Numerology Prediction: ಸಂಖ್ಯಾಶಾಸ್ತ್ರ ಪ್ರಕಾರ ಜನ್ಮಸಂಖ್ಯೆಗೆ ಅನುಗುಣವಾಗಿ ಫೆಬ್ರವರಿ 1ರ ದಿನಭವಿಷ್ಯ

ನಿಮ್ಮ ಜನ್ಮಸಂಖ್ಯೆಗೆ ಅನುಗುಣವಾಗಿ ಇಲ್ಲಿ ದಿನಭವಿಷ್ಯವನ್ನು ನೀಡಲಾಗಿದೆ. ಜನ್ಮಸಂಖ್ಯೆಯನ್ನು ತಿಳಿದುಕೊಳ್ಳುವುದು ಹೇಗೆ ಎಂಬುದಕ್ಕೆ ಇಲ್ಲಿ ಮಾಹಿತಿ ನೀಡಲಾಗಿದೆ. ಜನ್ಮಸಂಖ್ಯೆಯ ಆಧಾರದಲ್ಲಿ ಫೆಬ್ರವರಿ 1ರ ಶನಿವಾರದ ದಿನ ಭವಿಷ್ಯ ಹೇಗಿದೆ ಎಂಬ ಮಾಹಿತಿ ಇಲ್ಲಿದೆ.

ಜನ್ಮಸಂಖ್ಯೆ 1 (ಯಾವುದೇ ತಿಂಗಳಿನ 1, 10, 19, 28ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 1)

ಕಾನೂನು ವಿಚಾರಗಳ ಕಡೆಗೆ ಹೆಚ್ಚಿನ ಗಮನ ನೀಡಿ. ಮನೆ ನಿರ್ಮಾಣ ಮಾಡುತ್ತಿರುವವರು ಅಥವಾ ಯಾವುದಾದರೂ ಕೃಷಿ ಭೂಮಿ ಖರೀದಿ- ಮಾರಾಟ ಮಾಡುತ್ತಿದ್ದೀರಿ ಎಂದಾದಲ್ಲಿ ಇನ್ನೂ ಹೆಚ್ಚು ಆಸ್ಥೆ ವಹಿಸಿ ಕೆಲಸವನ್ನು ಮಾಡಬೇಕು. ಒಂದು ವೇಳೆ ನೀವು ಇತರರ ಮೇಲೆ ಬಹಳ ನಂಬಿಕೆ ಇಟ್ಟು ಮುಖ್ಯ ಜವಾಬ್ದಾರಿಯನ್ನು ವಹಿಸಿದ್ದಲ್ಲಿ ಅವರು ಮತ್ತೊಬ್ಬರ ಕೆಲಸವನ್ನು ವಹಿಸಿಕೊಂಡು, ನಿಮ್ಮ ನಿರೀಕ್ಷೆಯನ್ನು ಸುಳ್ಳು ಮಾಡಲಿದ್ದಾರೆ. ಚಿನ್ನ ಬೆಳ್ಳಿ ಸೇರಿದಂತೆ ಯಾವುದೇ ಪ್ರಮುಖ ದಾಖಲೆ ಪತ್ರಗಳನ್ನು ಇಡುವಾಗ ಮಾಮೂಲಿ ದಿನಗಳಿಗಿಂತ ಹೆಚ್ಚು ಎಚ್ಚರಿಕೆಯನ್ನು ವಹಿಸಿ. ಇವುಗಳನ್ನು ಎಲ್ಲೋ ಇಟ್ಟು, ಬೇರೆಲ್ಲೋ ಹುಡುಕುವಂಥ ಪರಿಸ್ಥಿತಿಯನ್ನು ತಂದುಕೊಳ್ಳಬೇಡಿ. ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿ ಕೊನೆಯ ದಿನಾಂಕ ಯಾವಾಗ ಎಂಬುದನ್ನು ಒಮ್ಮೆ ನೋಡಿಕೊಳ್ಳಿ. ದೂರ ಪ್ರಯಾಣ ತೆರಳುವಂತಹವರು ಸರಿಯಾದ ಸಿದ್ಧತೆ ಮಾಡಿಕೊಂಡಿದ್ದೀರಾ ಎಂಬುದನ್ನು ಖಾತ್ರಿ ಮಾಡಿಕೊಳ್ಳಿ. ಇನ್ನು ದೇಹದ ತೂಕದ ಬಗ್ಗೆ ಎಚ್ಚರಿಕೆ ತೆಗೆದುಕೊಳ್ಳಬೇಕು.

