ಈ ದೇಶದಲ್ಲಿ ಕಳೆದ 95 ವರ್ಷಗಳಿಂದ ಒಂದೇ ಒಂದು ಮಗು ಹುಟ್ಟಿಲ್ಲ!

ಜನಸಂಖ್ಯೆಯು ಕಡಿಮೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಅನೇಕ ದೇಶಗಳಲ್ಲಿ ಮಗುವನ್ನು ಹೆರಲು ವಿವಿಧ ರೀತಿಯ ಕಾನೂನುಗಳನ್ನು ಜಾರಿಗೊಳಿಸಲಾಗುತ್ತಿದೆ. ಆದರೆ ಈ ಒಂದು ದೇಶದಲ್ಲಿ ಕಳೆದ ಸುಮಾರು 95 ವರ್ಷಗಳಿಂದ ಒಂದೇ ಒಂದು ಮಗು ಹುಟ್ಟಿಲ್ಲ. ಆದರೆ ಯಾವುದು? ಇದಕ್ಕೆ ಕಾರಣವೇನು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಮಕ್ಕಳಿಲ್ಲದ ದೇಶ:

ವಿಶ್ವದ ಅತ್ಯಂತ ಚಿಕ್ಕ ದೇಶವಾದ ವ್ಯಾಟಿಕನ್ ಸಿಟಿಯಲ್ಲಿ ಕಳೆದ 95 ವರ್ಷಗಳಿಂದ ಒಂದೇ ಒಂದು ಮಗುವಿಗೆ ಜನಿಸಿಲ್ಲ. ಈ ದೇಶದ ಒಟ್ಟು ವಿಸ್ತೀರ್ಣ 0.49 ಚದರ ಕಿಲೋಮೀಟರ್ ಮತ್ತು ಈ ದೇಶದ ಒಟ್ಟು ಜನಸಂಖ್ಯೆಯು ಕೇವಲ 764 ಆಗಿದೆ. ಇಷ್ಟು ಜನ ಇದ್ರೂ ಇಲ್ಲಿ ಮಕ್ಕಳೇಕೆ ಹುಟ್ಟೋದಿಲ್ಲ ಅನ್ನೋ ಅನುಮಾನ ನಿಮ್ಮಲ್ಲಿ ಕಾಡಬಹುದು.

ವ್ಯಾಟಿಕನ್ ಸಿಟಿಯ ನಿಯಮ:

ಇಲ್ಲಿ ಯಾವುದೇ ಮಗು ಜನಿಸಬಾರದು ಎಂಬುದು ವ್ಯಾಟಿಕನ್ ಸಿಟಿಯ ನಿಯಮ. ಇಲ್ಲಿ ಹೆಚ್ಚಿನ ಪಾದ್ರಿಗಳು ವಾಸಿಸುತ್ತಾ ಇರುವುದರಿಂದ ಮದುವೆಯಾಗುವುದನ್ನು ಮತ್ತು ಮಕ್ಕಳನ್ನು ಹೊಂದುವುದನ್ನು ನಿಷೇಧಿಸಲಾಗಿದೆ. ಅದಕ್ಕೂ ಮಿಗಿಲಾಗಿ ಅಲ್ಲಿ ಯಾರಾದರೂ ಗರ್ಭಿಣಿಯಾದರೆ ಹೆರಿಗೆ ಮಾಡಲು ಅಲ್ಲಿ ಆಸ್ಪತ್ರೆಗಳಿಲ್ಲ. ಹಾಗಾಗಿ ಈ ದೇಶದಲ್ಲಿ ಯಾರಾದರೂ ಗರ್ಭಿಣಿಯಾದರೆ, ಹೆರಿಗೆಯ ಸಮಯದಲ್ಲಿ ಅವರು ದೇಶವನ್ನು ತೊರೆಯಬೇಕಾಗುತ್ತದೆ. ಈ ನಿಯಮಗಳ ಪ್ರಕಾರ ಕಳೆದ 95 ವರ್ಷಗಳಿಂದ ಈ ದೇಶದಲ್ಲಿ ಯಾವುದೇ ಮಗು ಜನಿಸಿಲ್ಲ ಮತ್ತು ಅವರು ಹೆರಿಗೆಗೆ ಇಟಲಿಗೆ ಹೋಗಬೇಕು. ಈ ನಿಯಮವನ್ನು ಈ ದೇಶದಲ್ಲಿ ಕಟ್ಟುನಿಟ್ಟಾಗಿ ಪಾಲಿಸಲಾಗುತ್ತಿದೆ.

