ಅಂಬಾನಿ ಮತ್ತು ರಿಲಯನ್ಸ್​ನ ಮೂರು ತಲೆಮಾರಿನ ಕಥೆ; ಗುರಿ, ಛಲ, ಕನಸುಗಳೊಂದಿಗೆ ಹೆಜ್ಜೆ

ಕಾಲಕಾಲಕ್ಕೆ ವ್ಯಾಪಾರ ವ್ಯವಹಾರ, ತಂತ್ರಜ್ಞಾನಗಳು ಬದಲಾಗುತ್ತಿರುತ್ತವೆ. ಪ್ರತೀ ಕಾಲಘಟ್ಟದಲ್ಲೂ ಪರಿಸ್ಥಿತಿ ಭಿನ್ನವಾಗಿರುತ್ತದೆ. ಹೊಸ ಆಲೋಚನೆ, ಹೊಸ ಪರಿಸರ, ಹೊಸ ಗುರಿ, ಹೊಸ ಆಕಾಂಕ್ಷೆ, ಹೊಸ ದಾರಿ ತುಳಿಯುವ ಅವಶ್ಯಕತೆ ಇರುತ್ತದೆ. ದೀರ್ಘಾವಧಿ ನೆಲೆ ನಿಂದ ಫ್ಯಾಮಿಲಿ ಬ್ಯುಸಿನೆಸ್​ಗಳ ಸಕ್ಸಸ್ ಸೀಕ್ರೆಟ್ ಇದೆ. ಎಷ್ಟೋ ವ್ಯವಹಾರಗಳು ಒಂದು ಅಥವಾ ಎರಡು ತಲೆಮಾರಿಗೆ ನಿಂತುಹೋಗುತ್ತವೆ. ಮೂರನೇ ತಲೆಮಾರಿಗೆ ಮುಂದುವರಿಯುವುದು ಕಷ್ಟ. ಅಥವಾ ನಿಂತ ನೀರಾಗೇ ಇರಬಹುದು. ಇಲ್ಲಿ ಧೀರೂಬಾಯ್ ಅಂಬಾನಿ ಕಟ್ಟಿದ ರಿಲಾಯನ್ಸ್ ಸಾಮ್ರಾಜ್ಯ ಮೂರನೇ ತಲೆಮಾರು ಪ್ರವೇಶಿಸಿದರೂ ಹೆಚ್ಚಿನ ಶಕ್ತಿ, ವಿಸ್ತಾರ ಪಡೆದುಕೊಂಡಿದೆ. ವಿಶ್ವದ ಅತಿದೊಡ್ಡ ಸಂಸ್ಥೆಗಳ ಪೈಕಿ ಒಂದೆನಿಸಿದೆ.

ಧೀರೂಭಾಯಿ ಅಂಬಾನಿ ಅವರ ಉದ್ಯಮಶೀಲತೆಯ ಆರಂಭದಿಂದ ಹಿಡಿದು, ಮುಕೇಶ್ ಅಂಬಾನಿ ಅವರ ವಿಸ್ತರಣೆ ಮತ್ತು ಈಗ ಆಕಾಶ್, ಇಶಾ ಹಾಗೂ ಅನಂತ್ ಅಂಬಾನಿ ಅವರು ತಂತ್ರಜ್ಞಾನ, ರೀಟೇಲ್ ವ್ಯಾಪಾರ ಹಾಗೂ ಹಸಿರು ಇಂಧನ ಕ್ಷೇತ್ರಗಳಲ್ಲಿ ಕುಟುಂಬದ ಜವಾಬ್ದಾರಿಯನ್ನು ಮುನ್ನಡೆಸುತ್ತಿರುವುದು ರಿಲಯನ್ಸ್‌ನ ಸ್ಥಿರತೆ ಮತ್ತು ನಿರಂತರ ಪರಿವರ್ತನೆಯ ಕಥೆಯಾಗಿದೆ. ಪ್ರತಿಯೊಂದು ತಲೆಮಾರೂ ತಮಗೆ ಸಿಕ್ಕ ಬುನಾದಿಯನ್ನು ಬಳಸಿ, ಆಯಾ ಕಾಲದ ಭಾರತಕ್ಕಾಗಿ ಮತ್ತಷ್ಟು ದೊಡ್ಡದನ್ನು ನಿರ್ಮಿಸಬೇಕೆಂಬ ಬದ್ಧತೆಯನ್ನು ಇದು ತೋರುತ್ತದೆ. ಮೂರು ತಲೆಮಾರುಗಳು, ಆದರೆ ಒಂದೇ ಒಂದು ಬಲವಾದ ಭರವಸೆ — ಭಾರತದಲ್ಲಿ ನಿರ್ಮಿಸುವುದೆಂದರೆ ಇಡೀ ಭಾರತವನ್ನು ಮೇಲೆತ್ತುವುದಾಗಿದೆ.

ಇದನ್ನೂ ಓದಿ: ಅಪ್ಪನ ಕನಸು ಸಾಕಾರಗೊಳಿಸಿದ ಮುಕೇಶ್ ಅಂಬಾನಿ; ಕೋಟ್ಯಂತರ ಕನಸುಗಳನ್ನು ಬೆಸೆದ ಜಿಯೋ