ಜನ್ಮಸಂಖ್ಯೆ 2 (ಯಾವುದೇ ತಿಂಗಳಿನ 2, 11, 20, 29ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 2)

ಪರಿವರ್ತಿಸಿಕೊಂಡು, ಸಾಲಗಾರರಾಗುವ ಯೋಗ ನಿಮಗಿದೆ. ಇತರರಿಗಾಗಿ ಎಂದು ಖರೀದಿ ಮಾಡಲು ಹೋದಲ್ಲಿ ನೀವೇ ಮನೆಗೆ ಗೃಹೋಪಯೋಗಿ ವಸ್ತುಗಳನ್ನು ಖರೀದಿ ಮಾಡಲಿದ್ದೀರಿ. ಇನ್ನು ನಿಮ್ಮಲ್ಲಿ ಕೆಲವರಿಗೆ ಸ್ನೇಹಿತರು ಅಥವಾ ಸಂಬಂಧಿಕರ ಮೂಲಕವಾಗಿ ಖರೀದಿಯಲ್ಲಿ ದೊಡ್ಡಮಟ್ಟದ ಉಳಿತಾಯ ಮಾಡುವುದಕ್ಕೆ ಅವಕಾಶಗಳು ದೊರೆಯಲಿವೆ ಎಂಬ ಕಾರಣಕ್ಕಾಗಿಯಾದರೂ ಸಾಲ ಮಾಡುವ ಯೋಗ ಇದೆ. ಗೇಟೆಡ್ ಕಮ್ಯೂನಿಟಿಯಲ್ಲಿ ಸೈಟು ಹುಡುಕುತ್ತಿರುವವರು ಅಥವಾ ಅಪಾರ್ಟ್ ಮೆಂಟ್ ಹುಡುಕುತ್ತಿರುವವರಿಗೆ ಮನಸ್ಸಿಗೆ ಒಪ್ಪುವಂಥದ್ದು ದೊರೆಯುವಂತಹ ಯೋಗ ಇದೆ. ಇದೇ ಮೊದಲ ಬಾರಿಗೆ ಎಂಬಂತೆ ನೀವು ಮಾಡಿದ ಕೆಲಸಗಳಲ್ಲಿ ಉತ್ತಮವಾದ ಯಶಸ್ಸು ಕಾಣಲಿದ್ದೀರಿ. ಕ್ಯಾಟರಿಂಗ್ ಮಾಡುತ್ತಿರುವವರಿಗೆ ಹೊಸದಾಗಿ ದೀರ್ಘಾವಧಿಯ ದೊಡ್ಡ ಆರ್ಡರ್ ಒಂದು ದೊರೆಯುವ ಯೋಗ ಇದೆ.

ಜನ್ಮಸಂಖ್ಯೆ 3 (ಯಾವುದೇ ತಿಂಗಳಿನ 3, 12, 21, 30ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 3)

