Team India: ಟೀಮ್ ಇಂಡಿಯಾ ಆಟಗಾರರ ಕೇಂದ್ರ ಒಪ್ಪಂದ ಪಟ್ಟಿ ಪ್ರಕಟ

ಭಾರತೀಯ ಕ್ರಿಕೆಟ್ ಮಂಡಳಿ (BCCI) ಟೀಮ್ ಇಂಡಿಯಾ (Team India) ಆಟಗಾರರ ಜೊತೆಗಿನ ವಾರ್ಷಿಕ ಕೇಂದ್ರ ಗುತ್ತಿಗೆ ಒಪ್ಪಂದ ಪಟ್ಟಿಯನ್ನು ಪ್ರಕಟಿಸಿದೆ. ಹೊಸ ಒಪ್ಪಂದದಲ್ಲಿ ಒಟ್ಟು 34 ಆಟಗಾರರು ಸ್ಥಾನ ಪಡೆದಿದ್ದಾರೆ. ಈ ಪಟ್ಟಿಯಲ್ಲಿ ಯುವ ವಿಕೆಟ್ ಕೀಪರ್ ಬ್ಯಾಟರ್ ಇಶಾನ್ ಕಿಶನ್ (Ishan Kishan) ಮತ್ತು ಶ್ರೇಯಸ್ ಅಯ್ಯರ್ (Shreyas Iyer) ಕೂಡ ಕಾಣಿಸಿಕೊಂಡಿದ್ದಾರೆ.  ಕಳೆದ ಸಾಲಿನ ಒಪ್ಪಂದದಿಂದ ಇಬ್ಬರನ್ನು ಕೈ ಬಿಡಲಾಗಿತ್ತು. ಇದೀಗ ನೂತನ ಒಪ್ಪಂದದಲ್ಲಿ ಶ್ರೇಯಸ್ ಅಯ್ಯರ್ ಹಾಗೂ ಇಶಾನ್ ಕಿಶನ್​ ಅವರನ್ನು ಸೇರ್ಪಡೆಗೊಳಿಸಲಾಗಿದೆ.

 34 ಆಟಗಾರರಿಗೆ ಸ್ಥಾನ:

ಕಳೆದ ಸಾಲಿನ ಬಿಸಿಸಿಐನ ಕೇಂದ್ರ ಒಪ್ಪಂದದಲ್ಲಿ 30 ಆಟಗಾರರಿಗೆ ಮಾತ್ರ ಸ್ಥಾನ ನೀಡಲಾಗಿತ್ತು. ಆದರೆ ಈ ಬಾರಿ ಈ ಸಂಖ್ಯೆಯನ್ನು 34 ಕ್ಕೆ ಏರಿಸಲಾಗಿದೆ. ಅಲ್ಲದೆ 34 ಆಟಗಾರರನ್ನು 4 ಶ್ರೇಣಿಗಳಾಗಿ ವಿಂಗಡಿಸಲಾಗಿದೆ.  ಇಲ್ಲಿ ಪ್ರತಿಯೊಬ್ಬ ಆಟಗಾರನಿಗೆ ಅವರ ದರ್ಜೆಗೆ ಅನುಗುಣವಾಗಿ ಬಿಸಿಸಿಐ ವಾರ್ಷಿಕ ಮೊತ್ತವನ್ನು ನೀಡಲಿದೆ.

ಇದನ್ನೂ ಓದಿ

PSL 2025: ಪಾಕಿಸ್ತಾನ್ ಸೂಪರ್ ಲೀಗ್​ನಲ್ಲಿ RCB ಮಾಜಿ ಆಟಗಾರರು

ಪ್ರಿಯಾಂಶ್ ಆರ್ಯನ ಆರ್ಭಟಕ್ಕೆ ವಿಶ್ವ ದಾಖಲೆಯೇ ಉಡೀಸ್

ಕ್ರಿಸ್​ ಗೇಲ್ ದಾಖಲೆ ಜಸ್ಟ್ ಮಿಸ್: ವಿಶ್ವ ದಾಖಲೆ ಬರೆದ ವಿರಾಟ್ ಕೊಹ್ಲಿ

ಉಲ್ಟಾ ಹೊಡೆದ RCB ಕಪ್ ಗೆಲ್ಲಬಾರದು ಎಂದಿದ್ದ ಅಂಬಾಟಿ ರಾಯುಡು

ಎ+ ಗ್ರೇಡ್​ನಲ್ಲಿರುವ ಆಟಗಾರರಿಗೆ ಗರಿಷ್ಠ 7 ಕೋಟಿ ರೂ. ನೀಡಲಾಗುತ್ತದೆ. ಹಾಗೆಯೇ ಎ ಗ್ರೇಡ್​ನ ಆಟಗಾರರು 5 ಕೋಟಿ ರೂ. ಮತ್ತು ಬಿ ಗ್ರೇಡ್ ಆಟಗಾರರಿಗೆ 3 ಕೋಟಿ ರೂ.  ನಿಗದಿ ಮಾಡಲಾಗಿದೆ. ಇನ್ನು ಸಿ ಗ್ರೇಡ್​ನಲ್ಲಿರುವ ಆಟಗಾರರು ವಾರ್ಷಿಕವಾಗಿ ತಲಾ 1 ಕೋಟಿ ರೂ. ಪಡೆಯಲಿದ್ದಾರೆ.

