RCB vs LSG IPL 2026 Highlights: ಲಕ್ನೋ ವಿರುದ್ಧ ಆರ್ಸಿಬಿಗೆ 5 ವಿಕೆಟ್ ಜಯ

Royal Challengers Bengaluru vs Lucknow Super Giants, IPL 2026 Highlights: ಐಪಿಎಲ್ 2026 ರ 23 ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಸುಲಭವಾಗಿ ಸೋಲಿಸಿತು. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಾಂಘಿಕ ಪ್ರದರ್ಶನ ನೀಡಿತು.

Rcb

ಪೃಥ್ವಿಶಂಕರ |
Updated on:Apr 15, 2026 | 11:02 PM

ಐಪಿಎಲ್ 2026 ರ 23 ನೇ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು, ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಸುಲಭವಾಗಿ ಸೋಲಿಸಿತು. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಸಾಂಘಿಕ ಪ್ರದರ್ಶನ ನೀಡಿತು. ಆರಂಭದಲ್ಲಿ ತಂಡದ ಬೌಲರ್‌ಗಳು ಪ್ರಬಲ ಬೌಲಿಂಗ್ ಮಾಡಿ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು 146 ರನ್‌ಗಳಿಗೆ ಆಲೌಟ್ ಮಾಡಿದರು. ನಂತರ, ಬ್ಯಾಟ್ಸ್‌ಮನ್‌ಗಳ ಬಿರುಗಾಳಿಯು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡವನ್ನು 15.1 ಓವರ್‌ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ ಗುರಿ ತಲುಪಲು ಸಹಾಯ ಮಾಡಿತು. ಇದರೊಂದಿಗೆ ಆರ್ಸಿಬಿ, ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಮೊದಲ ಬಾರಿಗೆ ತವರಿನಲ್ಲಿ ಸೋಲಿಸಿತು.

LIVE NEWS & UPDATES

The liveblog has ended.

15 Apr 2026 10:59 PM (IST)

RCB vs LSG IPL 2026: ಆರ್ಸಿಬಿ ಸುಲಭ ಗೆಲುವು

ಆರ್ಸಿಬಿ, ಲಕ್ನೋ ತಂಡವನ್ನು 5 ವಿಕೆಟ್‌ಗಳಿಂದ ಸುಲಭವಾಗಿ ಸೋಲಿಸಿತು. ಬೆಂಗಳೂರು ತಂಡವು ಕೇವಲ 15.1 ಓವರ್‌ಗಳಲ್ಲಿ 147 ರನ್‌ಗಳ ಗುರಿಯನ್ನು ತಲುಪಿತು. ಟಿಮ್ ಡೇವಿಡ್ (ಅಜೇಯ 14) ಮತ್ತು ರೊಮಾರಿಯೊ ಶೆಫರ್ಡ್ (ಅಜೇಯ 14) ತಂಡದ ಬಲಿಷ್ಠ ಪ್ರದರ್ಶನಕ್ಕೆ ಅಂತಿಮ ಸ್ಪರ್ಶ ನೀಡಿ, ನಾಲ್ಕನೇ ಗೆಲುವಿಗೆ ಕಾರಣರಾದರು.
15 Apr 2026 10:40 PM (IST)

RCB vs LSG IPL 2026: ಜಿತೇಶ್ ಶರ್ಮಾ ಔಟ್

ಪ್ರಿನ್ಸ್ ಯಾದವ್ ಒಂದೇ ಓವರ್‌ನಲ್ಲಿ ರಜತ್ ಪಾಟಿದಾರ್ ಮತ್ತು ಜಿತೇಶ್ ಶರ್ಮಾ (23) ಅವರನ್ನು ಔಟ್ ಮಾಡಿದರು. ಬೆಂಗಳೂರು ತಂಡ ಐದನೇ ವಿಕೆಟ್ ಕಳೆದುಕೊಂಡಿತು.
15 Apr 2026 10:39 PM (IST)

