Asha Parekh: ನಟಿ ಆಶಾ ಪಾರೇಖ್​ಗೆ ದಾದಾ ಸಾಹೇಬ್​ ಫಾಲ್ಕೆ ಪ್ರಶಸ್ತಿ ಘೋಷಣೆ

ಭಾರತೀಯ ಚಿತ್ರರಂಗದ ಹಿರಿಯ ನಟಿ ಆಶಾ ಪಾರೇಖ್ (Asha Parekh)​ ಅವರಿಗೆ ದಾದಾ ಸಾಹೇಬ್​ ಫಾಲ್ಕೆ ಪ್ರಶಸ್ತಿ ಘೋಷಣೆ ಆಗಿದೆ. ಈ ವರ್ಷ ಅವರು ಈ ಪ್ರತಿಷ್ಠಿತ ಗೌರವವನ್ನು ಸ್ವೀಕರಿಸಲಿದ್ದಾರೆ. ಭಾರತ ಸರ್ಕಾರದ (Central Government) ವತಿಯಿಂದ ಈ ಪ್ರಶಸ್ತಿ ನೀಡಲಾಗುತ್ತದೆ. 2019ನೇ ಸಾಲಿನ ಪ್ರಶಸ್ತಿಯು ರಜನಿಕಾಂತ್​ ಅವರಿಗೆ ಸಿಕ್ಕಿತ್ತು. 2020ನೇ ವರ್ಷದ ದಾದಾ ಸಾಹೇಬ್​ ಫಾಲ್ಕೆ (Dada Saheb Phalke Award) ಪ್ರಶಸ್ತಿಯನ್ನು ಆಶಾ ಪಾರೇಖ್​ ಅವರಿಗೆ ನೀಡಲಾಗುತ್ತಿದೆ. ಭಾರತೀಯ ಚಿತ್ರಕ್ಕೆ ಆಶಾ ಅವರು ಸಾಕಷ್ಟು ಕೊಡುಗೆ ನೀಡಿದ್ದಾರೆ. ಅವರ ಸಾಧನೆಯನ್ನು ಗುರುತಿಸಿ ‘ಪದ್ಮಶ್ರೀ’, ‘ಫಿಲ್ಮ್​ಫೇರ್​’ ಸೇರಿದಂತೆ ಅನೇಕ ಗೌರವಗಳು ಸಂದಿವೆ. ಅವುಗಳ ಸಾಲಿಗೆ ಈಗ ದಾದಾ ಸಾಹೇಬ್​ ಫಾಲ್ಕೆ ಪ್ರಶಸ್ತಿ ಕೂಡ ಸೇರ್ಪಡೆ ಆಗಿದೆ.

1952ರಲ್ಲಿ ಆಶಾ ಪಾರೇಖ್​ ಅವರು ಚಿತ್ರರಂಗದಲ್ಲಿ ನಟನೆ ಆರಂಭಿಸಿದರು. ಬಾಲ ನಟಿಯಾಗಿ ಅವರು ಗುರುತಿಸಿಕೊಂಡರು. ಆಗ ಅವರನ್ನು ಬೇಬಿ ಆಶಾ ಪಾರೇಖ್​ ಎಂದು ಕರೆಯಲಾಗುತ್ತಿತ್ತು. 1959ರಲ್ಲಿ ‘ದಿಲ್​ ದೇಕೆ ದೇಖೋ’ ಚಿತ್ರದ ಮೂಲಕ ಹೀರೋಯಿನ್​ ಆಗಿ ಬಡ್ತಿ ಪಡೆದುಕೊಂಡರು. ಆ ಸಿನಿಮಾದಲ್ಲಿ ಅವರು ಶಮ್ಮಿ ಕಪೂರ್​ಗೆ ಜೋಡಿಯಾಗಿ ನಟಿಸಿದರು. ಮೊದಲ ಚಿತ್ರದಲ್ಲಿ ಭರ್ಜರಿ ಯಶಸ್ಸು ಪಡೆದುಕೊಂಡರು. ನಂತರ ಅನೇಕ ಸಿನಿಮಾಗಳಲ್ಲಿ ನಟಿಸಿ ಅವರು ಜನಮೆಚ್ಚುಗೆ ಗಳಿಸಿದರು.

