ನೋಡ ನೋಡುತ್ತಿದ್ದಂತೆ ಹೋಯ್ತು ಲಕ್ಷ ಲಕ್ಷ ಹಣ; ಬಿಗ್ ಬಾಸ್ ವಿನ್ನರ್​ಗೆ ಸಿಗೋ ಫೈನಲ್ ಅಮೌಂಟ್ ಎಷ್ಟು?

‘ಬಿಗ್ ಬಾಸ್ ಕನ್ನಡ ಸೀಸನ್ 10’ನಲ್ಲಿ (BBK 10) ಸಾಕಷ್ಟು ಟ್ವಿಸ್ಟ್ ನೀಡಲಾಗುತ್ತಿದೆ. ಪ್ರತಿ ಬಾರಿ 50 ಲಕ್ಷ ರೂಪಾಯಿ ಹಣ ವಿಜೇತರಿಗೆ ಸಿಗುತ್ತಿತ್ತು. ಆದರೆ, ಈ ಬಾರಿ ಟ್ವಿಸ್ಟ್ ನೀಡಲಾಗಿದೆ. ಈ ವಾರ ನಡೆದ ಟಾಸ್ಕ್​ಗಳು ವಿಜೇತರಿಗೆ ಸಿಗುವ ಹಣ ಎಷ್ಟು ಎಂಬುದನ್ನು ನಿರ್ಧರಿಸಿದೆ. ಮಾಡಿದ ಹಲವು ತಪ್ಪಿನಿಂದ ಸ್ಪರ್ಧಿಗಳು ಲಕ್ಷ ಲಕ್ಷ ಹಣ ಕಳೆದುಕೊಂಡಿದ್ದಾರೆ. ಹಾಗಾದರೆ, ಈ ಬಾರಿ ಬಿಗ್ ಬಾಸ್ ವಿಜೇತರಿಗೆ ಸಿಗುತ್ತಿರುವುದು ಎಷ್ಟು ಲಕ್ಷ ರೂಪಾಯಿ ಎನ್ನುವ ಬಗ್ಗೆ ಇಲ್ಲಿದೆ ವಿವರ.

‘ಬಿಗ್ ಬಾಸ್​’ನಲ್ಲಿ ಈ ಬಾರಿ ಟ್ವಿಸ್ಟ್ ನೀಡಲಾಯಿತು. 25 ಸಾವಿರದಿಂದ ಆರಂಭ ಆಗಿ 20 ಲಕ್ಷ ಪಾಯಿಂಟ್ಸ್​ನ ಬೋರ್ಡ್​ನ ಬಿಗ್ ಬಾಸ್ ನೀಡಿದರು. ಇದನ್ನು ಸ್ಪರ್ಧಿಗಳು ತಮಗೆ ಸೂಕ್ತ ಎನಿಸಿದ್ದನ್ನು ಧರಿಸಬೇಕಿತ್ತು. ಇದಕ್ಕೆ ವೋಟಿಂಗ್ ಮಾಡಲಾಯಿತು. ಆ ಬಳಿಕ ಬಿಗ್ ಬಾಸ್ ಟ್ವಿಸ್ಟ್ ನೀಡಿದರು. ಬೋರ್ಡ್ ಧರಿಸಿದರವರು ನಾಮಿನೇಟ್ ಆದರೆ ಅವರು ಧರಿಸಿದ ಬೋರ್ಡ್​ನ ಮೊತ್ತವನ್ನು ಪ್ರೈಜ್ ಅಮೌಂಟ್​ನಲ್ಲಿ ಕಡಿತಗೊಳಿಸುವುದಾಗಿ ಬಿಗ್ ಬಾಸ್ ಘೋಷಿಸಿದರು.

ಐದು ಜನರು ಈ ವಾರ ನಾಮಿನೇಟ್ ಆಗಿದ್ದಾರೆ. ಈ ರೀತಿ ನಾಮಿನೇಟ್ ಆದವರ ಒಟ್ಟೂ ಮೊತ್ತ 25 ಲಕ್ಷ ರೂಪಾಯಿ ಆಗಿತ್ತು. ಪ್ರೈಜ್ ಅಮೌಂಟ್​ನಲ್ಲಿ ಈ ಹಣವನ್ನು ಕತ್ತರಿಸಲಾಯಿತು. ಇದನ್ನು ಮರಳಿ ಪಡೆಯಲು ಬಿಗ್ ಬಾಸ್ ಒಂದಷ್ಟು ಟಾಸ್ಕ್ ನೀಡಿದರು. ಈ ಟಾಸ್ಕ್​ನಲ್ಲಿ ಸ್ಪರ್ಧಿಗಳು ಗೆದ್ದಿದ್ದು ಕೇವಲ 15 ಲಕ್ಷ ರೂಪಾಯಿ ಮಾತ್ರ. ಈ ಬಗ್ಗೆ ಬಿಗ್ ಬಾಸ್ ಘೋಷಣೆ ಮಾಡಿದರು.

ಇದನ್ನೂ ಓದಿ: ಬಿಗ್ ಬಾಸ್ ಮನೆಯಲ್ಲೇ ಆತ್ಮಹತ್ಯೆಗೆ ಯತ್ನಿಸಿದ್ರಾ ಪ್ರತಾಪ್?

‘ಟಾಸ್ಕ್ ಆಡಿ ಮನೆ 15 ಲಕ್ಷ ರೂಪಾಯಿ ಗೆಲ್ಲಲು ಮಾತ್ರ ಸಾಧ್ಯವಾಗಿದೆ. ಇನ್ನು, 10 ಲಕ್ಷವನ್ನು ಮನೆ ಕಳೆದುಕೊಂಡಿದೆ. ಹೀಗಾಗಿ, ವಿನ್ನರ್​ಗೆ ಸಿಗೋದು 40 ಲಕ್ಷ ರೂಪಾಯಿ ಮಾತ್ರ’ ಎಂದರು ಬಿಗ್ ಬಾಸ್. ಆ ಬಳಿಕ ಬಿಗ್ ಬಾಸ್ ಹೆಚ್ಚುವರಿಯಾಗಿ 5 ಲಕ್ಷ ಸೇರ್ಪಡೆ ಮಾಡಿದರು. ಈ ಮೂಲಕ ಪ್ರೈಜ್ ಮೊತ್ತ 45 ಲಕ್ಷ ರೂಪಾಯಿ ಆಯಿತು. ಇದರ ಜೊತೆ ಮಾರುತಿ ಬ್ರೇಜಾ ಕಾರು ಹಾಗೂ ಇಲೆಕ್ಟ್ರಿಕ್ ಸ್ಕೂಟರ್ ಸಿಗಲಿದೆ. ಕಲರ್ಸ್ ಕನ್ನಡ ವಾಹಿನಿಯಲ್ಲಿ ರಾತ್ರಿ 9:30ಕ್ಕೆ ಎಪಿಸೋಡ್ ಪ್ರಸಾರ ಕಾಣುತ್ತಿದೆ. ಜಿಯೋ ಸಿನಿಮಾದಲ್ಲಿ 24 ಗಂಟೆ ಲೈವ್ ನೋಡಬಹುದು.

ಇನ್ನಷ್ಟು ಸಿನಿಮಾ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ

Published On - 7:30 am, Fri, 5 January 24