Shubha Poonja: ನನ್ನ ಹುಡುಗನಿಗೆ ಪ್ರಪೋಸ್​​ ಮಾಡಿದ್ದು ನಾನಲ್ಲ, ನನ್ನ ಅಮ್ಮ; ಶುಭಾ ಪೂಂಜಾ ಪ್ರೇಮಕಥೆ ಕೇಳಿ ಬಿಗ್​ ಬಾಸ್​ ಮಂದಿ ಶಾಕ್

Bigg Boss Kannada: ಶುಭಾ ಪೂಂಜಾ ಮೇ 3ರ ಸಂಚಿಕೆಯಲ್ಲಿ ಮಾತನಾಡಿದ ಟಾಪಿಕ್ ತುಂಬ ಆಸಕ್ತಿಕರವಾಗಿತ್ತು. ತಮ್ಮ ಮತ್ತು ಸುಮಂತ್ ನಡುವೆ ಪ್ರೀತಿ ಹೇಗೆ ಚಿಗುರಿತು ಎಂಬುದನ್ನು ಅವರು ವಿವರಿಸಿದ್ದಾರೆ.

  • TV9 Web Team
  • Published On - 18:02 PM, 4 May 2021
Shubha Poonja: ನನ್ನ ಹುಡುಗನಿಗೆ ಪ್ರಪೋಸ್​​ ಮಾಡಿದ್ದು ನಾನಲ್ಲ, ನನ್ನ ಅಮ್ಮ; ಶುಭಾ ಪೂಂಜಾ ಪ್ರೇಮಕಥೆ ಕೇಳಿ ಬಿಗ್​ ಬಾಸ್​ ಮಂದಿ ಶಾಕ್

ಬಿಗ್​ ಬಾಸ್​ ಎಂದರೆ ಅದೊಂದು ಕಾಂಟ್ರವರ್ಸಿ ಶೋ ಎಂದು ಅನೇಕರು ಹೇಳುತ್ತಾರೆ. ಆದರೆ ಅದಕ್ಕೂ ಮೀರಿದ ವಿಚಾರಗಳು ದೊಡ್ಮನೆಯೊಳಗೆ ನಡೆಯುತ್ತವೆ. ಸ್ಪರ್ಧಿಗಳು ಮನಬಿಚ್ಚಿ ತಮ್ಮ ಖಾಸಗಿ ವಿಚಾರಗಳನ್ನು ಹಂಚಿಕೊಳ್ಳುತ್ತಾರೆ. ಒಮ್ಮೆ ಕಂಫರ್ಟ್​ ವಾತಾವರಣ ನಿರ್ಮಾಣ ಆಗಿಬಿಟ್ಟರೆ ಎಲ್ಲವನ್ನೂ ಮುಕ್ತವಾಗಿ ಮಾತನಾಡುತ್ತಾರೆ. ಈಗ ನಟಿ ಶುಭಾ ಪೂಂಜಾ ಅವರು ತಮ್ಮ ಬಾಯ್​ ಫ್ರೆಂಡ್​ ಬಗ್ಗೆ ಕೆಲವು ಮಾತುಗಳನ್ನು ಬಿಗ್​ ಬಾಸ್​ ಮನೆಯಲ್ಲಿ ಹಂಚಿಕೊಂಡಿದ್ದಾರೆ.

ಸುಮಂತ್​ ಎಂಬುವವರ ಜೊತೆ ಶುಭಾ ಪೂಂಜಾ ಮದುವೆ ಆಗಲು ಸಜ್ಜಾಗಿದ್ದಾರೆ. ತಮ್ಮ ಭಾವಿ ಪತಿ ಬಗ್ಗೆ ಬಿಗ್​ ಬಾಸ್​ನಲ್ಲಿ ಅವರು ಅನೇಕ ಬಾರಿ ಮಾತನಾಡಿದ್ದಾರೆ. ಮೇ 3ರ ಸಂಚಿಕೆಯಲ್ಲಿ ಅವರು ಮಾತನಾಡಿದ ಟಾಪಿಕ್​ ತುಂಬ ಆಸಕ್ತಿಕರವಾಗಿತ್ತು. ತಮ್ಮ ಮತ್ತು ಸುಮಂತ್​ ನಡುವೆ ಪ್ರೀತಿ ಹೇಗೆ ಚಿಗುರಿತು ಎಂಬುದನ್ನು ಅವರು ವಿವರಿಸಿದ್ದಾರೆ. ಅಂತಿಮವಾಗಿ ತಮ್ಮಿಬ್ಬರಲ್ಲಿ ಪ್ರಪೋಸ್​ ಮಾಡಿದ್ದು ಯಾರು ಎಂಬುದನ್ನು ಕೂಡ ಅವರು ತಿಳಿಸಿದ್ದಾರೆ.