A+ ನಲ್ಲಿ 4 ಆಟಗಾರರಿಗೆ ಸ್ಥಾನ:

ಬಿಸಿಸಿಐ ಕೇಂದ್ರ ಒಪ್ಪಂದದ A+ ದರ್ಜೆಯಲ್ಲಿ ಒಟ್ಟು 4 ಆಟಗಾರರಿಗೆ ಸ್ಥಾನ ನೀಡಲಾಗಿದೆ. ಈ ನಾಲ್ವರು ಆಟಗಾರರಲ್ಲಿ ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತರಾಗಿರುವ ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿ ಇರುವುದು ವಿಶೇಷ. ಅದರಂತೆ ಬಿಸಿಸಿಐ ವಾರ್ಷಿಕ ಗುತ್ತಿಗೆ ಒಪ್ಪಂದ ಪಡೆದಿರುವ ಆಟಗಾರರ ಪಟ್ಟಿ ಈ ಕೆಳಗಿನಂತಿದೆ…

A+ ಗ್ರೇಡ್​ನಲ್ಲಿರುವ ಆಟಗಾರರು ( ವಾರ್ಷಿಕ ತಲಾ 7 ಕೋಟಿ ರೂ.):

• ವಿರಾಟ್ ಕೊಹ್ಲಿ
• ರೋಹಿತ್ ಶರ್ಮಾ
• ಜಸ್​ಪ್ರೀತ್ ಬುಮ್ರಾ
• ರವೀಂದ್ರ ಜಡೇಜಾ

A ಗ್ರೇಡ್​ನಲ್ಲಿರುವ ಆಟಗಾರರು ( ವಾರ್ಷಿಕ ತಲಾ 5 ಕೋಟಿ ರೂ.):

• ಮೊಹಮ್ಮದ್ ಸಿರಾಜ್
• ಕೆಎಲ್ ರಾಹುಲ್
• ಶುಭ್​ಮನ್ ಗಿಲ್
• ಹಾರ್ದಿಕ್ ಪಾಂಡ್ಯ
• ಮೊಹಮ್ಮದ್ ಶಮಿ
• ರಿಷಭ್ ಪಂತ್

B ಗ್ರೇಡ್​ನಲ್ಲಿರುವ ಆಟಗಾರರು ( ವಾರ್ಷಿಕ ತಲಾ 3 ಕೋಟಿ ರೂ.):

• ಶ್ರೇಯಸ್ ಅಯ್ಯರ್
• ಸೂರ್ಯಕುಮಾರ್ ಯಾದವ್
• ಅಕ್ಷರ್ ಪಟೇಲ್
• ಕುಲ್ದೀಪ್ ಯಾದವ್
• ಯಶಸ್ವಿ ಜೈಸ್ವಾಲ್.

ಇದನ್ನೂ ಓದಿ: VIDEO: RCB ಅಭಿಮಾನಿಗಳ ಗಮನಕ್ಕೆ: ನೀವು ಸುಳ್ಳಿಗೆ ಮರುಳಾಗಿದ್ದೀರಿ

C ಗ್ರೇಡ್​ನಲ್ಲಿರುವ ಆಟಗಾರರು ( ವಾರ್ಷಿಕ ತಲಾ 1 ಕೋಟಿ ರೂ.):

• • ಇಶಾನ್ ಕಿಶನ್
  • ರಿಂಕು ಸಿಂಗ್
  • ತಿಲಕ್ ವರ್ಮಾ
  • ರುತುರಾಜ್ ಗಾಯಕ್ವಾಡ್
  • ಶಿವಂ ದುಬೆ
  • ರವಿ ಬಿಷ್ಣೋಯ್
  • ವಾಷಿಂಗ್ಟನ್ ಸುಂದರ್
  • ಮುಖೇಶ್ ಕುಮಾರ್
  • ಸಂಜು ಸ್ಯಾಮ್ಸನ್
  • ಅರ್ಷದೀಪ್ ಸಿಂಗ್
  • ಪ್ರಸಿದ್ಧ್ ಕೃಷ್ಣ
  • ರಜತ್ ಪಾಟಿದಾರ್
  • ಧ್ರುವ್ ಜುರೆಲ್
  • ಸರ್ಫರಾಝ್ ಖಾನ್
  • ನಿತೀಶ್ ಕುಮಾರ್ ರೆಡ್ಡಿ
  • ಹರ್ಷಿತ್ ರಾಣಾ
  • ಅಭಿಷೇಕ್ ಶರ್ಮಾ
  • ಆಕಾಶ್ ದೀಪ್
  • ವರುಣ್ ಚಕ್ರವರ್ತಿ

ಆಟಗಾರರೊಂದಿಗೆ ಬಿಸಿಸಿಐ ಒಪ್ಪಂದ ಪಟ್ಟಿ:

🚨 𝗡𝗘𝗪𝗦 🚨

BCCI announces annual player retainership 2024-25 – Team India (Senior Men)#TeamIndia

Details 🔽https://t.co/lMjl2Ici3P pic.twitter.com/CsJHaLSeho

— BCCI (@BCCI) April 21, 2025

ಬಿಸಿಸಿಐ ಹಾಗೂ ಟೀಮ್ ಇಂಡಿಯಾ ಆಟಗಾರರ ನಡುವಣ ಈ ಕೇಂದ್ರ ಒಪ್ಪಂದವು ಅಕ್ಟೋಬರ್ 1, 2024 ರಿಂದ ಸೆಪ್ಟೆಂಬರ್ 30, 2025 ರವರೆಗೆ ಚಾಲ್ತಿಯಲ್ಲಿ ಇರಲಿದೆ. ಇದಾದ ಬಳಿಕ ಮತ್ತೆ ಒಪ್ಪಂದವನ್ನು ಪುನರ್​ ರೂಪಿಸಲಾಗುತ್ತದೆ.

Published On - 12:12 pm, Mon, 21 April 25