ಸಿಎಂ ಡಿ.ಕೆ. ಶಿವಕುಮಾರ್ ಸರ್ಕಾರಕ್ಕೆ 100 ದಿನ: ಸರ್ಕಾರದ ಸಾಧನೆಯ ಪಟ್ಟಿ ಇಲ್ಲಿದೆ ನೋಡಿ

ಬೆಂಗಳೂರು, ಸೆ.9: ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ (DK Shivakumar) ನೇತೃತ್ವದ ಸರ್ಕಾರ ಯಶಸ್ವಿಯಾಗಿ 100 ದಿನಗಳನ್ನು ಪೂರೈಸಿದ್ದು, ರಾಜ್ಯದ ಸರ್ವತೋಮುಖ ಅಭಿವೃದ್ಧಿಗೆ ಹೊಸ ರೂಪ ನೀಡಲು ‘ನೂರು ದಿನ. ನೂರು ಘೋಷಣೆಗಳು’ ಅಭಿಯಾನದಡಿ ಸಾಧನಾ ವರದಿಯನ್ನು ಬಿಡುಗಡೆ ಮಾಡಿದೆ. ಇದೀಗ ಕಾಂಗ್ರೆಸ್​​ ಸರ್ಕಾರ ಮಾಡಿದ ಮಹತ್ವದ ಸಾಧನೆಯ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.

ಡಿಕೆ ಶಿವಕುಮಾರ್​  ಸರ್ಕಾರದ ಸಾಧನೆ: 

ಶಿಕ್ಷಣ, ಯುವಜನತೆ ಮತ್ತು ಉದ್ಯೋಗ:

ಉಚಿತ ಬಸ್ ಪಾಸ್: ರಾಜ್ಯದ ಎಲ್ಲಾ ವಿದ್ಯಾರ್ಥಿಗಳಿಗೆ ಸಂಪೂರ್ಣ ಉಚಿತ ಬಸ್ ಪಾಸ್ ಸೌಲಭ್ಯ.

ಭಾರತ್ ಜೋಡೋ ಯುವಕರ ಸಂಘ: ಎಲ್ಲಾ ಪಂಚಾಯಿತಿ ಹಾಗೂ ವಾರ್ಡ್‌ಗಳಲ್ಲಿ ಯುವ ಸಂಘಗಳ ಸ್ಥಾಪನೆ; ಪ್ರತಿಯೊಂದಕ್ಕೂ 10 ಲಕ್ಷ ಅನುದಾನ ನಿಗದಿ.

ಸರ್ಕಾರಿ ನೇಮಕಾತಿ ಗಡುವು: 72 ಸಾವಿರ ಸರ್ಕಾರಿ ಹುದ್ದೆಗಳ ಭರ್ತಿ ಪ್ರಕ್ರಿಯೆಯನ್ನು 6 ತಿಂಗಳೊಳಗೆ ಪೂರ್ಣಗೊಳಿಸಲು ಆದೇಶ.

ಖಾಸಗಿ ಉದ್ಯೋಗ ವಿನಿಮಯ: ಖಾಸಗಿ ವಲಯದಲ್ಲಿ ಉದ್ಯೋಗಾವಕಾಶ ಹೆಚ್ಚಿಸಲು ಪ್ರತ್ಯೇಕ ‘ಉದ್ಯೋಗ ವಿನಿಮಯ ಕೇಂದ್ರ’ ಸ್ಥಾಪನೆ.

ಕಾಲೇಜು ಚುನಾವಣೆ: ಪ್ರಸಕ್ತ ಶೈಕ್ಷಣಿಕ ವರ್ಷದಿಂದಲೇ ಕಾಲೇಜು ಕ್ಯಾಂಪಸ್‌ಗಳಲ್ಲಿ ವಿದ್ಯಾರ್ಥಿ ಸಂಘಗಳ ಚುನಾವಣೆ ಆರಂಭಿಸಲು ಚಿಂತನೆ.

