‘ಶಿವರಾಜ್​ಕುಮಾರ್ ತಾಯಿಯಾಗಿ ಗುರುತಿಸಿದ್ರು’; 80ರ ದಶಕದ ಕಥೆ ಹೇಳಿಕೊಂಡಿದ್ದ ಪಾರ್ವತಮ್ಮ

ಪಾರ್ವತಮ್ಮ ಅವರು ನಿರ್ಮಾಪಕಿ ಆಗಿ ಹೆಚ್ಚು ಗುರುತಿಸಿಕೊಂಡಿದ್ದರು. ಅವರನ್ನು ಅನೇಕರು ರಾಜ್​ಕುಮಾರ್ ಪತ್ನಿ ಎಂದು ಗುರುತಿಸುತ್ತಿದ್ದರು. ಯಾವಾಗ ಶಿವರಾಜ್​ಕುಮಾರ್ ಚಿತ್ರರಂಗದಲ್ಲಿ ಮಿಂಚಿದರೋ ಆಗ ‘ಶಿವರಾಜ್​ಕುಮಾರ್ ಅಮ್ಮ ಇವರು’ ಎಂದು ಗುರುತಿಸಲು ಆರಂಭಿಸಿದರಂತೆ. ಈ ಬಗ್ಗೆ ಪಾರ್ವತಮ್ಮ ಅವರಿಗೆ ಖುಷಿ ಇತ್ತು. ಈ ಬಗ್ಗೆ ಹಳೆಯ ಸಂದರ್ಶನ ಒಂದರಲ್ಲಿ ಮಾತನಾಡಿದ್ದರು. ಇಂದು (ಜುಲೈ 12) ಶಿವರಾಜ್​ಕುಮಾರ್ ಜನ್ಮದಿನ. ಈ ವೇಳೆ ಈ ಹಳೆಯ ಘಟನೆಯನ್ನು ನೆನಪಿಸಿಕೊಳ್ಳೋಣ.

ಆಗಿನ ಕಾಲದಲ್ಲಿ ಈ ರೀತಿ ಮಾಧ್ಯಮಗಳು, ಯೂಟ್ಯೂಬ್ ಇರಲಿಲ್ಲ. ಸೆಲೆಬ್ರಿಟಿಗಳು ನೀಡುವ ಸಂದರ್ಶನ ಟಿವಿಯಲ್ಲಿ ಪ್ರಸಾರ ಮಾಡಲು ಕೆಲವೇ ಮಾಧ್ಯಮಗಳು ಇದ್ದವು. ಈಗ ಶಿವರಾಜ್​ಕುಮಾರ್ ಹಾಗೂ ಪಾರ್ವತಮ್ಮ ಅವರ ಅಪರೂಪದ ಸಂದರ್ಶನ ಒಂದು ಸಿಕ್ಕಿದೆ. ‘ಆನಂದ್’ ಹಿಟ್ ಆದ ಬಳಿಕ ಶಿವಣ್ಣ ಅವರು ಈ ಸಂದರ್ಶನ ನೀಡಿದ್ದರು.

‘ಶಿವರಾಜ್​ಕುಮಾರ್ ತಾಯಿ ಎಂದು ಕೆಲವರು ಹೇಳಿದರು. ಶಿವರಾಜ್​ಕುಮಾರ್ ತಾಯಿ ಅಂತೀರಲ್ಲೋ, ಅವರು ಮೊದಲು ರಾಜ್​ಕುಮಾರ್ ಪತ್ನಿ ಎಂದು ಅವರಿಗೆ ಹೇಳಲಾಯಿತು. ನನಗೆ ಶಿವರಾಜ್​ಕುಮಾರ್ ತಾಯಿ ಎಂದರೂ ಖುಷಿ ಆಗುತ್ತದೆ, ರಾಜ್​ಕುಮಾರ್ ಪತ್ನಿ ಎಂದರೂ ಖುಷಿ ಆಗುತ್ತದೆ’ ಎಂದು ಪಾರ್ವತಮ್ಮ ಹೇಳಿದ್ದರು. ‘ಯಾವುದು ಹೆಚ್ಚು, ಯಾವುದು ಕಡಿಮೆ ಎಂದು ಹೇಳಲು ಸಾಧ್ಯವಿಲ್ಲ’ ಎಂದು ಪಾರ್ವತಮ್ಮ ಅವರು ವಿವರಿಸಿದ್ದರು.