ನಾನಾ ಘಟನೆ- ಸನ್ನಿವೇಶಗಳಿಂದ ಈ ದಿನ ನಿಮ್ಮಲ್ಲೊಂದು ಅಹಂಕಾರ ಮನೆ ಮಾಡಲಿದೆ. ನಾನು ಏನು ಮಾಡಿದರೂ ದಕ್ಕಿಸಿಕೊಳ್ಳಬಲ್ಲೆ ಎಂಬಂಥ ಮನಸ್ಥಿತಿ ನಿಮ್ಮಲ್ಲಿ ಇರಲಿದೆ. ಇದರಿಂದಲೇ ನಿಮಗೆ ಹಲವರು ಶತ್ರುಗಳು ಹುಟ್ಟಿಕೊಂಡು, ನಿಮ್ಮ ಕೆಲಸದಲ್ಲಿ ಕೆಲವರು ಬೇಕೆಂತಲೇ ತಪ್ಪುಗಳನ್ನು ಹುಡುಕಲಿದ್ದಾರೆ. ನಿಮ್ಮ ಆತ್ಮವಿಶ್ವಾಸ ಹಾಗೂ ಆತ್ಮಸ್ಥೈರ್ಯವನ್ನು ಕುಗ್ಗಿಸುವ ಪ್ರಯತ್ನವಾಗಿ ಹೀಗೆ ಮಾಡಲಿದ್ದಾರೆ. ನಿಮಗೆ ಸರಿ ಎಂದು ಶೇಕಡಾ ನೂರರಷ್ಟು ಖಾತ್ರಿ ಆದ ಕೆಲಸದಲ್ಲಿ ಯಾವುದೇ ಕಾರಣಕ್ಕೂ ಗಾಬರಿ ಆಗಬೇಡಿ. ಹೊಸದಾಗಿ ಪರಿಚಯ ಆದವರ ಜೊತೆ ಮಾತನಾಡುವಾಗ ವೈಯಕ್ತಿಕ ವಿಚಾರಗಳನ್ನು ಹಂಚಿಕೊಳ್ಳಲು ಹೋಗಬೇಡಿ. ಸೋಷಿಯಲ್ ಮೀಡಿಯಾ ಬಳಸುವಂಥವರ ಖಾತೆ ದುರ್ಬಳಕೆ ಆಗುವ ಸಾಧ್ಯತೆ ಇದ್ದು, ಈ ಬಗ್ಗೆ ಜಾಗ್ರತೆಯನ್ನು ವಹಿಸಿ. ಸಾರ್ವಜನಿಕ ಸಾರಿಗೆಯಲ್ಲಿ ಸಂಚಾರ ಮಾಡುವಂಥವರು ಮೊಬೈಲ್ ಮೊದಲಾದ ಗ್ಯಾಜೆಟ್ ಗಳ ಬಗ್ಗೆ ಎಚ್ಚರಿಕೆ ವಹಿಸಿ.

ಜನ್ಮಸಂಖ್ಯೆ 4 (ಯಾವುದೇ ತಿಂಗಳಿನ 4, 13, 22, 31ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 4)

ಗುರು- ಹಿರಿಯರ ಸೇವೆಯನ್ನು ಮಾಡಿ. ಈ ದಿನ ನಿಮ್ಮ ಪಾಲಿಗೆ ಅದೃಷ್ಟದ ದಿನವಾಗಿರಲಿದೆ. ಏಕೆಂದರೆ ನೀವು ಯಾವುದನ್ನು ಬಹಳ ದೊಡ್ಡ ಸಮಸ್ಯೆ ಆಗಬಹುದು ಎಂದು ಅಂದುಕೊಂಡಿರುತ್ತೀರೋ ಅದು ಈ ದಿನ ಬಹಳ ಸರಳವಾಗಿ ಬಗೆಹರಿಯಲಿದೆ. ಪುರುಷರೋ ಅಥವಾ ಸ್ತ್ರೀಯರೋ ಒಟ್ಟಿನಲ್ಲಿ ವಿವಾಹ ವಯಸ್ಕರಾಗಿದ್ದು ವಧು ಅಥವಾ ವರಾನ್ವೇಷಣೆಯಲ್ಲಿ ತೊಡಗಿರುವವರಿಗೆ ಮನಸ್ಸಿಗೆ ಒಪ್ಪುವಂತಹ ಸಂಬಂಧ ದೊರೆಯಲಿದೆ. ವಿದೇಶದಲ್ಲಿ ಉದ್ಯೋಗಕ್ಕಾಗಿ ಪ್ರಯತ್ನ ಪಡುತ್ತಿರುವವರಿಗೆ ಅಥವಾ ವ್ಯಾಸಂಗ ಮಾಡಬೇಕು ಅಂದುಕೊಳ್ಳುತ್ತಿರುವವರಿಗೆ ಸ್ನೇಹಿತರು ಅಥವಾ ಸಂಬಂಧಿಕರ ಮೂಲಕ ಸಹಾಯ ಆಗಲಿದೆ. ಸರ್ಕಾರಿ ಉದ್ಯೋಗದಲ್ಲಿ ಇರುವಂತಹವರಿಗೆ ನೀವು ಇಷ್ಟು ಸಮಯ ಬಯಸಿದಂತಹ ಜಾಗಕ್ಕೆ ವರ್ಗಾವಣೆ ದೊರೆಯಬಹುದು ಅಥವಾ ಪ್ರಮುಖ ಹುದ್ದೆಯೊಂದು ಹೆಚ್ಚುವರಿ ಜವಾಬ್ದಾರಿಯಾಗಿ ನಿಮ್ಮ ಹೆಗಲೇರಬಹುದು.

