Video: ದುಬಾರಿ ಉಡುಗೊರೆ ಬೇಕಿಲ್ಲ; ಸಹೋದರಿಯ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ವಿಸಿಟ್ ನೀಡಿ ಖುಷಿ ಪಡಿಸಿದ ಸಹೋದರ
ಸಂಬಂಧಗಳು ಯಾವುದೇ ಇರಲಿ, ದುಬಾರಿ ಉಡುಗೊರೆ ಬೇಕಿಲ್ಲ. ಕಾಳಜಿ ತುಂಬಿದ ಮಾತು, ಪ್ರೀತಿ ತೋರುವ ವ್ಯಕ್ತಿಗಳಿದ್ದರೆ ಸಾಕು. ಇದೀಗ ಈ ದೃಶ್ಯವು ವಯಸ್ಸು ಏರಿದರೂ ಬದಲಾಗದ ಅಕ್ಕ ತಮ್ಮ ಬಾಂಧವ್ಯವನ್ನು ತೋರಿಸುತ್ತಿದೆ. ಅಕ್ಕನ ಹುಟ್ಟುಹಬ್ಬಕ್ಕೆ ತಮ್ಮನು ಸರ್ಪ್ರೈಸ್ ವಿಸಿಟ್ ನೀಡಿದ್ದಾನೆ. ಈ ಹೃದಯಕ್ಕೆ ಹತ್ತಿರವಾಗುವ ಈ ವಿಡಿಯೋ ಕಂಡು ನೆಟ್ಟಿಗರ ಕಣ್ಣು ಒದ್ದೆಯಾಗಿದೆ.
Updated on: Oct 27, 2026 | 4:05 PM
ಸಹೋದರ ಸಹೋದರಿಯರ ನಡುವೆ ಬಾಲ್ಯದಲ್ಲಿ ಇದ್ದ ಒಡನಾಟ, ಪ್ರೀತಿ ವಿಶ್ವಾಸವು ಬೆಳೆಯುತ್ತಾ ಹೋದಂತೆ ಕಡಿಮೆಯಾಗುತ್ತದೆ. ಎಲ್ಲರೂ ಅವರವರ ಬದುಕಿನ ದಾರಿ ನೋಡುತ್ತಾರೆ. ಆದರೆ ಆ ಪ್ರೀತಿ, ಕಾಳಜಿ ಇನ್ನು ಜೀವಂತವಾಗಿದ್ದರೆ ಅದಕ್ಕಿಂತ ಇನ್ನೇನು ಬೇಕು. ಇದೀಗ ಅಕ್ಕನ ಹುಟ್ಟುಹಬ್ಬಕ್ಕೆ (birthday) ತಮ್ಮನು ಸರ್ಪ್ರೈಸ್ ನೀಡಿದ್ದಾನೆ. ಅಕ್ಕನಿದ್ದ ಮನೆಗೆ ವಿಸಿಟ್ ಕೊಟ್ಟು ಆಕೆಯ ಮೊಗದಲ್ಲಿ ನಗು ಮೂಡಿಸಿದ್ದಾನೆ. ಈ ಹೃದಯಸ್ಪರ್ಶಿ ವಿಡಿಯೋ ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡಿದೆ.
ಅಕ್ಕನ ಹುಟ್ಟುಹಬ್ಬಕ್ಕೆ ಸರ್ಪ್ರೈಸ್ ವಿಸಿಟ್ ಕೊಟ್ಟ ತಮ್ಮ
ಆರತಿ ನಿರ್ಮಲ್ (Arti Nirmal) ಹೆಸರಿನ ಎಕ್ಸ್ ಖಾತೆಯಲ್ಲಿ ಅಕ್ಕ ತಮ್ಮ ಸುಮಧುರ ಬಾಂಧವ್ಯವನ್ನು ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ಅಕ್ಕನ ಹುಟ್ಟುಹಬ್ಬದ ದಿನ ಆಕೆಯ ಮನೆಗೆ ಸರ್ಪ್ರೈಸ್ ವಿಸಿಟ್ ನೀಡಿದ್ದಾನೆ. ವಯಸ್ಸಾದ ಮಹಿಳೆ ಬಾಗಿಲು ತೆರೆಯುತ್ತಿದ್ದಂತೆ ತಮ್ಮನ ಆಗಮನ ಕಂಡು ಮುಖವು ಅರಳಿದೆ. ಪರಸ್ಪರ ಇಬ್ಬರೂ ಪ್ರೀತಿಯಿಂದ ತಬ್ಬಿಕೊಂಡಿದ್ದು, ಸಹೋದರಿಯೂ ಭಾವುಕಳಾಗಿದ್ದಾಳೆ. ಆ ಬಳಿಕ ತಮ್ಮನು ತನ್ನ ಅಕ್ಕನಿಗೆ ಉಡುಗೊರೆ ನೀಡಿರುವುದನ್ನು ಕಾಣಬಹುದು.
ವೈರಲ್ ವಿಡಿಯೋ ಇಲ್ಲಿದೆ
A brother surprises his sister on her birthday with a heartwarming gesture. ❤️🎂 Age may change, but the love between siblings remains forever. 🥹💖 https://t.co/pmvo71JaLb
— Arti Nirmalkar (@ArtiNirmal19987) October 21, 2026
ಇದನ್ನೂ ಓದಿ: ತಂದೆಯ 81 ನೇ ಹುಟ್ಟುಹಬ್ಬಕ್ಕೆ ವಿಮಾನದಲ್ಲಿ ವಿಶೇಷ ಅನೌನ್ಸ್ ಮೆಂಟ್ ಮಾಡಿದ ಪೈಲೆಟ್
ಈ ವಿಡಿಯೋ ಇದುವೆರೆಗೆ ಒಂದು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ಸಹೋದರನ ಪ್ರೀತಿ ಸಹೋದರಿಗೆ ಯಾವತ್ತೂ ವಿಶೇಷ ಎಂದಿದ್ದಾರೆ. ಮತ್ತೊಬ್ಬರು, ಬ್ಯೂಟಿಫುಲ್ ಎಂದು ಹೇಳಿದರೆ, ಇನ್ನೊಬ್ಬರು, ಆ ನಗುವು ಎಲ್ಲವನ್ನೂ ಹೇಳುತ್ತಿದೆ ಎಂದು ಕಾಮೆಂಟ್ ಮಾಡಿದ್ದಾರೆ. ಮಾಡಿದ್ದಾರೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
