Video: ಮುಗಿಲೆತ್ತರದಲ್ಲಿ ಹಾರಾಡುತ್ತಿದ್ದ ಹೆಲಿಕಾಪ್ಟರ್ ಕಂಡು ಪುಟ್ಟ ಮಕ್ಕಳಂತೆ ಕುಣಿದಾಡಿದ ವ್ಯಕ್ತಿ

ವಯಸ್ಸು ಆದ್ರೂ ಮನಸ್ಸು ಮಗುವಿನಂತೆಯೇ ಇರುತ್ತದೆ. ಆದರೆ ಕೆಲವೊಮ್ಮೆ ತಮಗೆ ಅರಿಯದೇನೇ ನಾವು ಮಕ್ಕಳಾಗಿ (children) ಬಿಡುತ್ತೇವೆ. ಸಣ್ಣ ಸಣ್ಣ ವಿಷ್ಯಗಳನ್ನು ಮಕ್ಕಳಂತೆ ಸಂಭ್ರಮಿಸುತ್ತೇವೆ. ಇದೀಗ ವ್ಯಕ್ತಿಯೊಬ್ಬರು ಮುಗಿಲೆತ್ತರದಲ್ಲಿ ಹಾರಾಡುತ್ತಿದ್ದ ಹೆಲಿಕಾಪ್ಟರ್ ಕಂಡು ಪುಟ್ಟ ಮಕ್ಕಳಂತೆ ಕುಣಿದಾಡಿದ್ದಾರೆ. ಬೈ ಬೈ ಎಂದು ಹೇಳುತ್ತಾ ಮನೆ ಮೇಲಿಂದ ಹಾದು ಹೋದ ಹೆಲಿಕಾಪ್ಟರ್ ಕಂಡು ಖುಷಿ ಪಟ್ಟಿದ್ದಾರೆ. ಈ ದೃಶ್ಯ ವೈರಲ್ ಆಗುತ್ತಿದ್ದಂತೆ ನೆಟ್ಟಿಗರು ತಮ್ಮ ಬಾಲ್ಯದ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಮೈಸೂರು ಭಟ್ರೇ (mysuru bhatree) ಹೆಸರಿನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ವಿಡಿಯೋ ಹಂಚಿಕೊಳ್ಳಲಾಗಿದೆ. ಈ ಕ್ಲಿಪಿಂಗ್ ನಲ್ಲಿ ವ್ಯಕ್ತಿಯೊಬ್ಬರು, ಮನೆ ಮೇಲಿದ್ದ ಹಾದು ಹೋಗುತ್ತಿರುವ ಹೆಲಿಕಾಪ್ಟರ್ ಸದ್ದು ಕಿವಿಗೆ ಅಪ್ಪಳಿಸುತ್ತಿದ್ದಂತೆ ಓಡೋಡಿ ಬಂದಿದ್ದಾರೆ. ಪುಟ್ಟ ಮಕ್ಕಳಂತೆ ಬಾನೆತ್ತರಲ್ಲಿ ಹೆಲಿಕಾಪ್ಟರ್ ನೋಡುತ್ತಾ ಟಾಟಾ ಮಾಡುತ್ತಾ ನಿಂತಿರುವುದನ್ನು ನೋಡಬಹುದು. ಆ ಕ್ಷಣವನ್ನು ಮೊಬೈಲ್ ಕ್ಯಾಮೆರಾದಲ್ಲಿ ಸೆರೆಹಿಡಿಯುತ್ತಿದ್ದ ಯುವತಿ,  ಅವರು ಯಾರು ಎಂದು ಕೇಳಿದ್ದಾರೆ. ಆ ವ್ಯಕ್ತಿ ಆ ಪೈಲೆಟ್ ನನ್ನ ಫ್ರೆಂಡ್ ಕಣೆ, ಆ ಅಣ್ಣ ನಂಗೆ ಟಾಟಾ ಮಾಡಿದ್ರು ಎಂದು ನಗುತ್ತಾ ಹೇಳಿದ್ದಾರೆ.

ವೈರಲ್ ವಿಡಿಯೋ ಇಲ್ಲಿದೆ

View this post on Instagram

A post shared by V V Bhat (@mysuru_bhatree)

ಇದನ್ನೂ ಓದಿ: ಅಪ್ಪ ಎಲ್ಲಿ ಎಂದು ಕೇಳ್ಬೇಡ, ಅಮ್ಮನನ್ನ ಚೆನ್ನಾಗಿ ನೋಡಿಕೋ, ಕ್ಯಾನ್ಸರ್​ನಿಂದ ಕಣ್ಮುಚ್ಚುವ ಮುನ್ನ ಮಗನಿಗೆ ಧೈರ್ಯ ತುಂಬಿದ ತಂದೆ

ಈ ವಿಡಿಯೋ ಎರಡು ಲಕ್ಷಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದುಕೊಂಡಿವೆ. ಒಬ್ಬ ಬಳಕೆದಾರ, ದೇಹಕ್ಕೆ ಎಷ್ಟೇ ವಯಸ್ಸಾದ್ರೂ, ಮನಸ್ಸು ಮಗು ತರಹನೇ ಇರುತ್ತೆ ಎಂದಿದ್ದಾರೆ. ಇನ್ನೊಬ್ಬರು, ಎಷ್ಟು ಖುಷಿ ನೋಡಿ ಈ ಭಟ್ರಿಗೆ, ಅದರಲ್ಲಿ ಸಂತೋಷ, ಆತ್ಮತೃಪ್ತಿ ಕಂಡುಕೊಂಡ್ರು. ನಿಮ್ಮ ಹಾಗೆ ಇರಬೇಕು ಅನಿಸುತ್ತೆ ಎಂದು ಹೇಳಿದ್ದಾರೆ. ಮತ್ತೊಬ್ಬರು, ಮುಗ್ಧತೆಯ ಮಹಾಪೂರ ಎಂದು ಕಾಮೆಂಟ್ ಮಾಡಿದ್ದಾರೆ.

ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 2:20 pm, Thu, 6 August 26