ದೆಹಲಿಯಲ್ಲಿ ‘ಕರ್ನಾಟಕ ಭವನ’: ರಾಜ್ಯದ ವಿದ್ಯಾರ್ಥಿಗಳ ಅನುಕೂಲಕ್ಕಾಗಿ ನವದೆಹಲಿಯಲ್ಲಿ ನೂತನ ‘ಕರ್ನಾಟಕ ಭವನ’ ನಿರ್ಮಾಣ.

ಆಡಳಿತ ಸುಧಾರಣೆ ಹಾಗೂ ನಾಗರಿಕ ಸೇವೆ

‘ಪ್ರಜಾಸೇವೆ’ ಸಚಿವಾಲಯ: ಸಾರ್ವಜನಿಕರ ಕುಂದುಕೊರತೆ ಆಲಿಸಲು ಹಾಗೂ ತಕ್ಷಣದ ಪರಿಹಾರಕ್ಕಾಗಿ ನೂತನ ಪ್ರತ್ಯೇಕ ಇಲಾಖೆ ಕಾರ್ಯಾರಂಭ.

‘ಎ’ ಖಾತಾ ಪರಿವರ್ತನೆ: ರಾಜ್ಯದಾದ್ಯಂತ ‘ಬಿ’ ಖಾತಾದಿಂದ ‘ಎ’ ಖಾತಾಗೆ ಸುಲಭ ಪರಿವರ್ತನೆಗೆ ಹಸಿರು ನಿಶಾನೆ.

ವಿದ್ಯುತ್ ಸಂಪರ್ಕ ಸಡಿಲಿಕೆ: 2,500 ಚದರ ಅಡಿವರೆಗಿನ ನೂತನ ವಸತಿ ಕಟ್ಟಡಗಳಿಗೆ ‘ಒಸಿ’ ಇಲ್ಲದೆಯೇ ಶಾಶ್ವತ ವಿದ್ಯುತ್ ಸಂಪರ್ಕ.

ಸಮಯ ಪಾಲನೆ ಮತ್ತು ಭ್ರಷ್ಟಾಚಾರ ತಡೆ:

ಸರ್ಕಾರಿ ಆಫೀಸುಗಳಲ್ಲಿ ಬೆಳಿಗ್ಗೆ 10 ಗಂಟೆಗೆ ಜಿಪಿಎಸ್ (GPS) ಮೂಲಕ ಸಿಬ್ಬಂದಿ ಹಾಜರಾತಿ ಕಡ್ಡಾಯ.

ಭ್ರಷ್ಟಾಚಾರ ವಿರೋಧಿ ದೂರು ಸಲ್ಲಿಕೆಗೆ ಪ್ರತ್ಯೇಕ ಸಹಾಯವಾಣಿ.

ಖಡಕ್ ಸೂಚನೆ: ರಾಜಕಾರಣಿಗಳ ಒತ್ತಡಕ್ಕೆ ಮಣಿಯದೆ ಅಧಿಕಾರಿಗಳು ಕಾನೂನು ಚೌಕಟ್ಟಿನಲ್ಲಿ ಸ್ವತಂತ್ರವಾಗಿ ಕಾರ್ಯನಿರ್ವಹಿಸಲು ಸಿಎಂ ಸೂಚನೆ.

ಬೆಂಗಳೂರು ಅಭಿವೃದ್ಧಿ ಹಾಗೂ ಮೂಲಸೌಕರ್ಯ

ಗುಂಡಿಮುಕ್ತ ರಸ್ತೆಗಳು: ಬೆಂಗಳೂರಿನ ರಸ್ತೆಗಳ ದುರಸ್ತಿಗೆ 2,000 ಕೋಟಿ ಯೋಜನೆ ಜಾರಿ.

ಪ್ರಮುಖ ರಸ್ತೆ ಉದ್ಘಾಟನೆ: ಕೆಂಪೇಗೌಡ ಬಡಾವಣೆಯಲ್ಲಿ 10 ಪಥಗಳ ‘ಎಸ್.ಎಂ. ಕೃಷ್ಣ ರಸ್ತೆ’ ಸಾರ್ವಜನಿಕರಿಗೆ ಅರ್ಪಣೆ.

