ಭಾರವಾದ ಶಾಲಾ ಬ್ಯಾಗ್​​​ಗಳು ಮಗುವಿನ ಆರೋಗ್ಯದ ಮೇಲೆ ಪರಿಣಾಮ ಬೀರಬಹುದು

ಈ ಸ್ಪರ್ಧಾತ್ಮಕ ಜಗತ್ತಿನಲ್ಲಿ ಪೋಷಕರ ಮಹತ್ವಾಕಾಂಕ್ಷೆ ಮಾತ್ರವಲ್ಲದೆ ಮಕ್ಕಳ ಮೇಲೆ ಭಾರವಾದ ಶಾಲಾ ಬ್ಯಾಗ್​​​ಗಳ ಹೊರೆಯೂ ನಿರಂತರವಾಗಿ ಹೆಚ್ಚುತ್ತಿದೆ. ಇದರಿಂದ ಮಕ್ಕಳು ಶಾಲೆಯಿಂದ ಮನೆಗೆ ಬಂದ ಕೂಡಲೇ ಸುಸ್ತಾಗಿ ನಿದ್ದೆಗೆ ಜಾರುತ್ತಾರೆ. ಅಲ್ಲದೆ ಭಾರವಾದ ಶಾಲಾ ಬ್ಯಾಗ್​​​ಗಳ ಹೊರೆ, ಮಕ್ಕಳ ಆರೋಗ್ಯದ ಮೇಲೆ ಋಣಾತ್ಮಕ ಪರಿಣಾಮ ಬೀರುತ್ತದೆ. ತಜ್ಞರ ಪ್ರಕಾರ ಭಾರವಾದ ಶಾಲಾ ಚೀಲಗಳನ್ನು ಹೊತ್ತೊಯ್ಯುವುದು ಮಕ್ಕಳ ಆರೋಗ್ಯದ ಮೇಲೆ ಆಳವಾದ ಪರಿಣಾಮ ಬೀರುತ್ತದೆ. ಅಲ್ಲದೆ ಇದು ಮಕ್ಕಳಲ್ಲಿ ಒತ್ತಡದ ಸಮಸ್ಯೆಯನ್ನು ಹೆಚ್ಚಿಸಬಹುದು. ವೈದ್ಯರ ಪ್ರಕಾರ, ದಿನನಿತ್ಯ ಭಾರವಾದ ಶಾಲಾ ಬ್ಯಾಗ್​​​ಗಳನ್ನು ಹೊರುವುದರಿಂದ ಮಕ್ಕಳಲ್ಲಿ ಸ್ಪಾಂಡಿಲೈಟಿಸ್, ಬಾಗಿದ ಬೆನ್ನು ಮತ್ತು ಅನೇಕ ರೀತಿಯ ಬೆನ್ನಿಗೆ ಸಂಬಂಧಿಸಿದ ಸಮಸ್ಯೆಗಳು ಉಂಟಾಗಲು ಕಾರಣವಾಗಬಹುದು. ವೈದ್ಯಕೀಯ ವಿಜ್ಞಾನದ ಪ್ರಕಾರ ಮಗುವಿನ ತೂಕದ ಶೇಕಡಾ 10 ರಷ್ಟು ಮಾತ್ರ ಮಕ್ಕಳು ಬ್ಯಾಗ್​​​ಗಳನ್ನು ಹೊರಬೇಕು. ಇದಕ್ಕಿಂತ ಹೆಚ್ಚಿನ ತೂಕವನ್ನು ಹೊತ್ತುಕೊಂಡರೆ ಅದು ಮಕ್ಕಳ ಎತ್ತರದ ಬೆಳವಣಿಗೆಯ ಮೇಲೆ ಕೆಟ್ಟ ಪರಿಣಾಮ ಬೀರುವುದರ ಜೊತೆಗೆ ತೋಳು, ಕಾಲು, ಭುಜಗಳಲ್ಲಿ ನೋವು ಕಾಣಿಸಿಕೊಳ್ಳುವ ಸಾಧ್ಯತೆಯಿರುತ್ತದೆ.

ಯಾವ ವಯಸ್ಸಿನ ಮಗುವಿಗೆ ಶಾಲಾ ಬ್ಯಾಗ್ ತೂಕ ಎಷ್ಟಿರಬೇಕು:

• 5 ವರ್ಷ ವಯಸ್ಸಿನ ಮಗು 1 ಕೆಜಿ

• 6 ವರ್ಷ ವಯಸ್ಸಿನ ಮಗು 2 ಕೆಜೆಗಿಂತ ಕಡಿಮೆ

• 7 ವರ್ಷ ವಯಸ್ಸಿನ ಮಗು 2 ಕೆಜಿ

• 8 ವರ್ಷ ವಯಸ್ಸಿನ ಮಗು 2.5 ಕೆಜಿ

• 9 ವರ್ಷ ವಯಸ್ಸಿನ ಮಗು 2.5 ಕೆಜಿಗಿಂತ ಹೆಚ್ಚು 3 ಕೆಜಿಗಿಂತ ಕಡಿಮೆ

• 10 ವರ್ಷ ವಯಸ್ಸಿನ ಮಗು 3 ಕೆಜಿ

• 11 ರಿಂದ 12 ವರ್ಷ ವಯಸ್ಸಿನ ಮಗು 4 ಕೆಜಿ ಗಿಂತ ಕಡಿಮೆ

ಭಾರವಾದ ಶಾಲಾ ಬ್ಯಾಗ್ ಗಳನ್ನು ಹೊರುವುದರಿಂದ ಆಗುವ ಅನಾನುಕೂಲಗಳು:

ಬೆನ್ನು ನೋವು:

ಭಾರವಾದ ಶಾಲಾ ಬ್ಯಾಗ್​​ಗಳ ಹೊರೆಯಿಂದ ಮಕ್ಕಳ ಬೆನ್ನು ಬಾಗಬಹುದು ಮತ್ತು ವಕ್ರವಾಗುವ ಸಾಧ್ಯತೆ ಇದೆ.  ಇದರಿಂದಾಗಿ ಮಗು ಮುಂದಕ್ಕೆ ವಾಲಲು ಪ್ರಾರಂಭಿಸುತ್ತದೆ. ಮಕ್ಕಳಲ್ಲಿ ಬೆನ್ನು ನೋವಿನ ಸಮಸ್ಯೆಯೂ ಕಾಣಿಸಿಕೊಳ್ಳಬಹುದು.

ಒತ್ತಡ:

ಮನಶಾಸ್ತ್ರಜ್ಞರ ಪ್ರಕಾರ ಈ ಬ್ಯಾಗಿನ ಭಾರ ಹೊರುವುದು ಮಕ್ಕಳ ಮಾನಸಿಕ ಆರೋಗ್ಯವು ಕೂಡ ಕುಂಠಿತವಾಗಬಹುದು. ಭಾರವಾದ ಬ್ಯಾಗ್​​ನ ಹೊರೆ ಮಕ್ಕಳಲ್ಲಿ ಒತ್ತಡವನ್ನು ಉಂಟುಮಾಡಬಹುದು.

ಇದನ್ನೂ ಓದಿ: ಬೆಳಗ್ಗಿನ ಉಪಹಾರಕ್ಕೆ ತಯಾರಿಸಿ ಆರೋಗ್ಯಕರ ಸೋಯಾ ಪ್ಯಾನ್ ಕೇಕ್

ಭುಜ ನೋವು:

ಇದರಿಂದ  ಮಗುವಿನ ಭುಜಗಳಲ್ಲಿ ನೋವು ಉಂಟಾಗುತ್ತದೆ. ಅನೇಕ ಬಾರಿ ಈ ನೋವನ್ನು ತಾಳಲಾರದೆ ಮಕ್ಕಳು ಬ್ಯಾಗ್​​ಗಳನ್ನು ಒಂದು ಭುಜದಿಂದ ಇನ್ನೊಂದು ಭುಜಕ್ಕೆ ಪರ್ಯಾಯವಾಗಿ ನೇತು ಹಾಕುತ್ತಾರೆ.

ಸ್ಪಾಂಡಿಲೈಟಿಸ್ ಸಮಸ್ಯೆ:

ಇನ್ನು ಈ ಭಾರ ಹೊರುವುದರಿಂದ ಅವರಲ್ಲಿ ಸ್ಪಾಂಡಿಲೈಟಿಸ್ ಮತ್ತು ಸ್ಕೋಲಿಯೋಸಿಸ್ ಸಮಸ್ಯೆ ಕಾಣಿಸಿಕೊಳ್ಳುವ ಸಾಧ್ಯತೆಯಿರುತ್ತದೆ.

ಈ ವಿಷಯಗಳು ನೆನಪಿರಲಿ

• ಮಗು ತನ್ನ ಶಾಲಾ ಬ್ಯಾಗ್ ನಲ್ಲಿ ಆಯಾ ದಿನಕ್ಕೆ ಅಗತ್ಯವಿರುವ ವಸ್ತು ಹಾಗೂ ಪುಸ್ತಕಗಳನ್ನು ಮಾತ್ರ ತೆಗೆದುಕೊಂಡು ಹೋಗುವಂತೆ ನೋಡಿಕೊಳ್ಳಿ.

• ಮಕ್ಕಳಿಗೆ ಬಾಲ್ಯದಿಂದಲೇ ವ್ಯಾಯಾಮ ಮತ್ತು ಯೋಗದ ಅಭ್ಯಾಸವನ್ನು ರೂಢಿಸಿಕೊಳ್ಳಿ.

• ಶಾಲಾಬ್ಯಾಗ್ ಗಳನ್ನು ಖರೀದಿಸುವಾಗ ಯಾವಾಗಲೂ ಭುಜದ ಪಟ್ಟಿಗಳು ಮತ್ತು ಪ್ಯಾಡ್ ಗಳನ್ನು ಹೊಂದಿರುವ ಬ್ಯಾಗ್ ಗಳನ್ನು ಖರೀದಿಸಿ. ಇದು ಕುತ್ತಿಗೆ ಮತ್ತ ಭುಜದ ಮೇಲಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ.

ಆರೋಗ್ಯ ಕುರಿತಾದ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 3:34 pm, Fri, 18 August 23