RCB vs LSG IPL 2026: ಪಾಟಿದಾರ್ ಔಟ್

ಬೆಂಗಳೂರು ತಂಡವು ನಾಯಕ ರಜತ್ ಪಾಟಿದಾರ್ (27) ವಿಕೆಟ್ ಕಳೆದುಕೊಂಡಿತು, ಆದರೆ ಅವರು ತಮ್ಮ ತಂಡವನ್ನು ಗೆಲುವಿನ ಹತ್ತಿರಕ್ಕೆ ತಂದು ವಿಕೆಟ್ ಒಪ್ಪಿಸಿದರು. ಪ್ರಿನ್ಸ್ ಯಾದವ್ ವಿಕೆಟ್ ಪಡೆದರು.
15 Apr 2026 10:31 PM (IST)

RCB vs LSG IPL 2026: ಕೊಹ್ಲಿ ಔಟ್

ಚುರುಕಾದ ಆರಂಭದ ಹೊರತಾಗಿಯೂ, ವಿರಾಟ್ ಕೊಹ್ಲಿ ಅರ್ಧಶತಕವನ್ನು ತಲುಪಲು ವಿಫಲರಾಗಿ 49 ರನ್‌ಗಳಿಗೆ ಔಟಾದರು. ಆವೇಶ್ ಖಾನ್ ಈ ವಿಕೆಟ್ ಪಡೆದರು.
15 Apr 2026 09:53 PM (IST)

RCB vs LSG IPL 2026: ಫಿಲ್ ಸಾಲ್ಟ್ ಔಟ್

ಪ್ರಿನ್ಸ್ ಯಾದವ್ ಎಸೆದ ಎರಡನೇ ಓವರ್‌ನಲ್ಲಿ ಬೆಂಗಳೂರು ಫಿಲ್ ಸಾಲ್ಟ್ (7) ವಿಕೆಟ್ ಕಳೆದುಕೊಂಡಿತು.
15 Apr 2026 09:42 PM (IST)

RCB vs LSG IPL 2026: ಲಕ್ನೋ ಆಲ್ ಔಟ್

ಲಕ್ನೋ ತಂಡ 146 ರನ್‌ಗಳಿಗೆ ಆಲೌಟ್ ಆಯಿತು. ಇನ್ನಿಂಗ್ಸ್‌ನ ಕೊನೆಯ ಓವರ್‌ನಲ್ಲಿ, ರಸಿಕ್ ಸಲಾಂ ಕೊನೆಯ ಎಸೆತದಲ್ಲಿ ಒಂದು ವಿಕೆಟ್ ಸೇರಿದಂತೆ ಎರಡು ವಿಕೆಟ್ ಪಡೆದರು. ಸಲಾಮ್ ಆರ್‌ಸಿಬಿ ಪರ ಪ್ರಮುಖ ಪಾತ್ರ ವಹಿಸಿದರು, ನಾಲ್ಕು ವಿಕೆಟ್‌ಗಳೊಂದಿಗೆ ಅತಿ ಹೆಚ್ಚು ವಿಕೆಟ್ ಪಡೆದರು. ಭುವನೇಶ್ವರ್ ಕುಮಾರ್ ಕೂಡ ರಸಿಕ್ ಜೊತೆಗೆ ಮೂರು ವಿಕೆಟ್ ಪಡೆದರು.
15 Apr 2026 09:18 PM (IST)

RCB vs LSG IPL 2026: ಭುವಿಗೆ 2 ವಿಕೆಟ್

19ನೇ ಓವರ್ ನಲ್ಲಿ ಸತತ ಎರಡು ವಿಕೆಟ್ ಪಡೆದ ಭುವನೇಶ್ವರ್ ಕುಮಾರ್ ಮೊದಲು ಜಾರ್ಜ್ ಲಿಂಡಾ ಅವರನ್ನು ಔಟ್ ಮಾಡಿ, ಮುಂದಿನ ಎಸೆತದಲ್ಲಿಯೇ ಮೊಹಮ್ಮದ್ ಶಮಿ ಅವರನ್ನು ಔಟ್ ಮಾಡಿದರು.
15 Apr 2026 09:00 PM (IST)