ಹೆಬ್ಬಾಳ ಸುರಂಗ ರಸ್ತೆ: ಸಂಚಾರ ದಟ್ಟಣೆ ನಿಯಂತ್ರಿಸಲು ಹೆಬ್ಬಾಳ ಬಳಿ ಸಣ್ಣ ಸುರಂಗ ರಸ್ತೆಗೆ ಶಂಕುಸ್ಥಾಪನೆ.

ಹಸಿರು ಬೆಂಗಳೂರು: ಕೆಂಪೇಗೌಡ ಜಯಂತಿ ಅಂಗವಾಗಿ ಬಿಡಿಎ ವತಿಯಿಂದ 15 ಲಕ್ಷ ಸಸಿ ನೆಡುವ ಬೃಹತ್ ಅಭಿಯಾನ ನಡೆಸಿ ಗಿನ್ನೀಸ್ ದಾಖಲೆ.

ಸಂಚಾರ ಗ್ರಿಡ್: ರಾಜ್ಯದ ಪ್ರತಿಯೊಂದು ತಾಲೂಕಿನಲ್ಲಿ ‘ರಿಂಗ್ ರಸ್ತೆ ಗ್ರಿಡ್’ ಗುರುತಿಸಲು ಸ್ಪಷ್ಟ ನಿರ್ದೇಶನ.

ಕೃಷಿ, ನೀರಾವರಿ ಹಾಗೂ ಗ್ರಾಮೀಣಾಭಿವೃದ್ಧಿ

ತುಂಗಭದ್ರಾ ಅಣೆಕಟ್ಟು: ಹೊಸದಾಗಿ ಅಳವಡಿಸಲಾದ ಸ್ಪಿಲ್ ಗೇಟ್‌ಗಳ ಉದ್ಘಾಟನೆ; ಹೂಳು ತೆಗೆಯಲು ಕೇಂದ್ರ ಸರ್ಕಾರದ ಸಹಯೋಗ.

ಮೇಕೆದಾಟು ಯೋಜನೆ: ಭೂಕಂಪನ ಅಧ್ಯಯನ, ಮಣ್ಣು ಪರೀಕ್ಷೆಗೆ ರಾಜ್ಯ ವನ್ಯಜೀವಿ ಮಂಡಳಿ ಅನುಮತಿ ನೀಡಿ, ಕೇಂದ್ರಕ್ಕೆ ಸಿಫಾರಸು.

ಬೆಳೆಗಾರರಿಗೆ ಆಸರೆ: ಮಾವು ಬೆಳೆಗಾರರಿಗೆ ಪ್ರೋತ್ಸಾಹ ಧನ ಮುಂದುವರಿಕೆ ಹಾಗೂ ರೈತರಿಗೆ ಸಕಾಲದಲ್ಲಿ ಬಿತ್ತನೆ ಬೀಜ, ರಸಗೊಬ್ಬರ ಪೂರೈಕೆ.

ವಾಲ್ ಆಫ್ ಗ್ರ್ಯಾಟಿಟ್ಯೂಡ್’: ಸಾರ್ವಜನಿಕ ಯೋಜನೆಗಳಿಗೆ ಜಮೀನು ನೀಡುವ ರೈತರು/ಭೂಮಾಲೀಕರಿಗೆ ಗೌರವ ಸಲ್ಲಿಸಲು ‘ಕೃತಜ್ಞತಾ ಗೋಡೆ’ ನಿರ್ಮಾಣ.

ಕಾನೂನು, ಸುವ್ಯವಸ್ಥೆ ಮತ್ತು ಸಾಮಾಜಿಕ ಭದ್ರತೆ

ರೌಡಿಗಳ ನಿಗ್ರಹ: ಪ್ರತಿ ಜಿಲ್ಲೆಯಲ್ಲೂ ‘ವಿಶೇಷ ರೌಡಿ ನಿಗ್ರಹ ಪಡೆ’ ರಚನೆಗೆ ನಿರ್ದೇಶನ.

