ಅಪರೂಪದ ಪ್ರಕರಣ; ಅಮೆರಿಕದ ಮಹಿಳೆಗೆ ಎರಡು ಗರ್ಭಾಶಯ, ಎರಡು ಮಕ್ಕಳ ನಿರೀಕ್ಷೆ

ವಾಷಿಂಗ್ಟನ್ ನವೆಂಬರ್ 15: ಎರಡು ಗರ್ಭಾಶಯಗಳೊಂದಿಗೆ (Uterus) ಜನಿಸಿದ ಅಲಬಾಮಾದ (Alabama) 32 ವರ್ಷದ ಮಹಿಳೆ ಈಗ ಎರಡರಲ್ಲೂ ಗರ್ಭಿಣಿಯಾಗಿದ್ದಾರೆ. ಕೆಲ್ಸಿ ಹ್ಯಾಚರ್ ತನ್ನ ಇನ್ಸ್ಟಾಗ್ರಾಮ್ ಖಾತೆ “ಡಬಲ್ ಹ್ಯಾಚ್ಲಿಂಗ್ಸ್” ನಲ್ಲಿ (doubleuhatchlings) ತನ್ನ ಕಥೆಯನ್ನು ದಾಖಲಿಸುತ್ತಿದ್ದಾರೆ. 17 ನೇ ವಯಸ್ಸಿನಿಂದ ಅವಳು “ಯುಟರ್ಸ್ ಡಿಡೆಲ್ಫಿಸ್” ಅನ್ನು ಹೊಂದಿದ್ದಾಳೆ ಎಂದು ಗೊತ್ತಾಗಿತ್ತು ಡಬಲ್ ಗರ್ಭಾಶಯವನ್ನು ಹೊಂದಿರುವ ಅಪರೂಪದ ಸ್ಥಿತಿಯು ಸುಮಾರು 0.3 ಪ್ರತಿಶತದಷ್ಟು ಮಹಿಳೆಯರ ಮೇಲೆ ಪರಿಣಾಮ ಬೀರುತ್ತದೆ ಎಂದು ಭಾವಿಸಲಾಗಿದೆ.

ಮೇ ತಿಂಗಳಲ್ಲಿ ಎಂಟು ವಾರಗಳ ಅಲ್ಟ್ರಾಸೌಂಡ್ ಚೆಕ್ ಅಪ್ ಸಮಯದಲ್ಲಿ ಮಸಾಜ್ ಥೆರಪಿಸ್ಟ್ ಮತ್ತು ಮೂರು ಮಕ್ಕಳ ತಾಯಿಯಾದ ಕೆಲ್ಸಿ ಹ್ಯಾಚರ್ ಗೆ ಅವಳಿ ಮಕ್ಕಳು ಇದೆ ಎಂಬುದು ಗೊತ್ತಾಗಿದೆ. ನಮಗೆ ಅಚ್ಚರಿಯಾಯಿತು.ಆ ಮೊದಲ ಅಲ್ಟ್ರಾಸೌಂಡ್ ಸಮಯದಲ್ಲಿ ನಾವು ಬಿದ್ದು ಬಿದ್ದು ನಕ್ಕೆವು ಎಂದು ಅವರು Instagram ಪೋಸ್ಟ್‌ನಲ್ಲಿ ಬರೆದಿದ್ದಾರೆ.

ಇದು ಹೇಗಾಗಿದೆ ಎಂದರೆ ಆಕೆ ಪ್ರತ್ಯೇಕವಾಗಿ ಅಂಡೋತ್ಪತ್ತಿ ಮಾಡಿದ್ದಾಳೆ. ಪ್ರತಿ ಫಾಲೋಪಿಯನ್ ಟ್ಯೂಬ್‌ನಿಂದ ಒಂದು ಅಂಡಾಣು ಕೆಳಗೆ ಬಂದಿತು, ಅಂದರೆ ಗರ್ಭಾಶಯದ ಪ್ರತಿ ಬದಿಯಲ್ಲಿ ಕೆಳಗೆ ಬರುವುದು. ನಂತರ ಪ್ರತಿ ಪ್ರತ್ಯೇಕ ಗರ್ಭಾಶಯದ ಮೇಲೆ ವೀರ್ಯಾಣು ಚಲಿಸುತ್ತದೆ ಮತ್ತು ಫಲೀಕರಣವು ಪ್ರತ್ಯೇಕವಾಗಿ ಸಂಭವಿಸಿದೆ ಎಂದು ಬರ್ಮಿಂಗ್‌ಹ್ಯಾಮ್‌ನ ಮಹಿಳಾ ಮತ್ತು ಶಿಶುಗಳ ಕೇಂದ್ರದಲ್ಲಿ ಅಲಬಾಮಾ ವಿಶ್ವವಿದ್ಯಾಲಯದಲ್ಲಿ ಹ್ಯಾಚರ್‌ಗಾಗಿ ಕಾಳಜಿ ವಹಿಸುತ್ತಿರುವ ಪ್ರಸೂತಿ ತಜ್ಞೆ ಶ್ವೇತಾ ಪಟೇಲ್, ABC ಯ “ಗುಡ್ ಮಾರ್ನಿಂಗ್ ಅಮೇರಿಕಾ” ಗೆ ತಿಳಿಸಿದರು.

