Kannadathi: ಶೀಘ್ರವೇ ಮುಗಿಯಲಿದೆ ‘ಕನ್ನಡತಿ’ ಧಾರಾವಾಹಿ; ಪ್ರಸಾರ ಆಗೋದು ಕೆಲವೇ ದಿನ ಮಾತ್ರ
Colors Kannada | Kannadathi Serial: ಇನ್ನು ಕೆಲವೇ ದಿನಗಳು ಮಾತ್ರ ‘ಕನ್ನಡತಿ’ ಧಾರಾವಾಹಿಯ ಸಂಚಿಕೆಗಳು ಪ್ರಸಾರ ಆಗಲಿವೆ. 2023ರ ಜನವರಿ ವೇಳೆಗೆ ಈ ಸೀರಿಯಲ್ ಅಂತ್ಯವಾಗುವುದು ಬಹುತೇಕ ಖಚಿತವಾಗಿದೆ.
Updated on:Dec 14, 2022 | 4:55 PM
ಬೇರೆ ಎಲ್ಲ ಸೀರಿಯಲ್ಗಳಿಗಿಂತಲೂ ‘ಕನ್ನಡತಿ ಸೀರಿಯಲ್’ (Kannadathi Serial) ಭಿನ್ನವಾಗಿ ಮೂಡಿಬರುತ್ತಿದೆ. ಇದರಲ್ಲಿನ ಕಥೆ ನೋಡಿ ಕಿರುತೆರೆ ಪ್ರೇಕ್ಷಕರು ಇಷ್ಟಪಟ್ಟಿದ್ದಾರೆ. ಇತ್ತೀಚಿನ ಎಪಿಸೋಡ್ಗಳಲ್ಲಿ ಹಲವು ಟ್ವಿಸ್ಟ್ಗಳನ್ನು ನೀಡಲಾಗಿದೆ. ವೀಕ್ಷಕರು ಇಷ್ಟಪಟ್ಟಿದ್ದ ಅಮ್ಮಮ್ಮನ ಪಾತ್ರ ಅಂತ್ಯವಾಯ್ತು. ಅದರಿಂದ ಕೆಲವರಿಗೆ ಬೇಸರ ಆಗಿದ್ದುಂಟು. ಅದಕ್ಕಿಂತಲೂ ಬೇಸರದ ವಿಚಾರ ಏನೆಂದರೆ, ‘ಕನ್ನಡತಿ’ (Kannadathi) ಧಾರಾವಾಹಿ ಶೀಘ್ರದಲ್ಲೇ ಅಂತ್ಯವಾಗಲಿದೆ. ಇನ್ನೇನು ಕೆಲವೇ ದಿನಗಳು ಮಾತ್ರ ಈ ಸೀರಿಯಲ್ ಪ್ರಸಾರ ಆಗಲಿದೆ. ನಂತರ ‘ಕಲರ್ಸ್ ಕನ್ನಡ’ (Colors Kannada) ವಾಹಿನಿಯಲ್ಲಿ ಹೊಸ ಧಾರಾವಾಹಿ ಬಿತ್ತರ ಆಗಲಿದೆ. ‘ಕನ್ನಡತಿ’ ಕಹಾನಿ ದಿ ಎಂಡ್ ಆಗುತ್ತಿದೆ ಎಂಬುದನ್ನು ಮೂಲಗಳು ಖಚಿತ ಪಡಿಸಿವೆ.
ರಂಜನಿ ರಾಘವನ್ ಅವರು ‘ಕನ್ನಡತಿ’ ಸೀರಿಯಲ್ನಲ್ಲಿ ಭುವಿ ಎಂಬ ಪಾತ್ರ ಮಾಡಿದ್ದಾರೆ. ನಟ ಕಿರಣ್ ರಾಜ್ ಅವರು ಹರ್ಷನಾಗಿ ಜನಮೆಚ್ಚುಗೆ ಪಡೆದುಕೊಂಡಿದ್ದಾರೆ. ಇವರಿಬ್ಬರ ಜೋಡಿಗೆ ಪ್ರತ್ಯೇಕ ಅಭಿಮಾನಿವರ್ಗವಿದೆ. ಟಿಆರ್ಪಿ ವಿಚಾರದಲ್ಲಿಯೂ ಈ ಧಾರಾವಾಹಿ ಸಮತೋಲನ ಕಾಯ್ದುಕೊಳ್ಳುತ್ತಾ ಬಂದಿದೆ. ಹಾಗಿದ್ದರೂ ಕೂಡ ಸೀರಿಯಲ್ ಅಂತ್ಯ ಮಾಡಬೇಕು ಎಂಬ ನಿರ್ಧಾರವನ್ನು ‘ಕಲರ್ಸ್ ಕನ್ನಡ’ ವಾಹಿನಿ ತೆಗೆದುಕೊಂಡಿದೆ.
