FD: ಒಂದೇ ಎಫ್ಡಿ ಒಳ್ಳೆಯದೋ, ಸಣ್ಣ ಮೊತ್ತದ ವಿವಿಧ ಠೇವಣಿಗಳು ಉತ್ತಮವಾ? ಬಡ್ಡಿ ದರ, ಲಿಕ್ವಿಡಿಟಿ ಇತ್ಯಾದಿ ಸಂಗತಿ ಗಮನಿಸಿ ನಿರ್ಧರಿಸಿ
Consolidated FD or Smaller Multiple FDs?: ನಿಮ್ಮಲ್ಲಿ ದೊಡ್ಡ ಮೊತ್ತದ ಹಣ ಇದ್ದು ಎಫ್ಡಿಗೆ ಹಾಕಬೇಕೆಂದಿದ್ದಾಗ, ಒಂದೇ ಠೇವಣಿಯಲ್ಲಿ ಅಷ್ಟೂ ಹಣ ಇಡುವುದೋ, ಅಥವಾ ಸಣ್ಣ ಸಣ್ಣ ಮೊತ್ತಗಳ ಬೇರೆ ಬೇರೆ ಠೇವಣಿಗಳಲ್ಲಿ ಆ ಹಣ ಇರಿಸುವುದೋ ಎಂಬ ಗೊಂದಲ ಏರ್ಪಡುವುದು ಸಹಜ.
ನಿಶ್ಚಿತ ಠೇವಣಿಗಳು ಭಾರತದಲ್ಲಿ ಬಹಳ ಜನಪ್ರಿಯವಾದ ಹೂಡಿಕೆ ಯೋಜನೆಗಳಾಗಿವೆ. ಉತ್ತಮ ಬಡ್ಡಿ, ಸುರಕ್ಷಿತ ಹೂಡಿಕೆ ಎನಿಸಿವೆ. ಈಕ್ವಿಟಿ ಮಾರುಕಟ್ಟೆಗೆ (Share Market) ತೆರೆದುಕೊಳ್ಳದ ಹಾಗೂ ಅದರತ್ತ ಆಕರ್ಷಿತರಾಗದ ಬಹಳ ಮಂದಿಗೆ ಫಿಕ್ಸೆಡ್ ಡೆಪಾಸಿಟ್ (Fixed Deposit) ಎಂಬುದು ಡೀಫಾಲ್ಟ್ ಇನ್ವೆಸ್ಟ್ಮೆಂಟ್ ಸ್ಕೀಮ್ ಅಗಿದೆ. ಶೇ. 6ರಿಂದ ಶೇ. 9ರವರೆಗೂ ವಾರ್ಷಿಕ ಬಡ್ಡಿ ಕೊಡುವ ಎಫ್ಡಿಗಳು ನಿಜಕ್ಕೂ ಉತ್ತಮ ಹೂಡಿಕೆ ಅಯ್ಕೆಯೇ. ಆದರೆ, ಒಂದು ಸಾವಿರ ರೂನಿಂದ 10 ಕೋಟಿ ರೂವರೆಗೆ ಹೂಡಿಕೆ ಆಯ್ಕೆಗಳಿದ್ದು, ಪ್ರತಿಯೊಂದು ಅವಧಿ ಠೇವಣಿಗೂ ಪ್ರತ್ಯೇಕ ಬಡ್ಡಿ ದರಗಳುಂಟು.
ನಿಮ್ಮಲ್ಲಿ 2 ಕೋಟಿ ರೂ ಇದ್ದು ಅಷ್ಟೂ ಹಣವನ್ನು ಎಫ್ಡಿಗೆ ಹಾಕಬೇಕೆಂದಿದ್ದಾಗ, ಒಂದೇ ಠೇವಣಿಯಲ್ಲಿ ಅಷ್ಟೂ ಹಣ ಇಡುವುದೋ, ಅಥವಾ ಸಣ್ಣ ಸಣ್ಣ ಮೊತ್ತಗಳ ಬೇರೆ ಬೇರೆ ಠೇವಣಿಗಳಲ್ಲಿ ಆ ಹಣ ಇರಿಸುವುದೋ ಎಂಬ ಗೊಂದಲ ಏರ್ಪಡುವುದು ಸಹಜ. ಆದರೆ, ಈ ಬಗ್ಗೆ ನಿರ್ಧಾರಕ್ಕೆ ಬರುವ ಮುನ್ನ ಆ ಎರಡರ ಸಾಧಕ ಬಾಧಕಗಳನ್ನು ತಿಳಿಯುವುದು ಉತ್ತಮ.
