ಹೊಸ ಬಿಗ್​ ಬಾಸ್​​ ಆರಂಭಕ್ಕೂ ಮುನ್ನವೇ ಲೀಕ್​ ಆಯ್ತು 15 ಸ್ಪರ್ಧಿಗಳ ಹೆಸರು; ಈ ಬಾರಿ ಯಾರಿಗೆಲ್ಲ ಚಾನ್ಸ್​?

ರಿಯಾಲಿಟಿ ಶೋಗಳ ಪೈಕಿ ಅತಿ ಹೆಚ್ಚು ಕ್ರೇಜ್​ ಹುಟ್ಟುಹಾಕಿರುವ ಶೋ ಎಂದರೆ ಅದು ಬಿಗ್​ ಬಾಸ್​. ಮೊದಲು ಹಿಂದಿಯಲ್ಲಿ ಮಾತ್ರ ಪ್ರಸಾರ ಆಗುತ್ತಿದ್ದ ಈ ಕಾರ್ಯಕ್ರಮ ನಂತರದ ವರ್ಷಗಳಲ್ಲಿ ಬೇರೆ ಬೇರೆ ಭಾಷೆಗಳಲ್ಲಿ ಆರಂಭ ಆಯಿತು. ಕನ್ನಡ ಬಿಗ್​ ಬಾಸ್​ ಯಶಸ್ವಿಯಾಗಿ 8 ಸೀಸನ್​ಗಳನ್ನು ಮುಗಿಸಿದೆ. ತೆಲುಗು ಬಿಗ್​ ಬಾಸ್​ 4 ಸೀಸನ್​ ಪೂರೈಸಿದ್ದು, ಈಗ 5ನೇ ಸೀಸನ್​ ಆರಂಭಕ್ಕೆ ಕ್ಷಣಗಣನೆ ಶುರು ಆಗಿದೆ. ಇಂದು (ಸೆ.5) ಸಂಜೆ 6 ಗಂಟೆಗೆ ಶೋ ಆರಂಭ ಆಗಲಿದೆ. ನಿರೂಪಕ ಅಕ್ಕಿನೇನಿ ನಾಗಾರ್ಜುನ ಅವರು ಎಂದಿನ ಜೋಶ್​ನಲ್ಲಿ ಶೋ ಶುರುಮಾಡಲಿದ್ದಾರೆ. ಅದಕ್ಕೂ ಮುನ್ನವೇ 15 ಸ್ಪರ್ಧಿಗಳ ಹೆಸರು ಲೀಕ್​ ಆಗಿದೆ.

ಸಿನಿಮಾ ಮತ್ತು ಕಿರುತೆರೆ ಸೆಲೆಬ್ರಿಟಿಗಳ ಜೊತೆಗೆ ಸೋಶಿಯಲ್​ ಮೀಡಿಯಾದಲ್ಲಿ ಫೇಮಸ್​ ಆಗಿರುವ ವ್ಯಕ್ತಿಗಳಿಗೂ ಈ ಬಾರಿ ತೆಲುಗು ಬಿಗ್​ ಬಾಸ್​ ಚಾನ್ಸ್​ ನೀಡಿದೆ. ಹಾಗಾಗಿ ಈ ಹೊಸ ಸೀಸನ್​ನಲ್ಲಿ ಹೆಚ್ಚು ಡ್ರಾಮಾ ಮತ್ತು ಮನರಂಜನೆಯನ್ನು ನಿರೀಕ್ಷಿಸಲಾಗುತ್ತಿದೆ. ವರ್ಷದಿಂದ ವರ್ಷಕ್ಕೆ ಈ ಶೋನ ಚಾರ್ಮ್​ ಹೆಚ್ಚುತ್ತಿದೆ. ಈ ಬಾರಿ ತುಂಬ ಬೋಲ್ಡ್​ ಆದಂತಹ ಟಾಸ್ಕ್​ಗಳನ್ನು ನೀಡಲಾಗುತ್ತದೆ ಎಂಬ ಸುದ್ದಿ ಕೂಡ ಹರಿದಾಡುತ್ತಿದೆ. ಆದರೆ ಆ ಬಗ್ಗೆ ಇನ್ನೂ ಅಧಿಕೃತವಾಗಿ ಯಾವುದೇ ಮಾಹಿತಿ ಹೊರಬಿದ್ದಿಲ್ಲ.