ನಶೆ ಮುಕ್ತ ಕರ್ನಾಟಕ: 2028ರ ವೇಳೆಗೆ ರಾಜ್ಯವನ್ನು ಡ್ರಗ್ಸ್ ಮುಕ್ತಗೊಳಿಸುವ ಗುರಿ; ಸುಳಿವು ನೀಡಿದವರಿಗೆ ಬಹುಮಾನ ಹಾಗೂ ಪಾನ್ ಮಸಾಲ, ಗುಟ್ಕಾ ನಿಷೇಧಕ್ಕೆ ಎಚ್ಚರಿಕೆ.

ಮೀಟರ್ ಬಡ್ಡಿ ದಂಧೆಗೆ ತಡೆ: ಅಕ್ರಮ ಲೇವಾದೇವಿ ಮತ್ತು ಮೀಟರ್ ಬಡ್ಡಿ ದಂಧೆ ಕೋರರ ವಿರುದ್ಧ ಕಠಿಣ ಕ್ರಮ.

ಗ್ಯಾರಂಟಿ ಸುರಕ್ಷತೆ: ಗ್ಯಾರಂಟಿ ಯೋಜನೆಗಳು ಕೇವಲ ಕರ್ನಾಟಕದ ಜನರಿಗೆ ತಲುಪುವುದನ್ನು ಖಚಿತಪಡಿಸಿಕೊಳ್ಳಲು ಹಾಗೂ ಸೋರಿಕೆ ತಡೆಯಲು ವಾರ್ಡ್ ಮಟ್ಟದಲ್ಲಿ ಗ್ಯಾರಂಟಿ ಸಮಿತಿ ರಚನೆ.

ಕೇಂದ್ರದೊಂದಿಗಿನ ಸಂಬಂಧ ಹಾಗೂ ರಾಜಕೀಯ ಸೌಹಾರ್ದತೆ:

ಕೇಂದ್ರದ ಭೇಟಿ ಮತ್ತು ಬೇಡಿಕೆಗಳು: ಪ್ರಧಾನಿ ನರೇಂದ್ರ ಮೋದಿ, ಅಮಿತ್ ಶಾ ಹಾಗೂ ಕೇಂದ್ರ ಸಚಿವರನ್ನು ಭೇಟಿಯಾಗಿ ಮೆಟ್ರೋ, RRTS ರೈಲು ಮತ್ತು ನೀರಾವರಿ ಯೋಜನೆಗಳಿಗೆ ವಿಶೇಷ ಅನುದಾನದ ಚರ್ಚೆ.

ದೆಹಲಿಯಲ್ಲಿ ಅಧಿಕಾರಿಗಳ ಪಡೆ: ರಾಜ್ಯದ ಹಿತ ಕಾಯಲು ದೆಹಲಿಯಲ್ಲಿರುವ ಐಎಎಸ್, ಐಪಿಎಸ್ ಹಾಗೂ ನಿವೃತ್ತ ಅಧಿಕಾರಿಗಳ ತಂಡ ರಚನೆ.

ಕಾವೇರಿ ಜಲ ವಿವಾದ: ಕಾವೇರಿ ವಿಚಾರದಲ್ಲಿ ತಮಿಳುನಾಡು ಸಿಎಂ ಜೊತೆ ಸಮಾಲೋಚನೆ ನಡೆಸಲು ಸಿದ್ಧತೆ ಹಾಗೂ ಸರ್ವಪಕ್ಷ ಸಭೆ.

ಇತರ ಪ್ರಮುಖ ನಿರ್ಧಾರಗಳು

ಪುಸ್ತಕ ಪ್ರೇಮಿ ಅಂಕೇಗೌಡರಿಗೆ ನೆರವು: ಸಾಹಿತ್ಯ ಸಂರಕ್ಷಣೆಗೆ ₹೫ ಕೋಟಿ ಅನುದಾನ ಹಾಗೂ ೨ ಎಕರೆ ಜಾಗ ಮಂಜೂರು.

ಬಡವರ ವಸತಿ: ನಿವೇಶನ ಬದಲು ಮನೆಗಳನ್ನೇ ನಿರ್ಮಿಸಿ ಬೇಗ ವಿತರಿಸಲು ಅಧಿಕಾರಿಗಳಿಗೆ ಖಡಕ್ ನಿರ್ದೇಶನ.