ಇದನ್ನೂ ಓದಿ: Ranjani Raghavan: ನಟಿ ರಂಜನಿ ರಾಘವನ್ ಪುಸ್ತಕ ಬರೆಯೋಕೆ ಶುರು ಮಾಡಿದ್ದು ಹೇಗೆ? ಇಲ್ಲಿದೆ ಇಂಟರೆಸ್ಟಿಂಗ್ ಕಹಾನಿ
ಸಾಮಾನ್ಯವಾಗಿ ಟಿಆರ್ಪಿ ಕುಸಿದಾಗ ಸೀರಿಯಲ್ಗಳನ್ನು ಮುಗಿಸಲಾಗುತ್ತದೆ. ಆದರೆ ‘ಕನ್ನಡತಿ’ ವಿಚಾರದಲ್ಲಿ ಹಾಗಾಗಿಲ್ಲ. ಉತ್ತಮ ಟಿಆರ್ಪಿ ಬರುತ್ತಿದ್ದರೂ ಕೂಡ ಈ ಧಾರಾವಾಹಿ ಅಂತ್ಯವಾಗುತ್ತಿದೆ. ಆರಂಭದಲ್ಲಿ ಅಂದುಕೊಂಡ ರೀತಿಯೇ ಕಥೆ ಈಗ ಮುಕ್ತಾಯ ಹಂತಕ್ಕೆ ಬಂದಿದೆ. ಆ ಕಾರಣದಿಂದ ಸೀರಿಯಲ್ ಮುಗಿಸಲಾಗುತ್ತಿದೆ ಎಂಬುದು ಮೂಲಗಳ ಮಾಹಿತಿ.
ಇದನ್ನೂ ಓದಿ: Kannadathi Serial: ಕನ್ನಡಿಗರಿಗೆ ಟಾಸ್ಕ್ ಕೊಟ್ಟ ಕನ್ನಡತಿ ಧಾರಾವಾಹಿ ಖ್ಯಾತಿಯ ರಂಜನಿ ರಾಘವನ್
ಈ ಮೊದಲು ರಂಜನಿ ರಾಘವನ್ ಅವರು ‘ಪುಟ್ಟಗೌರಿ ಮದುವೆ’ ಧಾರಾವಾಹಿಯಲ್ಲಿ ನಟಿಸುತ್ತಿದ್ದರು. ಆಗ ‘ಪುಟ್ಟಗೌರಿ ರಂಜನಿ’ ಎಂದೇ ಅವರು ಫೇಮಸ್ ಆಗಿದ್ದರು. ಆದರೆ ಆ ಇಮೇಜ್ ಅನ್ನು ಬದಲಿಸುವ ರೀತಿಯಲ್ಲಿ ‘ಕನ್ನಡತಿ’ ಸೀರಿಯಲ್ ಮೂಡಿಬಂತು. ‘ಕನ್ನಡತಿ ಭುವಿ’ ಎಂದು ಅವರನ್ನು ಗುರುತಿಸುವ ಹಾಗೆ ಅವರ ಪಾತ್ರ ಜನಪ್ರಿಯತೆ ಪಡೆದುಕೊಂಡಿತು.
ಇನ್ನು ಕೆಲವೇ ದಿನಗಳು ಮಾತ್ರ ‘ಕನ್ನಡತಿ’ ಧಾರಾವಾಹಿಯ ಸಂಚಿಕೆಗಳು ಪ್ರಸಾರ ಆಗಲಿವೆ. 2023ರ ಜನವರಿ ವೇಳೆಗೆ ಈ ಸೀರಿಯಲ್ ಅಂತ್ಯವಾಗುವುದು ಬಹುತೇಕ ಖಚಿತವಾಗಿದೆ. ಇತ್ತ ಬಿಗ್ ಬಾಸ್ ಕೂಡ ಶೀಘ್ರದಲ್ಲೇ ಮುಗಿಯಲಿದೆ. ಆ ಸಮಯದಲ್ಲಿ ಪ್ರಸಾರವಾಗಲು ‘ತ್ರಿಪುರ ಸುಂದರಿ’ ಹಾಗೂ ‘ಪುಣ್ಯವತಿ’ ಎಂಬ ಎರಡು ಹೊಸ ಸೀರಿಯಲ್ಗಳು ಸಜ್ಜಾಗಿವೆ. ‘ಕನ್ನಡತಿ’ ಬದಲಿಗೆ ಯಾವ ಧಾರಾವಾಹಿ ಬರಲಿದೆ ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ.
ಹೆಚ್ಚಿನ ಸಿನಿಮಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.
Published On - 4:55 pm, Wed, 14 December 22
