World Cup 2023: 9 ಭಾಷೆಗಳಲ್ಲಿ ಏಕದಿನ ವಿಶ್ವಕಪ್ ನೇರ ಪ್ರಸಾರ

ಏಕದಿನ ವಿಶ್ವಕಪ್ 2023 ರ ಪಂದ್ಯಾಟಗಳು 9 ಭಾಷೆಗಳಲ್ಲಿ ನೇರ ಪ್ರಸಾರವಾಗಲಿದೆ ಎಂದು ಸ್ಟಾರ್​ ಸ್ಪೋರ್ಟ್ಸ್​ ನೆಟ್​ವರ್ಕ್ ತಿಳಿಸಿದೆ. ಇಂಗ್ಲಿಷ್‌ ಹೊರತಾಗಿ ಹಿಂದಿ, ಮರಾಠಿ, ತಮಿಳು, ತೆಲುಗು, ಕನ್ನಡ, ಬೆಂಗಾಲಿ, ಗುಜರಾತಿ ಮತ್ತು ಮಲಯಾಳಂ ಭಾಷೆಗಳ ಮೂಲಕ ವಿಶ್ವಕಪ್​ ಅನ್ನು ವೀಕ್ಷಿಸಬಹುದು.

ಇದಕ್ಕಾಗಿ ಒಟ್ಟು 120 ಕಾಮೆಂಟೇಟರ್‌ಗಳನ್ನು ಈಗಾಗಲೇ ಆಯ್ಕೆ ಮಾಡಲಾಗಿದೆ. ಈ ಪಟ್ಟಿಯಲ್ಲಿ ಖ್ಯಾತ ಕ್ರಿಕೆಟಿಗರಾದ ರಿಕಿ ಪಾಂಟಿಂಗ್, ಇಯಾನ್ ಮೋರ್ಗನ್, ರವಿಶಾಸ್ತ್ರಿ, ಸುನಿಲ್ ಗವಾಸ್ಕರ್, ಶೇನ್ ವ್ಯಾಟ್ಸನ್ ಮತ್ತು ವಕಾರ್ ಯೂನಿಸ್ ಸೇರಿದಂತೆ ಹಲವು ಕಾಣಿಸಿಕೊಳ್ಳಲಿದ್ದಾರೆ.

ಸ್ಟಾರ್ ಸ್ಪೋರ್ಟ್ಸ್​ ಕನ್ನಡದಲ್ಲೂ ನೇರ ಪ್ರಸಾರ:

ಈ ಬಾರಿಯ ಏಕದಿನ ವಿಶ್ವಕಪ್ ಸ್ಟಾರ್ ಸ್ಪೋರ್ಟ್ಸ್ ಕನ್ನಡದಲ್ಲೂ ನೇರ ಪ್ರಸಾರವಾಗಲಿದೆ. ಇದಕ್ಕಾಗಿ ಒಟ್ಟು 14 ಕಾಮೆಂಟೇಟರ್​ಗಳನ್ನು ಆಯ್ಕೆ ಮಾಡಲಾಗಿದೆ. ಈ ಪಟ್ಟಿಯಲ್ಲಿ ಕರ್ನಾಟಕದ ಕ್ರಿಕೆಟಿಗರುಗಳಾದ ವಿಜಯ್ ಭಾರಧ್ವಾಜ್, ಭರತ್ ಚಿಪ್ಲಿ, ವಿನಯ್ ಕುಮಾರ್, ಸುನಿಲ್ ಜೋಶಿ ಮತ್ತು ಪವನ್ ದೇಶಪಾಂಡೆ ಸೇರಿದಂತೆ ಹಲವರು ಕಾಣಿಸಿಕೊಳ್ಳಲಿದ್ದಾರೆ.