ಎರಡು ಗರ್ಭಾಶಯವನ್ನು ಹೊಂದಿರುವ ಮಹಿಳೆಯರು ಸಾಮಾನ್ಯವಾಗಿ ಗರ್ಭಾವಸ್ಥೆಯ ತೊಡಕುಗಳನ್ನು ಎದುರಿಸುತ್ತಾರೆಯಾದರೂ, ಹ್ಯಾಚರ್ ಅವರ ಹಿಂದಿನ ಎಲ್ಲಾ ಮೂರು ಮಕ್ಕಳು ಪೂರ್ಣಾವಧಿಯಲ್ಲಿ ಆರೋಗ್ಯಕರವಾಗಿ ಜನಿಸಿದರು. ಎರಡೂ ಗರ್ಭಾಶಯಗಳಲ್ಲಿನ ಗರ್ಭಧಾರಣೆಗಳು ತುಂಬಾ ಅಪರೂಪ. 50 ಮಿಲಿಯನ್‌ನಲ್ಲಿ ಇಂಥದ್ದು ಒಂದು ಇರುತ್ತದೆ ಎಂದು ಹೇಳಲಾಗಿದೆ ಎಂದು ಹ್ಯಾಚರ್ ಹೇಳಿದರು.2019 ರಲ್ಲಿ ಬಾಂಗ್ಲಾದೇಶದಲ್ಲಿ ಕೊನೆಯದಾಗಿ ವ್ಯಾಪಕವಾಗಿ ತಿಳಿದಿರುವ ಪ್ರಕರಣ ಸಂಭವಿಸಿದ್ದು, ಆಗ 20 ವರ್ಷ ವಯಸ್ಸಿನ ಆರಿಫಾ ಸುಲ್ತಾನಾ 26 ದಿನಗಳ ಅಂತರದಲ್ಲಿ ಆರೋಗ್ಯಕರ ಅವಳಿಗಳಿಗೆ ಜನ್ಮ ನೀಡಿದರು.

ಹ್ಯಾಚರ್ ಕ್ರಿಸ್‌ಮಸ್‌ನ ನಿಗದಿತ ದಿನಾಂಕದೊಂದಿಗೆ ಬೇಬಿ ಎ ಮತ್ತು ಬೇಬಿ ಬಿ ಹೆರಿಗೆಗೆ ಆಶಿಸುತ್ತಿದ್ದಾರೆ. ಎರಡೂ “ಅಭಿವೃದ್ಧಿಯಾಗುತ್ತಿವೆ” ಎಂದು ಹೇಳಲಾಗುತ್ತದೆ. ಆದರೆ ಗರ್ಭಾಶಯಗಳು ವಿಭಿನ್ನ ಸಮಯಗಳಲ್ಲಿ ಸಂಕುಚಿತಗೊಳ್ಳುತ್ತವೆ, ಅದು ನಿಮಿಷಗಳು, ಗಂಟೆಗಳು ಅಥವಾ ದಿನಗಳ ಅಂತರದಲ್ಲಿರಬಹುದು. ಕೆಲ್ಸಿ ಮತ್ತು ಅವಳ ಪತಿ ಕ್ಯಾಲೆಬ್ ಹ್ಯಾಚರ್ ಸಿ ಸೆಕ್ಷನ್ ಬಗ್ಗೆ ತಿಳಿದಿದ್ದಾರೆ. ಇಲ್ಲಿ ಒಂದಕ್ಕೆ ಅಥವಾ ಎರಡಕ್ಕೂ ಸಿಸೇರಿಯನ್ ಬೇಕಾಗಬಹುದು. ಇದು ಆ ಸಮಯವನ್ನು ಅವಲಂಬಿತಲಾಗಿದೆ.

ಇದನ್ನೂ ಓದಿ: ಅರ್ಜೆಂಟೀನಾದಲ್ಲಿ ಭೀಕರ ಹಣದುಬ್ಬರ; ಉಟ್ಟ ಉಡುಗೆ ಮಾರಿ ಜೀವನ ನಡೆಸಬೇಕಾದ ಸ್ಥಿತಿ

ಪ್ರತಿ ವೈದ್ಯರ ಭೇಟಿಯಲ್ಲಿ ಅವರು ನನ್ನಲ್ಲಿ, ‘ನಿಮಗೆ ತಿಳಿದಿರಲಿ, ನಾವು ಹಿಂದೆಂದೂ ಈ ರೀತಿಯ ಪರಿಸ್ಥಿತಿಯನ್ನು ಹೊಂದಿರಲಿಲ್ಲ, ಇದು ಒಟ್ಟಾರೆಯಾಗಿ ನಮಗೆ ಹೊಸ ಪ್ರಕರಣವಾಗಿದೆ’.ಅಂತಾರೆ ಆದರೆ ಈ ಪರಿಸ್ಥಿತಿ ನಿಭಾಯಿಸಲು ಅವರು ಉತ್ತಮ ತಂಡವನ್ನು ಹೊಂದಿದ್ದೇನೆ ಎಂದು ನಾನು ಭಾವಿಸುತ್ತೇನೆ. ನಾನು ಅಲಬಾಮಾದ ಅತ್ಯುತ್ತಮ ಆಸ್ಪತ್ರೆಯಲ್ಲಿದ್ದೇನೆ ಎಂದು ಕೆಲ್ಸಿ ಹೇಳಿದ್ದಾರೆ.

ಮತ್ತಷ್ಟು ವಿದೇಶ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