ನಾನೂ ವಿಜ್ಞಾನ ಮಾಡಬಲ್ಲೆ ಅಂತ ಜನರು ಭಾವಿಸಲ್ಲ, ನನ್ನನ್ನು ಜೊಮಾಟೊದೊಂದಿಗೆ ಜೋಡಿಸ್ತಾರೆ: ದೀಪಿಂದರ್ ಗೋಯಲ್

ನವದೆಹಲಿ, ಅಕ್ಟೋಬರ್ 2: ಫುಡ್ ಡೆಲಿವರಿ ಕ್ಷೇತ್ರದಲ್ಲಿ ಜೊಮಾಟೊವನ್ನು ನಂಬರ್ ಒನ್ ಸ್ಥಾನಕ್ಕೆ ತಂದಿದ್ದ ಅದರ ಸಂಸ್ಥಾಪಕ ದೀಪಿಂದರ್ ಗೋಯಲ್ ಅವರು ಇದೀಗ ‘ಟೆಂಪಲ್’ ಎನ್ನುವ ತಮ್ಮ ಹೊಸ ತಂತ್ರಜ್ಞಾನ ಸಂಸ್ಥೆಯನ್ನು ಯಶಸ್ಸಿನ ಹಳಿಗೆ ತರಲು ಬಹಳ ಪ್ರಯಾಸ ಪಡುತ್ತಿದ್ದಾರೆ. ಇತ್ತೀಚೆಗಷ್ಟೇ ಅವರ ಟೆಂಪಲ್ ಎನ್ನುವ ವೇರಬಲ್ ಸಾಧನ ಮಾರುಕಟ್ಟೆಗೆ ಬಿಡುಗಡೆ ಆಗಿದೆ. ಈ ಉತ್ಪನ್ನದ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಒಂದು ಸಣ್ಣ ಟಾಕ್ ಶುರುವಾಗಿದ್ದು, ಈ ವೇಳೆ ಗೋಯಲ್ ಅವರು ತಮ್ಮ ಸಂದಿಗ್ಧತೆಯನ್ನು ಹೊರಹಾಕಿದ್ದಾರೆ.

ತಾನು ವಿಜ್ಞಾನ ಮತ್ತು ತಂತ್ರಜ್ಞಾನ ಕೇಂದ್ರಿತ ಉತ್ಪನ್ನಗಳನ್ನು ನಿರ್ಮಿಸಬಲ್ಲೆನೇ ಎನ್ನುವ ಬಗ್ಗೆ ಜನರಿಗೆ ಸಂದೇಹ ಇತ್ತು ಎಂದು ದೀಪಿಂದರ್ ಗೋಯಲ್ ಹೇಳಿದ್ದಾರೆ.

ಇದನ್ನೂ ಓದಿ: ರಿಲಯನ್ಸ್ ಇಂಡಸ್ಟ್ರೀಸ್ ದಾಖಲೆ ಆದಾಯ, ಲಾಭ; ಷೇರುಬೆಲೆ ಶೇ. 7ರಷ್ಟು ಜಿಗಿತ

‘ಜೊಮಾಟೊ ಹುಡುಗ ಎನ್ನುವ ಪಟ್ಟವು ಟೆಂಪಲ್​ಗೆ ವಿರುದ್ಧವಾಗಿ ಕೆಲಸ ಮಾಡುತ್ತದೆ. ನಾನು ಹಾರ್ಡ್​ವೇರ್ ಮತ್ತು ಸೈನ್ಸ್ ಮಾಡಬಲ್ಲೆನೆಂಬುದನ್ನು ಜನರು ಗಂಭೀರವಾಗಿ ಪರಿಗಣಿಸುವುದಿಲ್ಲ’ ಎಂದು ಎಕ್ಸ್ ಪೋಸ್ಟ್​ವೊಂದಕ್ಕೆ ಉತ್ತರಿಸುತ್ತಾ ದೀಪಿಂದರ್ ಗೋಯಲ್ ಬೇಸರ ಹೊರಹಾಕಿದ್ದಾರೆ.

