ಬಿಗ್ ಬಾಸ್ ಮನೆಯಲ್ಲಿ ಟ್ರಯಾಂಗಲ್ ಲವ್ ಸ್ಟೋರಿ; ಸುದೀಪ್ ಎದುರೇ ರಿವೀಲ್

‘ಬಿಗ್ ಬಾಸ್ ಕನ್ನಡ ಸೀಸನ್ 13’ರಲ್ಲಿ ಸೈಲೆಂಟ್ ಆಗಿ ಒಂದು ಪ್ರೇಮಕಥೆ ಶುರುವಾಗಿದೆ. ಅದು ಕೂಡ ಟ್ರಯಾಂಗಲ್. ವೀಕೆಂಡ್ ಎಪಿಸೋಡ್​​ನಲ್ಲಿ ಈ ವಿಷಯ ರಿವೀಲ್ ಆಗಿದೆ. ಇದನ್ನು ಕೇಳಿ ಸುದೀಪ್ ಹಾಗೂ ಇತರರು ಅಚ್ಚರಿಪಟ್ಟರು. ಮುಂದಿನ ದಿನಗಳಲ್ಲಿ ಈ ಪ್ರೇಮಕಥೆ ಯಾವ ರೀತಿಯಲ್ಲಿ ಸಾಗುತ್ತದೆ ಎಂಬ ಕುತೂಹಲ ವೀಕ್ಷಕರಲ್ಲಿ ಮೂಡಿದೆ. ಕೆಲವರು ಇದನ್ನು ಒಪ್ಪಿಕೊಂಡರೆ, ಇನ್ನೂ ಕೆಲ ವೀಕ್ಷಕರು ಇದಕ್ಕೆ ಅಸಮ್ಮತಿ ಸೂಚಿಸಿದ್ದಾರೆ.

ಭಾನುವಾರದ ಎಪಿಸೋಡ್ ಸಖತ್ ಫನ್ ಆಗಿರುತ್ತದೆ. ಅದೇ ರೀತಿ ಈ ಭಾನುವಾರದ ಎಪಿಸೋಡ್ ಸಾಕಷ್ಟು ಮನರಂಜನೆಯಿಂದ ಕೂಡಿತ್ತು. ಸುದೀಪ್ ಅವರು ಲಿಖಿತ್ ಅವರಿಗೆ ಒಂದಷ್ಟು ಪ್ರಶ್ನೆಗಳನ್ನು ಕೇಳಿದರು. ಇದಕ್ಕೆ ಲಿಖಿತ್ ಅವರು ನೇರ ಉತ್ತರ ಕೊಟ್ಟರು. ‘ಬಿಗ್ ಬಾಸ್ ಮನೆಯಲ್ಲಿ ಯಾವ ಯಾವ ಟ್ರ್ಯಾಕ್ ಓಡುತ್ತಿದೆ’ ಎಂದು ಕೇಳಲಾಯಿತು. ಇದಕ್ಕೆ ಲಿಖಿತ್ ಕೊಟ್ಟ ಉತ್ತರ ಭಿನ್ನವಾಗಿತ್ತು.

‘ಈ ಮನೆಯಲ್ಲಿ ಟ್ರಯಾಂಗಲ್ ಲವ್ ಸ್ಟೋರಿ ಇದೆ’ ಎಂದು ಲಿಖಿತ್ ಹೇಳಿದರು. ಯಾರದ್ದು ಎಂದು ಕೇಳಿದಾಗ,‘ಯಶಸ್, ಸೌಂದರ್ಯಾ ಹಾಗೂ ಆಸಿಯಾ’ ನಡುವೆ ರೊಮ್ಯಾನ್ಸ್ ನಡೆಯುತ್ತಿದೆ. ಇವರ ಮಧ್ಯೆ ಟ್ರಯಾಂಗಲ್ ಲವ್​ ಸ್ಟೋರಿ ಇದೆ’ ಎಂದು ಹೇಳಿದರು. ಇದನ್ನು ಕೇಳಿ ಆಸಿಯಾ ಶಾಕ್ ಆದರು.

ಆ ಬಳಿಕ ಬ್ರೇಕ್​ನಲ್ಲಿ ಮಾತನಾಡಿದ ಆಸಿಯಾ, ‘ನಾನು ಸರಿ ಇಲ್ಲ. ಈ ರೀತಿ ಚರ್ಚೆ ಆಗೋದು ನನಗೆ ಇಷ್ಟವಿಲ್ಲ. ಹುಡುಗನ ಮನಸ್ಸಿನಲ್ಲಿ ಯಾವುದೇ ಕಲ್ಮಶ ಇಲ್ಲ ಎಂಬ ಕಾರಣಕ್ಕೆ ನಾನು ಮಾತನಾಡಿಸುತ್ತಿದ್ದೇನೆ ಅಷ್ಟೇ’ ಎಂದು ಆಸಿಯಾ ನೇರವಾಗಿ ಹೇಳಿದರು. ಇದು ಫನ್ ವೇದಲ್ಲೇ ನಡೆಯಿತು.

ಇದನ್ನೂ ಓದಿ: ಬಿಗ್ ಬಾಸ್ ಮನೆಗೆ ಘಾಟಿ ಗಾನವಿ  ವೈಲ್ಡ್ ಕಾರ್ಡ್ ಎಂಟ್ರಿ; ಇವರ ಸ್ಪೆಷಾಲಿಟಿ ಏನು?

ಮುಂದಿನ ದಿನಗಳಲ್ಲಿ ಇದು ಗಂಭೀರ ಸ್ವರೂಪ ಪಡೆದುಕೊಂಡರೆ ಆಸಿಯಾ ಅವರು ಯಶಸ್ ಜೊತೆ ಮಾತನಾಡುವುದನ್ನು ನಿಲ್ಲಿಸಬಹುದು ಎಂದು ಊಹಿಸಲಾಗಿದೆ. ಇವರ ಮಧ್ಯೆ ಯಾವುದೇ ಗಂಭೀರ ಪ್ರೇಮಕಥೆ ಇಲ್ಲ. ಇವರ ಮಧ್ಯೆ ಇರುವುದು ಪ್ಯೂರ್ ಗೆಳೆತನ ಮಾತ್ರ.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.