ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಚಿಂದಿ ಚಿತ್ರಾನ್ನ, 7 ವಿಕೆಟ್ಗಳ ಅಂತರದಿಂದ ಭಾರತ ಗೆಲುವು
ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಮತ್ತು ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತ ತಂಡ ಭರ್ಜರಿ ಗೆಲುವು ದಾಖಲಿಸಿದೆ. ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಸರಣಿ ಗೆಲುವಿನ ನಿರ್ಣಾಯಕ ಕದನದಲ್ಲಿ ಭಾರತ 7 ವಿಕೆಟ್ಗಳ ಅಂತರದಿಂದ ಗೆದ್ದು ರಣಕೇಕೆ ಹಾಕಿದೆ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆಸ್ಟ್ರೇಲಿಯಾ ಚಿಂದಿ ಚಿತ್ರಾನ್ನ: ನಿಜ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಗೆಲುವು ದಾಖಲಿಸಿದ್ರೆ, ದ್ವಿತೀಯ ಏಕದಿನ ಪಂದ್ಯ ಗೆದ್ದಿದ್ದ ಕೊಹ್ಲಿ ಪಡೆ ಸಮಬಲ ಸಾಧಿಸಿತ್ತು. ಹೀಗಾಗಿ ಚಿನ್ನಸ್ವಾಮಿಯಲ್ಲಿ ಪಂದ್ಯ ರಣರೋಚಕತೆಯನ್ನ ಕಾಯ್ದುಕೊಂಡಿತ್ತು. ಬೆಂಗಳೂರು ಕಾದಾಟದಲ್ಲಿ ಟಾಸ್ ಗೆದ್ದ ಆಸ್ಟ್ರೇಲಿಯಾ […]
Updated on:Jan 20, 2020 | 2:18 PM
ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಮತ್ತು ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತ ತಂಡ ಭರ್ಜರಿ ಗೆಲುವು ದಾಖಲಿಸಿದೆ. ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಸರಣಿ ಗೆಲುವಿನ ನಿರ್ಣಾಯಕ ಕದನದಲ್ಲಿ ಭಾರತ 7 ವಿಕೆಟ್ಗಳ ಅಂತರದಿಂದ ಗೆದ್ದು ರಣಕೇಕೆ ಹಾಕಿದೆ.
ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಆಸ್ಟ್ರೇಲಿಯಾ ಚಿಂದಿ ಚಿತ್ರಾನ್ನ: ನಿಜ ಮೊದಲ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಗೆಲುವು ದಾಖಲಿಸಿದ್ರೆ, ದ್ವಿತೀಯ ಏಕದಿನ ಪಂದ್ಯ ಗೆದ್ದಿದ್ದ ಕೊಹ್ಲಿ ಪಡೆ ಸಮಬಲ ಸಾಧಿಸಿತ್ತು. ಹೀಗಾಗಿ ಚಿನ್ನಸ್ವಾಮಿಯಲ್ಲಿ ಪಂದ್ಯ ರಣರೋಚಕತೆಯನ್ನ ಕಾಯ್ದುಕೊಂಡಿತ್ತು. ಬೆಂಗಳೂರು ಕಾದಾಟದಲ್ಲಿ ಟಾಸ್ ಗೆದ್ದ ಆಸ್ಟ್ರೇಲಿಯಾ ತಂಡ ಬ್ಯಾಟಿಂಗ್ ಆಯ್ದುಕೊಳ್ಳುತ್ತೆ. ಅದ್ರಂತೆ ಜೋಷ್ನಿಂದ ಬ್ಯಾಟಿಂಗ್ಗಿಳಿದ ಆಸ್ಟ್ರೇಲಿಯಾ ತಂಡ ಆರಂಭದಲ್ಲೇ ಆಘಾತವನ್ನ ಪಡೆಯುತ್ತೆ. ಡೇವಿಡ್ ವಾರ್ನರ್ 3ರನ್ಗೆ ವಿಕೆಟ್ ಒಪ್ಪಿಸ್ತಾರೆ.
ಫಿಂಚ್ಗೆ ರನೌಟ್ ಶಾಕ್ ಕೊಟ್ಟ ಸ್ಮಿತ್ ಶತಕ ವ್ಯರ್ಥ: ವಾರ್ನರ್ ಔಟ್ ಆಗ್ತಿದ್ದಾಗೆ, ನಾಯಕ ಆರೋನ್ ಫಿಂಚ್ ಜವಾಬ್ದಾರಿಯುತ ಬ್ಯಾಟಿಂಗ್ ಮಾಡೋಣ ಅಂತ ಪ್ಲ್ಯಾನ್ ಮಾಡಿಕೊಳ್ತಿರುವಾಗ್ಲೇ ಶಾಕ್ ಕಾದಿತ್ತು. ಮೊಹಮ್ಮದ್ ಶಮಿ ಓವರ್ನಲ್ಲಿ ಆರೋನ್ ಫಿಂಚ್ ರನೌಟ್ ಆಗ್ತಾರೆ. ತನ್ನ ರನೌಟ್ಗೆ ಸ್ಮಿತ್ ಕಾರಣವನ್ನಾಗಿಸಿದ ಫಿಂಚ್ ಮೈದಾನದಲ್ಲಿ ಸ್ಟೀವನ್ ಸ್ಮಿತ್ ಮೇಲೆ ಹರಿಹಾಯ್ತಾರೆ.