85,000 ರೂಗಳ ದುಬಾರಿ ಬೆಲೆಗೆ ಈ ಸಾಧನ ಅರ್ಹವಾಗಿದೆಯಾ? ಜೊಮಾಟೊ ಮನುಷ್ಯನಿಂದ ನಿರ್ಮಿಸಿದ್ದು ಎನ್ನುವ ವಿಚಾರ ಬಿಟ್ಟರೆ ಈ ಸಾಧನ ಹೇಗೆ ಕೆಲಸ ಮಾಡುತ್ತದೆ ಎಂದು ಹೇಗೆ ಮಾಪನ ಮಾಡುತ್ತೀರಿ ಎಂದು ಎಕ್ಸ್ ಬಳಕೆದಾರರೊಬ್ಬರು ಹೇಳಿದ್ದರು. ಇದಕ್ಕೆ ಪ್ರತಿಕ್ರಿಯೆಯಾಗಿ ದೀಪಿಂದರ್ ಗೋಯಲ್ ತಮ್ಮ ಸಂದಿಗ್ಧತೆ ವ್ಯಕ್ತಪಡಿಸಿದ್ದು.

ಎಕ್ಸ್ ಬಳಕೆದಾರರೊಬ್ಬರ ಪೋಸ್ಟ್

Respect the product-first approach.

But if Temple really stays on through sweat, showers, ocean swims, and under glasses with zero awareness after 5 seconds… then why does it still need ₹85k and a lifetime subscription to prove the product works?

The biggest marketing spend in consumer tech is usually the one you can’t see. Curious how you’ll measure product working when the main competing signal is this is the next big thing from the Zomato guy.

— Krishna Bhoopathy Ramachandran (@krishbhoopathy) November 1, 2026

ದೀಪಿಂದರ್ ಗೋಯಲ್ ಅವರು ತಮ್ಮ ಟೆಂಪಲ್ ಸಾಧನದ ಪ್ರಚಾರಕ್ಕೆ ಯಾವುದೇ ಪಿಆರ್ ಬಳಸುವುದಿಲ್ಲ, ಯಾರನ್ನೂ ಬ್ರಾಂಡ್ ಅಂಬಾಸಡ್ ಮಾಡುವುದಿಲ್ಲ. ಟೆಂಪಲ್ ಧರಿಸುತ್ತಿರುವವರೆಲ್ಲಾ ಅವರ ಇಚ್ಛೆಯಿಂದೇ ಧರಿಸಿರುವುದು ಎಂದು ಘೋಷಿಸಿದ್ದಾರೆ.

ಇದನ್ನೂ ಓದಿ: ಅಕ್ಟೋಬರ್ ತಿಂಗಳಲ್ಲಿ ಭರ್ಜರಿ ಜಿಎಸ್​ಟಿ ಕಲೆಕ್ಷನ್ಸ್; 2 ಲಕ್ಷ ಕೋಟಿ ರೂ ದಾಟಿದ ನಿವ್ವಳ ತೆರಿಗೆ ಸಂಗ್ರಹ

ಏನಿದು ಟೆಂಪಲ್ ಸಾಧನ?

ಇದು ಮಿದುಳಿಗೆ ರಕ್ತದ ಹರಿವನ್ನು ಮಾನಿಟರ್ ಮಾಡುವಂತಹ ಸಾಧನ. ಹಣೆ ಮತ್ತು ಕಣ್ಣಿನ ನಡುವೆ ಇರುವ ಶಂಖ ಪ್ರದೇಶದಲ್ಲಿ (Temple region) ಈ ಸಾಧನವನ್ನು ಅಂಟಿಸಿದರೆ ಸಾಕು. ನಾಡಿಮಿಡಿತ, ಎದೆಬಡಿತ, ಪಲ್ಸ್ ರೇಟ್ ಇತ್ಯಾದಿಯನ್ನು ಪರಿಶೀಲಿಸುತ್ತಿರುತ್ತದೆ. ವಿವಿಧ ಸ್ಮಾರ್ಟ್​ವಾಚ್​ಗಳಿಗೆ ಪರ್ಯಾಯವಾಗಿ ಇದನ್ನು ಪ್ರಚುರಪಡಿಸಲಾಗಿದೆ. ಮಾರುಕಟ್ಟೆಯಲ್ಲಿ ಲಭ್ಯ ಇರುವ ಸಂಬಂಧಿತ ಉತ್ಪನ್ನಗಳಿಗಿಂತ ಟೆಂಪಲ್ ಭಿನ್ನವಾಗಿದೆ. ಆದರೆ, ಎಲ್ಲಕ್ಕಿಂತ ಹೆಚ್ಚು ದುಬಾರಿ ಎನಿಸಿದೆ. ಇದರ ಬೆಲೆ 85,000 ರೂ ಆಗಿದೆ.

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 2:20 pm, Mon, 2 November 26