T20 World Cup 2021: ವಿಚಿತ್ರವಾಗಿ ಔಟಾದ ಕ್ವಿಂಟನ್ ಡಿಕಾಕ್

Quinton decock: ಆಸ್ಟ್ರೇಲಿಯಾ ಬೌಲರ್ ಹ್ಯಾಝಲ್ವುಡ್ ಕೂಡ ಹೀಗೊಂದು ವಿಕೆಟ್ ನಿರೀಕ್ಷಿಸಿರಲಿಲ್ಲ. ವಿಭಿನ್ನ ಹೊಡೆತಕ್ಕೆ ಮುಂದಾಗಿ ಡಿಕಾಕ್ ವಿಕೆಟ್ ಒಪ್ಪಿಸಿ ಹೊರನಡೆದರು. ಡಿಕಾಕ್ ಅವರು ವಿಚಿತ್ರವಾಗಿ ಔಟ್ ಆಗಿರುವ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.

Quinton decock

TV9 Web | Updated By: ಝಾಹಿರ್ ಯೂಸುಫ್|
Updated on: Oct 23, 2021 | 7:01 PM

ಐಸಿಸಿ ವಿಶ್ವಕಪ್-2021ರ ಸೂಪರ್-12 ಹಂತದ ಪಂದ್ಯಗಳು ಶುರುವಾಗಿದೆ. ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಹಾಗೂ ದಕ್ಷಿಣ ಆಫ್ರಿಕಾ ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಆಸ್ಟ್ರೇಲಿಯಾ ನಾಯಕ ಆರೋನ್ ಫಿಂಚ್ ಮೊದಲು ಬೌಲಿಂಗ್ ಆಯ್ದುಕೊಂಡರು. ಅದರಂತೆ ಇನಿಂಗ್ಸ್ ಆರಂಭಿಸಿದ ದಕ್ಷಿಣ ಆಫ್ರಿಕಾ ವಿರುದ್ದ ಆಸ್ಟ್ರೇಲಿಯಾದ ಬೌಲರ್‌ಗಳು ಆರಂಭದಲ್ಲೇ ಪ್ರಾಬಲ್ಯ ಸಾಧಿಸಿದರು. ಸ್ಪೋಟಕ ಆರಂಭಿಕ ಆಟಗಾರ ಕ್ವಿಂಟನ್ ಡಿಕಾಕ್ ಅವರನ್ನು ಕಟ್ಟಿಹಾಕಿದರು. ಇತ್ತ ರನ್ಗಳಿಸಲು ಪರದಾಡಿದ ಡಿಕಾಕ್ ಔಟಾಗಿ ನಡೆದಿದ್ದು ಕೂಡ ವಿಚಿತ್ರವಾಗಿ ಎಂಬುದು ವಿಶೇಷ.

3ನೇ ಓವರ್ ವೇಳೆಗಾಗಲೇ ಮೊದಲೆರೆಡು ವಿಕೆಟ್ ಕಳೆದುಕೊಂಡಿದ್ದ ದಕ್ಷಿಣ ಆಫ್ರಿಕಾವನ್ನು ಆರಂಭಿಕ ಆಘಾತದಿಂದ ಪಾರು ಮಾಡುವ ಜವಾಬ್ದಾರಿ ಡಿಕಾಕ್ ಮೇಲಿತ್ತು. ಆದರೆ ಐದನೇ ಓವರ್‌ನಲ್ಲಿ ಹ್ಯಾಝಲ್ವುಡ್ ಎಸೆತದಲ್ಲಿ ವಿಭಿನ್ನ ಶಾಟ್ಗೆ ಮುಂದಾದ ಡಿಕಾಕ್ ಔಟ್ ಆದರು. ಆಫ್-ಸ್ಟಂಪ್‌ನ ಹೊರಗೆ ಬಂದ ಚೆಂಡನ್ನು ಡಿ ಕಾಕ್ ಸ್ಕೂಪ್ ಮಾಡಲು ಪ್ರಯತ್ನಿಸಿದರು. ಆ ಮೂಲಕ ಫೈನ್ ಲೆಗ್ನತ್ತ ಬಾರಿಸಲು ಯತ್ನಿಸಿದ್ದರು. ಆದರೆ ಚೆಂಡು ಅವರ ಥಾಯ್ ಪ್ಯಾಡ್‌ಗೆ ಬಡಿದು ಗಾಳಿಯಲ್ಲಿ ಜಿಗಿದು ಸ್ಟಂಪ್‌ಗೆ ಹೋಗಿ ಬಡಿಯಿತು. ಆದರೆ ಇದನ್ನು ಗಮನಿಸದ ಡಿಕಾಕ್ ರನ್ ಕದಿಯುವ ಆತುರದಲ್ಲಿದ್ದರು.

ಇತ್ತ ಆಸ್ಟ್ರೇಲಿಯಾ ಬೌಲರ್ ಹ್ಯಾಝಲ್ವುಡ್ ಕೂಡ ಹೀಗೊಂದು ವಿಕೆಟ್ ನಿರೀಕ್ಷಿಸಿರಲಿಲ್ಲ. ವಿಭಿನ್ನ ಹೊಡೆತಕ್ಕೆ ಮುಂದಾಗಿ ಡಿಕಾಕ್ ವಿಕೆಟ್ ಒಪ್ಪಿಸಿ ಹೊರನಡೆದರು. ಡಿಕಾಕ್ ಅವರು ವಿಚಿತ್ರವಾಗಿ ಔಟ್ ಆಗಿರುವ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇನ್ನು ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ದಕ್ಷಿಣ ಆಫ್ರಿಕಾ ನಿಗದಿತ 20 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 118 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಮೊತ್ತವನ್ನು ಆಸ್ಟ್ರೇಲಿಯಾ 19.4 ಓವರ್ನಲ್ಲಿ 5 ವಿಕೆಟ್ ನಷ್ಟದೊಂದಿಗೆ ಚೇಸ್ ಮಾಡುವ ಮೂಲಕ ಟಿ20 ವಿಶ್ವಕಪ್ 2021ರ ಮೊದಲ ಗೆಲುವನ್ನು ತನ್ನದಾಗಿಸಿಕೊಂಡಿತು.