ಜನ್ಮಸಂಖ್ಯೆ 5 (ಯಾವುದೇ ತಿಂಗಳಿನ 5, 14, 23ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 5)

ಯಾವುದಾದರೂ ವಿಚಾರವನ್ನು ತಿಳಿಸಿ ಅಂತ ನಿಮಗೆ ಹೇಳಿದಲ್ಲಿ ವಿವರವಾಗಿ ಮನದಟ್ಟು ಮಾಡಿಕೊಡಿ. ಮಾಧ್ಯಮ ಕ್ಷೇತ್ರದಲ್ಲಿ ಕಾರ್ಯ ನಿರ್ವಹಿಸುವವರಿಗೆ ಅಥವಾ ಮಾತು ಪ್ರಧಾನವಾದ ವೃತ್ತಿಯಲ್ಲಿ ಇರುವಂಥವರಿಗೆ ನಿಮ್ಮ ಆತ್ಮವಿಶ್ವಾಸ ಜಾಸ್ತಿ ಆಗುವಂತಹ ಕೆಲವು ಬೆಳವಣಿಗೆಗಳು ಆಗಲಿವೆ. ನಿಮ್ಮನ್ನು ಬಿಟ್ಟು ಅಥವಾ ಒಂದು ಪ್ರಾಜೆಕ್ಟ್ ನಿಂದ ಹೊರಗೆ ಇಟ್ಟು ಕೆಲಸ ಮಾಡುತ್ತಿದ್ದಂತಹವರಿಗೆ ನಿಮ್ಮ ಸಹಾಯ ಅನಿವಾರ್ಯ ಆಗಲಿದೆ. ನೀವು ಶಿಫಾರಸು ಮಾಡಿ ಅಥವಾ ಮಾತನಾಡಿ ಕೆಲವು ಕೆಲಸಗಳನ್ನು ಮುಗಿಸಬೇಕಾಗುತ್ತದೆ. ಸರ್ಕಾರದ ಮಟ್ಟದಲ್ಲಿ ಯಾವುದಾದರೂ ಕೆಲಸಕ್ಕಾಗಿ ಅಥವಾ ಟೆಂಡರ್ ಗಾಗಿ ಪ್ರಯತ್ನ ಮಾಡುತ್ತಿರುವವರಿಗೆ ಶುಭ ಸುದ್ದಿ ಕೇಳಿ ಬರಲಿದೆ. ಯಾವ ಕೆಲಸ ನೀವು ಅಂದುಕೊಂಡ ಸಮಯದಲ್ಲಿ ಮುಗಿಯದೆ ವಿಳಂಬ ಆಗುತ್ತಾ ಬರುತ್ತಿತ್ತು ಅಂತಹ ಕೆಲಸ ಇಂದು ವೇಗ ಪಡೆದುಕೊಳ್ಳಲಿದೆ. ಸ್ವಂತ ಉದ್ಯಮ ಅಥವಾ ವ್ಯವಹಾರ ಮಾಡುವವರಿಗೆ ವಿಸ್ತರಣೆಗೆ ಬೇಕಾದ ಬೆಂಬಲ ಹಾಗೂ ಹಣಕಾಸು ನೆರವು ದೊರೆಯಲಿದೆ.