ಸ್ಟಾರ್ ಸ್ಪೋರ್ಟ್ಸ್​ ಕನ್ನಡದ ಕಾಮೆಂಟೇಟರ್‌ಗಳ ಪಟ್ಟಿ ಹೀಗಿದೆ:

ಮಧು ಮೈಲಂಕೋಡಿ, ಕಿರಣ್ ಶ್ರೀನಿವಾಸ, ರೂಪೇಶ್ ಶೆಟ್ಟಿ, ವಿಜಯ್ ಭಾರದ್ವಾಜ್, ಭರತ್ ಚಿಪ್ಲಿ, ಶ್ರೀನಿವಾಸ ಮೂರ್ತಿ ಪಿ, ಪವನ್ ದೇಶಪಾಂಡೆ, ಸುನಿಲ್ ಜೋಶಿ, ಅಖಿಲ್ ಬಾಲಚಂದ್ರ, ಜಿಆರ್​ವಿ, ಜಿಕೆ ಅನಿಲ್ ಕುಮಾರ್, ವಿನಯ್ ಕುಮಾರ್, ಸುಮೇಶ್ ಗೋಣಿ, ಶಶಾಂಕ್ ಸುರೇಶ್.

ಹಾಟ್​ಸ್ಟಾರ್​ನಲ್ಲಿ ಉಚಿತ:

ಈ ಬಾರಿಯ ಏಕದಿನ ವಿಶ್ವಕಪ್​ ಅನ್ನು ಡಿಸ್ನಿ ಹಾಟ್​ಸ್ಟಾರ್ ಮೊಬೈಲ್ ಆ್ಯಪ್​ನಲ್ಲಿ ಉಚಿತವಾಗಿ ವೀಕ್ಷಿಸಬಹುದು. ಈ ಅವಕಾಶ ಕೇವಲ ಮೊಬೈಲ್​ ಅಪ್ಲಿಕೇಶನ್​ಗೆ ಮಾತ್ರ ಸೀಮಿತವಾಗಿದೆ. ಅಂದರೆ ಹಾಟ್​ಸ್ಟಾರ್ ವೆಬ್​ಸೈಟ್ ಮೂಲಕ ವೀಕ್ಷಿಸಲು ಚಂದಾದಾರಿಕೆ ಪಡೆಯಬೇಕಾಗುತ್ತದೆ.

9 languages 🗣️ 120+ Starcast ✨ 1 World Cup 🏆

Elevate your experience of the #GreatestGlory with exclusive insights and commentary all tournament long, in the #WorldCupOnStar! 🤩

Don’t miss #CWC2023 on Star Sports Network! pic.twitter.com/e2cCAcArmc

— Star Sports (@StarSportsIndia) October 1, 2023

ಏಕದಿನ ವಿಶ್ವಕಪ್ ಯಾವಾಗ ಪ್ರಾರಂಭ?

ಭಾರತದಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಅಕ್ಟೋಬರ್ 5 ರಿಂದ ಶುರುವಾಗಲಿದೆ. ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಮೊದಲ ಪಂದ್ಯದಲ್ಲಿ ಇಂಗ್ಲೆಂಡ್ ಹಾಗೂ ನ್ಯೂಝಿಲೆಂಡ್ ತಂಡಗಳು ಮುಖಾಮುಖಿಯಾಗಲಿವೆ. ಇನ್ನು ಭಾರತ ತಂಡವು ಅಕ್ಟೋಬರ್ 8 ರಂದು ಆಸ್ಟ್ರೇಲಿಯಾ ವಿರುದ್ಧ ಕಣಕ್ಕಿಳಿಯುವ ಮೂಲಕ ವಿಶ್ವಕಪ್ ಅಭಿಯಾನ ಆರಂಭಿಸಲಿದೆ. ಈ ವಿಶ್ವಕಪ್​ನ ಸಂಪೂರ್ಣ ವೇಳಾಪಟ್ಟಿ ವೀಕ್ಷಿಸಲು ಇಲ್ಲಿ ಕ್ಲಿಕ್ ಮಾಡಿ.