RCB vs LSG IPL 2026: ಐದನೇ ವಿಕೆಟ್ ಪತನ

ಆಯುಷ್ ಬದೋನಿ (38) ಅವರ ಹೋರಾಟದ ಇನ್ನಿಂಗ್ಸ್ ಕೊನೆಗೊಂಡಿತ. 16 ನೇ ಓವರ್‌ನಲ್ಲಿ ರಸಿಕ್ ಸಲಾಮ್ ವಿಕೆಟ್ ಪಡೆದರು.
15 Apr 2026 08:50 PM (IST)

RCB vs LSG IPL 2026: ಲಕ್ನೋ ತಂಡದ 100 ರನ್‌ ಪೂರ್ಣ

ಲಕ್ನೋ ತಂಡ 100 ರನ್ ಗಳಿಸಿತು. ಕೃನಾಲ್ ಪಾಂಡ್ಯ ಅವರ ಓವರ್‌ನಲ್ಲಿ ಮುಕುಲ್ ಚೌಧರಿ ಸಿಕ್ಸರ್ ಬಾರಿಸಿ ತಂಡವನ್ನು 100 ರನ್ಗಳ ಗಡಿ ತಲುಪಿಸಿದರು.
15 Apr 2026 08:36 PM (IST)

RCB vs LSG IPL 2026: ಮಾರ್ಷ್ ಔಟ್.

ಮಿಚೆಲ್ ಮಾರ್ಷ್(40) ಅವರನ್ನು ಕೃನಾಲ್ ಪಾಂಡ್ಯ ಔಟ್ ಮಾಡಿದರು. ಲಕ್ನೋ ತಂಡವು ಮೂರು ವಿಕೆಟ್‌ಗಳನ್ನು ಕಳೆದುಕೊಂಡಿದೆ, ಆದರೆ ನಾಯಕ ಪಂತ್ ಬಗ್ಗೆ ತಕ್ಷಣದ ಮಾಹಿತಿ ಇಲ್ಲ.
15 Apr 2026 08:20 PM (IST)

RCB vs LSG IPL 2026: ಪೂರನ್ ಔಟ್

ಲಕ್ನೋದ ಪರಿಸ್ಥಿತಿ ಹದಗೆಡುತ್ತಲೇ ಇದೆ. ನಿಕೋಲಸ್ ಪೂರನ್ (1) ಮತ್ತೊಮ್ಮೆ ಜೋಶ್ ಹ್ಯಾಜಲ್‌ವುಡ್ ಬೌಲಿಂಗ್‌ನಲ್ಲಿ ಬೌಲ್ಡ್ ಆಗಿ ಔಟಾದರು.
15 Apr 2026 08:04 PM (IST)

RCB vs LSG IPL 2026: ರಿಷಭ್ ಪಂತ್ ಕೈಗೆ ಗಾಯ

ಲಕ್ನೋ ತಂಡವು ಮತ್ತೊಂದು ದೊಡ್ಡ ಹಿನ್ನಡೆಯನ್ನು ಅನುಭವಿಸಿದೆ. ಈ ಬಾರಿ ನಾಯಕ ರಿಷಭ್ ಪಂತ್ ಗಾಯದ ಕಾರಣದಿಂದಾಗಿ ಬ್ಯಾಟಿಂಗ್ನಿಂದ ನಿವೃತ್ತರಾಗಿದ್ದಾರೆ. ಐದನೇ ಓವರ್‌ನಲ್ಲಿ ಜೋಶ್ ಹ್ಯಾಜಲ್‌ವುಡ್ ಎಸೆತ ಅವರ ಮೊಣಕೈಗೆ ತಗುಲಿ ಸಾಕಷ್ಟು ಸಮಯದವರೆಗೆ ನೋವು ಅನುಭವಿಸಿದರು. ಅಂತಿಮವಾಗಿ ಅವರು ನಿವೃತ್ತಿ ಹೊಂದಬೇಕಾಯಿತು. ಆದಾಗ್ಯೂ, ಅವರು ನಂತರ ಬ್ಯಾಟಿಂಗ್‌ಗೆ ಮರಳಬಹುದು.
15 Apr 2026 07:57 PM (IST)

