Women Health: ಗರ್ಭಿಣಿಯರಿಗೆ ವಾಕಿಂಗ್ ಎಷ್ಟು ಮುಖ್ಯ? ಹಾಕುವ ಪ್ರತಿ ಹೆಜ್ಜೆ ಜತೆಗೆ ಈ ಮುನ್ನೆಚ್ಚರಿಕೆ ಕ್ರಮಗಳನ್ನು ಅನುಸರಿಸಿ

ಆರೋಗ್ಯಕರ ಗರ್ಭಧಾರಣೆಗೆ ಉತ್ತಮ ಜೀವನಶೈಲಿಯನ್ನು ಹೊಂದುವುದು ಬಹಳ ಮುಖ್ಯ. ಆರೋಗ್ಯಕರ ಜೀವನಶೈಲಿ ಎಂದರೆ ಹೆಚ್ಚು ಪೋಷಕಾಂಶಯುಕ್ತ ಆಹಾರವನ್ನು ಸೇವಿಸುವುದು, ವಾಕಿಂಗ್ ಮಾಡುವುದು ಮತ್ತು ದೈನಂದಿನ ಚಟುವಟಿಕೆಗಳಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳುವುದು. ಗರ್ಭಿಣಿಯಾದವರು ದೇಹದಲ್ಲಿ ಪೋಷಕಾಂಶಗಳ ಕೊರತೆ ಜತೆಗೆ, ದೈಹಿಕ ಚಟುವಟಿಕೆಯನ್ನು ಉತ್ತಮವಾಗಿಸಬೇಕು. ಇದರಿಂದ ತೂಕ ಹೆಚ್ಚಾಗುವುದಿಲ್ಲ ಮತ್ತು ಯಾವುದೇ ತೊಂದರೆಗಳಾಗುವುದಿಲ್ಲ. ಆದರೆ ಗರ್ಭಾವಸ್ಥೆಯಲ್ಲಿ ಭಾರೀ ಜೀವನಕ್ರಮವನ್ನು ಅನುಸರಿಸುವುದು ಕೂಡ ಒಳ್ಳೆಯದಲ್ಲ. ಹೀಗಾಗಿ ವಾಕಿಂಗ್ (Walking)​ ಅಥವಾ ನಡೆಯುವುದು ಉತ್ತಮ ಆಯ್ಕೆ. ದಿನಕ್ಕೆ 30 ರಿಂದ 45 ನಿಮಿಷಗಳ ನಡಿಗೆಯಿಂದ ಹೆಚ್ಚಿನ ಪ್ರಯೋಜನವಾಗುತ್ತದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಹಾಗಿದ್ದರೆ ಗರ್ಭಾವಸ್ಥೆಯಲ್ಲಿ ನಡಿಗೆಯ ಪ್ರಯೋಜನಗಳು ಮತ್ತು ಮುನ್ನೆಚ್ಚರಿಕೆಗಳನ್ನು ತಿಳಿಯಿರಿ.

ವಾಕಿಂಗ್​ನಿಂದ ಯಾವೆಲ್ಲಾ ಪ್ರಯೋಜನಗಳಿವೆ 1. ಗರ್ಭಿಣಿಯರು ಮಾಡುವ ವಾಕಿಂಗ್ ಅನ್ನು ಹೃದಯ ವ್ಯಾಯಾಮ ಎಂದು ಪರಿಗಣಿಸಲಾಗುತ್ತದೆ. ಇದೊಂದು ಉತ್ತಮ ಚಟುವಟಿಕೆಯಾಗಿದೆ. ವಾಕಿಂಗ್​ ಅನ್ನು ಯಾವಾಗ ಬೇಕಾದರೂ, ಎಲ್ಲಿ ಬೇಕಾದರೂ ಮಾಡಬಹುದು.

2. ವಾಕಿಂಗ್ ಸ್ನಾಯುಗಳನ್ನು ಬಲಪಡಿಸುತ್ತದೆ. ಗರ್ಭಿಣಿಯರಿಗೆ ಹೊಟ್ಟೆ ಗಾತ್ರ ದೊಡ್ಡದಾಗುವುದರಿಂದ ಕಾಲುಗಳಲ್ಲಿ ಕಾಣಿಸುವ ಅಸ್ವಸ್ಥತೆ ಮತ್ತು ನೋವಿನ ಸಮಸ್ಯೆ ವಾಕಿಂಗ್​ನಿಂದ ದೂರವಾಗುತ್ತದೆ

3. ಗರ್ಭಿಣಿಯರಿಗೆ ಮಧುಮೇಹದ ಅಪಾಯ ಹೆಚ್ಚಾಗಿರುತ್ತದೆ. ಆದರೆ ಪ್ರತಿದಿನ ವಾಕಿಂಗ್ ಮಾಡಿದರೆ ಈ ಸಮಸ್ಯೆ ದೂರವಾಗುತ್ತದೆ.