ಜನ್ಮಸಂಖ್ಯೆ 6 (ಯಾವುದೇ ತಿಂಗಳಿನ 6, 15, 24ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 6)

ನಿಮ್ಮ ಮಾತಿನ ಕಾರಣಕ್ಕೋ ಅಥವಾ ವರ್ತನೆಯ ಕಾರಣಕ್ಕೋ ಕೆಲಸದಲ್ಲಿ ಆಸಕ್ತಿ ಕಳೆದುಕೊಂಡಿದ್ದೀರಿ ಎಂಬಂತೆ ಬಿಂಬಿತವಾಗಲಿದೆ. ಇನ್ನು ನಿಮ್ಮ ಏಕಾಗ್ರತೆ ಕೊರತೆಯಿಂದ ಕೆಲವು ಅವಕಾಶಗಳನ್ನು ಕಳೆದುಕೊಳ್ಳಲಿದ್ದೀರಿ. ಸಣ್ಣಪುಟ್ಟ ಸಂಗತಿಗಳು ಎಂದು ಯಾವುದನ್ನೂ ನಿರ್ಲಕ್ಷ್ಯ ಮಾಡಬೇಡಿ. ಬ್ಯಾಂಕಿಂಗ್ ವ್ಯವಹಾರಗಳನ್ನು ಮಾಡುವಾಗ ಅಕೌಂಟ್ ನಂಬರ್ ಸರಿಯಾಗಿ ಬರೆದಿದ್ದೀರಿ ಎಂಬುದನ್ನು ಒಂದಕ್ಕೆ ನಾಲ್ಕು ಬಾರಿ ಖಾತ್ರಿ ಮಾಡಿಕೊಳ್ಳಿ. ನೀವು ಕಾರ್ಯನಿರ್ವಹಿಸುವ ಕ್ಷೇತ್ರದಲ್ಲಿ ಯಾವುದೇ ನಿಯಮಗಳ ಬಗ್ಗೆ ನಿಮಗೆ ಅನುಮಾನ ಮೂಡಿದಲ್ಲಿ ಕೂಡಲೇ ಸಂಬಂಧಪಟ್ಟವರನ್ನು ಕೇಳಿ ತಿಳಿದುಕೊಳ್ಳಿ. ಉದ್ಯಮ ಅಥವಾ ವ್ಯವಹಾರವನ್ನು ನಡೆಸುತ್ತಿರುವವರು ಅದಕ್ಕೆ ಸಂಬಂಧಪಟ್ಟ ರಹಸ್ಯವನ್ನು ಯಾರ ಜೊತೆಗೂ ಹಂಚಿಕೊಳ್ಳಬೇಡಿ. ನೀವು ಯಾರ ಕೆಲಸಕ್ಕಾಗಿ ಬಹಳ ಶ್ರಮ ಪಡುತ್ತಿರುತ್ತೀರೋ ಅವರೇ ತಮ್ಮ ಕೆಲಸದಲ್ಲಿ ಆಸಕ್ತಿಯನ್ನು ಕಳೆದುಕೊಳ್ಳಲಿದ್ದಾರೆ. ಇದರಿಂದ ನಿಮಗೆ ಬೇಸರ ಆಗಲಿದೆ.

ಜನ್ಮಸಂಖ್ಯೆ 7 (ಯಾವುದೇ ತಿಂಗಳಿನ 7, 16, 25ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 7)

