Ram Charan: ‘ಗ್ಲೋಬಲ್ ಸ್ಟಾರ್’ ಎಂಬ ಬಿರುದು ಬೇಡ ಅಂದಿದ್ದೇಕೆ ರಾಮ್ ಚರಣ್? ಇಲ್ಲಿದೆ ಇನ್ಸೈಡ್ ವಿಷಯ
Game Changer | Global Star: ‘ಗೇಮ್ ಚೇಂಜರ್’ ಸಿನಿಮಾದ ಪೋಸ್ಟರ್ನಲ್ಲಿ ರಾಮ್ ಚರಣ್ ಅವರಿಗೆ ‘ಗ್ಲೋಬಲ್ ಸ್ಟಾರ್’ ಎಂಬ ಬಿರುದು ಇರುತ್ತದೆ ಎಂದು ಊಹಿಸಲಾಗಿತ್ತು. ಆದರೆ ಅದು ನಿಜವಾಗಿಲ್ಲ.
Updated on:Mar 27, 2023 | 8:02 PM
ನಟ ರಾಮ್ ಚರಣ್ (Ram Charan) ಅವರ ಖ್ಯಾತಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಅವರು ನಟಿಸಿದ ‘ಆರ್ಆರ್ಆರ್’ ಸಿನಿಮಾ ವಿದೇಶದಲ್ಲಿ ಅನೇಕ ಪ್ರಶಸ್ತಿಗಳನ್ನು ಗೆದ್ದು ಬಂದಿದೆ. ಅದರಲ್ಲೂ ‘ನಾಟು ನಾಟು..’ ಹಾಡಿಗೆ ಆಸ್ಕರ್ ಪ್ರಶಸ್ತಿ ಸಿಕ್ಕ ಬಳಿಕ ಅವರ ಚಾರ್ಮ್ ಹೆಚ್ಚಾಗಿದೆ. ರಾಮ್ ಚರಣ್ ನಟಿಸಲಿರುವ ಹೊಸ ಸಿನಿಮಾಗಳ ಮೇಲೆ ಅಭಿಮಾನಿಗಳು ದೊಡ್ಡ ನಿರೀಕ್ಷೆ ಇಟ್ಟುಕೊಳ್ಳುವಂತಾಗಿದೆ. ಈ ನಡುವೆ ಅವರಿಗೆ ‘ಗ್ಲೋಬಲ್ ಸ್ಟಾರ್’ (Global Star) ಎಂಬ ಬಿರುದು ನೀಡಲಾಗಿದೆ. ಆದರೆ, ಆ ಬಿರುದನ್ನು ಬಳಸಲು ಸ್ವತಃ ರಾಮ್ ಚರಣ್ ಅವರು ಗ್ರೀನ್ ಸಿಗ್ನಲ್ ನೀಡಿಲ್ಲ. ಇಂದು (ಮಾರ್ಚ್ 27) ಅವರ ಹುಟ್ಟುಹಬ್ಬದ ಪ್ರಯುಕ್ತ ಅನಾವರಣಗೊಂಡ ‘ಗೇಮ್ ಚೇಂಜರ್’ (Game Changer Movie) ಸಿನಿಮಾದ ಪೋಸ್ಟರ್ನಲ್ಲಿ ಈ ಬಿರುದು ಕಾಣಿಸಿಲ್ಲ. ಈ ಕುರಿತು ಟಾಲಿವುಡ್ ಅಂಗಳದಲ್ಲಿ ಚರ್ಚೆ ಆಗುತ್ತಿದೆ.
‘ಆರ್ಆರ್ಆರ್’ ಸಿನಿಮಾವನ್ನು ಜಾಗತಿಕ ಮಟ್ಟದ ಪ್ರಶಸ್ತಿಗಳ ಸ್ಪರ್ಧೆಗೆ ಕಳಿಸಿದಾಗ, ಅದರ ಪ್ರಚಾರದ ಸಲುವಾಗಿ ರಾಮ್ ಚರಣ್ ಅವರು ಚಿತ್ರತಂಡದ ಜೊತೆ ವಿದೇಶಕ್ಕೆ ತೆರಳಿದ್ದರು. ಈ ವೇಳೆ ಅಲ್ಲಿನ ಕೆಲವು ವೇದಿಕೆಗಳಲ್ಲಿ ರಾಮ್ ಚರಣ್ ಅವರನ್ನು ‘ಗ್ಲೋಬಲ್ ಸ್ಟಾರ್’ ಎಂದು ಕರೆಯಲಾಯಿತು. ಆ ಬಳಿಕ ಚಿತ್ರರಂಗದವರು ಕೂಡ ಅವರನ್ನು ಹಾಗೆಯೇ ಕರೆಯಲು ಆರಂಭಿಸಿದರು.
