‘ಫೇವರಿಸಂ ಮಾಡಲ್ಲ’; ಬಿಗ್ ಬಾಸ್ ಬಗ್ಗೆ ಕೆಟ್ಟದಾಗಿ ಮಾತನಾಡಿದ ತಾಂಡವ್-ಗಗನ್​ಗೆ ಕಿಚ್ಚ ಸುದೀಪ್ ಕ್ಲಾಸ್

ಬಿಗ್ ಬಾಸ್ ಶೋ ನಲ್ಲಿ ‘ಫೇವರಿಸಂ’ ಮಾಡಲಾಗುತ್ತದೆ ಎಂದು ಸ್ಪರ್ಧಿಗಳಾದ ಗಗನ್ ಹಾಗೂ ತಾಂಡವ್ ಮಾತನಾಡಿಕೊಂಡಿದ್ದರು. ಈ ವಿಷಯ ವೀಕೆಂಡ್ ವೀಕ್ಷಕರ ಮುಂದೆ ಚರ್ಚೆಗೆ ಬಂದಿದ್ದು, ಬಿಗ್ ಬಾಸ್ ಬಗ್ಗೆ ಹಗುರವಾಗಿ ಮಾತನಾಡಿದ್ದಕ್ಕೆ ಕಿಚ್ಚ ಸುದೀಪ್ ಅವರು ಇಬ್ಬರನ್ನೂ ತೀವ್ರವಾಗಿ ತರಾಟೆಗೆ ತೆಗೆದುಕೊಂಡರು.

ವಿವಾದಕ್ಕೆ ಕಾರಣವೇನು?

ನಾಮಿನೇಷನ್ ಪ್ರಕ್ರಿಯೆಯಲ್ಲಿ ಸಂಗೀತಾ ಅವರನ್ನು ಕೊನೆಯದಾಗಿ ಕಳುಹಿಸಲಾಗಿತ್ತು. ಇದನ್ನು ಪ್ರಶ್ನಿಸಿದ ತಾಂಡವ್ ಹಾಗೂ ಗಗನ್, ಬಿಗ್ ಬಾಸ್ ನಿರ್ಮಾಣ ತಂಡವು ಕೆಲವರಿಗೆ ಮಾತ್ರ ‘ಫೇವರ್’ ಮಾಡುತ್ತಿದೆ ಎಂದು ಅನುಮಾನ ವ್ಯಕ್ತಪಡಿಸಿದ್ದರು. ಇವರು ಮಾತನಾಡಿದ ವೀಡಿಯೊ ತುಣುಕನ್ನು (VT) ಸುದೀಪ್ ಪ್ರದರ್ಶಿಸಿ ಪ್ರಶ್ನಿಸಿದರು.

ಸುದೀಪ್ ಅವರ ಖಡಕ್ ಮಾತುಗಳು:

‘ಬಿಗ್ ಬಾಸ್ ಫೇವರಿಸಂ ಮಾಡುತ್ತದೆಯೇ? ಇವತ್ತಿಂದ ಫೇವರಿಸಂ ಮಾಡೋಣ್ವಾ? ನಮಗೇನೂ ಆಗಬೇಕಾಗಿಲ್ಲ, ಇದು ಕೇವಲ ಒಂದು ಶೋ. ನಾವು ಯಾರಿಗಾದರೂ ಫೇವರ್ ಮಾಡಬೇಕು ಅಂದ್ರೆ ಅಷ್ಟು ಮೂರ್ಖರಂತೆ ಗೊತ್ತಾಗುವ ಹಾಗೆ ಮಾಡ್ತೀವಾ? ಯಾರು ಬೇಕಾದರೂ ಗೆಲ್ಲಲಿ ಎಂದು ಬಂದಿರುವಾಗ ನಮಗೆ ಫೇವರಿಸಂ ಮಾಡುವ ಅವಶ್ಯಕತೆ ಏನಿದೆ? ಈ ಹಿಂದೆ ಗೆದ್ದವರಿಗೂ ನಾವು ಹೀಗೆಯೇ ಮಾಡಿದ್ದೇವಾ? ಅವರು ಸೋತ್ರೆ ಇವರೇ ಸೋಲಿಸಿದರು ಎನ್ನುತ್ತೀರಿ, ಅದೇ ಗೆದ್ರೆ ಮಾತ್ರ ನಾವು ಮಾಡಿದೆವು ಎನ್ನುತ್ತೀರಲ್ಲ’ ಎಂದು ಸುದೀಪ್ ಆಕ್ರೋಶ ವ್ಯಕ್ತಪಡಿಸಿದರು.

ಇದನ್ನೂ ಓದಿ: ‘ತಿದ್ದೋದಲ್ಲ, ಕಠಿಣ ನಿರ್ಧಾರ ತೆಗೆದುಕೊಳ್ಳುವ ಸಮಯ’; ಬಿಗ್ ಬಾಸ್ ವೇದಿಕೆ ಮೇಲೆ ಗುಡುಗಿದ ಸುದೀಪ್

ಉಸ್ತುವಾರಿ ಜವಾಬ್ದಾರಿಯ ಸ್ಪಷ್ಟನೆ

‘ಆಸಿಯಾ ಅವರಿಗೆ ಉಸ್ತುವಾರಿ ಜವಾಬ್ದಾರಿ ಯಾಕೆ ಕೊಟ್ರಿ ಎಂದು ನೀವು ಪ್ರಶ್ನಿಸಿದ್ದೀರಲ್ಲ, ಅದಕ್ಕೆ ಕಾರಣ ಇಲ್ಲಿದೆ ಕೇಳಿ. ಇಲ್ಲಿಯವರೆಗೆ ಒಟ್ಟು 21 ಟಾಸ್ಕ್‌ಗಳು ನಡೆದಿವೆ. ಇದರಲ್ಲಿ ಮಂಜು 6 ಟಾಸ್ಕ್‌ಗಳಲ್ಲಿ ಹಾಗೂ ಗಗನ್ 4 ಟಾಸ್ಕ್‌ಗಳಲ್ಲಿ ಉಸ್ತುವಾರಿಯಾಗಿದ್ದರು. ಆದರೆ, ಈವರೆಗೆ ನಾಮಿನೇಟ್ ಆಗದೇ ಉಳಿದುಕೊಂಡವರು ಸಂಗೀತಾ ಹಾಗೂ ಆಸಿಯಾ. ಈ ಪೈಕಿ ಆಸಿಯಾಗೆ ಇದುವರೆಗೆ ಯಾವುದೇ ಅವಕಾಶ ಸಿಕ್ಕಿರಲಿಲ್ಲ, ಹಾಗಾಗಿ ಅವರಿಗೆ ಆ ಜವಾಬ್ದಾರಿ ನೀಡಲಾಯಿತು’ ಎಂದು ಸುದೀಪ್ ಸ್ಪಷ್ಟನೆ ನೀಡಿದರು.

ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ.

Published On - 10:15 pm, Sat, 10 October 26