Kannada News Photo gallery Priyanka Upendra starrer Ugravathara movie completes 25 Days Entertainment News in Kannada mdn
ಪ್ರಿಯಾಂಕಾ ಉಪೇಂದ್ರ ನಟನೆಯ ‘ಉಗ್ರಾವತಾರ’ ಸಿನಿಮಾಗೆ 25 ದಿನಗಳ ಸಂಭ್ರಮ
‘ಉಗ್ರಾವತಾರ’ ಸಿನಿಮಾ ನವೆಂಬರ್ 1ರಂದು ರಿಲೀಸ್ ಆಗಿತ್ತು. ಪ್ರಿಯಾಂಕಾ ಉಪೇಂದ್ರ ಅಭಿನಯದ ಈ ಸಿನಿಮಾ 25 ದಿನಗಳನ್ನು ಪೂರೈಸಿರುವುದು ತಂಡದ ಸಂತಸಕ್ಕೆ ಕಾರಣ ಆಗಿದೆ. ಈ ಸಂಭ್ರಮದಲ್ಲಿ ಸಕ್ಸಸ್ ಮೀಟ್ ಮಾಡಿದ್ದಾರೆ. ಪ್ರಿಯಾಂಕಾ ಉಪೇಂದ್ರ, ನಿರ್ದೇಶಕ ಗುರುಮೂರ್ತಿ, ನಿರ್ಮಾಪಕ ಸತೀಶ್ ಹಾಗೂ ಚಿತ್ರತಂಡದವರು ಭಾಗಿ ಆಗಿದ್ದರು.
ನಟಿ ಪ್ರಿಯಾಂಕಾ ಉಪೇಂದ್ರ ಅವರು ಮುಖ್ಯ ಭೂಮಿಕೆ ನಿಭಾಯಿಸಿರುವ ‘ಉಗ್ರಾವತಾರ’ ಸಿನಿಮಾ ಯಶಸ್ವಿ ಆಗಿದೆ. ನವೆಂಬರ್ 1ರಂದು ಈ ಸಿನಿಮಾ ಬಿಡುಗಡೆ ಆಗಿತ್ತು. ಈಗ ಯಶಸ್ವಿಯಾಗಿ 25 ದಿನಗಳನ್ನು ಪೂರೈಸಿದ್ದು, ಚಿತ್ರತಂಡದವರು ಸಂಭ್ರಮಿಸಿದ್ದಾರೆ. ಇದೇ ಖುಷಿಯಲ್ಲಿ ಎಲ್ಲರಿಗೂ ನೆನಪಿನ ಕಾಣಿಕೆ ನೀಡಲಾಗಿದೆ.
1 / 5
‘ಉಗ್ರಾವತಾರ’ ಸಿನಿಮಾದ ನಿರ್ಮಾಪಕ ಸತೀಶ್ ಹಾಗೂ ನಿರ್ದೇಶಕ ಗುರುಮೂರ್ತಿ ಅವರು ಸಕ್ಸಸ್ ಮೀಟ್ ಆಯೋಜಿಸಿ ಮಾತನಾಡಿದರು. ‘ಪ್ರಿಯಾಂಕಾ ಉಪೇಂದ್ರ ಅವರ ಡೆಡಿಕೇಶನ್ ಹಾಗೂ ಶ್ರಮದಿಂದ ಈ ಗೆಲುವು ಸಿಕ್ಕಿದೆ. ಎಲ್ಲಾ ಕಡೆಗಳಲ್ಲಿ ಚೆನ್ನಾಗಿ ಓಡುತ್ತಿದೆ’ ಎಂದು ನಿರ್ದೇಶಕ ಗುರುಮೂರ್ತಿ ಹೇಳಿದ್ದಾರೆ.
2 / 5
ಸಕ್ಸಸ್ ಮೀಟ್ನಲ್ಲಿ ಪ್ರಿಯಾಂಕಾ ಉಪೇಂದ್ರ ಮಾತನಾಡಿ, ‘ಇದು ನನ್ನ ಜೀವನದಲ್ಲಿ ಮೈಲಿಗಲ್ಲು ಎನ್ನಬಹುದು. ಸಾಹಸಮಯ ಪಾತ್ರ ನನಗೆ ಸೂಟ್ ಆಗುವುದಿಲ್ಲ ಎಂದು ಎಲ್ಲರೂ ಹೇಳಿದ್ದರು. ಆದರೆ ಆಗೋಲ್ಲ ಎಂದಿದ್ದನ್ನು ಮಾಡಬೇಕೆಂದು ಬಯಸುತ್ತೇನೆ ನಾನು. ಇದರ ಕ್ರೆಡಿಟ್ ಸಂಪೂರ್ಣ ತಂಡಕ್ಕೆ ಸಲ್ಲಬೇಕು’ ಎಂದರು.
3 / 5
‘ಮುಖ್ಯವಾಗಿ ಮಾಧ್ಯಮದ ಸಹಕಾರ ಮರೆಯಲಾಗದು. ಮಹಿಳಾ ಪ್ರಧಾನ ಸಿನಿಮಾಗಳು ಇತ್ತೀಚಿನ ದಿನಗಳಲ್ಲಿ ಕಡಿಮೆ ಆಗಿದೆ. ಅಂಥದ್ದರಲ್ಲಿ ಉಗ್ರಾವತಾರ ಸಿನಿಮಾ 25 ದಿನಕ್ಕೆ ಕಾಲಿಟ್ಟಿರುವುದು ಹೆಮ್ಮೆಯ ಸಂಗತಿ. ಮುಂದೆಯೂ ಒಳ್ಳೆಯ ಕಥೆ, ಸಂದೇಶವಿರುವ ಸಿನಿಮಾಗಳಲ್ಲಿ ನಟಿಸಲು ಪ್ರಯತ್ನಿಸುತ್ತೇನೆ’ ಎಂದರು ಪ್ರಿಯಾಂಕಾ.