RCB vs LSG IPL 2026: ಮಾರ್ಕ್ರಾಮ್ ಔಟ್

ಲಕ್ನೋ ತಂಡವು ಮೊದಲ ವಿಕೆಟ್ ಕಳೆದುಕೊಂಡಿತು, ರಸಿಕ್ ಸಲಾಮ್ ನಾಲ್ಕನೇ ಓವರ್‌ನಲ್ಲಿ ಐಡೆನ್ ಮಾರ್ಕ್ರಾಮ್ (12) ಅವರನ್ನು ಔಟ್ ಮಾಡಿದರು.
15 Apr 2026 07:44 PM (IST)

RCB vs LSG IPL 2026: ಲಕ್ನೋ ಬ್ಯಾಟಿಂಗ್ ಆರಂಭ

ಲಕ್ನೋ ತಂಡದ ಬ್ಯಾಟಿಂಗ್ ಆರಂಭವಾಗಿದೆ ಮತ್ತು ಮಿಚೆಲ್ ಮಾರ್ಷ್ ಮೊದಲ ಓವರ್‌ನಲ್ಲಿಯೇ 2 ಬೌಂಡರಿಗಳನ್ನು ಬಾರಿಸಿದರು.
15 Apr 2026 07:14 PM (IST)

RCB vs LSG IPL 2026: ಲಕ್ನೋ ಪ್ಲೇಯಿಂಗ್ XI

ಮಿಚೆಲ್ ಮಾರ್ಷ್, ಐಡೆನ್ ಮಾರ್ಕ್ರಾಮ್, ರಿಷಭ್ ಪಂತ್ (ನಾಯಕ), ಆಯುಷ್ ಬಡೋನಿ, ನಿಕೋಲಸ್ ಪೂರನ್, ಅಬ್ದುಲ್ ಸಮದ್, ಮುಕುಲ್ ಚೌಧರಿ, ಮೊಹಮ್ಮದ್ ಶಮಿ, ಅವೇಶ್ ಖಾನ್, ದಿಗ್ವೇಶ್ ರಾಠಿ, ಪ್ರಿನ್ಸ್ ಯಾದವ್.
15 Apr 2026 07:14 PM (IST)

RCB vs LSG IPL 2026: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ಲೇಯಿಂಗ್ XI

ಫಿಲ್ ಸಾಲ್ಟ್, ದೇವದತ್ ಪಡಿಕ್ಕಲ್, ರಜತ್ ಪಾಟಿದಾರ್ (ನಾಯಕ), ಜಿತೇಶ್ ಶರ್ಮಾ (ವಿಕೆಟ್ ಕೀಪರ್), ಟಿಮ್ ಡೇವಿಡ್, ರೊಮಾರಿಯೋ ಶೆಫರ್ಡ್, ಕೃನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಸುಯಶ್ ಶರ್ಮಾ, ರಸಿಖ್ ಸಲಾಂ, ಮತ್ತು ಜೋಶ್ ಹ್ಯಾಜಲ್‌ವುಡ್.

ಇಂಪ್ಯಾಕ್ಟ್ ಪ್ಲೇಯರ್; ವಿರಾಟ್ ಕೊಹ್ಲಿ
15 Apr 2026 07:01 PM (IST)

RCB vs LSG IPL 2026: ಟಾಸ್ ಗೆದ್ದ ಆರ್ಸಿಬಿ

ಟಾಸ್ ಗೆದ್ದ ಆರ್ಸಿಬಿ ನಾಯಕ ರಜತ್ ಪಾಟಿದರ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದ್ದಾರೆ.
15 Apr 2026 06:35 PM (IST)

RCB vs LSG IPL 2026: ಆವೃತ್ತಿಯ 23 ನೇ ಪಂದ್ಯ

ಐಪಿಎಲ್ 2026 ರ 23 ನೇ ಪಂದ್ಯವು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ನಡುವೆ ಎಂಎ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಪಂದ್ಯವು ಸಂಜೆ 7:00 ಗಂಟೆಗೆ ಪ್ರಾರಂಭವಾಗುತ್ತದೆ ಮತ್ತು ಟಾಸ್ ಸಂಜೆ 7:00 ಗಂಟೆಗೆ ನಡೆಯಲಿದೆ.