‘ಡೇಟಿಂಗ್​ ಮಾಡುತ್ತಿರುವಾಗ ನಾನು ಅವನಿಗೆ ಒಂದು ಸಾಂಗ್​ ಕಳಿಸಿದ್ದೆ. ಅವನು ಏನೂ ರಿಪ್ಲೈ ಮಾಡಲಿಲ್ಲ. ಐದಾರು ದಿನ ಆದ ಬಳಿಕ ನಾನೇ ಆ ಬಗ್ಗೆ ಮಾತು ಎತ್ತಿದೆ. ಸಾಂಗ್​ ನೋಡಿದ್ಯಾ ಅಂತ ಕೇಳಿದೆ. ಅದರಲ್ಲಿ ಏನು ವಿಶೇಷ ಇದೆ ಅನ್ನೋ ರೀತಿ ಉತ್ತರ ನೀಡಿದ. ನನ್ನ ಮಗನೇ ಸ್ವಲ್ಪನೂ ರೊಮ್ಯಾನ್ಸ್​ ಇಲ್ಲವಲ್ಲೋ ಅನಿಸಿತು. ಮೊದಲೆಲ್ಲಾ ಅವನು ಹಾಗೆಯೇ ಇದ್ದ. ಶೂಟಿಂಗ್​ ವೇಳೆ ಅವನನ್ನು ಮಿಸ್​ ಮಾಡಿಕೊಂಡು ನಾನು ಉದ್ದುದ್ದ ಮೆಸೇಜ್​ ಕಳಿಸುತ್ತಿದ್ದೆ. ಅವನು ಬರೀ ಓಕೆ ಅಂತ ರಿಪ್ಲೈ ಮಾಡ್ತಿದ್ದ’ ಎಂದು ಶುಭಾ ಪೂಂಜಾ ಹೇಳಿದ್ದಾರೆ.

‘ಅವನು ನನಗೆ ಪ್ರಪೋಸ್​ ಮಾಡಿದ್ದು ಎಷ್ಟು ವಿಚಿತ್ರವಾಗಿತ್ತು ಎಂದರೆ, ಏನೇನೋ ಮಾತನಾಡಿ ಕೊನೆಗೆ ಇದು ಎಷ್ಟು ಚೆನ್ನಾಗಿದೆ ಅಲ್ಲವಾ. ಇದನ್ನೆಲ್ಲ ನಾಳೆ ನಾನು ಹೇಗೆ ಬಿಟ್ಟಿರುವುದು ಅಂತ ಗೊತ್ತಿಲ್ಲ. ನನಗೆ ಡಮ್​ ಡಮ್​ ಅಂತ ಎದೆ ಹೊಡೆದುಕೊಳ್ಳುತ್ತಿದೆ ಅಂತ ವಾಯ್ಸ್​ ನೋಟ್​ ಕಳಿಸಿದ. ನಾನು ಅದಕ್ಕೆ ಏನೂ ರಿಪ್ಲೈ ಮಾಡಲಿಲ್ಲ. ಅವನು ಬಾಯಿ ಬಿಟ್ಟು ಐ ಲವ್​ ಯೂ, ನನ್ನ ಮದುವೆ ಆಗ್ತೀಯಾ ಅಂತ ಹೇಳಬಹುದಿತ್ತು. ಅದರ ಬದಲು 10 ದಿನ ಇಂಥ ಮಾತಲ್ಲೇ ಸರ್ಕಲ್​ ಹೊಡೆದ. ಕೊನೆಗೆ ಯಾರು ಪ್ರಪೋಸ್​ ಮಾಡಿದ್ದು ಗೊತ್ತಾ? ನಮ್ಮ ಅಮ್ಮ! ನನಗೆ ನೀನು ಇಷ್ಟ ಆಗ್ತೀಯ. ನಮ್ಮ ಮನೆಗೆ ನೀನು ಅಳಿಯಾ ಆಗ್ತೀಯಾ ಅಂತ ಅಮ್ಮ ಕೇಳಿದರು’ ಎಂದು ಶುಭಾ ಹೇಳಿದ ಕಥೆ ಕೇಳಿ ಎಲ್ಲರಿಗೂ ಅಚ್ಚರಿ ಆಯಿತು.

ಇದನ್ನೂ ಓದಿ:

ಬಿಗ್​ ಬಾಸ್​ ಎದುರು ಶುಭಾ ಪೂಂಜಾ ಇಟ್ಟ ಬೇಡಿಕೆ ನೋಡಿ ಮನೆಯವರಿಗೆ ಅಳಬೇಕೋ ನಗಬೇಕೋ ಗೊತ್ತಾಗ್ತಿಲ್ಲ