ಕಾವೇರಿ ನದಿ ಪಾತ್ರ: ಕರ್ನಾಟಕ, ತೆಲಂಗಾಣ ಮತ್ತು ಆಂಧ್ರಪ್ರದೇಶ ಸಿಎಂಗಳು ಒಗ್ಗಟ್ಟಾಗಿ ಸೇರಿ ಕಾವೇರಿ-ಕೃಷ್ಣಾ ಪಾತ್ರದ ಬೆಳೆ ಹಾಗೂ ರೈತರ ರಕ್ಷಣೆಗೆ ಒಮ್ಮತದ ನಿರ್ಧಾರ.

ಪ್ರವಾಸೋದ್ಯಮ: ಕರಾವಳಿ ಭಾಗದಲ್ಲಿ ಸಫಾರಿ, ಜಲಸಾಹಸ ಮತ್ತು ಪ್ರವಾಸೋದ್ಯಮ ಉತ್ತೇಜನಕ್ಕೆ ಯೋಜನೆ.

ಆಡಳಿತ, ಪರಿಹಾರ ಮತ್ತು ರಾಜಕೀಯ ಸಮಗ್ರತೆ:

ಕಾವೇರಿ ನೀರು ಹಂಚಿಕೆ: ತಮಿಳುನಾಡಿಗೆ ಕಾವೇರಿ ನೀರು ಹರಿಸುವ ವಿಚಾರದಲ್ಲಿ ಸರ್ವಪಕ್ಷ ಸಭೆ ನಡೆಸಿ, ಎಲ್ಲ ವಿಪಕ್ಷಗಳ ವಿಶ್ವಾಸ ಹಾಗೂ ಅಭಿಪ್ರಾಯ ಸಂಗ್ರಹ.

ಅತಿವೃಷ್ಟಿ-ಅನಾವೃಷ್ಟಿ ವೀಕ್ಷಣೆ: ರಾಜ್ಯದ ಎಲ್ಲಾ ಸಚಿವರು ತಮ್ಮ ಉಸ್ತುವಾರಿ ಜಿಲ್ಲೆಗಳಿಗೆ ತೆರಳಿ ಪರಿಸ್ಥಿತಿ ವೀಕ್ಷಿಸಲು ಮತ್ತು ಪರಿಹಾರ ಕಾರ್ಯ ಚುರುಕುಗೊಳಿಸಲು ಸೂಚನೆ.

ರೈತರು ಹಾಗೂ ವಿದ್ಯಾರ್ಥಿಗಳ ಸಮಸ್ಯೆ ಬಗೆಹರಿಕೆ:

ಪ್ರತಿಭಟನಾ ನಿರತ ಕೃಷಿ ಪದವೀಧರರ ಸಮಸ್ಯೆ ಆಲಿಕೆ.

ಕೃಷಿ ಅಧಿಕಾರಿ ನೇಮಕಾತಿಯಲ್ಲಿ ಉದ್ಭವಿಸಿರುವ ಗೊಂದಲ ಬಗೆಹರಿಸಲು ಅಧಿಕಾರಿಗಳಿಗೆ ಸ್ಪಷ್ಟ ನಿರ್ದೇಶನ.

ವಿದ್ಯಾರ್ಥಿಗಳ ಮನವಿಗೆ ಸ್ಪಂದಿಸಿ ಪರೀಕ್ಷೆಗಳನ್ನು ಮುಂದೂಡಲು ನಿರ್ಧಾರ.

ಸರ್ಕಾರಿ ನೌಕರರ ಜೊತೆ ಸಂವಾದ: ರಾಜ್ಯದ ಎಲ್ಲಾ ಸರ್ಕಾರಿ ನೌಕರರೊಂದಿಗೆ ಚರ್ಚಿಸಿ ಬರ ನಿರ್ವಹಣೆ ಹಾಗೂ ಸರ್ಕಾರದ ಯೋಜನೆಗಳ ಅನುಷ್ಠಾನಕ್ಕೆ ಬಲ ನೀಡಿಕೆ.

