ಕನ್ನಡದ ‘ರಾ ರಾ ರಕ್ಕಮ್ಮ’ ಹಿಟ್​ ಆದ ಬೆನ್ನಲ್ಲೇ ಬರ್ತಿದೆ ತೆಲುಗಿನ ಬೇರೆ ಚಿತ್ರದ ‘ರಾ ರಾ ರೆಡ್ಡಿ’ ಹಾಡು

ಚಿತ್ರದ ಬಿಡುಗಡೆಗೂ ಮುನ್ನವೇ ಹಾಡುಗಳು ಹಿಟ್​ ಆದರೆ ಆ ಸಿನಿಮಾ ಅರ್ಧ ಗೆ​ದ್ದಂತೆಯೇ ಸರಿ ಎಂಬುದು ಚಿತ್ರರಂಗದ ಮಂದಿಯ ಲೆಕ್ಕಾಚಾರ. ಅದಕ್ಕಾಗಿ ಪ್ರತಿ ಚಿತ್ರದ ಸಂಗೀತ ನಿರ್ದೇಶಕರು ಎಲ್ಲಿಲ್ಲದ ಕಸರತ್ತು ನಡೆಸುತ್ತಾರೆ. ಈ ವಿಚಾರದಲ್ಲಿ ಸುದೀಪ್​ ನಟನೆಯ ‘ವಿಕ್ರಾಂತ್​ ರೋಣ’ (Vikrant Rona) ಸಿನಿಮಾ ಯಶಸ್ವಿ ಆಗಿದೆ. ಈ ಚಿತ್ರದ ‘ರಾ ರಾ ರಕ್ಕಮ್ಮ..’ (Ra Ra Rakkamma) ಹಾಡು ಸೂಪರ್​ ಹಿಟ್​ ಆಗಿದೆ. ಎಲ್ಲರ ಬಾಯಲ್ಲೂ ಈ ಗೀತೆ ಗುನುಗುತ್ತಿದೆ. ಸಂಗೀತ ನಿರ್ದೇಶಕ ಬಿ. ಅಜನೀಶ್​ ಲೋಕನಾಥ್​ ಅವರ ಕೆಲಸಕ್ಕೆ ಸೂಕ್ತ ಪ್ರತಿಫಲ ಸಿಕ್ಕಿದೆ. ಈ ಹಾಡು ಹಿಟ್​ ಆಗಿರುವ ಬೆನ್ನಲ್ಲೇ ತೆಲುಗಿನಲ್ಲಿ ಬೇರೊಂದು ಸಿನಿಮಾದಿಂದ ‘ರಾ ರಾ ರೆಡ್ಡಿ..’ (Ra Ra Reddy) ಎಂಬ ಹಾಡು ಬಿಡುಗಡೆ ಆಗುತ್ತಿದೆ. ಇದೇನು ಕಾಕತಾಳೀಯವೋ ತಿಳಿದಿಲ್ಲ.

‘ರಾ ರಾ ರಕ್ಕಮ್ಮ’ ಮತ್ತು ‘ರಾ ರಾ ರೆಡ್ಡಿ’ ಹಾಡಿನ ಟೈಟಲ್​ ನಡುವೆ ಸಾಮ್ಯತೆ ಇರುವುದರಿಂದ ಕೌತುಕ ಮೂಡಿದೆ. ನಿತಿನ್​ ಹೀರೋ ಆಗಿ ನಟಿಸಿರುವ ‘ಮಾಚೆರ್ಲಾ ನಿಯೋಜಕವರ್ಗಂ’ ಸಿನಿಮಾದ ಹಾಡು ಇದು. ನಿತಿನ್​ ಅಭಿಮಾನಿಗಳ ವಲಯದಲ್ಲಿ ಈ ಚಿತ್ರದ ಬಗ್ಗೆ ನಿರೀಕ್ಷೆ ಇದೆ. ಆ ನಿರೀಕ್ಷೆಗೆ ತಕ್ಕಂತೆಯೇ ‘ರಾ ರಾ ರೆಡ್ಡಿ..’ ಹಾಡು ಮೂಡಿಬಂದಿದೆ ಎಂಬುದರ ಝಲಕ್ ತೋರಿಸಲು ಈಗ ಪೋಸ್ಟರ್ ರಿಲೀಸ್​ ಮಾಡಲಾಗಿದೆ.

ಇದನ್ನೂ ಓದಿ

ಬಾಗಲಕೋಟೆಯಲ್ಲಿ ರಾ.. ರಾ.. ರಕ್ಕಮ್ಮ ಹಾಡಿಗೆ ನೂರಾರು ಜನರಿಂದ ಭರ್ಜರಿ ಸ್ಟೆಪ್

Jacqueline Fernandez: ಸೆನ್ಸೇಶನ್ ಸೃಷ್ಟಿಸಿದ ‘ರಾ ರಾ ರಕ್ಕಮ್ಮ’; ಕನ್ನಡದಲ್ಲೇ ಧನ್ಯವಾದ ಹೇಳಿದ ಜಾಕ್ವೆಲಿನ್​