ಇದನ್ನೂ ಓದಿ

‘ದಾದಾಸಾಹೇಬ್​ ಫಾಲ್ಕೆ’ ರೀತಿಯೇ ಡಾ. ರಾಜ್​ ಹೆಸರಲ್ಲಿ ನೀಡುವ ಪ್ರಶಸ್ತಿ​ ಬಗ್ಗೆ ಹೊಸ ಕನಸು ಕಂಡಿದ್ದ​ ಪುನೀತ್​

‘ದಾದಾಸಾಹೇಬ್​ ಫಾಲ್ಕೆ ಪ್ರಶಸ್ತಿ’ ಬಗ್ಗೆ ರಜನಿ​ಕಾಂತ್​ ಸ್ನೇಹಿತ ರಾಜ್ ​ಬಹದ್ದೂರ್​ ಮೊದಲ ಪ್ರತಿಕ್ರಿಯೆ ಏನು?

Rajinikanth: ದಾದಾಸಾಹೇಬ್​ ಫಾಲ್ಕೆ ಪ್ರಶಸ್ತಿ ಸ್ವೀಕರಿಸಿದ ರಜನಿಕಾಂತ್​; 67ನೇ ರಾಷ್ಟ್ರ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ತಲೈವಾ

ದಾದಾ ಸಾಹೇಬ್​ ಫಾಲ್ಕೆ ಪ್ರಶಸ್ತಿಯನ್ನು ಬಸ್ ಚಾಲಕ ರಾಜ್ ಬಹದ್ದೂರ್ ಅವರಿಗೆ ಸಮರ್ಪಿಸಿದ ರಜನಿಕಾಂತ್​!

Dadasaheb Phalke Award to be given to veteran actress Asha Parekh this year

(File Pic) pic.twitter.com/lGj5Kl92Oa

— ANI (@ANI) September 27, 2022

Heartiest congratulations to Asha Parekh Ji to be bestowed with the prestigious #DadaSahebPhalke Award this year.

She has been one of the most influential actors in the history of Hindi cinema touching many lives through her extraordinary acting.  pic.twitter.com/bgSSc78uUK

— Prakash Javadekar (@PrakashJavdekar) September 27, 2022

ಆಶಾ ಪಾರೇಖ್​ ಅವರಿಗೆ ಪ್ರತಿಷ್ಠಿತ ದಾದಾ ಸಾಹೇಬ್​ ಫಾಲ್ಕೆ ಪ್ರಶಸ್ತಿ ಸಿಕ್ಕಿರುವುದು ಅಭಿಮಾನಿಗಳಿಗೆ ಮತ್ತು ಆಪ್ತರಿಗೆ ಸಂತಸ ತಂದಿದೆ. ಎಲ್ಲರೂ ಅವರಿಗೆ ಅಭಿನಂದನೆ ತಿಳಿಸುತ್ತಿದ್ದಾರೆ. ಆಶಾ ಪಾರೇಖ್​ ನಟಿಸಿದ ಗಮನಾರ್ಹ ಸಿನಿಮಾಗಳನ್ನು ನೆನಪು ಮಾಡಿಕೊಳ್ಳಲಾಗುತ್ತಿದೆ.

Koo App

#DadasahebPhalkeAward for the year 2020 to be awarded to legendary actress #AshaParekh. Information and Broadcasting Minister Anurag Thakur made the announcement today. 68th National Film Awards will be held on 30th September.

View attached media content

– All India Radio News (@airnewsalerts) 27 Sep 2022

1973ರವರೆಗೆ ಆಶಾ ಪಾರೇಖ್​ ಅವರು ಹಿಂದಿ ಚಿತ್ರರಂಗದ ಬಹುಬೇಡಿಕೆಯ ನಟಿಯಲ್ಲಿ ಒಬ್ಬರಾಗಿದ್ದರು. 1992ರಲ್ಲಿ ಅವರಿಗೆ ಭಾರತ ಸರ್ಕಾರವು ‘ಪದ್ಮಶ್ರೀ’ ಪ್ರಶಸ್ತಿ ನೀಡಿ ಗೌರವಿಸಿತು. ಹಿಂದಿ ಸಿನಿಮಾ ಮಾತ್ರವಲ್ಲದೇ ಪಂಜಾಬಿ ಭಾಷೆಯ ಚಿತ್ರಗಳಲ್ಲೂ ಆಶಾ ನಟಿಸಿದರು. 1999ರ ಬಳಿಕ ಅವರು ಯಾವುದೇ ಸಿನಿಮಾದಲ್ಲಿ ಬಣ್ಣ ಹಚ್ಚಿಲ್ಲ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 1:32 pm, Tue, 27 September 22