‘ಟೀಮ್ ಕರ್ನಾಟಕ’ ಕರೆ:

“224 ಶಾಸಕರೂ ನನಗೆ ಒಂದೇ; ಸದನದ ಹೊರಗೆ ರಾಜಕೀಯ ಮಾಡೋಣ, ಸದನದ ಒಳಗೆ ಒಟ್ಟಾಗಿ ಜನರಿಗಾಗಿ ಕೆಲಸ ಮಾಡೋಣ” ಎಂದು ವಿಪಕ್ಷಗಳಿಗೆ ಕರೆ.

“ಅಧಿಕಾರವನ್ನು ಯಾರ ವಿರುದ್ಧವೂ ಬಳಸುವುದಿಲ್ಲ, ಸಮಾಜದ ಕಟ್ಟಕಡೆಯ ವ್ಯಕ್ತಿಗೂ ಅನುಕೂಲವಾಗುವಂತೆ ಆಡಳಿತ ನಡೆಸುವೆ” ಎಂದು ಸಿಎಂ ಅಭಯ.

ಸ್ವಾತಂತ್ರ್ಯ ದಿನಾಚರಣೆಯ ಅಭಿವೃದ್ಧಿ ನೀಲನಕ್ಷೆ:

3 ಟ್ರಿಲಿಯನ್ ಆರ್ಥಿಕತೆ: 2047ರ ವೇಳೆಗೆ ಕರ್ನಾಟಕದ ಆರ್ಥಿಕತೆಯನ್ನು 3 ಟ್ರಿಲಿಯನ್ ಡಾಲರ್‌ಗೆ ಏರಿಸುವ ಬೃಹತ್ ಗುರಿ.

ಕೃಷಿ ಕ್ಷೇತ್ರದ ತಂತ್ರಜ್ಞಾನ (‘ಮುಖ್ಯಮಂತ್ರಿ ರೈತ ಚೈತನ್ಯ’):

ಡ್ರೋನ್ ಹಾಗೂ ಉಪಗ್ರಹಗಳ ಮೂಲಕ ಬೆಳೆ ಸಮೀಕ್ಷೆ ಮತ್ತು ನೈಜ ಸಮಯದ ಮಾಹಿತಿ ಲಭ್ಯತೆ.

‘ರೈತ ಮಿತ್ರ’ ಕಾರ್ಯಕ್ರಮ: 3 ಎಕರೆ ಅಥವಾ ಅದಕ್ಕಿಂತ ಕಡಿಮೆ ಭೂಮಿ ಹೊಂದಿರುವ ಸಣ್ಣ ರೈತರಿಗೆ ಕೃಷಿ ಯಂತ್ರೋಪಕರಣಗಳ ಬಾಡಿಗೆ ಶುಲ್ಕದಲ್ಲಿ 50% ಸಹಾಯಧನ.

ಉದ್ಯೋಗ ಸೃಷ್ಟಿ ಹಾಗೂ ಹೂಡಿಕೆ:

‘ಮುಖ್ಯಮಂತ್ರಿ ಉದ್ಯೋಗ ಸಂಕಲ್ಪ’: ಹಿಂದುಳಿದ ಜಿಲ್ಲೆಗಳಲ್ಲಿ ‘ಉದ್ಯೋಗ ನಿಧಿ’ ಮೂಲಕ ಪ್ರೋತ್ಸಾಹ.

ಹೊಸ ಉದ್ಯೋಗ ಸೃಷ್ಟಿಸುವ ಸಂಸ್ಥೆಗಳಿಗೆ ಪ್ರತಿ ಉದ್ಯೋಗಕ್ಕೆ ತಿಂಗಳಿಗೆ ₹೨,೫೦೦ ಪ್ರೋತ್ಸಾಹಧನ.

ಮುಂದಿನ 2 ವರ್ಷಗಳಲ್ಲಿ 1 ಲಕ್ಷ ಹೊಸ ಉದ್ಯೋಗಗಳ ಸೃಷ್ಟಿಯ ಗುರಿ.