ಎಷ್ಟು ಬೇಸರ ಇದ್ದರೂ ಉದ್ಯೋಗ ಸ್ಥಳದಲ್ಲಿ ಸಹಿಸಿಕೊಳ್ಳಬೇಕಾಗುತ್ತದೆ. ಕುಟುಂಬ ನಿರ್ವಹಣೆ ಮಾಡುವುದಕ್ಕೆ ಕೆಲಸ ಅನಿವಾರ್ಯ ಎಂಬುದು ಈ ದಿನ ನಿಮ್ಮ ಮನಸ್ಸಿಗೆ ಪದೇಪದೇ ಬರಲಿದೆ. ಇದಕ್ಕೆ ಕಾರಣ ಸಹ ಇದೆ. ಅದೇನೆಂದರೆ, ಭಾವನಾತ್ಮಕವಾಗಿ ಬಹಳ ಗೊಂದಲಗಳಿಂದ ಕೂಡಿರುವಂತಹ ದಿನ ಇದಾಗಿರುತ್ತದೆ. ಕೆಲವು ನಿರ್ಧಾರಗಳನ್ನು ಮಾಡುವುದಕ್ಕೆ ನಿಮ್ಮದೇ ಒಳ ಮನಸು ವಿರೋಧಿಸಬಹುದು. ಆದರೆ ಯಾರದೋ ಮೇಲಿನ ಪ್ರೀತಿ ಅಥವಾ ವಿಶ್ವಾಸಕ್ಕಾಗಿ ಅದನ್ನು ಮಾಡಲೇಬೇಕಾದ ಸನ್ನಿವೇಶ ಎದುರಾಗುತ್ತದೆ. ನಿಮ್ಮ ಮೇಲೆ ಹಣಕಾಸಿನ ವಿಚಾರವಾಗಿ ಇರುವಂಥ ಅತಿಯಾದ ನಿರೀಕ್ಷೆಯ ಭಾರದಿಂದ ಒತ್ತಡಕ್ಕೆ ಸಿಲುಕಿಕೊಳ್ಳಲಿದ್ದೀರಿ. ತಂದೆ ತಾಯಿಯ ಆರೋಗ್ಯ ಸಮಸ್ಯೆ ಕೂಡ ನಿಮ್ಮನ್ನು ವಿಚಲಿತಗೊಳಿಸಲಿದೆ. ಸೇನೆಯಲ್ಲಿ ಕಾರ್ಯ ನಿರ್ವಹಿಸುವಂಥವರು ಹಾಗೂ ಪೊಲೀಸ್ ಇಲಾಖೆಯಲ್ಲಿ ಬಹಳ ಜವಾಬ್ದಾರಿಯ ಕೆಲಸಗಳನ್ನು ಮಾಡುವಂಥವರು ಸಾಮಾನ್ಯ ದಿನಗಳಿಗಿಂತ ಹೆಚ್ಚು ಗಮನ ವಹಿಸಿ ಕೆಲಸವನ್ನು ಮಾಡಬೇಕಾಗುತ್ತದೆ.

ಜನ್ಮಸಂಖ್ಯೆ 8 (ಯಾವುದೇ ತಿಂಗಳಿನ 8, 17, 26ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 8)

ಬರಿಯ ಮಾತಲ್ಲ ಅಥವಾ ದೊಡ್ಡಸ್ತಿಕೆ ಎಂದು ಹೇಳಿಕೊಂಡದ್ದು ಅಲ್ಲ. ನಿಮ್ಮ ಶಿಸ್ತು ಹಾಗೂ ಅಗತ್ಯ ಮೀರಿದಂಥ ಮುಂಜಾಗ್ರತೆ ಇವೆಲ್ಲವೂ ಸೇರಿ ನಿಮ್ಮ ಪಾಲಿಗೆ ಅನುಕೂಲವಾಗಿ ಮಾರ್ಪಡಲಿದೆ. ಹಲವು ವಿಚಾರಗಳು ನೀವು ಲೆಕ್ಕ ಹಾಕಿಕೊಂಡಿದ್ದಂತಹ ಮಾರ್ಗದಲ್ಲಿಯೇ ಸಾಗಲಿವೆ. ಸ್ನೇಹಿತರು ಅಥವಾ ಸಂಗಾತಿ ಜೊತೆಗೆ ಈಗಾಗಲೇ ಅಭಿಪ್ರಾಯ ಭೇದಗಳು ಏನಾದರೂ ಇದ್ದಲ್ಲಿ ಅದನ್ನು ನಿವಾರಿಸಿಕೊಳ್ಳುವುದಕ್ಕೆ ಅವಕಾಶಗಳು ದೊರೆಯಲಿವೆ. ಮಕ್ಕಳು ವಿದೇಶಗಳಲ್ಲಿ ಶಿಕ್ಷಣ ಅಥವಾ ಉದ್ಯೋಗಕ್ಕಾಗಿ ಪ್ರಯತ್ನ ಮಾಡುತ್ತಿದ್ದಲ್ಲಿ ಅವರಿಂದ ಶುಭ ವಾರ್ತೆ ಕೇಳಲಿದೆ. ನೀವಾಗಿಯೇ ವಹಿಸಿಕೊಂಡಿದ್ದ ಜವಾಬ್ದಾರಿಗಳನ್ನು ಒಂದೊಂದಾಗಿ ಮುಗಿಸುವುದಕ್ಕೆ ಸಾಧ್ಯವಾಗಲಿದೆ. ಇನ್ನು ಸೋದರ ಅಥವಾ ಸೋದರಿಯರ ಮಕ್ಕಳ ಶಿಕ್ಷಣದ ವಿಚಾರವೂ ಪ್ರಾಮುಖ್ಯ ಪಡೆಯಲಿದ್ದು, ಇದಕ್ಕಾಗಿ ಕೆಲವು ಪ್ರಮುಖ ನಿರ್ಧಾರಗಳನ್ನು ಈ ದಿನ ತೆಗೆದುಕೊಳ್ಳಲಿದ್ದೀರಿ. ಕೃಷಿಕರಿಗೆ ಆದಾಯದ ಮೂಲಗಳನ್ನು ಜಾಸ್ತಿ ಮಾಡಿಕೊಳ್ಳುವುದಕ್ಕೆ ಮಾರ್ಗಗಳು ಗೋಚರ ಆಗಲಿವೆ. ಇದಕ್ಕೆ ಕುಟುಂಬ ಸದಸ್ಯರ ನೆರವು ಸಹ ದೊರೆಯಲಿದೆ.

