ಕೊರೊನಾ ಆಸ್ಪತ್ರೆಗೆ ಬೆಂಕಿ: ಓರ್ವ ಸಾವು, ನೂರಾರು ಮಂದಿ ರಕ್ಷಣೆ! ಎಲ್ಲಿ?

ಮೊದಲೇ ಕೊರೊನಾ ಸೋಂಕಿನ ಹಾವಳಿಯಿಂದಾಗಿ ತತ್ತರಿಸಿ ಹೋಗಿರುವ ರಷ್ಯಾದಲ್ಲಿ, ನಿನ್ನೆ ಭೀಕರ ಅಗ್ನಿ ಅವಘಡ ಸಂಭವಿಸಿದೆ. ಮಾಸ್ಕೋದಲ್ಲಿ ಕೊವಿಡ್ 19 ಸೋಂಕಿತರಿಗೆ ಚಿಕಿತ್ಸೆ ನೀಡುತ್ತಿದ್ದ ಆಸ್ಪತ್ರೆಗೆ ಬೆಂಕಿಬಿದ್ದಿದ್ದು, ಅವಘಡದಲ್ಲಿ ಒಬ್ಬರು ಮೃತಪಟ್ಟಿದ್ದಾರೆ. ಇನ್ನು ಆಸ್ಪತ್ರೆಯಲ್ಲಿದ್ದ ನೂರಾರು ಕೊರೊನಾ ಸೋಂಕಿತರನ್ನ ಬೇರೆಡೆ ಸ್ಥಳಾಂತರಿಸಲಾಗಿದೆ.

ಡೊನಾಲ್ಡ್ ಟ್ರಂಪ್ v/s ಒಬಾಮಾ..! ಅಮೆರಿಕದಲ್ಲಿ ‘ಕೊರೊನಾ’ ಸೋಂಕನ್ನು ನಿಯಂತ್ರಿಸುವಲ್ಲಿ ಟ್ರಂಪ್ ಕೈಗೊಂಡ ಕ್ರಮಗಳು ಫ್ಲಾಪ್ ಆಗಿದ್ದಾವೆ ಅಂತಾ ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮಾ ಆರೋಪಿಸಿದ್ದಾರೆ. ಟ್ರಂಪ್ ವಿರುದ್ಧ ಒಬಾಮಾ ವಾಗ್ದಾಳಿ ನಡೆಸಿರುವ ಆಡಿಯೋ ಒಂದು ಫುಲ್ ವೈರಲ್ ಆಗಿದೆ.

ಸೋಂಕು ತಜ್ಞನೇ ಕ್ವಾರಂಟೈನ್​ಗೆ: ಸಾಂಕ್ರಾಮಿಕ ರೋಗಗಳ ತಜ್ಞ ಆಂಟನಿ ಫೌಸಿ ಹಾಗೂ ವೈಟ್ ಹೌಸ್​ನ ಮೂವರು ಸೇರಿದಂತೆ ‘ಕೊರೊನಾ’ ವೈರಸ್ ಟಾಸ್ಕ್ ಫೋರ್ಸ್ ಸಿಬ್ಬಂದಿಯನ್ನ ಕ್ವಾರಂಟೈನ್ ಮಾಡಲಾಗಿದೆ. ಪೆಂಟಗಾನ್​ನಲ್ಲಿ ಸೋಂಕಿತರ ಸಂಪರ್ಕಕ್ಕೆ ಬಂದಿದ್ದ ಹಿನ್ನೆಲೆಯಲ್ಲಿ ತಜ್ಞರು ಖುದ್ದು ಕ್ವಾಂಟೈನ್​ಗೆ ಒಳಗಾಗಿದ್ದಾರೆ.

ಚೀನಾದಲ್ಲಿ ಮತ್ತೆ ‘ಕೊರೊನಾ’..! ಕೊರೊನಾ ಮಹಾಮಾರಿಯ ಕೇಂದ್ರ ಬಿಂದು ಚೀನಾದಲ್ಲಿ ಮತ್ತೆ ಕೊರೊನಾ ಸೊಂಕು ಕಾಣಿಸಿಕೊಂಡಿದೆ. ನಿನ್ನೆ ಮತ್ತೆ 14 ಮಂದಿಗೆ ಕೊರೊನಾ ಸೋಂಕು ತಗುಲಿದೆ ಅಂತಾ ಚೀನಾದ ನ್ಯಾಷನಲ್ ಹೆಲ್ತ್ ಕಮಿಷನ್ ಮಾಹಿತಿ ನೀಡಿದೆ. ಇದು ಏಪ್ರಿಲ್ 28ರ ನಂತರ ಒಂದೇ ದಿನ ಪತ್ತೆಯಾದ ಅತೀ ಹೆಚ್ಚಿನ ಪ್ರಕರಣವಾಗಿದೆ.

Published On - 2:53 pm, Mon, 11 May 20