4. ಗರ್ಭಿಣಿಯರಲ್ಲಿ ಸಾಮಾನ್ಯವಾಗಿ ಕಂಡುಬರುವ ಗ್ಯಾಸ್ಟಿಕ್, ಮಲಬದ್ಧತೆ ಹಾಗೂ ಇನ್ನಿತರ ಸಮಸ್ಯೆಗೆ ವಾಕಿಂಗ್ ಉತ್ತಮ ಪರಿಹಾರವಾಗಿದೆ.

ವಾಕಿಂಗ್​ ಮಾಡುವಾಗ ವಹಿಸಬೇಕಾದ ಮುನ್ನೆಚ್ಚರಿಕೆ 1. ವಾಕಿಂಗ್​ ಸಮಯದಲ್ಲಿ ಉತ್ತಮ ಗುಣಮಟ್ಟದ ಬೂಟುಗಳನ್ನು ಧರಿಸುವುದು ಸೂಕ್ತ. ಅದು ನೆಲದ ಮೇಲೆ ಹಿಡಿತವನ್ನು ಹೊಂದಿರುತ್ತದೆ ಮತ್ತು ಪಾದಗಳಿಗೆ ಸರಿಯಾಗಿ ಹೊಂದಿಕೊಳ್ಳುತ್ತದೆ.

2. ವಾಕಿಂಗ್ ಮಾಡುವಾಗ ಸೂರ್ಯನ ಬೆಳಕು ಹೆಚ್ಚಾಗಿರುತ್ತದೆ. ಹೀಗಾಗಿ ಚರ್ಮದ ಕಾಳಜಿ ವಹಿಸಿವುದು ಅಗತ್ಯ. ಆದ್ದರಿಂದ ಸನ್‌ಸ್ಕ್ರೀನ್ ಅಥವಾ ಚರ್ಮಕ್ಕೆ ಹಾನಿಯಾಗದಂತೆ ಕಾಪಾಡುವ ಇತರ ಕ್ರೀಮ್ ಬಳಸಿ.

3. ಎಂದಿಗೂ ಒಬ್ಬಂಟಿಯಾಗಿ ವಾಕಿಂಗ್ ಹೋಗಬೇಡಿ. ಯಾರನ್ನಾದರೂ ನಿಮ್ಮೊಂದಿಗೆ ಕರೆದುಕೊಂಡು ಹೋಗುವುದು ಉತ್ತಮ. ಗರ್ಭಧಾರಣೆಯ ಸಮಯವು ತುಂಬಾ ಸೂಕ್ಷ್ಮವಾಗಿರುತ್ತದೆ. ಆದ್ದರಿಂದ ನಿಮ್ಮ ಸುರಕ್ಷತೆಯ ಬಗ್ಗೆ ಕಾಳಜಿ ವಹಿಸುವುದು ಬಹಳ ಮುಖ್ಯ.

4. ವಾಕಿಂಗ್ ಮಾಡುವಾಗ ಕುಡಿಯುವ ನೀರನ್ನು ನಿಮ್ಮೊಂದಿಗೆ ಕೊಂಡೊಯ್ಯಿರಿ. ದೇಹದ ಉಷ್ಣತೆಯು ಹೆಚ್ಚಾಗದಂತೆ ಎರಡು ಸಿಪ್​ ನೀರನ್ನು ಕಡಿಮೆ ಅಂತರದಲ್ಲಿ ಕುಡಿಯಿರಿ.

5. ಮೊಳಕೆಬರಿಸಿದ ಕಾಳು ಮತ್ತು ಇನ್ನಿತರ ಪೋಷಕಾಂಶಯುಕ್ತ ಆಹಾರವನ್ನು ವಾಕ್ ಮಾಡಲು 30 ನಿಮಿಷಗಳ ಮೊದಲು ತೆಗೆದುಕೊಳ್ಳಿ.

6. ನಡಿಗೆಗೆ ಬೆಳಿಗ್ಗೆ ಸಮಯವನ್ನು ಆರಿಸಿ ಮತ್ತು ಸಾಧ್ಯವಾದಷ್ಟು ನಡೆಯಿರಿ. ನಡೆಯುವಾಗ ದಣಿವಾದರೆ ಅಥವಾ ಉಸಿರಾಟದ ತೊಂದರೆ ಅನುಭವಿಸಿದಾಗ ಕುಳಿತುಕೊಳ್ಳಿ. ಬಲವಂತವಾಗಿ ನಡೆಯುವುದು ಬೇಡ.

ಇದನ್ನೂ ಓದಿ: Women Health: ಗುಪ್ತಾಂಗದಲ್ಲಿನ ತುರಿಕೆ ಮತ್ತು ಸೋಂಕು ಕಡಿಮೆ ಮಾಡಲು ಈ ಮನೆಮದ್ದುಗಳನ್ನು ಬಳಸಿ

Health Benefits: ಪ್ಲಮ್​ ಹಣ್ಣು ಸೇವಿಸಿದ್ದೀರಾ? ಹುಳಿ-ಸಿಹಿ ರುಚಿಯ ಜತೆಗೆ ಇದು ಅನೇಕ ಆರೋಗ್ಯಕರ ಪ್ರಯೋಜನಗಳನ್ನು ಹೊಂದಿದೆ