ಜನ್ಮಸಂಖ್ಯೆ 9 (ಯಾವುದೇ ತಿಂಗಳಿನ 9, 18, 27ನೇ ತಾರೀಕು ಹುಟ್ಟಿದವರ ಜನ್ಮಸಂಖ್ಯೆ 9)

ವೈಯಕ್ತಿಕ ಜವಾಬ್ದಾರಿಗಳು ಇದೆ ಎಂಬ ಕಾರಣದಿಂದ ಇತರರನ್ನು ನಂಬಿದ ಸಮಯದಲ್ಲಿ ಎಲ್ಲವೂ ಅರ್ಥವಾಯಿತು, ನಿಮ್ಮ ಮೇಲೆ ಒತ್ತಡವೇ ಬೀಳದಂತೆ ಕೆಲಸ ಮಾಡಿ, ಮುಗಿಸುತ್ತೇವೆ ಎಂದು ಭರವಸೆ, ಆಶ್ವಾಸನೆ ನೀಡಿದವರಿಂದ ನಿಮಗೆ ವಂಚನೆ ಆಗಬಹುದು. ನಿಮ್ಮ ಜೊತೆಗೆ ಇರುವಂತಹವರ ವರ್ತನೆ ಬೇಸರ ಮೂಡಿಸಲಿದೆ. ಕೆಲವು ಕೆಲಸಗಳನ್ನು ನೀವು ಏಕಾಂಗಿಯಾಗಿಯೇ ಮಾಡಿ ಮುಗಿಸಬೇಕಾದಂತಹ ಸನ್ನಿವೇಶ ಎದುರಾಗಲಿದೆ. ನಿಮ್ಮಷ್ಟಕ್ಕೆ ನೀವಿದ್ದರೂ ಕೆಲವು ವಿವಾದಗಳಿಗೆ ನಿಮ್ಮ ಹೆಸರನ್ನು ಎಳೆದು ತರಲಾಗುತ್ತದೆ. ಈ ದಿನ ತಾಳ್ಮೆ ಹಾಗೂ ಸಂಯಮ ಬಹಳ ಮುಖ್ಯವಾಗಿರುತ್ತದೆ. ಸುಲಭಕ್ಕೆ ಮುಗಿಯಲಾರದ ಕೆಲಸ ಒಂದಕ್ಕೆ ಗಡುವು ಸಹ ವಿಧಿಸಿ, ಇಷ್ಟೇ ಸಮಯದಲ್ಲಿ ಮಾಡಿ ಮುಗಿಸುವಂತೆ ಒತ್ತಡ ಹೇರಲಾಗುತ್ತದೆ. ನಿಮಗೆ ಯಾವುದೇ ವ್ಯಕ್ತಿಯ ಬಗ್ಗೆ ಅಸಮಾಧಾನ ಇದ್ದಲ್ಲಿ ಅವರ ಎದುರಲ್ಲೇ ಹೇಳಿ. ಅದರ ಬದಲಿಗೆ ಇತರರ ಮುಂದೆ ಹೇಳಿದಲ್ಲಿ ನಿಮ್ಮ ಬಗ್ಗೆ ನಕಾರಾತ್ಮಕವಾದ ಭಾವನೆ ಮೂಡಲಿದೆ.

ಲೇಖನ- ಎನ್‌.ಕೆ.ಸ್ವಾತಿ