ಬಿಗ್​ ಬಾಸ್​ ಸೀಸನ್​ 5ರಲ್ಲಿ ಹಣಾಹಣಿ ನಡೆಸಲಿರುವ ಸೆಲೆಬ್ರಿಟಿಗಳು ಯಾರು? ಕಿರುತೆರೆ ಆ್ಯಂಕರ್​ ರವಿ, ನಟ ಕಮ್ ವಿಜೆ ಸನ್ನಿ, ನಟ ಮಾನಸ್​ ನಾಗುಲಪಲ್ಲಿ, ಕಿರುತೆರೆ ನಟಿ ಉಮಾ ದೇವಿ, ಸುಮಧುರ ಧ್ವನಿಯಿಂದ ಫೇಮಸ್​ ಆಗಿರುವ ಆರ್​ಜೆ ಕಾಜಲ್​, ಬಹುಭಾಷಾ ನಟಿ ಶೈಲಜಾ ಪ್ರಿಯಾ, ಸೋಶಿಯಲ್​ ಮೀಡಿಯದಲ್ಲಿ ಫೇಮಸ್​ ಆಗಿರುವ ಷಣ್ಮುಖ್​, ಕೊರಿಯೋಗ್ರಾಫರ್​ ಅನೀ ಮಾಸ್ಟರ್, ಗಾಯಕ ಕಮ್​ ನಟ ಶ್ರೀರಾಮ್​ ಚಂದ್ರ, ಕಿರುತೆರೆ ನಟ ವಿಶ್ವ, ನಟಿ ಸಿರಿ ಹನುಮಂತ್​, ಟಾಲಿವುಡ್​ ನಟಿ ಲಹರಿ ಶಾರಿ, ಮಾಡೆಲ್​ ಜಸ್ವಂತ್​ ಹೆಸರುಗಳು ಕೇಳಿಬಂದಿದೆ.

The BIGG day is here! Get ready for 5-much entertainment…Ikkada kick tonnullo vastundi ?️ #BiggBossTelugu5 starting today at 6 PM on #StarMaa pic.twitter.com/HasK9Xwn7F

— starmaa (@StarMaa) September 5, 2021

ಅಂತಿಮವಾಗಿ ಯಾರೆಲ್ಲ ಬಿಗ್​ ಬಾಸ್​ ಮನೆ ಪ್ರವೇಶಿಸುತ್ತಾರೆ ಎಂಬುದು ಇಂದು ಸಂಜೆ 6 ಗಂಟೆಗೆ ಜಗಜ್ಜಾಹೀರಾಗಲಿದೆ. ಸ್ಟಾರ್​ ಮಾ ವಾಹಿನಿಯಲ್ಲಿ ಬಿಗ್​ ಬಾಸ್​ ಪ್ರಸಾರ ಆಗಲಿದೆ.

ಇದನ್ನೂ ಓದಿ:

ಸೆನ್ಸಾರ್​ ಇಲ್ಲದೆ ನಾಚಿಕೆ ಆಗುವಂತಹ ಟಾಸ್ಕ್​ ನೀಡಿದ ಸನ್ನಿ ಲಿಯೋನ್​; ಬಿಗ್​ ಬಾಸ್​ ಸ್ಪರ್ಧಿಗಳಿಗೆ ಶಾಕ್​

ಬಿಗ್​ ಬಾಸ್​ ನಿರೂಪಕನನ್ನೇ ಎದುರು ಹಾಕಿಕೊಂಡ ಸ್ಪರ್ಧಿ; ನನ್ನನ್ನು ಮನೆಯಿಂದ ಹೊರಹಾಕಿದರೂ ಬೇಸರವಿಲ್ಲ ಎಂದ ನಟಿ