ಇದನ್ನೂ ಓದಿ: ಹಬ್ಬದಂದು ಮಾಂಸಕ್ಕಾಗಿ 19 ಕಾಗೆಗಳನ್ನು ಕೊಂದ ದಂಪತಿ

ವ್ಯಾಟಿಕನ್ ನಗರವು ಕ್ಯಾಥೋಲಿಕ್ ಚರ್ಚ್‌ನ ಮುಖ್ಯಸ್ಥ ಪೋಪ್ ಅವರ ನಿವಾಸವಾಗಿದೆ. ಮತ್ತು ಮಗುವಿನ ಜನನದ ಮೇಲೆ ಮಾತ್ರವಲ್ಲದೆ ವಿವಿಧ ಕಟ್ಟುನಿಟ್ಟಾದ ನಿರ್ಬಂಧಗಳಿವೆ. ಅದರಲ್ಲೂ ವಿಶೇಷವಾಗಿ ಅಲ್ಲಿ ವಾಸಿಸುವ ಪುರುಷರು ಮತ್ತು ಮಹಿಳೆಯರು ಮಿನಿ ಸ್ಕರ್ಟ್, ಶಾರ್ಟ್ ಸ್ಕರ್ಟ್, ಶಾರ್ಟ್ಸ್ ಮತ್ತು ಸ್ಲೀವ್ ಲೆಸ್ ಬಟ್ಟೆಗಳನ್ನು ಧರಿಸುವಂತಿಲ್ಲ.

ಈ ನಗರದಲ್ಲಿ ವಾಸಿಸುವ ಹೆಚ್ಚಿನ ಮಹಿಳೆಯರ ಗಂಡಂದಿರು ಶಿಕ್ಷಕರಾಗಿ ಮತ್ತು ಪತ್ರಕರ್ತರಾಗಿ ಕೆಲಸ ಮಾಡುತ್ತಿದ್ದಾರೆ ಎಂದು ಹೇಳಲಾಗುತ್ತದೆ. ಅದರಂತೆ ಇಲ್ಲಿ 50ಕ್ಕಿಂತ ಕಡಿಮೆ ಮಹಿಳೆಯರಿದ್ದಾರೆ. ಅವರೂ ಸಂಪೂರ್ಣವಾಗಿ ಇರುವುದಿಲ್ಲ. ಅವರು ಕೆಲವು ವರ್ಷಗಳವರೆಗೆ ಮಾತ್ರ ಉಳಿಯುತ್ತಾರೆ. ಆ ಅವಧಿಯಲ್ಲಿ ಹೆರಿಗೆಯಾದರೆ ಮೊದಲೇ ಹೇಳಿದಂತೆ ಇಟಲಿಗೆ ಹೋಗಬೇಕು. ಜನಸಂಖ್ಯೆ ತೀರಾ ಕಡಿಮೆ ಇರುವುದರಿಂದ ಭದ್ರತಾ ಪಡೆ ಇಲ್ಲ. ಪೋಪ್ ಮತ್ತು ಅವರ ಅರಮನೆಯ ರಕ್ಷಣೆಗಾಗಿ ಸ್ವಿಸ್ ಸೇನೆಯ ಸುಮಾರು 130 ಸೈನಿಕರನ್ನು ನಿಯೋಜಿಸಲಾಗಿದೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