 ‘ರಾ ರಾ ರಕ್ಕಮ್ಮಾ..’ ಹಾಡಿಗೆ ಮಸ್ತ್​ ಆಗಿ ಹೆಜ್ಜೆ ಹಾಕಿದ ಅರವಿಂದ್ ಕೆಪಿ-ದಿವ್ಯಾ ಉರುಡುಗ

Vikrant Rona: ಕನ್ನಡದಲ್ಲೇ ಮಾತನಾಡಿದ ಜಾಕ್ವೆಲಿನ್; ‘ರಕ್ಕಮ್ಮ’ಗಾಗಿ ಮೊದಲ ಬಾರಿಗೆ ರೀಲ್ಸ್ ಮಾಡಿದ ಕಿಚ್ಚ ಸುದೀಪ್

ಈ ಸಿನಿಮಾದಲ್ಲಿ ನಿತಿನ್​ ಜೊತೆ ಕೃತಿ ಶೆಟ್ಟಿ ಮತ್ತು ಕ್ಯಾಥರೀನ್​ ತ್ರೆಸಾ ನಟಿಸುತ್ತಿದ್ದಾರೆ. ಕೊನೇ ಹಾಡಿನ ಚಿತ್ರೀಕರಣ ಹೈದರಾಬಾದ್​ನಲ್ಲಿ ನಡೆಯುತ್ತಿದೆ. ಖ್ಯಾತ ನಟಿ ಅಂಜಲಿ ಅವರು ‘ರಾ ರಾ ರೆಡ್ಡಿ.. ಐ ಆ್ಯಮ್​ ರೆಡಿ..’ ಎಂದು ವಿಶೇಷ ಹಾಡಿನಲ್ಲಿ ಹೆಜ್ಜೆ ಹಾಕಿದ್ದಾರೆ. ಈ ಸಾಂಗ್​ನಲ್ಲಿ ಅವರು ತುಂಬ ಗ್ಲಾಮರಸ್​ ಆಗಿ ಕಾಣಿಸಿಕೊಂಡಿದ್ದಾರೆ ಎಂಬುದಕ್ಕೆ ಈ ಪೋಸ್ಟರ್​ ಸಾಕ್ಷಿ ಒದಗಿಸುತ್ತಿದೆ. ಇದರ ಲಿರಿಕಲ್​ ವಿಡಿಯೋ ಜುಲೈ 9ರಂದು ಬಿಡುಗಡೆ ಆಗಲಿದೆ.

The Massiest Song of this Season#RaRaReddyIAmReady ft. @yoursanjali from #MacherlaNiyojakavargam ??

LYRICAL ON JULY 9th! ???

?#Lipsika ✍?@LyricsShyam ?#MahathiSwaraSagar @IamKrithiShetty @CatherineTresa1 @SrSekkhar @SreshthMovies @adityamusic#MNVFromAug12th pic.twitter.com/WjLkrOCDB2

— nithiin (@actor_nithiin) July 4, 2022

ಸ್ಪೆಷಲ್​ ಸಾಂಗ್​ನಲ್ಲಿ ಡ್ಯಾನ್ಸ್​ ಮಾಡಿದರೆ ನಟಿಯರ ಜನಪ್ರಿಯತೆ ಹೆಚ್ಚುತ್ತದೆ. ‘ಹೂ ಅಂತೀಯಾ ಮಾವ..’ ಹಾಡಿನಲ್ಲಿ ಸ್ಟೆಪ್​ ಹಾಕಿದ ಸಮಂತಾಗೆ ಭರ್ಜರಿ ಯಶಸ್ಸು ಸಿಕ್ಕಿತು. ‘ರಾ ರಾ ರಕ್ಕಮ್ಮ..’ ಹಾಡಿನಲ್ಲಿ ಡ್ಯಾನ್ಸ್​ ಮಾಡಿದ ಜಾಕ್ವೆಲಿನ್​ ಫರ್ನಾಂಡಿಸ್​ ಕೂಡ ಪ್ರೇಕ್ಷಕರ ಮನ ಗೆದ್ದಿದ್ದಾರೆ. ಈಗ ‘ರಾ ರಾ ರೆಡ್ಡಿ..’ ಗೀತೆಯಿಂದ ಅಂಜಲಿ ಸಹ ಅಂಥದ್ದೇ ಯಶಸ್ಸು ಪಡೆಯಲಿದ್ದಾರೆ ಎಂದು ನಿರೀಕ್ಷಿಸಲಾಗುತ್ತಿದೆ.

ಇದನ್ನೂ ಓದಿ: Vikrant Rona: ಕಿಚ್ಚನ ‘ರಾ ರಾ ರಕ್ಕಮ್ಮ..’ ಹಾಡಿಗೆ ಹೆಜ್ಜೆ ಹಾಕಿದ ಬಾಲಿವುಡ್​ ಸ್ಟಾರ್​ ನಟ ರಿತೇಶ್​ ದೇಶಮುಖ್​

 ‘ರಾ ರಾ ರಕ್ಕಮ್ಮ’ ಹಾಡಿಗೆ 150 ಮಕ್ಕಳಿಂದ ಮಸ್ತ್​ ಡ್ಯಾನ್ಸ್