ದೊಡ್ಡಬಳ್ಳಾಪುರ: 20 ಸಾವಿರ ಕೋಟಿ ರೂ. ಹೂಡಿಕೆಯಲ್ಲಿ ‘ಅಡ್ವಾನ್ಸ್ಡ್ ಮ್ಯಾನುಫ್ಯಾಕ್ಚರಿಂಗ್ ಕ್ಲಸ್ಟರ್’ ಸ್ಥಾಪನೆ, 1 ಲಕ್ಷ ಉದ್ಯೋಗ ಸೃಷ್ಟಿ.

ಶಿಕ್ಷಣ ಮತ್ತು ಮೀಸಲಾತಿ (‘ಸಹಾಯ ಹಸ್ತ’):

ಗ್ರಾಮೀಣ ಸರ್ಕಾರಿ ಶಾಲಾ ವಿದ್ಯಾರ್ಥಿಗಳಿಗೆ ವೃತ್ತಿಪರ ಕೋರ್ಸ್‌ಗಳಲ್ಲಿ 7.5% ಮೀಸಲಾತಿ.

ನಗರ ಮೂಲಸೌಕರ್ಯ: ರಾಜ್ಯದ ಪ್ರತಿಯೊಂದು ಪಟ್ಟಣ ಮತ್ತು ನಗರಗಳಲ್ಲಿ ರಿಂಗ್ ರಸ್ತೆ ಹಾಗೂ ‘ಮೊಬಿಲಿಟಿ ಗ್ರಿಡ್’ ಅಭಿವೃದ್ಧಿ.

ತಂತ್ರಜ್ಞಾನ, AI ಹಾಗೂ ಜಾಗತಿಕ ಸಹಭಾಗಿತ್ವ

ಆಂಥ್ರೋಪಿಕ್ AI ಸಹಭಾಗಿತ್ವ: ಆಡಳಿತ ಕೌಶಲ್ಯಾಭಿವೃದ್ಧಿ ಹಾಗೂ ಡೀಪ್ ಟೆಕ್ ಪ್ರಗತಿಗಾಗಿ ಕರ್ನಾಟಕ ಸರ್ಕಾರ ಮತ್ತು ಕೃತಕ ಬುದ್ಧಿಮತ್ತೆಯ ಜಾಗತಿಕ ಸಂಸ್ಥೆ ‘ಆಂಥ್ರೋಪಿಕ್’ ನಡುವೆ ಐತಿಹಾಸಿಕ ಒಪ್ಪಂದ.

ಶಾಲೆಗಳಲ್ಲಿ AI ಶಿಕ್ಷಣ: 6ನೇ ತರಗತಿಯಿಂದಲೇ ಎಲ್ಲಾ ಶಾಲೆಗಳಲ್ಲಿ AI ಶಿಕ್ಷಣ ಪರಿಚಯ.

ಶೈಕ್ಷಣಿಕ ಅಭಿಯಾನ: ‘AI ಅಕ್ಷರ ಅಭಿಯಾನ’ ಮತ್ತು ‘ಕೋಡಿಂಗ್ ಗುರುಕುಲ’ ಕಾರ್ಯಕ್ರಮಗಳ ಚಾಲನೆ.

AI ಹಬ್‌ಗಳು ಮತ್ತು ಗ್ಲೋಬಲ್ ಸೆಂಟರ್‌ಗಳು:

ರಾಜ್ಯದ ವಿವಿಧ ಭಾಗಗಳಲ್ಲಿ ‘AI ಹಬ್’ಗಳ ಸ್ಥಾಪನೆ.

‘ಬಿಯಾಂಡ್ ಬೆಂಗಳೂರು’ ಯೋಜನೆ ಅಡಿಯಲ್ಲಿ 5 ಜಾಗತಿಕ ತಂತ್ರಜ್ಞಾನ ಕೇಂದ್ರಗಳ ಸ್ಥಾಪನೆ.

