಾನ್ ಹೆಟ್ಮೈರ್ ಅವರನ್ನು ಬೌಲ್ಡ್ ಮಾಡಿದರು.
-
IND vs WI 2nd T20: 250 ರನ್ ಗುರಿ
ಭಾರತ 20 ಓವರ್ಗಳಲ್ಲಿ 5 ವಿಕೆಟ್ಗೆ 249 ರನ್ ಗಳಿಸಿದೆ. ತಿಲಕ್ ವರ್ಮಾ (ಅಜೇಯ 44) ಅಂತಿಮ ಓವರ್ನಲ್ಲಿ ಸತತ ಮೂರು ಸಿಕ್ಸರ್‌ಗಳನ್ನು ಬಾರಿಸಿದರೆ, ಅಯ್ಯರ್ 40 ರನ್ ಬಾರಿಸಿ ಔಟಾದರು. ನಮನ್ ಧೀರ್ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿ ತಂಡವನ್ನು ಈ ಮೊತ್ತದತ್ತ ಕೊಂಡೊಯ್ದರು.
-
IND vs WI 2nd T20: 18 ಓವರ್ ಪೂರ್ಣ
ಭಾರತ 18 ಓವರ್ಗಳಲ್ಲಿ 4 ವಿಕೆಟ್ಗೆ 215 ರನ್ ಗಳಿಸಿದೆ. ನಾಯಕ ಶ್ರೇಯಸ್ ಅಯ್ಯರ್ ಮತ್ತು ಉಪನಾಯಕ ತಿಲಕ್ ವರ್ಮಾ ಕ್ರೀಸ್‌ನಲ್ಲಿದ್ದಾರೆ.
-
IND vs WI 2nd T20: 200 ರನ್ ಪೂರ್ಣ
ಟೀಮ್ ಇಂಡಿಯಾ 200 ರನ್ಗಳ ಗಡಿ ದಾಟಿತು. 18 ನೇ ಓವರ್ನಲ್ಲಿ ಶ್ರೇಯಸ್ ಅಯ್ಯರ್ ಮತ್ತು ತಿಲಕ್ ವರ್ಮಾ ನಾಲ್ಕು ಬೌಂಡರಿ ಸೇರಿದಂತೆ 21 ರನ್ ಕಲೆಹಾಕಿದರು.
-
IND vs WI 2nd T20: ಸ್ಯಾಮ್ಸನ್ ಶತಕ ವಂಚಿತ
ಸಂಜು ಸ್ಯಾಮ್ಸನ್ ಔಟಾಗುವ ಮೊದಲು 82 ರನ್ಗಳ ಅದ್ಭುತ ಇನ್ನಿಂಗ್ಸ್ ಆಡಿದರು. ಭಾರತದ ನಾಲ್ಕನೇ ವಿಕೆಟ್ ಪತನವಾಯಿತು. ಭಾರತ 15 ಓವರ್ಗಳಲ್ಲಿ 4 ವಿಕೆಟ್ಗೆ 169 ರನ್ ಗಳಿಸಿದೆ.
-
IND vs WI 2nd T20: ಮೂರನೇ ವಿಕೆಟ್
ಭಾರತದ ಮೂರನೇ ವಿಕೆಟ್ ಶಿವಂ ದುಬೆ ರೂಪದಲ್ಲಿ ಪತನವಾಯಿತು, ಅವರು 7 ರನ್‌ಗಳಿಗೆ ಔಟಾದರು.
-
IND vs WI 2nd T20: ಭಾರತದ150 ರನ್ ಪೂರ್ಣ
ಭಾರತ 13 ಓವರ್ಗಳಲ್ಲಿ 2 ವಿಕೆಟ್ಗೆ 154 ರನ್ ಗಳಿಸಿದೆ. ಸಂಜು ಸ್ಯಾಮ್ಸನ್ ತಮ್ಮ ಸ್ಫೋಟಕ ಬ್ಯಾಟಿಂಗ್ ಮುಂದುವರಿಸಿದ್ದಾರೆ. ಅವರು 81 ರನ್ ಗಳಿಸಿ ಬ್ಯಾಟಿಂಗ್ ಮಾಡುತ್ತಿದ್ದಾರೆ.
-
IND vs WI 2nd T20: ಇಶಾನ್ ಕಿಶನ್ ಔಟ್
ಇಶಾನ್ ಕಿಶನ್ 43 ರನ್ ಗಳಿಸಿ ಔಟಾದರು. ಭಾರತ ಎರಡನೇ ವಿಕೆಟ್ ಕಳೆದುಕೊಂಡಿತು. ಶಿವಂ ದುವೆ ಕ್ರೀಸ್ಗೆ ಬಂದಿದ್ದಾರೆ.