ಇನ್ನು 3ನೇ ಕ್ರಮಾಂಕದಲ್ಲಿ ಕ್ರೀಸ್ಗಿಳಿದಿದ್ದ ಸ್ಟೀವ್ ಸ್ಮಿತ್, ಭರ್ಜರಿ ಶತಕ ಸಿಡಿಸಿ ಘರ್ಜಿಸಿದ್ರು. ಬೆಂಗಳೂರು ಮೈದಾನದಲ್ಲಿ 14 ಬೌಂಡ್ರಿ ಹಾಗೂ 1 ಸಿಕ್ಸರ್ ಸಹಿತ 131ರನ್ಗಳನ್ನ ಗಳಿಸಿದ ಸ್ಮಿತ್ ಶತಕ ಕೊನೆಗೂ ವ್ಯರ್ಥವಾಗಿ ಹೋಯ್ತು.
ಇನ್ನು ಮಾರ್ನಸ್ ಅರ್ಧಶತಕ ಗಳಿಸಿದ್ರೆ, ಅಲೆಕ್ಸ್ ಕ್ಯಾರಿ 35ರನ್ಗಳಿಸಿದ್ರು. ಇನ್ನುಳಿದಂತೆ ಆಸಿಸ್ನ ಕೆಳಕ್ರಮಾಂಕದಲ್ಲಿ ಅಷ್ಟೆನೂ ಅಬ್ಬರ ಇರ್ಲಿಲ್ಲ. ಈ ಮೂಲಕ ಆಸ್ಟ್ರೇಲಿಯಾ ನಿಗಧಿತ 50 ಓವರ್ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 286ರನ್ಗಳನ್ನ ಗಳಿಸ್ತು.
4 ವಿಕೆಟ್ ಪಡೆದ ಮೊಹಮ್ಮದ್ ಶಮಿ.. ಜಡ್ಡುಗೆ 2 ವಿಕೆಟ್: ಆಸಿಸ್ ಬ್ಯಾಟ್ಸ್ಮನ್ಗಳನ್ನ ಪತರುಗುಟ್ಟುವಂತೆ ಮಾಡಿದ್ದು ಶಮಿ ಉರಿದಾಳಿ ಬೌಲಿಂಗ್. ಬೆಂಗಳೂರಿನ ಅಖಾಡದಲ್ಲಿ ಕಾಂಗರೂಗಳ ಮೇಲೆ ಬೆಂಕಿ ಚೆಂಡು ಪ್ರಯೋಗಿಸಿದ ಮೊಹಮ್ಮದ್ ಶಮಿ 4 ವಿಕೆಟ್ ಪಡೆದು ಮಿಂಚಿದ್ರು. ಇನ್ನು ರವೀಂದ್ರ ಜಡೇಜಾ 2 ವಿಕೆಟ್ ಪಡೆದು ಕಮಾಲ್ ಮಾಡಿದ್ರು.
ರೋಹಿತ್ ಸೂಪರ್ ಶತಕ.. ಕೊಹ್ಲಿ ಪವರ್ಫುಲ್ ಬ್ಯಾಟಿಂಗ್!
ಆಸ್ಟ್ರೇಲಿಯಾ ನೀಡಿದ್ದ 287ರನ್ಗಳ ಗುರಿ ಬೆನ್ನತ್ತಿದ್ದ ಟೀಮ್ ಇಂಡಿಯಾ ಪರ ರೋಹಿತ್ ಜೊತೆ ಕನ್ನಡಿಗ ಕೆ.ಎಲ್.ರಾಹುಲ್ ಕಣಕ್ಕಿಳಿದಿದ್ರು. ಶಿಖರ್ ಧವನ್ ಫೀಲ್ಡಿಂಗ್ ಮಾಡುವಾಗ ಇಂಜುರಿಯಾದ ಹಿನ್ನೆಲೆ, ರಾಹುಲ್ ಬಂದಿದ್ರು.
ಕನ್ನಡಿಗ ಕೆ.ಎಲ್.ರಾಹುಲ್ 19ರನ್ಗಳಿಸಿ ಔಟಾದ್ರೆ, ವಿರಾಟ್ ಕೊಹ್ಲಿ 89ರನ್ಗಳಿಸಿ ತಂಡವನ್ನ ಗೆಲುವಿನ ದಾರಿಗೆ ಕೊಂಡೊಯ್ದದ್ರು. ಇನ್ನು ಶ್ರೇಯಸ್ ಐಯ್ಯರ್ ಅಜೇಯ 44ರನ್ಗಳಿಸಿದ್ರೆ, ಕನ್ನಡಿಗ ಮನೀಶ್ ಪಾಂಡೆ ಅಜೇಯ 8ರನ್ಗಳಿಸುವ ಮೂಲಕ ಬೌಂಡ್ರಿ ಶಾಟ್ನಿಂದ ಮ್ಯಾಚ್ ವಿನ್ನಿಂಗ್ ಮಾಡ್ತಾರೆ.
ಈ ಮೂಲಕ ಭಾರತ 3 ವಿಕೆಟ್ ನಷ್ಟಕ್ಕೆ 47.3 ಓವರ್ನಲ್ಲಿ 289ರನ್ಗಳಿಸುವ ಮೂಲಕ 7 ವಿಕೆಟ್ಗಳ ಅಂತರದಿಂದ ಗೆಲುವು ಸಾಧಿಸುತ್ತೆ. ಬೆಂಗಳೂರು ತಂದ ಭಾಗ್ಯದಿಂದ ಭಾರತ ತಂಡ ಆಸಿಸ್ ವಿರುದ್ಧ ಸರಣಿ ಗೆದ್ದು, ವಿಜಯದ ಕಹಳೆಯನ್ನ ಊದಿದೆ. ರೋಹಿತ್ ಶರ್ಮಾ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದ್ರೆ, ವಿರಾಟ್ ಕೊಹ್ಲಿ ಸರಣಿ ಶ್ರೇಷ್ಟ ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
Published On - 7:01 am, Mon, 20 January 20
