ಹಿಂದಿಗೆ ರಿಮೇಕ್​ ಆಗಲಿದೆ ‘ಬೇಬಿ’ ಸಿನಿಮಾ; ನಟಿಸಲು ಮುಂದೆ ಬಂದ ಸ್ಟಾರ್​ ಕಿಡ್​ಗಳು

ಟಾಲಿವುಡ್​ನಲ್ಲಿ ಈ ವರ್ಷ ಬ್ಲಾಕ್​ ಬಸ್ಟರ್​ ಹಿಟ್​ ಆದ ಸಿನಿಮಾಗಳ ಸಾಲಿನಲ್ಲಿ ‘ಬೇಬಿ’ (Baby Movie) ಕೂಡ ಇದೆ. ಈ ಸಿನಿಮಾದಲ್ಲಿ ವಿಜಯ್​ ದೇವರಕೊಂಡ ಅವರ ಸಹೋದರ ಆನಂದ್​ ದೇವರಕೊಂಡ (Anand Deverakonda) ಮುಖ್ಯ ಭೂಮಿಕೆ ನಿಭಾಯಿಸಿದ್ದಾರೆ. ಅವರಿಗೆ ಜೋಡಿಯಾಗಿ ವೈಷ್ಣವಿ ಚೈತನ್ಯ ನಟಿಸಿದ್ದಾರೆ. ಕಡಿಮೆ ಬಜೆಟ್​ನಲ್ಲಿ ನಿರ್ಮಾಣವಾದ ಈ ಸಿನಿಮಾದ ಬಾಕ್ಸ್​ ಆಫೀಸ್​ ಕಲೆಕ್ಷನ್​ 96 ಕೋಟಿ ರೂಪಾಯಿ! ಈಗ ‘ಬೇಬಿ’ ಸಿನಿಮಾವನ್ನು ಹಿಂದಿಯಲ್ಲಿ ರಿಮೇಕ್​ (Baby Movie Remake) ಮಾಡಲು ಮಾತುಕತೆ ನಡೆಯುತ್ತಿದೆ. ಆ ಬಗ್ಗೆ ‘ಬಾಲಿವುಡ್​ ಹಂಗಾಮಾ’ ವರದಿ ಮಾಡಿದೆ.

‘ಬೇಬಿ’ ಸಿನಿಮಾಗೆ ಸಾಯಿ ರಾಜೇಶ್​ ನೀಲಂ ನಿರ್ದೇಶನ ಮಾಡಿದ್ದು, ಶ್ರೀನಿವಾಸ ಕುಮಾರ್​ ನಾಯ್ಡು ಅಲಿಯಾಸ್​ ಎಸ್​ಕೆಎನ್​ ಅವರು ನಿರ್ಮಾಣ ಮಾಡಿದ್ದಾರೆ. ಈ ಸಿನಿಮಾ ಹಿಂದಿಗೆ ರಿಮೇಕ್​ ಆಗುತ್ತಿದೆ ಎಂಬ ಮಾಹಿತಿಯನ್ನು ನಿರ್ಮಾಪಕರು ಖಚಿತಪಡಿಸಿರುವುದಾಗಿ ವರದಿ ಆಗಿದೆ. ಹಿಂದಿಯಲ್ಲಿ ದೊಡ್ಡ ನಿರ್ಮಾಪಕರು ರಿಮೇಕ್​ ಹಕ್ಕುಗಳನ್ನು ಖರೀದಿಸಲು ಮುಂದಾಗಿದ್ದಾರೆ. ಈ ಹಿಂದೆ ಅನೇಕ ಸೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿದ ಖ್ಯಾತಿ ಆ ನಿರ್ಮಾಪಕರಿಗೆ ಇದೆಯಂತೆ.

ಇದನ್ನೂ ಓದಿ: Baby Movie: ತಮ್ಮನ ‘ಬೇಬಿ’ ಸಿನಿಮಾ ನೋಡಿಕೊಂಡು ಬಂದು ಅಚ್ಚರಿಯ ಹೇಳಿಕೆ ನೀಡಿದ ವಿಜಯ್​ ದೇವರಕೊಂಡ

ಹೊಸ ನಟ-ನಟಿಯರ ಕಾರಣದಿಂದ ‘ಬೇಬಿ’ ಸಿನಿಮಾಗೆ ಒಂದು ಕಳೆ ಬಂದಿತ್ತು. ಅದೇ ರೀತಿ ಹಿಂದಿ ರಿಮೇಕ್​ನಲ್ಲೂ ಹೊಸ ತಲೆಮಾರಿನ ಕಲಾವಿದರು ನಟಿಸಲು ಆಸಕ್ತಿ ತೋರಿಸುತ್ತಿದ್ದಾರೆ ಎನ್ನಲಾಗಿದೆ. ಆದರೆ ರಿಮೇಕ್​ ಮಾಡಲು ಮುಂದೆ ಬಂದಿರುವ ನಿರ್ಮಾಪಕರು ಯಾರು? ನಟಿಸಲು ಆಸಕ್ತಿ ತೋರಿಸಿರುವ ಸ್ಟಾರ್​ ಕಿಡ್​ ಯಾರು ಎಂಬುದನ್ನು ‘ಬೇಬಿ’ ನಿರ್ಮಾಪಕರು ಸದ್ಯಕ್ಕೆ ಬಹಿರಂಗಪಡಿಸಿಲ್ಲ.

ಇದನ್ನೂ ಓದಿ: ಬೇಬಿ ಸಿನಿಮಾದ ನಿರ್ದೇಶಕನಿಗೆ ದುಬಾರಿ ಕಾರು ಉಡುಗೊರೆ

ಕೇವಲ 15 ಕೋಟಿ ರೂಪಾಯಿ ಬಜೆಟ್​ನಲ್ಲಿ ‘ಬೇಬಿ’ ಸಿನಿಮಾ ಮೂಡಿಬಂತು. ಆದರೆ ಬಾಕ್ಸ್​ ಆಫೀಸ್​ನಲ್ಲಿ ಭರ್ಜರಿ ಬೆಳೆ ತೆಗೆಯಿತು. ಆನಂದ್ ದೇವರಕೊಂಡ ಅವರು ಈ ಸಿನಿಮಾದ ಗೆಲುವಿನಿಂದ ಸ್ಟಾರ್​ ನಟನಾಗಿ ಹೊರಹೊಮ್ಮಿದರು. ನಟಿ ವೈಷ್ಣವಿ ಚೈತನ್ಯ ಅವರ ಡಿಮ್ಯಾಂಡ್​ ಕೂಡ ಹೆಚ್ಚಾಯಿತು. ಇದರಲ್ಲಿ ಒಂದು ತ್ರಿಕೋನ ಪ್ರೇಮಕಥೆಯನ್ನು ಹೇಳಲಾಯಿತು. ಯುವ ಪ್ರೇಕ್ಷಕರು ಈ ಕಹಾನಿಯನ್ನು ಸಖತ್​ ಇಷ್ಟಪಟ್ಟರು.

ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್​ ಮಾಡಿ.

Published On - 6:59 pm, Tue, 19 December 23