ಜಹೀರ್ ಇಕ್ಬಾಲ್ನ ಪ್ರೀತಿಸಿ ಸಲ್ಮಾನ್ ಖಾನ್ ಎದುರು ರೆಡ್​ಹ್ಯಾಂಡ್ ಆಗಿ ಸಿಕ್ಕಿ ಬಿದ್ದಿದ್ದ ಸೋನಾಕ್ಷಿ ಸಿನ್ಹಾ

ಬಾಲಿವುಡ್ ಜೋಡಿ ಸೋನಾಕ್ಷಿ ಸಿನ್ಹಾ ಮತ್ತು ಜಹೀರ್ ಇಕ್ಬಾಲ್ ಪ್ರೇಮಕಥೆ ಈಗ ಎಲ್ಲರಿಗೂ ಗೊತ್ತು. ಇತ್ತೀಚೆಗೆ ನೇಹಾ ಧೂಪಿಯಾ ಅವರ ಟಾಕ್ ಶೋನಲ್ಲಿ ಭಾಗವಹಿಸಿದ್ದ ಈ ದಂಪತಿ, ತಮ್ಮ ಪ್ರೀತಿಯ ವಿಷಯವನ್ನು ಸಲ್ಮಾನ್ ಖಾನ್ ಹೇಗೆ ಪತ್ತೆಹಚ್ಚಿದ್ದರು ಎಂಬುದನ್ನು ಹಂಚಿಕೊಂಡಿದ್ದಾರೆ. ಸೋನಾಕ್ಷಿ ಮತ್ತು ಜಹೀರ್ ತಮ್ಮ ನಡುವೆ ಏನೂ ಇಲ್ಲ ಎಂದು ಎಷ್ಟು ಸುಳ್ಳು ಹೇಳಿದರೂ ಸಲ್ಮಾನ್ ಖಾನ್ ನಂಬಿರಲಿಲ್ಲ. ಇಬ್ಬರ ನಡುವಿನ ಒಡನಾಟವನ್ನು ನೋಡಿ ಸಲ್ಮಾನ್ ಮೊದಲೇ ಸತ್ಯ ತಿಳಿದುಕೊಂಡಿದ್ದರು.

ಬ್ರೇಕಪ್ ಬಗ್ಗೆ ಸಲ್ಮಾನ್ ತಮಾಷೆ

ಒಂದು ದಿನ ಸಲ್ಮಾನ್ ಈ ಜೋಡಿಗೆ ಎಚ್ಚರಿಕೆ ನೀಡಿದ್ದರು. ‘ಒಂದು ದಿನ ನೀವಿಬ್ಬರು ಬ್ರೇಕಪ್ ಮಾಡಿಕೊಳ್ಳುತ್ತೀರಾ. ಆಮೇಲೆ ಸೋನಾಕ್ಷಿ ನನ್ನ ಬಳಿ ಬಂದು ಅಳುತ್ತಾಳೆ, ಜಹೀರ್ ಕೂಡ ಅತ್ತ ಕಡೆಯಿಂದ ಅಳುತ್ತಾ ಬರುತ್ತಾನೆ. ನಾನು ನಿಮ್ಮಿಬ್ಬರನ್ನೂ ಪ್ರೀತಿಸುತ್ತೇನೆ, ಹಾಗಾಗಿ ಯಾರ ಪರವೂ ಮಾತನಾಡಲು ನನಗೆ ಸಾಧ್ಯವಿಲ್ಲ’ ಎಂದು ಸಲ್ಮಾನ್ ತಮಾಷೆಯಾಗಿ ಹೇಳಿದ್ದರಂತೆ.

ಸತ್ಯ ಬಯಲು ಮಾಡಿದ ಟ್ರೆಕ್ಕಿಂಗ್‌ ಜಗಳ

ಒಮ್ಮೆ ಇವರೆಲ್ಲರೂ ಟ್ರೆಕ್ಕಿಂಗ್‌ಗೆ ಹೋಗಿದ್ದಾಗ ಸೋನಾಕ್ಷಿ ಮತ್ತು ಜಹೀರ್ ಜಗಳ ಮಾಡಿಕೊಂಡು ಮಾತನಾಡುತ್ತಿರಲಿಲ್ಲ. ಇದನ್ನು ಗಮನಿಸಿದ ಸಲ್ಮಾನ್ ಖಾನ್, ಜಹೀರ್ ಬಳಿ ಬಂದು ‘ಜಗಳ ಮಾಡಬೇಡ, ನಾನು ನಿನಗೆ ಮೊದಲೇ ಹೇಳುತ್ತಿದ್ದೇನೆ’ ಎಂದಿದ್ದರು. ಆಗ ಇಬ್ಬರ ಪ್ರೀತಿ ಸಲ್ಮಾನ್‌ಗೆ ಸಂಪೂರ್ಣ ಖಾತ್ರಿಯಾಗಿತ್ತು.

ಪರಿಚಯಿಸಿದ್ದು ಕೂಡ ಸಲ್ಮಾನ್

ಸೋನಾಕ್ಷಿ ಮತ್ತು ಜಹೀರ್ ಮೊದಲ ಬಾರಿಗೆ ಭೇಟಿಯಾಗಿದ್ದು ಸಲ್ಮಾನ್ ಖಾನ್ ನೀಡಿದ ಪಾರ್ಟಿಯಲ್ಲೇ. ಇಬ್ಬರೂ ಸಲ್ಮಾನ್ ಕುಟುಂಬದ ಕಾರ್ಯಕ್ರಮಗಳಿಗೆ ಹೋಗುತ್ತಿದ್ದರೂ, 2017ರವರೆಗೂ ಒಬ್ಬರನ್ನೊಬ್ಬರು ಭೇಟಿಯಾಗಿರಲಿಲ್ಲ. ಸುಮಾರು 7 ವರ್ಷಗಳ ಕಾಲ ತಮ್ಮ ಪ್ರೀತಿಯನ್ನು ಇವರು ರಹಸ್ಯವಾಗಿಟ್ಟಿದ್ದರು.

ಸಲ್ಮಾನ್ ಜೊತೆಗಿನ ವಿಶೇಷ ಸಂಬಂಧ

ಸೋನಾಕ್ಷಿ ಸಿನ್ಹಾ ಅವರು ಸಲ್ಮಾನ್ ಖಾನ್ ನಟನೆಯ ‘ದಬಾಂಗ್’ ಸಿನಿಮಾ ಮೂಲಕ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದರು. ಜಹೀರ್ ಇಕ್ಬಾಲ್ ಅವರನ್ನು ಕೂಡ ಸಲ್ಮಾನ್ ಖಾನ್ ಫಿಲ್ಮ್ಸ್ ನಿರ್ಮಿಸಿದ ‘ನೋಟ್‌ಬುಕ್’ ಚಿತ್ರದ ಮೂಲಕ ಲಾಂಚ್ ಮಾಡಲಾಗಿತ್ತು.ಇಷ್ಟೂ ವರ್ಷ ರಹಸ್ಯವಾಗಿದ್ದ ಈ ಪ್ರೇಮ ಕಥೆ ಕೊನೆಗೂ ಯಶಸ್ವಿಯಾಗಿದ್ದು, 2024ರ ಜೂನ್ 23ರಂದು ಇವರಿಬ್ಬರು ಮದುವೆ ಆದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.