ಇದನ್ನೂ ಓದಿ

ಶಿವಣ್ಣ ಹುಟ್ಟಿದ ಬಳಿಕ ಸಂಜೆಯಿಂದ ಬೆಳಗ್ಗಿನವರೆಗೆ ಸ್ವೀಟ್ ಹಂಚಿದ್ದ ರಾಜ್​

ದಳಪತಿ ವಿಜಯ್ ಚಿತ್ರದಲ್ಲಿ ನನ್ನ ಪಾತ್ರ ವೇಸ್ಟ್ ಮಾಡಿದರು; ಸಂಜಯ್ ದತ್ ಬೇಸರ

ನಟ ದರ್ಶನ್ ಬಳಿಯೂ ಇತ್ತು ಹಮ್ಮರ್; ಮಾರಿದ್ದು ಏಕೆ?

‘ಅಮೃತಧಾರೆ’ ಧಾರಾವಾಹಿಯಲ್ಲಿ ದೊಡ್ಡ ತಿರುವು; ಭೂಮಿಕಾಗೆ ಅವಳಿ ಮಕ್ಕಳು

ಶಿವರಾಜ್​ಕುಮಾರ್ ಅವರು ಬಣ್ಣದ ಲೋಕದಲ್ಲಿ ಸಾಕಷ್ಟು ಹೆಸರು ಮಾಡಿದ್ದಾರೆ. ಈ ಬಾರಿ ಅವರಿಗೆ ಬರ್ತ್​ಡೇ ವಿಶೇಷ. ಏಕೆಂದರೆ ಅವರು ಕ್ಯಾನ್ಸರ್​ನ ಎದುರಿಸಿ ಬಂದಿದ್ದಾರೆ. ಅವರು ಕ್ಯಾನ್ಸರ್ ಸಂಪೂರ್ಣ ಗೆದ್ದಿರುವುದರಿಂದ ಸಾವು ಗೆದ್ದು ಬಂದಂತೆ ಆಗಿದೆ ಆಗಿದೆ ಎನ್ನಬಹುದು. ಆದರೆ, ಅವರು ದೊಡ್ಡ ಮಟ್ಟದಲ್ಲಿ ಬರ್ತ್ಡೇ ಆಚರಿಸಿಕೊಳ್ಳಲು ಯಾವಾಗಲೂ ಆದ್ಯತೆ ನೀಡುವುದಿಲ್ಲ. ಈ ಬಾರಿಯೂ ಅದೇ ಮುಂದುವರಿಯುವ ಸಾಧ್ಯತೆ ಇದೆ ಎಂದು ಹೇಳಲಾಗಿತ್ತು. ಆದರೆ, ಹಾಗಾಗಿಲ್ಲ. ಅವರು ಅಭಿಮಾನಿಗಳ ಜೊತೆ ಹುಟ್ಟುಹಬ್ಬ ಆಚರಿಸಿಕೊಳ್ಳಲಿದ್ದಾರೆ.

ಇದನ್ನೂ ಓದಿ: ಶಿವರಾಜ್​ಕುಮಾರ್ ನಿಜಕ್ಕೂ ಬಾಗಿಲು ತೆರೆದಿಲ್ಲವೇ? ಆ ದಿನ ಆಗಿದ್ದನ್ನು ವಿವರಿಸಿದ ಮಡೆನೂರು ಮನು

ಶಿವರಾಜ್​ಕುಮಾರ್ ಬರ್ತ್​ಡೇ ಪ್ರಯುಕ್ತ ಹೊಸ ಹೊಸ ಸಿನಿಮಾಗಳು ಘೋಷಣೆ ಆಗುತ್ತಿವೆ. ಈ ವಿಚಾರ ಅಭಿಮಾನಿಗಳಿಗೆ ಖುಷಿ ಇದೆ. ಪರಭಾಷೆಯಲ್ಲೂ ಅವರು ನಟಿಸುತ್ತಿದ್ದಾರೆ ಅನ್ನೋದು ವಿಶೇಷ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 7:34 am, Sat, 12 July 25