ಟೀಮ್ ಇಂಡಿಯಾ ಮುಂದಿದೆ 16 ಪ್ರಮುಖ ಟೂರ್ನಿಗಳು..!
Team India: ಟೀಮ್ ಇಂಡಿಯಾ ಮುಂದಿನ 7 ವರ್ಷಗಳಲ್ಲಿ 16 ಪ್ರಮುಖ ಟೂರ್ನಿಗಳನ್ನು ಆಡಲಿದೆ. ಈ ಟೂರ್ನಿಗಳಲ್ಲಿ ಎರಡು ಏಷ್ಯಾಕಪ್ ಹಾಗೂ ಒಂದು ಒಲಿಂಪಿಕ್ಸ್ ಕೂಡ ಇರುವುದು ವಿಶೇಷ. ಅಂದರೆ 2028 ರಲ್ಲಿ ನಡೆಯಲಿರುವ ಲಾಸ್ ಏಂಜಲೀಸ್ ಒಲಿಂಪಿಕ್ಸ್ನಲ್ಲಿ ಕ್ರಿಕೆಟ್ಗೂ ಅವಕಾಶ ನೀಡಲಾಗಿದೆ. ಭಾರತ ತಂಡವು ಮುಂದಿನ 7 ವರ್ಷಗಳಲ್ಲಿ ಆಡುವ ಪ್ರಮುಖ ಟೂರ್ನಿಗಳ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಏಷ್ಯನ್ ಕ್ರಿಕೆಟ್ ಕೌನ್ಸಿಲ್ (ACC) ಮುಂಬರುವ ಏಷ್ಯಾಕಪ್ (Asia Cup) ಟೂರ್ನಿಗಳ ಆತಿಥೇಯ ರಾಷ್ಟ್ರಗಳನ್ನು ಪ್ರಕಟಿಸಿದೆ. ಅದರಂತೆ ಏಷ್ಯಾಕಪ್ 2025 ಭಾರತದಲ್ಲಿ ನಡೆದರೆ, ಏಷ್ಯಾಕಪ್ 2027 ಬಾಂಗ್ಲಾದೇಶ್ನಲ್ಲಿ ಜರುಗಲಿದೆ. ವಿಶೇಷ ಎಂದರೆ 2026ರ ಟಿ20 ವಿಶ್ವಕಪ್ ಅನ್ನು ಮುಂದಿಟ್ಟುಕೊಂಡು 2025 ರಲ್ಲಿ ಟಿ20 ಏಷ್ಯಾಕಪ್ ಅನ್ನು ಆಯೋಜಿಸಲಾಗುತ್ತಿದೆ.
ಹಾಗೆಯೇ 2027ರ ಏಕದಿನ ವಿಶ್ವಕಪ್ಗೂ ಮುಂಚಿತವಾಗಿ 2027ರ ಏಷ್ಯಾಕ್ ಅನ್ನು ಏಕದಿನ ಮಾದರಿಯಲ್ಲಿ ನಡೆಸಲಾಗುತ್ತದೆ. ಈ ಎರಡು ಟೂರ್ನಿಗಳ ನಡುವೆ ಭಾರತ ಮತ್ತೊಂದಷ್ಟು ಪಂದ್ಯಾವಳಿಗಳನ್ನು ಆಡಲಿರುವುದು ವಿಶೇಷ.
ಅಂದರೆ ಮುಂದಿನ 7 ವರ್ಷಗಳಲ್ಲಿ ಟೀಮ್ ಇಂಡಿಯಾ 7 ಸೀಮಿತ ಓವರ್ಗಳ ಐಸಿಸಿ ಟೂರ್ನಿಗಳಲ್ಲಿ ಕಣಕ್ಕಿಳಿಯಲಿವೆ. ಇದರ ನಡುವೆ 4 ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಕೂಡ ಭಾರತದ ಮುಂದಿದೆ.