‘ಗೇಮ್ ಚೇಂಜರ್’ ಪೋಸ್ಟರ್ನಲ್ಲಿ ರಾಮ್ ಚರಣ್ಗೆ ‘ಗ್ಲೋಬಲ್ ಸ್ಟಾರ್’ ಎಂಬ ಬಿರುದು ಇರುತ್ತದೆ ಎಂದು ಊಹಿಸಲಾಗಿತ್ತು. ಆದರೆ ಅದು ನಿಜವಾಗಿಲ್ಲ. ಅಭಿಮಾನಿಗಳಿಗೆ ಈ ವಿಷಯದಲ್ಲಿ ಬೇಸರ ಇದೆ. ಅಂದಹಾಗೆ, ರಾಮ್ ಚರಣ್ ಅವರು ಈ ಬಿರುದು ಈಗಲೇ ಬೇಡ ಎಂದಿದ್ದಾರೆ ಎನ್ನುತ್ತಿವೆ ಟಾಲಿವುಡ್ ಇನ್ಸೈಡ್ ಮೂಲಗಳು.
I couldn’t have asked for a better birthday gift !! #GameChanger
Thank you @shankarshanmugh sir!! @SVC_official @advani_kiara @DOP_Tirru @MusicThaman pic.twitter.com/V3j7svhut0
— Ram Charan (@AlwaysRamCharan) March 27, 2023
‘ಆರ್ಆರ್ಆರ್’ ಸಿನಿಮಾ ಜಾಗತಿಕ ಮಟ್ಟದಲ್ಲಿ ಸದ್ದು ಮಾಡಿದೆ ಎಂಬುದು ನಿಜ. ಆದರೆ ಗ್ಲೋಬಲ್ ಸ್ಟಾರ್ ಎಂಬ ಬಿರುದು ಪಡೆಯಲು ಇಷ್ಟು ಮಾತ್ರವೇ ಸಾಕಾಗಲ್ಲ ಎಂಬುದು ರಾಮ್ ಚರಣ್ ಅಭಿಪ್ರಾಯವಂತೆ. ಅವರ ಇನ್ನೂ ಒಂದೆರಡು ಸಿನಿಮಾಗಳು ಜಾಗತಿಕ ಮಟ್ಟದಲ್ಲಿ ಹವಾ ಸೃಷ್ಟಿಸಿದರೆ, ಆಗ ಗ್ಲೋಬಲ್ ಸ್ಟಾರ್ ಎಂಬ ಬಿರುದಿಗೆ ಅರ್ಥ ಬರುತ್ತದೆ. ಹಾಗಾಗಿ ಈಗಲೇ ಆ ಬಿರುದನ್ನು ಬಳಸುವುದು ಬೇಡ ಅಂತ ‘ಗೇಮ್ ಚೇಂಜರ್’ ಚಿತ್ರತಂಡಕ್ಕೆ ರಾಮ್ ಚರಣ್ ಸೂಚನೆ ನೀಡಿದ್ದಾರೆ ಎಂದು ಕೆಲವು ಮಾಧ್ಯಮಗಳು ವರದಿ ಮಾಡಿವೆ.
Game Changer: ರಾಮ್ ಚರಣ್ ಹೊಸ ಚಿತ್ರದ ಟೈಟಲ್ ರಿವೀಲ್; ‘ಗೇಮ್ ಚೇಂಜರ್’ ಆದ ನಟ
‘ಗೇಮ್ ಚೇಂಜರ್’ ಸಿನಿಮಾಗೆ ಶಂಕರ್ ನಿರ್ದೇಶನ ಮಾಡುತ್ತಿದ್ದಾರೆ. ಇದು ರಾಮ್ ಚರಣ್ ನಟನೆಯ 15ನೇ ಸಿನಿಮಾ. ಅದ್ದೂರಿ ಬಜೆಟ್ನಲ್ಲಿ ಈ ಚಿತ್ರ ನಿರ್ಮಾಣ ಆಗುತ್ತಿದ್ದು, ನಿರ್ಮಾಪಕ ದಿಲ್ ರಾಜು ಬಂಡವಾಳ ಹೂಡುತ್ತಿದ್ದಾರೆ. ರಾಮ್ ಚರಣ್ಗೆ ಜೋಡಿಯಾಗಿ ಕಿಯಾರಾ ಅಡ್ವಾಣಿ ನಟಿಸುತ್ತಿದ್ದಾರೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 8:02 pm, Mon, 27 March 23
