Vicky Kaushal Birthday: ವಿಕ್ಕಿ ಕೌಶಲ್​ಗೆ ಜನ್ಮದಿನ ಸಂಭ್ರಮ; ಕತ್ರಿನಾ ಕೈಫ್​ ಜತೆ ಮದುವೆ ಆದ ಬಳಿಕ ಮೊದಲ ಬರ್ತ್​ಡೇ

ನಟ ವಿಕ್ಕಿ ಕೌಶಲ್​ (Vicky Kaushal) ಅವರು ಬಾಲಿವುಡ್​ನಲ್ಲಿ ಸ್ಟಾರ್​ ಹೀರೋ ಆಗಿ ಮಿಂಚುತ್ತಿದ್ದಾರೆ. ಬಹುಬೇಡಿಕೆಯ ನಟನಾಗಿ ಗುರುತಿಸಿಕೊಂಡಿರುವ ಅವರಿಗೆ ಇಂದು (ಮೇ 16) ಜನ್ಮದಿನದ ಸಂಭ್ರಮ. ಅವರ ಬರ್ತ್​ಡೇ ಪ್ರಯುಕ್ತ ಅಭಿಮಾನಿಗಳು, ಸೆಲೆಬ್ರಿಟಿಗಳು, ಸ್ನೇಹಿತರು ವಿಶ್​ ಮಾಡುತ್ತಿದ್ದಾರೆ. ಈ ಬಾರಿ ವಿಕ್ಕಿ ಕೌಶಲ್​ ಅವರಿಗೆ ಹುಟ್ಟುಹಬ್ಬ (Vicky Kaushal Birthday) ತುಂಬ ಸ್ಪೆಷಲ್​. ಯಾಕೆಂದರೆ ಕತ್ರಿನಾ ಕೈಫ್​ ಜೊತೆ ಮದುವೆ ಆದ ಬಳಿಕ ಅವರು ಆಚರಿಸಿಕೊಳ್ಳುತ್ತಿರುವ ಮೊದಲ ಜನ್ಮದಿನ ಇದು. ಹಾಗಾಗಿ ವಿಕ್ಕಿ ಕೌಶಲ್​ ಅವರು ತುಂಬ ವಿಶೇಷವಾಗಿ ಈ ದಿನವನ್ನು ಕಳೆಯಲಿದ್ದಾರೆ. ಪತ್ನಿ ಕತ್ರಿನಾ ಕೈಫ್​ ಮತ್ತು ಕುಟುಂಬದವರ ಜೊತೆ ಅವರು ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ. ಬಾಲಿವುಡ್​ ಸಿನಿಮಾ ಕೆಲಸಗಳಲ್ಲಿ ವಿಕ್ಕಿ ಕೌಶಲ್​ ಸಿಕ್ಕಾಪಟ್ಟೆ ಬ್ಯುಸಿ ಇದ್ದಾರೆ. ಪ್ರತಿ ದಿನ ಶೂಟಿಂಗ್​, ಡಬ್ಬಿಂಗ್​ ಎಂದು ಓಡಾಡುತ್ತಿದ್ದಾರೆ. ಆದರೆ ಮದುವೆ ಬಳಿಕ ಸೆಲೆಬ್ರೇಟ್​ ಮಾಡಿಕೊಳ್ಳುತ್ತಿರುವ ಮೊದಲ ಜನ್ಮದಿನ ಆದ್ದರಿಂದ ಎಲ್ಲ ಸಿನಿಮಾ ಕೆಲಸಗಳಿಗೆ ಬ್ರೇಕ್​ ನೀಡಿ ಸಂತಸದಿಂದ ಕಾಲ ಕಳೆಯಲಿದ್ದಾರೆ. ಕತ್ರಿನಾ ಕೈಫ್​ (Katrina Kaif) ಕಡೆಯಿಂದ ವಿಕ್ಕಿ ಕೌಶಲ್​ ಅವರಿಗೆ ಯಾವ ಗಿಫ್ಟ್​ ಸಿಗಬಹುದು ಎಂಬ ಕೌತುಕ ಅಭಿಮಾನಿಗಳಲ್ಲಿ ಇದೆ.