ಇದನ್ನೂ ಓದಿ: Virat Kohli: ವಿರಾಟ್ ಕೊಹ್ಲಿಯ ದಾಖಲೆ ಮುರಿದ ಬೆನ್ ಸ್ಟೋಕ್ಸ್
ಇದಲ್ಲದೆ ಏಷ್ಯನ್ ಗೇಮ್ಸ್ ಕ್ರಿಕೆಟ್, ಒಲಿಂಪಿಕ್ಸ್ ಕ್ರಿಕೆಟ್ ಪಂದ್ಯಾವಳಿಗಳು ಕೂಡ ಜರುಗಲಿದೆ. ಹೀಗಾಗಿ ಮುಂದಿನ 7 ವರ್ಷಗಳಲ್ಲಿ ಭಾರತ ತಂಡ ಬ್ಯಾಕ್ ಟು ಬ್ಯಾಕ್ ಪಂದ್ಯಗಳನ್ನಾಡಿರುವುದು ವಿಶೇಷ. ಹಾಗಿದ್ರೆ ಟೀಮ್ ಇಂಡಿಯಾ ಮುಂದಿರುವ ಪ್ರಮುಖ ಟೂರ್ನಿಗಳಾವುವು ಎಂದು ನೋಡೋಣ…
-
ಐಸಿಸಿ ಸೀಮಿತ ಓವರ್ಗಳ ಟೂರ್ನಿ:
| ವರ್ಷ | ಸ್ಥಳ | ಪಂದ್ಯಾವಳಿ |
| ಫೆಬ್ರವರಿ 2025 | ಪಾಕಿಸ್ತಾನ | ಚಾಂಪಿಯನ್ಸ್ ಟ್ರೋಫಿ |
| ಫೆಬ್ರವರಿ 2026 | ಭಾರತ – ಶ್ರೀಲಂಕಾ | ಟಿ20 ವಿಶ್ವಕಪ್ |
| ಅಕ್ಟೋಬರ್ 2027 | ಸೌತ್ ಆಫ್ರಿಕಾ, ಝಿಂಬಾಬ್ವೆ, ನಮೀಬಿಯಾ | ಏಕದಿನ ವಿಶ್ವಕಪ್ |
| ಅಕ್ಟೋಬರ್ 2028 | ಆಸ್ಟ್ರೇಲಿಯಾ – ನ್ಯೂಝಿಲೆಂಡ್ | ಟಿ20 ವಿಶ್ವಕಪ್ |
| ಅಕ್ಟೋಬರ್ 2029 | ಭಾರತ | ಚಾಂಪಿಯನ್ಸ್ ಟ್ರೋಫಿ |
| ಜೂನ್ 2030 | ಇಂಗ್ಲೆಂಡ್, ಐರ್ಲೆಂಡ್, ಸ್ಕಾಟ್ಲೆಂಡ್ | ಟಿ20 ವಿಶ್ವಕಪ್ |
| ಅಕ್ಟೋಬರ್ 2031 | ಭಾರತ ಮತ್ತು ಬಾಂಗ್ಲಾದೇಶ | ಏಕದಿನ ವಿಶ್ವಕಪ್ |
-
ಏಷ್ಯಾಕಪ್ ಟೂರ್ನಿ:
| ವರ್ಷ | ಸ್ಥಳ | ಪಂದ್ಯಾವಳಿ |
| ಡಿಸೆಂಬರ್ 2025 | ಭಾರತ | ಟಿ20 ಏಷ್ಯಾಕಪ್ |
| ಸೆಪ್ಟೆಂಬರ್ 2027 | ಬಾಂಗ್ಲಾದೇಶ್ | ಏಕದಿನ ಏಷ್ಯಾಕಪ್ |
-
ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್:
| ವರ್ಷ | ಸ್ಥಳ | ಪಂದ್ಯಾವಳಿ |
| ಜೂನ್ 2025 | ಇಂಗ್ಲೆಂಡ್ | WTC ಫೈನಲ್ |
| ಜೂನ್ 2027 | ನಿರ್ಧಾರವಾಗಿಲ್ಲ | WTC ಫೈನಲ್ |
| ಜೂನ್ 2029 | ನಿರ್ಧಾರವಾಗಿಲ್ಲ | WTC ಫೈನಲ್ |
| ಜೂನ್ 2031 | ನಿರ್ಧಾರವಾಗಿಲ್ಲ | WTC ಫೈನಲ್ |
-
ಕ್ರೀಡಾಕೂಟದ ಕ್ರಿಕೆಟ್ ಪಂದ್ಯಾವಳಿ:
| ವರ್ಷ | ಸ್ಥಳ | ಪಂದ್ಯಾವಳಿ |
| 2026 | ಜಪಾನ್ | ಏಷ್ಯನ್ ಗೇಮ್ಸ್ ಕ್ರಿಕೆಟ್ |
| 2028 | ಅಮೆರಿಕ | ಒಲಿಂಪಿಕ್ಸ್ ಕ್ರಿಕೆಟ್ |
| 2030 | ಖತಾರ್ | ಏಷ್ಯನ್ ಗೇಮ್ಸ್ ಕ್ರಿಕೆಟ್ |
Published On - 12:00 pm, Tue, 30 July 24
