ಫ್ರೀಡಂ ಎಸ್​ಐಪಿ: ಡಬಲ್ ಅನುಕೂಲ ಕೊಡುವ ಐಸಿಐಸಿಐ ಪ್ರುಡೆನ್ಷಿನ್ ಮ್ಯುಚುವಲ್ ಫಂಡ್ ಯೋಜನೆ ಇದು

ಐಸಿಐಸಿಐ ಪ್ರುಡೆನ್ಷಿಯಲ್ ಮ್ಯೂಚುವಲ್ ಫಂಡ್​ನಿಂದ ‘ಫ್ರೀಡಂ ಎಸ್​ಐಪಿ’ ಪ್ಲಾನ್ ಚಾಲನೆಯಲ್ಲಿದೆ. ಇದು ಹೊಸ ಪ್ಲಾನ್ ಅಲ್ಲವಾದರೂ ಸ್ವಾತಂತ್ರ್ಯೋತ್ಸವದ ಹಿನ್ನೆಲೆಯಲ್ಲಿ ಇದು ಟ್ರೆಂಡ್​ನಲ್ಲಿದೆ. ಫ್ರೀಡಂ ಎಸ್​ಐಪಿ ಎರಡು ರೀತಿಯ ಅನುಕೂಲಗಳನ್ನು ಒದಗಿಸುತ್ತದೆ. ಮಾಮೂಲಿಯ ಎಸ್​ಐಪಿ ರೀತಿಯಲ್ಲಿ ನಿರಂತರ ಹೂಡಿಕೆಗೆ ಅವಕಾಶ ಕೊಡುತ್ತದೆ. ಹಾಗೆಯೇ, ಎಸ್​ಡಬ್ಲ್ಯುಪಿ ಅಥವಾ ಸಿಸ್ಟಮ್ಯಾಟಿಕ್ ವಿತ್​ಡ್ರಾಯಲ್ ಪ್ಲಾನ್ ಮೂಲಕ ಆದಾಯ ಬಳಕೆಗೆ ಅವಕಾಶ ಕೊಡುತ್ತದೆ.

ರಿಟೈರ್ಮೆಂಟ್ ಪ್ಲಾನ್​ಗಳ ರೀತಿ ಈ ಫ್ರೀಡಂ ಎಸ್​ಐಪಿ ಕೆಲಸ ಮಾಡುತ್ತದೆ. ಮೊದಲಿಗೆ ಹೂಡಿಕೆದಾರರು ಎಸ್​ಐಪಿ ರೀತಿಯಲ್ಲಿ ನಿರ್ದಿಷ್ಟ ಅವಧಿಯವರೆಗೆ ಹೂಡಿಕೆ ಮಾಡಬಹುದು. 8 ವರ್ಷಗಳಿಂದ ಹಿಡಿದು 30 ವರ್ಷಗಳವರೆಗೆ ಯಾವುದಾದರೂ ಅವಧಿಯನ್ನು ಎಸ್​ಐಪಿಗೆ ಆಯ್ದುಕೊಳ್ಳಬಹುದು. ಉದಾಹರಣೆಗೆ, ತಿಂಗಳಿಗೆ 20,000 ರೂನಂತೆ 10 ವರ್ಷ ಕಾಲ ನೀವು ಎಸ್​ಐಪಿ ಪ್ಲಾನ್ ಪಡೆಯಬಹುದು.

ಈ 10 ವರ್ಷದ ಎಸ್​ಐಪಿ ಅವಧಿ ಮುಗಿದ ಬಳಿಕ ಫಂಡ್​ನಲ್ಲಿ ಜಮೆಯಾದ ಪೂರ್ಣ ಹಣವು ಹೊಸ ಸ್ಕೀಮ್​ಗೆ ರವಾನೆಯಾಗುತ್ತದೆ. ಇದು ಎಸ್​ಡಬ್ಲ್ಯುಪಿ ಯೋಜನೆ. ತಿಂಗಳಿಗೆ ಎಷ್ಟು ಹಣ ಬರಬೇಕು ಎಂಬುದನ್ನು ಹೂಡಿಕೆದಾರರು ಆಯ್ದುಕೊಳ್ಳಬಹುದು. ಇದನ್ನು ಆಯ್ದುಕೊಳ್ಳದಿದ್ದರೆ ಆರಂಭಿಕ ಎಸ್​ಐಪಿ ಮೊತ್ತದ ಆಧಾರದ ಮೇಲೆ ಡೀಫಾಲ್ಟ್ ಆಗಿ ನಿರ್ದಿಷ್ಟ ಹಣವನ್ನು ನಿಮ್ಮ ಖಾತೆಗೆ ಹಾಕಲಾಗುತ್ತಿರುತ್ತದೆ.

ಇದನ್ನೂ ಓದಿ: ಒಂದೂವರೆ ಲಕ್ಷ ರೂನಲ್ಲಿ ಸ್ವಲ್ಪವೂ ಉಳಿಸಲು ಆಗಲ್ವ? ಮೂರು ಜನರ ಕುಟುಂಬಕ್ಕೆ ಎಲ್ಲಿ ಸಾಲುತ್ತೆ ಈ ಸಂಬಳ? ಸೋಷಿಯಲ್ ಮೀಡಿಯಾದಲ್ಲಿ ಹೀಗೊಂದು ಚರ್ಚೆ

ರಿಟೈರ್ಮೆಂಟ್​ಗೆ ಪ್ಲಾನ್ ಮಾಡುತ್ತಿರುವವರಿಗೆ ಈ ಸ್ಕೀಮ್ ಅನುಕೂಲ ಮಾಡಿಕೊಡುತ್ತದೆ.

ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

ಬಿಸಿನೆಸ್ ವೆಬ್ ಸ್ಟೋರಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