ಇದನ್ನೂ ಓದಿ: ಸಿಎಂ ಡಿ.ಕೆ. ಶಿವಕುಮಾರ್ ಸರ್ಕಾರಕ್ಕೆ 100 ದಿನದ ಸಂಭ್ರಮ: ನಾಳೆ ವಿಧಾನಸೌಧದಲ್ಲಿ ಗ್ಯಾರಂಟಿ ಫಲಾನುಭವಿಗಳೊಂದಿಗೆ ಸಂವಾದ

ಸಾಮಾಜಿಕ ನ್ಯಾಯ, ಆಡಳಿತ ಮತ್ತು ನಗರಾಭಿವೃದ್ಧಿ

ಲಾಲ್ ಬಾಗ್ ಮಾದರಿ ಉದ್ಯಾನವನಗಳು: ಬೆಂಗಳೂರಿನ ಹಸಿರು ವಲಯ ವಿಸ್ತರಣೆಗೆ ಲಾಲ್ ಬಾಗ್ ಮಾದರಿಯ 3 ಹೊಸ ಬೃಹತ್ ಉದ್ಯಾನವನಗಳ ನಿರ್ಮಾಣ.

ಸಾಮಾಜಿಕ ಮತ್ತು ಆರ್ಥಿಕ ಸಮೀಕ್ಷೆ: ಸಾಮಾಜಿಕ ನ್ಯಾಯ ಒದಗಿಸಲು ಬದ್ಧತೆ ವ್ಯಕ್ತಪಡಿಸಿ ಹಿಂದುಳಿದ ವರ್ಗಗಳ ಸಮೀಕ್ಷೆ ಜಾರಿಗೆ ತೀರ್ಮಾನ.

CSR ನಿಧಿ ಉಸ್ತುವಾರಿಗೆ IAS ಅಧಿಕಾರಿ: ರಾಜ್ಯಕ್ಕೆ ಹರಿದುಬರುವ ಸಿಎಸ್ ಆರ್ ನಿಧಿಯ ಸರಿಯಾದ ಬಳಕೆ ಮತ್ತು ಉಸ್ತುವಾರಿಗೆ ಪ್ರತ್ಯೇಕ ಐಎಎಸ್ ಅಧಿಕಾರಿಯ ನೇಮಕ.

ಅಮೆರಿಕ ರಾಯಭಾರಿ ಭೇಟಿ: ಅಮೆರಿಕ ರಾಯಭಾರಿ ಸೆರ್ಗಿಯೋ ಗೊರ್ ಅವರೊಂದಿಗೆ ಸಮಾಲೋಚನೆ ನಡೆಸಿದ್ದು, ಬೆಂಗಳೂರಿನಲ್ಲಿ ಅಮೆರಿಕದ ಶಾಶ್ವತ ರಾಯಭಾರಿ ಕಚೇರಿ ಸ್ಥಾಪನೆಗೆ ಮನವಿ.

ಬಿಡದಿ ಟೌನ್‌ಶಿಪ್ ಪರಿಶೀಲನಾ ಸಮಿತಿ: ಬಿಡದಿ ಯೋಜನೆ ವಿವಾದ/ಅಭಿಪ್ರಾಯಗಳ ಪರಿಶೀಲನೆಗೆ ನ್ಯಾ. ಗುಹನಾಥನ್ ನರೇಂದರ್ ನೇತೃತ್ವದ ಸಮಿತಿ ರಚನೆ, 30 ದಿನಗಳಲ್ಲಿ ವರದಿ ಸಲ್ಲಿಸಲು ಸೂಚನೆ.

ಮಾಲೂರು ಅಭಿವೃದ್ಧಿ: ಮಾಲೂರು ಕ್ಷೇತ್ರದಲ್ಲಿ 3,200 ಕೋಟಿ ಮೊತ್ತದ ವಿವಿಧ ಇಲಾಖೆಗಳ ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ.

ಅಲೆಮಾರಿ ಮತ್ತು ಆದಿವಾಸಿ ಆಯೋಗ: ಅಲೆಮಾರಿ ಮತ್ತು ಆದಿವಾಸಿ ಸಮುದಾಯಗಳ ಕ್ಷೇಮಾಭಿವೃದ್ಧಿಗಾಗಿ ಪ್ರತ್ಯೇಕ ಆಯೋಗ ರಚನೆ ಮಾಡಿ ಕೇವಲ 3 ದಿನಗಳಲ್ಲಿ ಅಧಿಕೃತ ಆದೇಶ ಹೊರಡಿಸುವಿಕೆ.

ರಾಜ್ಯದ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 11:19 am, Wed, 9 September 26