ರಿಲಯನ್ಸ್ ಭೂತ, ವರ್ತಮಾನ ಮತ್ತು ಭವಿಷ್ಯ…

ರಿಲಯನ್ಸ್​ನ ಆರಂಭದ ಹಂತದಲ್ಲಿ ಹೊಸ ಆಕಾಂಕ್ಷೆ ಮತ್ತು ಸಂಪತ್ತು ಸೃಷ್ಟಿಯ ಸಾಧನೆಯ ಕಥೆ ಕಂಡು ಬರುತ್ತದೆ. ಈಗ ಅದರ ಅಗಾಧ ಔದ್ಯಮಿಕ ಮತ್ತು ಡಿಜಿಟಲ್ ಪರಿವರ್ತನೆಯ ಶಕ್ತಿಯ ಕಥೆ ಕಾಣುತ್ತಿದ್ದೇವೆ. ಮುಂಬರುವ ದಾರಿ ಬೇರೆಯೇ ಕಥೆ ಹೇಳಲಿದೆ. ಹೊಸ ತಂತ್ರಜ್ಞಾನಗಳು, ಹೊಸ ವ್ಯವಹಾರಗಳು, ಬದಲಾದ ಗ್ರಾಹಕ ಅಗತ್ಯತೆಗಳು ಸೃಷ್ಟಿಸುವ ಅವಕಾಶಗಳನ್ನು ರಿಲಯನ್ಸ್ ಹೇಗೆ ಬಳಸಿಕೊಳ್ಳುತ್ತದೆ ಎಂಬುದು ಅದರ ಭವಿಷ್ಯ ನಿರ್ಧರಿಸುತ್ತದೆ. ಆಕಾಶ್ ಅಂಬಾನಿ, ಇಶಾ ಅಂಬಾನಿ ಮತ್ತು ಅನಂತ್ ಅಂಬಾನಿ ಅವರು ಈ ದಾರಿಯಲ್ಲಿ ಆತ್ಮವಿಶ್ವಾಸದಿಂದ ಹೆಜ್ಜೆ ಹಾಕುತ್ತಿರುವುದನ್ನು ಕಾಣಬಹುದು.

ಸಮಾಜ ಸೇವೆ, ಎಐ ಕಲಿಕೆ ನೀಡುತ್ತಿರುವ ರಿಲಯನ್ಸ್

ಕೇವಲ ವ್ಯಾಪಾರ ಹಾಗೂ ಲಾಭ ಗಳಿಕೆಗೆ ಸೀಮಿತವಾಗದೆ, ಸಮಾಜದ ಕಲ್ಯಾಣಕ್ಕೂ ರಿಲಯನ್ಸ್ ತನ್ನನ್ನು ತಾನು ಅರ್ಪಿಸಿಕೊಂಡಿದೆ. ರಿಲಯನ್ಸ್ ಫೌಂಡೇಶನ್ ಮೂಲಕ ನೀತಾ ಅಂಬಾನಿ ಅವರ ನೇತೃತ್ವದಲ್ಲಿ 54,000ಕ್ಕೂ ಹೆಚ್ಚು ಹಳ್ಳಿಗಳಲ್ಲಿ 66 ಮಿಲಿಯನ್‌ಗಿಂತ ಅಧಿಕ ಜನರ ಜೀವನದಲ್ಲಿ ಸಕಾರಾತ್ಮಕ ಬದಲಾವಣೆ ತರಲಾಗಿದೆ. ಇಂದಿನ ಡಿಜಿಟಲ್ ಯುಗದಲ್ಲಿ, ಕೃತಕ ಬುದ್ಧಿಮತ್ತೆ (AI) ತಂತ್ರಜ್ಞಾನವನ್ನು ಕೇವಲ ಕೆಲವೇ ಕೆಲವು ಜನರಿಗೆ ಸೀಮಿತಗೊಳಿಸದೆ, 12 ಭಾರತೀಯ ಭಾಷೆಗಳಲ್ಲಿ ಉಚಿತವಾಗಿ ಪ್ರತಿಯೊಬ್ಬ ವ್ಯಕ್ತಿಗೂ ತಲುಪಿಸುವ ಕೆಲಸವನ್ನು ಜಿಯೋ ಮಾಡುತ್ತಿದೆ.

ಇದನ್ನೂ ಓದಿ: ಶಾಲಾ ಟೀಚರ್ ಮಗ ಕಟ್ಟಿದ ರಿಲಯನ್ಸ್ ಸಾಮ್ರಾಜ್ಯ; ಭಾರತದ ಮೊದಲ ಐಪಿಒದಿಂದ ಅತಿದೊಡ್ಡ ಐಪಿಒವರೆಗೆ ರೋಚಕ ಪ್ರಯಾಣ

ಭಾರತದ ವಿಶೇಷ ಕುಟುಂಬ ಅಂಬಾನಿಯದ್ದು…

ವಿಶ್ವದ ಅತ್ಯಂತ ವಿರಳ ಕುಟುಂಬಗಳಲ್ಲಿ ಒಂದಾಗಿ ಅಂಬಾನಿ ಕುಟುಂಬವು ಭಾರತವನ್ನು ರೂಪಿಸಿರುವ ರೀತಿ ಅನನ್ಯವಾಗಿದೆ. ಗುಜರಾತ್‌ನ ಒಂದು ಸಣ್ಣ ಕೊಠಡಿಯಿಂದ ಆರಂಭವಾಗಿ ಪ್ರತಿಯೊಬ್ಬರ ಜೇಬಿನಲ್ಲಿರುವ ನೆಟ್‌ವರ್ಕ್ ವರೆಗೆ, ಪ್ರತಿಯೊಂದು ತಲೆಮಾರೂ ತಮ್ಮನ್ನು ತಾವು ಮೀರಿಸಿ ಬೆಳೆದಿದೆ. ಭಾರತದ ಪ್ರಗತಿಯ ಪ್ರತಿ ಹಂತದಲ್ಲೂ ಈ ಪರಂಪರೆಯ ಹೆಜ್ಜೆಗುರುತುಗಳಿದ್ದು, ಈ ಇತಿಹಾಸದ ರೋಮಾಂಚಕ ಪಯಣವು ಇನ್ನೂ ಮುಂದುವರಿಯುತ್ತಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