-
IND vs WI 2nd T20: ಭಾರತದ ಶತಕ ಪೂರ್ಣ
ಭಾರತ ಒಂಬತ್ತು ಓವರ್ಗಳಲ್ಲಿ ಒಂದು ವಿಕೆಟ್ಗೆ 107 ರನ್ ಗಳಿಸಿದೆ, ಸಂಜು ಸ್ಯಾಮ್ಸನ್ 71 ಮತ್ತು ಇಶಾನ್ ಕಿಶನ್ 19 ರನ್ ಗಳಿಸಿದ್ದಾರೆ. ಇಬ್ಬರೂ ಎರಡನೇ ವಿಕೆಟ್ಗೆ 69 ರನ್ ಸೇರಿಸಿದ್ದಾರೆ.
-
IND vs WI 2nd T20: ಸ್ಯಾಮ್ಸನ್ ಅರ್ಧಶತಕ
ಸಂಜು ಸ್ಯಾಮ್ಸನ್ ಅರ್ಧಶತಕ ಪೂರೈಸಿದ್ದಾರೆ. ಆರನೇ ಓವರ್‌ನ ಕೊನೆಯ ಎಸೆತದಲ್ಲಿ ಬೌಂಡರಿ ಬಾರಿಸಿ ಕೇವಲ 21 ಎಸೆತಗಳಲ್ಲಿ ಅರ್ಧಶತಕ ಗಳಿಸಿದರು.
-
IND vs WI 2nd T20: ಸ್ಯಾಮ್ಸನ್‌ಗೆ 2 ಜೀವದಾನ
ಸಂಜು ಸ್ಯಾಮ್ಸನ್‌ಗೆ ಎರಡು ಜೀವದಾನಗಳನ್ನು ನೀಡಲಾಗಿದೆ. ಮೊದಲನೆ ಕ್ಯಾಚನ್ನು ಮೂರನೇ ಓವರ್ನಲ್ಲಿ ಕಾಮಿಲ್ ಪೂರನ್ ಕೈಬಿಟ್ಟರೆ, ಮುಂದಿನದನ್ನು ಆರನೇ ಓವರ್ನಲ್ಲಿ ಗುಡಕೇಶ್ ಮೋತಿ ಕೈಬಿಟ್ಟರು.
-
IND vs WI 2nd T20: ಮೊದಲ ವಿಕೆಟ್ ಪತನ
ನಾಲ್ಕನೇ ಓವರ್ನಲ್ಲಿ ಭಾರತ ತನ್ನ ಮೊದಲ ವಿಕೆಟ್ ಕಳೆದುಕೊಂಡಿತು. ಸ್ಪಿನ್ನರ್ ರೋಸ್ಟನ್ ಚೇಸ್ ಆರಂಭಿಕ ಅಭಿಷೇಕ್ ಶರ್ಮಾ (20) ಅವರನ್ನು ಔಟ್ ಮಾಡಿದರು.
-
IND vs WI 2nd T20: ಭಾರತ ತಂಡ
ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್ (ವಿಕೆಟ್ ಕೀಪರ್), ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್ (ನಾಯಕ), ತಿಲಕ್ ವರ್ಮಾ, ಶಿವಂ ದುಬೆ, ನಮನ್ ಧೀರ್, ಅಕ್ಷರ್ ಪಟೇಲ್, ಅರ್ಷದೀಪ್ ಸಿಂಗ್, ಕುಲ್ದೀಪ್ ಯಾದವ್, ಮಯಾಂಕ್ ಯಾದವ್.
-
IND vs WI 2nd T20: ವೆಸ್ಟ್ ಇಂಡೀಸ್ ತಂಡ
ಶಾಯ್ ಹೋಪ್ (ನಾಯಕ), ಕಮಿಲ್ ಪೂರನ್, ಶಿಮ್ರಾನ್ ಹೆಟ್ಮೆಯರ್, ರೋವ್‌ಮನ್ ಪೊವೆಲ್, ಶೆರ್ಫೇನ್ ರುದರ್ಫೋರ್ಡ್, ರೋಸ್ಟನ್ ಚೇಸ್, ರೊಮಾರಿಯೋ ಶೆಫರ್ಡ್, ಗುಡಾಕೇಶ್ ಮೋಟಿ, ಶಮರ್ ಸ್ಪ್ರಿಂಗರ್, ಅಕೇಲ್ ಹೋಸೇನ್, ಶಮರ್ ಜೋಸೆಫ್.
-
IND vs WI 2nd T20: ಟಾಸ್ ಗೆದ್ದ ವಿಂಡೀಸ್ ಬೌಲಿಂಗ್ ಆಯ್ಕೆ
ಈ ಪಂದ್ಯದಲ್ಲಿ ಟಾಸ್ ಗೆದ್ದ ವೆಸ್ಟ್ ಇಂಡೀಸ್ ನಾಯಕ ಶಾಯ್ ಹೋಪ್ ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದ್ದಾರೆ. ಹೀಗಾಗಿ ಭಾರತ ಮೊದಲು ಬ್ಯಾಟಿಂಗ್ ಮಾಡುತ್ತಿದೆ.
Published On - Oct 09,2026 6:31 PM