ಕತ್ರಿನಾ ಕೈಫ್​ ಮತ್ತು ವಿಕ್ಕಿ ಕೌಶಲ್​ ಅವರು ಪ್ರೀತಿಸಿ, ಕಳೆದ ವರ್ಷ ಮದುವೆ ಆದರು. ತಮ್ಮ ಪ್ರೀತಿಯ ವಿಚಾರವನ್ನು ಅವರು ಬಹಳ ದಿನಗಳವರೆಗೂ ಬಹಿರಂಗಪಡಿಸಿರಲಿಲ್ಲ. ಪ್ರತಿ ಬಾರಿ ಅವರ ಲವ್​ ಬಗ್ಗೆ ಗಾಸಿಪ್​ ಕೇಳಿಬಂದಾಗಲೆಲ್ಲ ಅದನ್ನು ಈ ಜೋಡಿ ಅಲ್ಲಗಳೆದಿತ್ತು. ಕೊನೆಗೂ ಅವರು ಮದುವೆ ಆಗುತ್ತಿರುವ ವಿಷಯ ಕಾಡ್ಗಿಚ್ಚಿನಂತೆ ಹಬ್ಬಿತು. ಮದುವೆ ಮುಹೂರ್ತ ಬರುವವರೆಗೂ ಕತ್ರಿನಾ ಕೈಫ್​ ಆಗಲಿ, ವಿಕ್ಕಿ ಕೌಶಲ್​ ಅವರಾಗಲಿ ಯಾವುದೇ ವಿಚಾರ ಬಾಯಿ ಬಿಡಲಿಲ್ಲ. ಅಂತಿಮವಾಗಿ ಮದುವೆ ಫೋಟೋ ಬಹಿರಂಗ ಪಡಿಸುವ ಮೂಲಕ ಅವರು ಅಭಿಮಾನಿಗಳಿಗೆ ಶುಭ ಸುದ್ದಿ ನೀಡಿದರು.

ಹಂತಹಂತವಾಗಿ ಬೆಳೆದು ಬಂದ ನಟ:

ಇದನ್ನೂ ಓದಿ

ನಟಿ ಕತ್ರಿನಾ ಕೈಫ್​ ತಾಯಿ ಆಗ್ತಿದ್ದಾರಾ? ಪತಿ ವಿಕ್ಕಿ ಕೌಶಲ್​ ಟೀಮ್​ ಕಡೆಯಿಂದ ಬಂತು ಸ್ಪಷ್ಟನೆ

‘ನಾನು ಮತ್ತು ನನ್ನವನು’; ಸ್ವಿಮ್ಮಿಂಗ್​ಪೂಲ್​ನಲ್ಲಿ ವಿಕ್ಕಿಯನ್ನು ತಬ್ಬಿ ಫೋಟೋ ಹಂಚಿಕೊಂಡ ಕತ್ರಿನಾ

ರಣಬೀರ್​​-ಆಲಿಯಾ ಮದುವೆಗೆ ದೀಪಿಕಾ, ಕತ್ರಿನಾ ಗಿಫ್ಟ್​ ಏನು? ದಂಪತಿಗೆ ಕೋಟ್ಯಂತರ ರೂ. ಬೆಲೆಯ ಉಡುಗೊರೆ

ಮದುವೆ ಬಳಿಕ ಬೇರೆ ನಟನ ಜತೆ ಕತ್ರಿನಾ ಕಣ್ಣಾಮುಚ್ಚಾಲೆ; ವಿಕ್ಕಿ ಎಲ್ಲಿ ಎಂದು ಕೇಳುತ್ತಿರುವ ಫ್ಯಾನ್ಸ್