ಇದನ್ನೂ ಓದಿ: PAN Card: ಆಧಾರ್ ಮೂಲಕ ನಿಮ್ಮ ಪ್ಯಾನ್ ಕಾರ್ಡ್ನಲ್ಲಿನ ವಿಳಾಸ ಬದಲಿಸುವ ವಿಧಾನ
ಒಂದೇ ಎಫ್ಡಿಯಲ್ಲಿ ಎಲ್ಲಾ ಹಣ ಇಟ್ಟರೆ ಹೇಗೆ?
ಸಾಧಕ: ಒಂದೇ ನಿಶ್ಚಿತ ಠೇವಣಿ ಖಾತೆ ಇದ್ದಾಗ ಸರಳ ಎನಿಸುತ್ತದೆ. ಒಟ್ಟಿಗೆ ರಿಟರ್ನ್ಸ್ ದುಡ್ಡು ಸಿಕ್ಕುತ್ತದೆ.
ಬಾಧಕ: ನಿಮಗೆ ತುರ್ತಾಗಿ ಹಣಬೇಕಾಗಿ ಬಂದಾಗ ಎಫ್ಡಿಯನ್ನು ರದ್ದುಪಡಿಸಬೇಕಾಗುತ್ತದೆ. ಎಫ್ಡಿ ಮೊತ್ತದ ನಿರ್ದಿಷ್ಟ ಪ್ರತಿಶತದಷ್ಟು ಹಣವನ್ನು ದಂಡವಾಗಿ ಕಟ್ಟಬೇಕಾಗಬಹುದು.
ಸಣ್ಣ ಸಣ್ಣ ಎಫ್ಡಿಯಲ್ಲಿ ಹೂಡಿಕೆ ಮಾಡಿದರೆ ಹೇಗೆ?
ಸಾಧಕ: ಬೇರೆ ಬೇರೆ ಅವಧಿ ಠೇವಣಿಗೆ ಬಡ್ಡಿ ದರ ಎಷ್ಟಿದೆ ನೋಡಿಕೊಂಡು ಹೂಡಿಕೆ ಮಾಡಬಹುದು. ನಿಮಗೆ ತುರ್ತಾಗಿ ಹಣ ಬೇಕಾದಾಗ ಅಷ್ಟು ಮೊತ್ತ ಇರುವ ಎಫ್ಡಿಯನ್ನು ಮಾತ್ರ ರದ್ದು ಮಾಡಬಹುದು. ಉಳಿದ ಎಫ್ಡಿಗಳನ್ನು ಹಾಗೇ ಮುಂದುವರಿಸಬಹುದು.
ಬಾಧಕ: ಬೇರೆ ಬೇರೆ ಎಫ್ಡಿಗಳಿದ್ದರೆ ಅವುಗಳನ್ನು ಟ್ರ್ಯಾಕ್ ಮಾಡುವುದು ತುಸು ಗಲಿಬಿಲಿಯಾಗಬಹುದು.
ಈ ಮೇಲಿನ ವಿಚಾರಗಳನ್ನು ಪರಿಗಣಿಸಿ ನಿರ್ಧಾರಕ್ಕೆ ಬರಬಹುದು. ನಿಮ್ಮ ಭವಿಷ್ಯದ ವೆಚ್ಚಕ್ಕೆಂದು ನೀವು ಎಫ್ಡಿಯನ್ನು ಇಡುತ್ತೀರೆಂದರೆ ಸಣ್ಣ ಸಣ್ಣ ಮೊತ್ತದ ಎಫ್ಡಿಗಳು ಉತ್ತಮ ಆಯ್ಕೆ ಆಗಬಹುದು.
ಇನ್ನಷ್ಟು ಪರ್ಸನಲ್ ಫೈನಾನ್ಸ್ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