ವಿಕ್ಕಿ ಕೌಶಲ್​ ಅವರಿಗೆ ಹೋಲಿಸಿದರೆ ಬಾಲಿವುಡ್​ನಲ್ಲಿ ಕತ್ರಿನಾ ಕೈಫ್​ ಸೀನಿಯರ್​. ಕತ್ರಿನಾ 2003ರಲ್ಲಿ ಬಣ್ಣದ ಲೋಕಕ್ಕೆ ಕಾಲಿಟ್ಟರು. ಆದರೆ ವಿಕ್ಕಿ ಕೌಶಲ್​ ಸಿನಿ ಜರ್ನಿ ಆರಂಭಿಸಿದ್ದು 2012ರಲ್ಲಿ. 2015ರಲ್ಲಿ ಬಂದ ‘ಮಸಾಣ್​’ ಸಿನಿಮಾದಿಂದ ಅವರಿಗೆ ಜನಪ್ರಿಯತೆ ಸಿಕ್ಕಿತು. ಆದರೆ ಬಹುದೊಡ್ಡ ಗೆಲುವು ಸಿಕ್ಕಿದ್ದು ‘ಉರಿ: ದಿ ಸರ್ಜಿಕಲ್​ ಸ್ಟ್ರೈಕ್​’ ಸಿನಿಮಾದಿಂದ. ಭಾರತ ನಡೆಸಿದ್ದ ಸರ್ಜಿಕಲ್​ ಸ್ಟ್ರೈಕ್​ ಘಟನೆಯನ್ನೇ ಆಧರಿಸಿ ಆ ಸಿನಿಮಾ ಮಾಡಲಾಗಿತ್ತು. 2019ರಲ್ಲಿ ತೆರೆಕಂಡ ಆ ಚಿತ್ರ ಬ್ಲಾಕ್​ ಬಸ್ಟರ್​ ಹಿಟ್​ ಆಯಿತು. ಹೀಗೆ ಹಂತ ಹಂತವಾಗಿ ಬೆಳೆದುಬಂದ ವಿಕ್ಕಿ ಕೌಶಲ್​ ಅವರು ಈಗ ಸ್ಟಾರ್​ ನಟನಾಗಿ ಗುರುತಿಸಿಕೊಂಡಿದ್ದಾರೆ.

ವಿಕ್ಕಿ ಕೌಶಲ್​-ಕತ್ರಿನಾ ಕೈಫ್​ ನಡುವೆ ವಯಸ್ಸಿನ ಅಂತರ:

ವಯಸ್ಸಿನಲ್ಲಿ ವಿಕ್ಕಿ ಕೌಶಲ್​ಗಿಂತ ಕತ್ರಿನಾ ಕೈಫ್​ 5 ವರ್ಷ ದೊಡ್ಡವರು. ಆದರೂ ಕೂಡ ಇಬ್ಬರ ನಡುವೆ ಪ್ರೀತಿ ಚಿಗುರಿತು. ಇವರಿಬ್ಬರು ಯಾವುದೇ ಸಿನಿಮಾದಲ್ಲೂ ಒಟ್ಟಿಗೆ ಕೆಲಸ ಮಾಡಿಲ್ಲ. ಆದರೂ ಋಣಾನುಬಂಧ ಕೂಡಿಬಂತು. ಈಗ ಈ ಜೋಡಿ ಹಾಯಾಗಿ ಸಂಸಾರ ನಡೆಸುತ್ತಿದೆ. ವಿಕ್ಕಿ ಕೌಶಲ್​ ಜತೆ ಕಳೆದ ಸುಂದರ ಕ್ಷಣಗಳ ಫೋಟೋಗಳನ್ನು ಸೋಶಿಯಲ್​ ಮೀಡಿಯಾದಲ್ಲಿ ಕತ್ರಿನಾ ಕೈಫ್​ ಹಂಚಿಕೊಳ್ಳುತ್ತಾರೆ. ಅವುಗಳಿಗೆ ಫ್ಯಾನ್ಸ್​ ಮೆಚ್ಚುಗೆ ಸೂಚಿಸುತ್ತಿದ್ದಾರೆ.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.